Akademia e Sigurisë

07/10/2026

04/10/2026

“Akademia e Sigurisë thellon bashkëpunimin me partnerët italianë për arsimin dhe formimin policor”

Në ambientet e Akademisë së Sigurisë, Rektori Prof. Dr. Ilirjan Mandro zhvilloi një takim me z. Fulvio Manco, Ekspert për Sigurinë pranë Ambasadës Italiane në Tiranë, dhe z. Ferdinando Rucco, Ekspert Ndërkombëtar për Hetimin Financiar dhe përfaqësues i Projektit EU4LAW, si dhe përfaqësues të Akademisë së Sigurisë. Takimi u zhvillua në kuadër të forcimit dhe zgjerimit të bashkëpunimit me institucionet homologe italiane në fushën e arsimit dhe formimit policor.
Gjatë takimit u diskutua për mundësi konkrete të përfshirjes së studentëve dhe stafit akademik në programe dhe kurse të specializuara në akademinë Superiore në Romë si dhe për organizimin e trajnimeve për personelin e Policisë së Shtetit në fusha si rendin publik, policinë shkencore, hetimin e krimit kibernetik, policinë rrugore, kontrollin e territorit dhe luftën kundër krimeve të lidhura me drogat online.
Në kuadër të bashkëpunimit me Projektin EU4LAW, u diskutua vijimi i punës për integrimin e Modulit Bazë të Analizës Kriminale dhe Modulit të Hetimit Financiar në programet e reja të studimeve Master të Akademisë së Sigurisë. Gjithashtu, u vlerësua programi i përbashkët i hartuar nga të dy palët për “Master-Profesional Hetim Krimi”. Studentët do të pajisen me diploma të përbashkëta. Ky është hap i rëndësishëm në forcimin dhe bashkëpunimin arsimor ndërmjet Akademisë së Sigurisë dhe Akademisë Superiore në Romë.
Pala italiane informoi gjithashtu për mundësi të reja për përfshirjen e studentëve të Akademisë në programe të plota formimi policor në strukturat arsimore në Itali.
Akademia e Sigurisë do të vijojë koordinimin me partnerët italianë për konkretizimin e këtyre mundësive, me synim rritjen e cilësisë së arsimit policor, zhvillimin profesional të studentëve dhe stafit dhe forcimin e mëtejshëm të kapaciteteve të Policisë së Shtetit dhe strukturave të tjera ligjzbatuese.

30/09/2026

AKADEMIA E SIGURISË KONTRIBUON NË TRAJNIMIN RAJONAL PËR KONTROLLIN DHE MBIKËQYRJEN KUFITARE

Në kuadër të projektit “Mbështetja e BE-së për Forcimin e Luftës kundër Kontrabandës dhe Trafikimit të Qenieve Njerëzore në Ballkanin Perëndimor” (EU4FAST) dhe nën kujdesin e Shoqatës Rajonale të Akademive/Qendrave të Trajnimit të Policisë në Evropën Juglindore (RAPATC SEE), u zhvillua në Qendrën e Trajnimit të Policisë së Maqedonisë së Veriut, në Idrizovë, Kursi Rajonal i Avancuar i Trajnimit të Policisë Kufitare për drejtuesit e mbikëqyrësit e pikave të kalimit kufitar në Ballkanin Perëndimor.
Në këtë aktivitet rajonal morën pjesë oficerë policie dhe profesionistë të menaxhimit kufitar nga vendet e rajonit, me fokus në forcimin e kapaciteteve profesionale, shkëmbimin e përvojave operative dhe promovimin e praktikave të mira në kontrollin dhe survejimin kufitar.
Akademia e Sigurisë e Republikës së Shqipërisë kontribuoi në zhvillimin e programit të trajnimit përmes lektores së Fakultetit të Sigurisë dhe Hetimit në Akademinë e Sigurisë znj. Enkeleda Toska, e cila zhvilloi temën: “Praktikat më të mira në mbikëqyrjen e kontrolleve dhe survejimit kufitar – Praktika shqiptare”.
Gjatë sesionit u prezantuan shembuj praktikë nga sistemi shqiptar i menaxhimit kufitar, koordinimi operacional dhe shkëmbimi i informacionit duke përfshirë bashkëpunimin me aktorët e tjerë në pikat e kalimit kufitar.
Pjesëmarrja e Akademisë së Sigurisë në këtë aktivitet rajonal përbën një kontribut të rëndësishëm në shkëmbimin e praktikave profesionale, forcimin e bashkëpunimit ndërinstitucional dhe rajonal, si dhe në transferimin e njohurive dhe përvojave praktike në proceset mësimore dhe trajnuese të AS-së.
Aktiviteti u realizua në kuadër të projektit EU4FAST, me bashkëpunimin e Gjermanisë, Italisë, Holandës dhe GIZ, duke krijuar një hapësirë të rëndësishme për shkëmbimin e përvojave dhe forcimin e kapaciteteve profesionale të strukturave të menaxhimit kufitar në rajon.
Pjesëmarrja e AS-së në iniciativa të tilla rajonale dëshmon angazhimin e saj për zhvillimin profesional të personelit policor, promovimin e ekspertizës shqiptare dhe forcimin e bashkëpunimit me institucionet homologe të trajnimit policor në rajon.

29/09/2026

Urdhër “Për hapjen e fazës së aplikimeve për konkurrim për ndjekjen e programit të ciklit të dytë të studimit “ Master i shkencave” dhe “Master profesional”, në Akademinë e Sigurisë.

25/09/2026

ICITAP dhe Akademia e Sigurisë e vazhdojnë zhvillimin e Kursit për Hetim të Krimit.
Certifikohen 23 specialistë të hetimit të krimeve në kursin e 19-të.


Policia e Shtetit dhe strukturat e tjera ligjzbatuese kanë prioritet krijimin e një standardi hetimor kryesisht në pyetjen e të dëmtuarve, të dyshuarve apo autorëve të një vepre penale.

Rektori i Akademisë së Sigurisë Prof. Ilirjan Mandro, zyrtarë nga Ambasada e Shteteve të Bashkuara të Amerikës, Atasheu/ Drejtuesi i Programit ICITAP- z.Richard Deasy, Drejtues të Akademia së Sigurisë dhe lektorët mësimdhënës në kursin e 19-të për “Hetimin e Krimit” (niveli parë) certifikuan 23 specialistë të hetimit të krimeve.

Në vitin 2023 ky modul trajnimi u prezantua si kurs pilot, në programin “Hetim Krimi-Niveli I Parë” i financuar nga INL-ja. Modulet, programet, e përgatitura nga ekspertë të ICITAP-IT, tashmë janë intergruar në programin e përgjithshëm të trajnimeve të Policisë së Shtetit të miratuara nga Drejtori Përgjithshëm i Policisë.

Akademia e Sigurisë, ka vënë si objektiv për vitin 2026, rritjen e standardeve në procesin e hetimit duke monitoruar rezultatet e studentëve që kanë përfunduar këtë kurs me parametra të matshëm.
Në anketimin e zhvilluar në muajin gusht 2026, rezultatet e analizuara të pyetësorit tregojnë rritje dhe ndërgjegjësim të strukturave përfituese duke vlerësuar kurrikulat në masën 85.7%. Efekshmëria e marrjes së informacionit të dhënë nga instruktorët dhe zbatueshmëria e tyre në punë ishte në parametrat 83.5%.

Në anketim u përfshinë dhe drejtuesit e strukturave të cilët vlerësonin maksimalisht qasjen profesionale të vartësve të tyre të cilët janë certifikuar në këtë modul kursi. Nga 297 kursantë dhe drejtues të strukturave u intervistuan 224.
Vlerësimi pozitiv i tyre 97.6% është tregues i rritjes së performancës profesionale.

Kurset për “Hetim Krimi-Niveli I Parë”do të vazhdojnë në vijimësi me mbështetjen e programit ICITAP deri në krijimin e një standardi të unifikuar hetimor në të gjithë strukturën e Policisë së Shtetit dhe strukturat e tjera ligjzbatuese.

25/09/2026

Njoftim!
Në zbatim të Plan-Kalendarit Akademik të miratuar nga Ministria e Arsimit për vitin akademik 2026-2027, fillon procesi mësimor në programin “Bachelor”pranë Akademisë së Sigurisë/Fakulteti i Sigurisë dhe Hetimit. Njoftohen të gjithë studentët e Vitit të Parë, fitues në këtë program të paraqiten në ambientet e Akademisë së Sigurisë në datën 05 Tetor 2026, ora 07:30.

Studentët e vitit të dytë dhe të tretë të paraqiten në ambientet e Akademisë së Sigurisë në orën 08:30.

19/09/2026

Akademia e Sigurisë si institucion arsimor ligjzbatues i akredituar, ka nënshkruar një sëri marrëveshjesh për bashkëpunim me universitete dhe akademi të tjera si brenda dhe jashtë vendit.

Në fillim të shtatorit Rektori i Akademisë së Sigurisë Prof Ilirjan Mandro nënshkroi marëveshjen me z. Nils Ekedahl, zv.rektor i Universitetit të Södertörn, Stockholm, Suedi.

Qëllimi i kësaj Marrëveshje Bashkëpunimi është përcaktimi i marrëdhënieve reciproke ndërmjet dy institucioneve arsimore akademike për të mbështetur objektivat e tyre strategjike në fushën e trajnimeve, studimeve, hulumtimeve dhe zhvillimit, si dhe në marrëdhëniet me publikun. Palët ranë dakort të bashkëpunojnë në:

- Zhvillimin dhe bashkëpunimin në arsim në tri nivele: arsim profesional, arsimit profesional i vazhduar dhe arsimi i lartë në strukturat ligj zbatuese.
- ⁠Marrëdhëniet e hulumtimit, shkëmbimit të informacionit dhe rezultateve, vizitave të personelit kërkimor shkencor dhe ofertave për financimin e kërkimit nga Bashkimi Evropian dhe agjencitë e tjera ndërkombëtare në fushën e policimit, rendit dhe sigurisë së brendshme si dhe zbatimit të ligjit.
- Shkëmbim të programeve të trajnimit dhe programeve të studimit në fushën e rendit dhe të sigurisë publike që zhvillohen reciprokisht në të dy vendet/institucionet.
- Sigurimi i bashkëpunimit dhe koordinimit në zhvillimin e personelit në fushat arsimore dhe akademike me qëllim rritjen e cilësisë së punës së Palëve.
-Hartimin e një procesi supervizimi profesional si identifikim i nevojave dhe ndjekje e progresit të dy institucioneve nëpërmjet komunikimit në vijimësi të grupeve të përbashkëta të bashkëpunimit.
- Zhvillimi pedagogjik dhe profesional duke afruar metodologji moderne të mësimdhënies, vlerësim, komunikim pedagogjik dhe teknika të reja të trajnimit.
- Zhvillimi shkencor dhe akademik duke u fokusuar në kërkimin shkencor, publikime dhe konferenca të përbashkëta shkencore si dhe projekte kërkimore dhe zhvillimin e kompetencave akademike.
-Lidhja me praktikën policore dhe ndërkombëtarizimi ishte një element i rëndësishëm i diskutuar midis palëve ku do të afroheshin eksperienca nga strukturat e Policisë së Shtetit, dhe institucionet homologe dhe partnerët ndërkombëtarë.

Në përfudnim të takimit dhe ceremonisë së nënshkrimit të marrëveshjes së bashkëpunimit i cili kalojë në një frymë miqësore u theksua se Akademia e Sigurisë ka objektiv të jetë një institucion modern, profesional dhe i konsoliduar për arsimin dhe formimin policor shqiptar dhe strukturat e tjera ligjzbatuese.

25/08/2026

Njoftim!

për aplikantët në programin “Bachelor” viti akademik 2026-2027 në Akademinë e Sigurisë

Ju kujtojmë se në bazë të urdhrit të përbashkët të Qendrës së Shërbimeve Arsimore
dhe Qendrës Ndërinstitucionale të Rrjetit Akademik Shqiptar, nr. 108 datë 15.06.2026
“Për miratimin e kalendarit për procedurat e aplikimit dhe regjistrimit në institucionet e arsimit të lartë për vitin akademik 2026-2027, në datat 26-27 gusht 2026 bëhen regjistrimet e aplikantëve për studentët në programin “Bachelor” pranë Akademisë së Sigurisë sipas listës përfundimtare të poshtë renditur. Aplikantët të cilët nuk regjistrohen brenda 48 orëve në datat 26-27.08.2026, humbasin të drejtën e regjistrimit dhe lista vijon me aplikantin e radhës në rend zbritës.

Për kryerjen e regjistrimit aplikantët të kenë me vete dokumentacionet e mëposhtme:
1- Certifikatë të gjendjes gjyqësore;
2- Vërtetim në gjykatë që nuk është në gjykim për vepër penale;
3- Vërtetim nga prokuroria që nuk është në gjykim për vepër penale;
4- Vërtetim nga Struktura e Posaçme Kundër Korrupsionit dhe Krimit të Organizuar;
5- Vërtetim që është regjistruar për marrjen e dëshmisë së aftësisë së drejtimit
të automjetit të tipit “B”.
Suksese!

Njoftime Të dashur Maturantë,Ju falënderojmë për interesin e madhë që ju keni treguar dhe besimin nëpërmjet aplikimit tuaj, për tu bërë pjesë e struktuave ligjzbatuese, duke studjuar në Akademinë e Sigurisë.Bashkëngjitur do të gjeni listat e plota paraprake të renditjes së kandid...

22/08/2026

Të dashur Maturantë,
Ju falënderojmë për interesin e madh që ju keni treguar dhe besimin nëpërmjet aplikimit tuaj, për tu bërë pjesë e struktuave ligjzbatuese, duke studjuar në Akademinë e Sigurisë.

Bashkëngjitur do të gjeni listat e plota paraprake të renditjes së kandidatëve për ndjekjen e studimeve në programin “Bachelor” në Akademinë e Sigurisë.

Në listat e publikuara si më poshtë, kandidatët e renditur deri te vija e kuqe konsiderohen fitues të fazës së parë të Raundit të Parë, sipas kuotave të përcaktuara . Ankimimet Tuaja mund të paraqiten më datë 24-25 gusht 2026, pranë Komisionit të Shqyrtimit të Ankesave ne adresen e email-it [email protected] ose fizikisht në sekretarinë e Drejtorise së Burimeve Njerëzore, në Drejtorinë Pergjithshme të Policisë Shtetit.

Regjistrimi i kandidatëve fitues të fazës së parë të Raundit të Parë do të fillojë më datë 26 gusht 2026 dhe do të kryhet pranë sekretarive mësimore të Akademisë së Sigurisë.

Stafi akademik ju uron suksese!

Linku i listes se aplikanteve fitues.

Njoftime Hapen aplikimet për konkurrim për pranimin në funksionet e rolit zbatues “Patrullë e Përgjithshme” në Policinë e ShtetitMe qëllim rifreskimin e strukturave në bazë dhe plotësimin e nevojave të përvitshme për punonjës të rinj, Policia e Shtetit hap aplikimet për “Patru...