18/10/2026
پردیس کی زندگی اور محنت کی کہانی ❤️🥀
جب انسان پردیس میں آتا ہے نا، تو اس کی زندگی کا مقصد صرف ایک رہ جاتا ہے: اپنے ماں باپ، بیوی بچوں اور فیملی کے لیے زیادہ سے زیادہ محنت کرنا، تاکہ وہ اپنی فیملی کو بہتر زندگی دے سکے، انہیں تمام ضروری سہولیات فراہم کر سکے اور ان کے چہروں پر خوشیاں لا سکے۔ ❤️
ہر پردیسی بھائی کی یہی کوشش ہوتی ہے کہ وہ چھٹی نہ کرے، کیونکہ اسے معلوم ہوتا ہے کہ ایک دن کی چھٹی کا مطلب ایک دن کی کمائی کا نقصان بھی ہو سکتا ہے۔ اسی لیے بہت سے پردیسی بھائی اپنی تھکن، پریشانی اور تکلیف کو بھلا کر دن رات محنت کرتے ہیں۔
الحمدللہ، آج تقریباً تین سال بعد میں نے کام سے چھٹی کی ہے۔ ❤️🇦🇪
جب سے دبئی آیا ہوں، کام کو کام سمجھ کر کیا ہے۔ ہمیشہ یہی کوشش کی ہے کہ اپنی ذمہ داریاں پوری ایمانداری اور محنت سے نبھاؤں۔ محنت کرنا ہمارے اختیار میں ہے، لیکن اس محنت کا پھل دینا اللہ تعالیٰ کے اختیار میں ہے، اور میرا یقین ہے کہ اللہ تعالیٰ کسی کی سچی محنت ضائع نہیں کرتا۔ 🤲❤️
دوستو! آپ سب جو پردیس میں رہتے ہیں، میری آپ سب سے یہی گزارش ہے کہ دل لگا کر محنت کریں، اپنے مقصد کو کبھی نہ بھولیں، فضول خرچی سے بچیں اور آہستہ آہستہ اپنے کاروبار کی طرف بڑھنے کی کوشش کریں، تاکہ ایک دن آپ کو کسی اور کے لیے نہیں بلکہ اپنے لیے کام کرنے کا موقع ملے۔
یاد رکھیں، پردیس میں گزارا ہوا ہر دن، ہر رات کی جاگی ہوئی نیند اور ہر قطرۂ پسینہ اپنے پیچھے ایک کہانی چھوڑ جاتا ہے۔
محنت ہم کریں گے، کوشش ہم کریں گے، لیکن بھروسہ صرف اللہ کی ذات پر رکھیں گے۔ 🤲
اللہ تعالیٰ تمام پردیسی بھائیوں کی محنت قبول فرمائے، ان کے رزق میں برکت عطا فرمائے، ان کے والدین کو صحت و سلامتی دے، ان کی بیوی بچوں کو خوش رکھے اور ہر پردیسی کو عزت، حلال رزق اور اپنے گھر والوں کے ساتھ سکون والی زندگی نصیب فرمائے۔
آمین ثم آمین یا رب العالمین۔ ❤️🤲
#الحمدللہ
