English common proverbs with pashto translation

بدملګری

د علي ابن ابي طالب رضي الله عنه پلار او د رسول الله تره ابوطالب د مرګ په بستر پروت و، رسول الله صلی الله علیه وسلم ورته وویل: ای تره! لا اله الا الله، ووایه چې د اخرت په ورځ یې ستا د نجات دلیل وګرځوم، خو د ابوطالب بدوملګرو (امیه او ابوجهل) ورته کړه: د خپل پلار عبد المطلب لاره مه پریږده، ابوطالب اسلام ونه مانه او د خپل پلار په دین ومړ. د بدملګري اغیز دومره زیات وي چې ابو طالب د خپل پیغمبر وراره خبره ونه منله خو د خپلو بدو ملګرو خبره یې ومنله! .

یادونه: د الله په لور پروګرام ستاسو فېسبوک وال ته په زړه پوري، کره او ګټور معلومات درلیږدوي لطفاً د دې لینک له لاري په دې پروګرام کې ګډون وکړئ: http://zdakra.com/pand/

د بېلاري خلکو ملګرتیا مه کوئ

قرانکریم وایي: وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ ۖ. الكهف 28. له هغه چا سره ځان ته صبر ورکړه چې سهار او ماښام خپل څښتن یادوي او د هغه رضا غواړي.
د همدې ایت په پای کې وایي:
وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ. یعني د هغه چا پیروي مه کوه چې موږ د هغه زړه زموږ له ذکر نه غافل کړی دی او هغه د خپل نفس پیروي پیل کړې ده.

په لومړۍ خبره کې له نېکانو او صالح خلکو سره د اوسیدلو امر شوی دی، په دویمه کې د هوا او نفس پرست انسان د مخالفت امر شوی دی، په قراني اسلوب کې نېکان خلک جمعه یاد شوي دي (الذین یدعون ربهم) او نفس پرست او بېلاري کس مفرد یاد شوی دی (من اغفلنا قلبه)، مطلب دا دی چې د یوه بېلاري کس پیروي مو هم د نېکانو او صالح خلکو له ډلي راایستلی شي، بناءً له بدو خلکو سره اړیکي مه نیسئ او له ملګرتیا یې لیري ګرځئ.

یادونه: د الله په لور پروګرام ستاسو فېسبوک وال ته په زړه پوري، کره او ګټور معلومات درلیږدوي لطفاً د دې لینک له لاري په دې پروګرام کې ګډون وکړئ: http://zdakra.com/pand/

مومن نه دی

عبد الله بن عباس رضي الله عنه وايي له رسول الله صلی الله علیه وسلم نه مې اوریدلي فرمایل یې: هغه کس مومن نه دی چې خپله کیډه مړوي او څنګ ته ګاونډی یې وږی وي. عَنِ ابْنِ عَبَّاسٍ - رَضِيَ اللَّهُ عَنْهُمَا - قَالَ : سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ : لَيْسَ الْمُؤْمِنُ بِالَّذِي يَشْبَعُ وَجَارُهُ جَائِعٌ إِلَى جَنْبِهِ " . رَوَاهُ الْبَيْهَقِيُّ فِي شُعَبِ الْإِيمَانِ و الطبراني في الكبير والحاكم في المستدرك و صححه الذهبي.

یادونه: د الله په لور پروګرام ستاسو فېسبوک وال ته په زړه پوري، کره او ګټور معلومات درلیږدوي لطفاً د دې لینک له لاري په دې پروګرام کې ګډون وکړئ: http://zdakra.com/pand/

ښه خاتمه

د عبد الله بن عباس رضي الله عنهما په یوه روایت کې راغلي: له رسول الله ﷺ ساره په حج کې یو سړی ملګری و هغه له اوښي ولویدی او مړ شو، رسول الله صلی الله علیه وسلم وفرمایل: فإنه يبعث يوم القيامة ملبيا، دا سړی به په اخرت کې په داسې حال کې راپورته کیږي چې تلبیه به وایي، علم الدين البِرْزَالي (665-739) رحمه الله حافظ، لوی محدث او تاریخپوه تېر شوی دی، د ده په ژوند لیک کې راغلي دي د ده شاګردانو ویلي: ده به چې کله دا حدیث موږ ته ویلې زړه به یې نرم او په ژړا به شو، د الله جل جلاله شان ته ګوره پخپله دی هم د حج په مهال په احرام کې په خلیص نومي ځای کې مړ شو!.(العقود الدرية) .

یادونه: د الله په لور پروګرام ستاسو فېسبوک وال ته په زړه پوري، کره او ګټور معلومات درلیږدوي لطفاً د دې لینک له لاري په دې پروګرام کې ګډون وکړئ: http://zdakra.com/pand/

لوږه او وېره

په کومو خلکو کې چې د ناشکري ناروغي زیاته شي او د الله د ورکړیو نعمتونو قدر ونه کړي دې خلکو ته الله جل جلاله په دنیا کې دوه سزاوې ټاکلې دي: لوږه او وېره، لکه قرانکریم د مشرکینو په اړه وایي: فَكَفَرَتْ بِأَنْعُمِ اللَّهِ فَأَذَاقَهَا اللَّهُ لِبَاسَ الْجُوعِ وَالْخَوْفِ بِمَا كَانُوا يَصْنَعُونَ . النحل112. یعني هغوی د الله د نعمتونو انکار وکړ، نو الله د دوی د کړنو لامله دوی ته د وېري جامې ورواغوستلې او لوږه یې وروڅکله.

یادونه: د الله په لور پروګرام ستاسو فېسبوک وال ته په زړه پوري، کره او ګټور معلومات درلیږدوي لطفاً د دې لینک له لاري په دې پروګرام کې ګډون وکړئ: http://zdakra.com/pand/