Hope-UAE Social services

பெங்களூரை சேர்ந்த 38 வயதான ரிச்சர்ட்…
வாழ்க்கையின் கனவுகளும், பொறுப்புகளும் நிறைந்திருக்க வேண்டிய ஒரு மனிதர்…

மே 11ஆம் தேதி துயரமான முடிவை எடுத்தார்.
அவர் துபாயில் வேலை செய்து கொண்டிருந்தார் —

நம்மில் பலர் போலவே குடும்பத்திற்காக வெளிநாட்டில் போராடிய ஒருவர்…

ஆனால், அவர் மனதில் நடந்த போராட்டங்களை யாரும் உணரவில்லை.

தற்கொலை என்பது ஒரு குடும்பத்திற்கு பெரிய துயரம்

ஆனால் அதற்குப் பிறகு ஆரம்பமாகும் இன்னொரு கடினமான பயணம் —

அவரின் உடலை தாய்நாட்டிற்கு கொண்டு வருவது.

துபாயிலிருந்து உடலை இந்தியாவிற்கு (பெங்களூர்) அனுப்புவது (Repatriation)
எளிதான செயல்முறை அல்ல.

ஆவணங்கள், அனுமதிகள், அலுவலக நடைமுறைகள், தொடர்ச்சியான பின்தொடரல்கள் —
இவை அனைத்தும் மிகுந்த பொறுமையும் உழைப்பையும் தேவைப்படுகின்றன.

இந்த வழக்கும் அதேபோல சிரமங்களால் நிரம்பியதாக இருந்தது.

ஆனால் இந்த சிரமங்களின் நடுவிலும் மனிதநேயம் தோல்வியடையவில்லை.

எங்கள் Hope Team உறுப்பினர் நியாஸ்,
அவருடன் ஷ்யாமளா,
இந்த பொறுப்பை ஒரு வேலை என்று அல்ல —
ஒரு மனித கடமை என்று எடுத்துக்கொண்டார்கள்.

ஒவ்வொரு தடையையும் தாண்டி,
ஒவ்வொரு ஆவணத்தையும் தொடர்ந்து பின்தொடர்ந்து,
அவர்கள் காட்டிய அர்ப்பணிப்பு மற்றும் முயற்சி — உண்மையிலேயே பாராட்டத்தக்கது.

இன்று…
பல நாட்கள் போராட்டத்திற்குப் பிறகு —
ரிச்சர்டின் உடல் துபாயிலிருந்து பெங்களூருக்கு அனுப்பப்பட்டுள்ளது.

துயரத்தில் காத்திருந்த குடும்பத்தினருக்கு…
இப்போது குறைந்தபட்சம் அவரை கடைசியாக பார்க்கும் வாய்ப்பு கிடைத்துள்ளது.
இது ஒரு சாதாரண செயல் அல்ல.

இப்படிப்பட்ட தருணங்களே — மனிதம் இன்னும் உயிருடன் இருக்கிறது என்பதை உணர்த்துகின்றன.

நம்மைச் சுற்றியுள்ளவர்களை கவனிப்போம்…

ஒரு சிறிய உரையாடல் கூட ஒரு உயிரைக் காப்பாற்றலாம்.
அமைதியாக உறங்குங்கள் ரிச்சர்ட்…
நீங்கள் உங்கள் வீட்டிற்கு திரும்பி செல்கிறீர்கள். 🙏

மே 14ஆம் தேதி Hope-UAE Social services சார்பாக நடைபெற்ற இரத்ததான முகாம்,

புர்ஜுமான் மாலுக்கு எதிரே, Baraak Restaurant அருகில் நடைபெற்ற இந்த முகாமில் ஏராளமானோர் உற்சாகமாக கலந்து கொண்டு தங்களின் இரத்தத்தை தானமாக வழங்கினர்.

குறிப்பிட்ட நேரத்தை விட முன்னதாகவே பலர் வந்து தன்னார்வத்துடன் இரத்ததானம் செய்ததால், இரவு 9 மணி வரை நடைபெற வேண்டிய முகாம் 7:30 மணிக்கே வெற்றிகரமாக நிறைவடைந்தது.

இந்த முகாமை ஹோப் தன்னார்வலர்கள் Mohammed Illeyas மற்றும் ஆகியோர் சிறப்பாக வழிநடத்தினர்.

ஹோப் உறுப்பினர்கள் அனைவரின் ஒருங்கிணைப்பும், ஒத்துழைப்பும் இந்த நிகழ்ச்சியை சிறப்பாக மாற்றியது.

மேலும், பராக் உணவகத்தின் உரிமையாளர் திரு. கண்ணன் ரவி அவர்கள், தங்களது உணவக வசதிகளை (கழிவறை உள்ளிட்டவை) பயன்படுத்த அனுமதி வழங்கியதற்காக அவர்களுக்கு எங்களது மனமார்ந்த நன்றிகள்.

---

❤️ இரத்ததானம் – உயிர் காப்போம்

இரத்ததானம் என்பது ஒரு சாதாரண செயல் அல்ல — அது ஒருவரின் உயிரை காப்பாற்றும் அரிய பரிசு.

இரத்ததானத்தின் முக்கிய நன்மைகள்:

🩸 உயிர் காக்கும் தருணம்: ஒரு தானம் பல உயிர்களை காப்பாற்றும்.

❤️ இதய ஆரோக்கியம்: இரத்தத்தில் உள்ள இரும்புச் சத்து அளவை கட்டுப்படுத்தி இதய நோய் அபாயத்தை குறைக்க உதவும்.

🔄 புதிய இரத்த உருவாக்கம்: உடலில் புதிய இரத்த அணுக்கள் உருவாக உதவும்.

🧠 மனநிறைவு: ஒருவரின் உயிரை காப்பாற்றிய உணர்வு அளிக்கும் மன அமைதி.

🩺 ஆரோக்கிய பரிசோதனை: தானம் செய்வதற்கு முன் உடல் நிலை பரிசோதிக்கப்படுவதால், உடல்நிலை பற்றிய விழிப்புணர்வு கிடைக்கும்.

---

இரத்ததானம் செய்த அனைத்து கொடையாளர்களுக்கும், Hope Volunteer குடும்பத்தினருக்கும், உங்கள் நண்பர்கள் மற்றும் உறவினர்கள் அனைவருக்கும் எங்கள் இதயபூர்வமான நன்றிகள். நீங்கள் செய்த இந்த உதவி, பலரின் வாழ்க்கையில் நம்பிக்கையாக மாறும்.

“நாம் கொடுக்கும் ஒரு துளி இரத்தம்… ஒருவரின் முழு வாழ்க்கையாக மாறும்.”

இதே உற்சாகத்துடன், இன்னும் பல நல்ல செயல்களில் அனைவரும் இணைவோம் 💫

#ஹோப்

வாருங்கள்... மனிதாபிமானத்தால் ஒன்றிணைவோம்! ஒரு உயிர் காக்க நம் கரம் கோர்ப்போம்!"

​📍 Location: Next to Baraak Restaurant, Opposite BurJuman Mall
​📅 Date: 14/05/2026
​🕓 Time: 4:00 PM – 8:00 PM
​🆔 Note: Please bring your Emirates ID.
​Hashtags:
DubaiEvents GiveBlood BeAHero RathaDhaanam

🎤 Bathroom Singers 2 is BACK! 🎤

Yes… you heard it right!
After the success of our first event, we’re coming back with a BANG — bigger, louder, and way more fun! 💥

👀 Who is this event for?

Professional singers?
Part-time singers?
❌ Nope!

👉 This is for YOU — the audience!

🎶 Bathroom Singers is specially for those who:
• Feel shy to sing on stage
• Love music but never got a chance
• Just want to enjoy without judgment

🎵 Music vibes:
Mostly Tamil songs 🇮🇳✨ with a few Hindi favourites too 🎶

And guess what?

😌 There is NO stage.
🎤 It’s all about group singing & karaoke vibes

✨ Let the stress out
✨ Sing along with the crowd
✨ Bring out the child in you

📍 Venue: Sports Bay, Karama, Dubai
📅 Date: 9th May
⏰ Time: 7:30 PM – 10:00 PM
🎟 Entry: Strictly ticketed
💰 Only 20 AED (with food!)
🔥 Limited spots — don’t miss out!

📲 For tickets WhatsApp: 0553447690

👉 Register now and be part of the most fun, carefree singing night in town!

**ஒரு உடல்… யாரும் வராத மோர்ச்சரி…
ஆனால் இறுதியில் மனிதநேயம் வென்றது!**

ராஜஸ்தானை சேர்ந்த **பால்பீர் நாயக்**…
சில நாட்களுக்கு முன்பு தான் துபாய்க்கு வந்தவர்…

கனவுகள் நிறைந்த கண்கள்… குடும்பத்திற்காக பெரிய ஆசைகள்…

ஆனால் ஒரு கணத்தில்… இதயஅட்டாக்… வாழ்க்கை முடிந்து விட்டது.

அதற்குப் பிறகு நடந்தது தான் இன்னும் வேதனை…

பல நாட்கள்…
அவரது உடல் மோர்ச்சரியில் யாரும் வராமல்…
யாருக்கும் தெரியாமல்…
ஒரு பெயரில்லா மனிதனாக கிடந்தது…

ஒரு மனிதன்…
வாழ்ந்த போது யாருக்காக போராடினாரோ…
அவரை தேட யாரும் இல்லாத நிலை…

அந்த நேரத்தில் துபாய் போலீஸ் எங்களை தொடர்பு கொண்டது…
“இந்த மனிதரின் குடும்பத்தை கண்டுபிடிக்க முடியுமா?” என்று…

ஒரு நிமிஷம் கூட யோசிக்கவில்லை…
அவரது பாஸ்போர்ட் நகலை ஃபேஸ்புக்கில் பகிர்ந்தேன்…

அதற்குப் பிறகு…
**ஒரு அற்புதம் நடந்தது!**

Vimalaadhithan Mani Vîgnesh Freebird , D Malar K
Gurumurthy Veluchamy Brindha Govindan Nawash Khan
என பல பேர் அந்த அந்த குடும்பத்தை கண்டுபிக்க உதவினர்

அவர்களின் தொடர்பு எண்களை எங்களிடம் கொடுத்தார்கள்

ஒரு குடும்பத்துக்கு இந்த செய்தியை சொல்ல வேண்டிய தருணம்…
அது வார்த்தைகளால் சொல்ல முடியாத வலி…
ஒரு அழைப்பில்… ஒரு உலகம் உடைந்து போகும்…

ஆனால் அதுவும் நம்முடைய கடமை…

அதற்குப் பிறகு…
Hope-UAE Social services குழுவின் ஷ்யாமளா, Niyaz Ahmed —
நாள் இரவு பாராமல் ஓடினார்கள்…

மரண சான்றிதழ்…
ஃபோரன்ஸிக் ரிப்போர்ட்…
எம்பஸ்சி நடைமுறைகள்…
ஒவ்வொரு படியும் எளிதானது இல்லை…

ஒவ்வொரு கதவும் தட்டினோம்…
ஒவ்வொரு கையையும் கேட்டோம்…

அந்த நேரத்தில்…
ஒரு பழைய நினைவு… ஒரு நல்ல மனசு…

முன்னொரு சம்பவத்தில், ராஜஸ்தானை சேர்ந்த ஒருவர் இறந்த போது அவருடைய உறவினர் நம்முடன் சேர்ந்து உதவினார் அப்போது அடுத்த முறை ஏதேனும் உதவி என்றால் கேளுங்கள் என்று சொல்லி இருந்தார்
அவர் பெயர்
**விகாஸ்**…

அவரை தொடர்பு கொண்டு உதவ முடியுமா என்று கேட்டோம்

இந்த முறை… அவர் சொன்னதை நிரூபித்தார்…

அவரது பெயரில் கடிதம் பெற்று,
அரசு அலுவலகங்களில் ஓடி,
ஒவ்வொரு ஆவணத்தையும் செய்து,
உடலை ரிலீஸ் செய்ய முக்கிய பங்கு வகித்தார்…

👉 இன்று…
யாரும் வராமல் கிடந்த அந்த உடல்…
அனைத்து சவால்களையும் கடந்து…
அவரது குடும்பத்திடம்… இந்தியாவில் சேர்ந்து விட்டது…

ஒரு குடும்பம்…
காத்திருந்த உடலை இறுதியாக பார்த்திருக்கிறது…

**ஒரு மனிதன் இறந்தாலும்…
அவன் தனியாக இல்லை…
அவனை தேடி வரும் மனிதநேயம் இருக்கிறது…
என்பதை இந்த சம்பவம் மீண்டும் நிரூபித்தது!**

இது எங்களின் சாதனை இல்லை…
இது மனிதநேயத்தின் வெற்றி…

ராமேஷ்வர்… வயது 43.

தன் குடும்பத்திற்காக வெளிநாட்டில் உழைத்து கொண்டிருந்த ஒரு சாதாரண மனிதர்…

துபாயில் உள்ள ஒரு நிறுவனத்தில் தினமும் போலவே அவர் தனது வேலைகளை செய்து கொண்டிருந்தார்.

அந்த நாளும் சைட்டில் வேலை செய்து கொண்டிருந்தபோது திடீரென அவருக்கு தலைசுற்றல்… அதோடு நெஞ்சு வலி…

அந்த வலியை யாரிடமும் சொல்லாமல், ஒருவேளை “சிறிது ஓய்வு எடுத்தால் சரியாகிவிடும்” என்று நினைத்தாரோ…
அல்லது “வண்டியில் மருத்துவமனைக்கு போய்விடலாம்” என்று எண்ணியிருப்பாரோ…
அவர் அமைதியாக தனது வாகனத்தில் சென்று அமர்ந்தார்.

ஆனால்…
அந்த வாகனம் அவருக்கு மருத்துவமனைக்கு செல்லும் பாதையாக இல்லை…

அது அவருடைய வாழ்க்கையின் கடைசி இடமாகி விட்டது…

துரதிர்ஷ்டவசமாக, வாகனத்திலேயே அவர் உயிரிழந்தார்…

அருகில் இருந்தவர்களிடம் ஒரு வார்த்தை சொல்லியிருந்தால்…

ஒரு நிமிடம் உதவி கேட்டிருந்தால்…

இன்று இந்த நிலைமையே இருக்காமல் இருந்திருக்குமோ.....

அவருடைய குடும்பம்…
அவரை எதிர்பார்த்து காத்திருந்த கண்கள்…
ஒரு தொலைபேசி அழைப்புக்காக காத்திருந்த அன்பு…

இப்போது அந்த செய்தியை ஏற்றுக்கொள்ள வேண்டிய நிலை…

இது ஒரு குடும்பத்தின் இதயத்தை உடைக்கும் தருணம்…

இறந்த உடலை சொந்த ஊருக்கு அனுப்ப உதவி கேட்டு அவர்கள் Hope-UAE Social services குழுமத்தை அணுகினர்.
அந்த நேரத்தில், சியாமளா, Niyaz Ahmed மற்றும் நான் இணைந்து

தேவையான அனைத்து ஆவணங்களையும் விரைவாக தயார் செய்து
அவருடைய உடலை பாதுகாப்பாக ஊருக்கு அனுப்புவதற்கான ஏற்பாடுகளை செய்தோம்.

இன்று மாலை…
ராமேஷ்வர் அவர்களின் உடல்…
அவருடைய சொந்த மண்ணை நோக்கி பயணம் செய்கிறது…

ஒரு மனிதர்…
ஒரு கணவர்…
ஒரு தந்தை…
ஒரு மகன்…

இப்போது நினைவுகளாக மட்டும் மாறி விட்டார்…
வாழ்க்கை எவ்வளவு நிலையற்றது என்பதை மீண்டும் நினைவூட்டும் ஒரு நிகழ்வு இது…

நமக்கு உடல் கூறும் சின்ன சின்ன அறிகுறிகளையும் நாம் அலட்சியம் செய்யக் கூடாது…

அவருடைய ஆன்மா சாந்தியடைய இறைவனை வேண்டுகிறோம்…

அவருடைய குடும்பத்திற்கு இந்த இழப்பை தாங்கும் வலிமையை இறைவன் அளிக்கட்டும்…

ஒரு பாரமான இதயத்தோடு இந்தப் பதிவை நான் பகிர்கிறேன்.

11 வயதே ஆன அந்தச் சிறுவன்... துடிப்புள்ள ஒரு குழந்தை, திடீரென கோமா நிலைக்குச் சென்று, பின் 'மூளைச்சாவு' (Brain Dead) அடைந்ததாக மருத்துவர்கள் அறிவித்தபோது அந்தப் பெற்றோரின் உலகம் அப்படியே இருண்டு போனது.

அந்த இக்கட்டான சூழலில் அவர்கள் HOPE UAE-வை நாடி வந்தார்கள். தன் மகனின் உடல் உறுப்புகளைத் தானம் செய்ய மனம் வராத அந்தப் பெற்றோரின் உணர்வுகளுக்கு மதிப்பு கொடுத்து, அவர்கள் விருப்பப்படியே 'Life Support' நீக்கப்பட்டது. தன் கண் முன்னே தன் மகன் பிரிவதைப் பார்க்கும் அந்த வலி... அதை வார்த்தைகளால் விவரிக்க முடியாது.

அதன்பிறகு எங்களுடைய ஓட்டம் தொடங்கியது. நியஸ் Niyaz Ahmed ஷியாமளா (Shyamala) மற்றும் நான் என எங்கள் குழுவினர், அந்தப் பெற்றோரோடு ஒரு வாட்ஸ்அப் குழுவை உருவாக்கி ஒவ்வொரு அடியையும் கவனமாக நகர்த்தினோம். காவல்துறையின் அனுமதி, தடையற்ற சான்றிதழ (Forensic), மரணச் சான்றிதழ், தூதரக ஆவணங்கள், கார்கோ கிளியரன்ஸ், எம்பாமிங், சவப்பெட்டி என அத்தனை நடைமுறைகளையும் மிக விரைவாக முடித்தோம். அந்தப் பிஞ்சு உடல் தன் சொந்த மண்ணிற்குச் செல்ல எந்தத் தடையும் இருக்கக்கூடாது என்பதில் உறுதியாக இருந்தோம்.

இன்று இரவு, அந்தச் சிறுவனின் உடல் துபாயில் இருந்து கோயம்புத்தூருக்குப் பயணிக்கிறது. அவனோடு அவனது குடும்பத்தினரும் அதே விமானத்தில் செல்கிறார்கள். நாளை காலை கோவையின் மண்ணில் அவனது இறுதிச் சடங்குகள் நடைபெற்று, அவன் நிரந்தரமாக உறங்கப் போகிறான்.

இறைவனின் கணக்குகள் சில சமயம் நமக்குத் தெரிவதில்லை. ஆனால், அந்தப் பெற்றோருக்குத் தோள் கொடுக்க முடிந்தது எங்களின் கடமையாகக் கருதுகிறோம். அந்தச் சிறுவனின் ஆன்மா சாந்தியடைய அனைவரும் வேண்டிக்கொள்வோம்.

அன்பு மட்டுமே இந்த உலகத்தைத் தாங்கிப் பிடிக்கிறது.

Rest in peace, little prince
Hope-UAE Social services
Hope Volunteer