DPA- Drejtoria e Përgjithshme e Akreditimit

09/11/2026

JAVA BOTËRORE E CILËSISË 2026

9–13 nëntor 2026 - Java Botërore e Cilësisë vjen sic do vit si një mundësi për të rikujtuar se cilësia nuk është përgjegjësi vetëm e një institucioni apo e një sektori të caktuar. Ajo kërkon angazhimin e bizneseve, laboratorëve, organizmave të certifikimit dhe inspektimit, autoriteteve publike dhe profesionistëve që punojnë për përmirësimin e vazhdueshëm të shërbimeve dhe proceseve.

Çfarë do të thotë kjo për DPA-në?

Si institucioni kombëtar përgjegjës për akreditimin në Shqipëri, Drejtoria e Përgjithshme e Akreditimit ka një rol thelbësor në ndërtimin e besimit në treg dhe në shoqëri.

Përmes vlerësimit të kompetencës teknike, paanshmërisë dhe besueshmërisë së Organizmave të Vlerësimit të Konformitetit (OVK), DPA kontribuon konkretisht në:

• Mbrojtjen e konsumatorit, duke mbështetur besueshmërinë e rezultateve të testimeve dhe kontrolleve mbi produktet dhe shërbimet që përdorim.

• Sigurinë dhe shëndetin publik, përmes forcimit të kompetencës së laboratorëve dhe organizmave që kryejnë aktivitete të vlerësimit të konformitetit.

• Konkurrueshmërinë e bizneseve shqiptare, duke mbështetur besueshmërinë e raporteve dhe certifikatave të tyre dhe pranueshmërinë në tregjet ndërkombëtare.

• Mbrojtjen e mjedisit dhe sigurinë e produkteve, duke promovuar kompetencën dhe besueshmërinë e aktiviteteve të testimit, inspektimit dhe certifikimit.

• Përmirësimin e vazhdueshëm, duke nxitur zbatimin e standardeve ndërkombëtare, zhvillimin e kompetencave profesionale dhe përshtatjen me kërkesat e reja teknologjike dhe të tregut.

Arritjet dhe përgjegjësitë tona

Njohja ndërkombëtare e DPA-së përmes Marrëveshjes Shumëpalëshe të Njohjes së European Accreditation (EA MLA), në fushat e testimit, inspektimit, certifikimit të sistemeve të menaxhimit dhe certifikimit të personave, përbën një arritje të rëndësishme për sistemin shqiptar të akreditimit.

Por njohja ndërkombëtare nuk është vetëm një status. Ajo kërkon punë të vazhdueshme, ruajtje të kompetencës, përditësim të standardeve, zhvillim të vlerësuesve teknikë, bashkëpunim me komitetet teknike dhe përmirësim të shërbimeve ndaj organizmave të akredituar dhe aplikantëve.

Në këtë drejtim, bashkëpunimi me European Accreditation (EA), organizatat ndërkombëtare të akreditimit, institucionet publike, rregullatorët, bizneset dhe të gjithë aktorët e infrastrukturës së cilësisë është thelbësor.

Çfarë presin të tjerët nga ne?

Bizneset presin shërbime profesionale, transparente dhe në kohë. Laboratorët dhe organizmat e vlerësimit të konformitetit presin mbështetje, komunikim dhe kritere të qarta. Autoritetet publike presin rezultate të besueshme që mbështesin vendimmarrjen dhe mbikëqyrjen. Qytetarët presin siguri, mbrojtje dhe besim. Partnerët ndërkombëtarë presin kompetencë, qëndrueshmëri dhe përputhje me kërkesat e njohjes reciproke.

Këto pritshmëri janë njëkohësisht përgjegjësia dhe motivimi ynë për të ecur përpara.

Gjatë kësaj jave, mesazhi ynë është i qartë:

Akreditimi nuk është thjesht njohje e kompetencës. Është një mekanizëm që krijon besim, mbështet ekonominë dhe kontribuon në cilësinë e jetës së çdo qytetari.

DPA mbetet e angazhuar për një infrastrukturë kombëtare të cilësisë më të fortë, më transparente dhe të harmonizuar me kërkesat evropiane dhe ndërkombëtare.

DPA – Besim në kompetencë. Cilësi në shërbim të shoqërisë.

02/11/2026

📚 DPA – Forcimi i kapaciteteve profesionale, një angazhim i vazhdueshëm ndër vite!
Zhvillimi i kompetencave profesionale dhe përditësimi i njohurive teknike janë elementë thelbësorë për garantimin e cilësisë dhe besueshmërisë së sistemit të akreditimit.
Gjatë periudhës 2023–2026, Drejtoria e Përgjithshme e Akreditimit (DPA) ka vijuar angazhimin për forcimin e kapaciteteve profesionale përmes organizimit të trajnimeve dhe aktiviteteve të specializuara, me fokus standardet ndërkombëtare, kërkesat e akreditimit dhe zhvillimet e reja në fushën e vlerësimit të konformitetit.
📊 Disa të dhëna mbi këtë angazhim:
🔹 31 trajnime të zhvilluara gjatë viteve 2023–2026, sipas të dhënave paraprake;
🔹 Përfshirja e stafit të DPA-së, vlerësuesve teknikë dhe anëtarëve të komiteteve teknike;
🔹 Përditësimi i njohurive mbi standardet dhe kërkesat përkatëse për organizmat e vlerësimit të konformitetit;
🔹 Mbështetja e kompetencës profesionale dhe përmirësimi i vazhdueshëm i proceseve të akreditimit.
Trajnimet kanë trajtuar tema të rëndësishme, që nga kërkesat e standardeve të sistemeve të menaxhimit dhe laboratorëve, deri te zhvillimet e reja dhe proceset e tranzicionit drejt standardeve të përditësuara.
Ky angazhim vijon edhe në vitin 2026, përmes aktiviteteve që synojnë përgatitjen e profesionistëve për zbatimin e kërkesave të reja. Një prej tyre ishte trajnimi dyditor, i zhvilluar më 29–30 tetor, mbi tranzicionin drejt standardeve ISO/IEC 27701:2025 dhe ISO/IEC 27706:2025, me pjesëmarrjen e stafit të DPA-së, vlerësuesve teknikë dhe përfaqësuesve të Komitetit Teknik të Certifikimit.
🎯 Investimi në njohuri dhe kompetencë profesionale është investim në cilësinë, besueshmërinë dhe zhvillimin e qëndrueshëm të sistemit të akreditimit.

29/10/2026

✅DPA forcon kapacitetet për mbrojtjen e të dhënave personale në epokën digjitale
Sot, në ambientet e Drejtorisë së Përgjithshme të Akreditimit (DPA), po zhvillohet trajnimi për tranzicionin drejt standardeve të përditësuara ISO/IEC 27701:2025 dhe ISO/IEC 27706:2025. Në këtë aktivitet marrin pjesë stafi i DPA-së, vlerësuesit teknikë dhe përfaqësues të Komitetit Teknik të Certifikimit.
✅ Në një botë ku të dhënat personale janë kthyer në një pasuri me vlerë të jashtëzakonshme, mbrojtja e tyre është më shumë se një kërkesë ligjore – është një përgjegjësi ndaj çdo individi.
✅Përdorimi pa kritere, përpunimi i pakontrolluar dhe administrimi i papërshtatshëm i të dhënave personale mund të sjellin pasoja serioze: cenim të privatësisë, ekspozim të informacionit konfidencial, abuzim me të dhënat dhe humbje të besimit të qytetarëve dhe klientëve.
✅Standardet ndërkombëtare të lidhura me menaxhimin e informacionit privat dhe kompetencën e organeve të certifikimit, luajnë një rol të rëndësishëm në forcimin e kontrolleve, rritjen e besueshmërisë dhe mbështetjen e praktikave të përgjegjshme në përpunimin e të dhënave personale.
Përmes këtij trajnimi, DPA synon të përditësojë njohuritë dhe të forcojë kompetencat teknike të profesionistëve të përfshirë në proceset e vlerësimit dhe certifikimit, duke mbështetur zbatimin e kërkesave të reja dhe përgatitjen për tranzicionin e standardeve.

Akreditimi kontribuon në besueshmëri. Mbrojtja e të dhënave personale është themel i besimit në shoqërinë digjitale.

28/10/2026

DPA forcon kapacitetet profesionale dhe përgatitet për standardet e reja

Zhvillimi i kompetencave teknike, përditësimi i njohurive dhe përmbushja e kërkesave evropiane të akreditimit janë prioritete të Drejtorisë së Përgjithshme të Akreditimit (DPA), në funksion të forcimit të infrastrukturës kombëtare të cilësisë dhe mbështetjes së bizneseve.

Gjatë vitit 2026, DPA ka zhvilluar dhe planifikuar një sërë aktivitetesh trajnuese për stafin, vlerësuesit teknikë dhe palët e interesuara, me qëllim përmirësimin e njohurive mbi standardet ndërkombëtare dhe kërkesat e akreditimit.

Ndër aktivitetet kryesore përfshihen trajnimet mbi ISO/IEC 17025, për laboratorët dhe palët e interesuara; ISO 15189:2023, për laboratorët mjekësorë; ISO 21401:2018, për menaxhimin e qëndrueshmërisë në strukturat akomoduese; ISO 37301:2021, për sistemet e menaxhimit të pajtueshmërisë; si dhe trajnimi mbi Ligjin nr. 104/2024, për prodhimin organik, etiketimin dhe kontrollin e produkteve organike.

Këto aktivitete synojnë të rrisin kompetencat profesionale, të përmirësojnë kuptimin e kërkesave teknike dhe të mbështesin zbatimin e praktikave të harmonizuara me standardet përkatëse.

Një drejtim i rëndësishëm i punës së DPA-së, është marrja në kohë e masave për përgatitjen e sistemit të akreditimit për standardet e rishikuara dhe përmbushjen e afateve të tranzicionit.

Në këtë kuadër, më 29–30 tetor 2026, në ambientet e DPA-së, do të zhvillohet trajnimi për tranzicionin nga ISO/IEC 27701:2019 në ISO/IEC 27701:2025 dhe nga ISO/IEC TS 27006-2:2021 në ISO/IEC 27706:2025. Në trajnim do të marrin pjesë stafi i DPA-së, vlerësuesit teknikë dhe përfaqësuesit e Komitetit Teknik të Certifikimit.

Trajnimi synon njohjen me kërkesat e përditësuara dhe ndikimin e tyre në proceset e vlerësimit, certifikimit dhe vendimmarrjes teknike. Përgatitja e këtyre kategorive është thelbësore për përmbushjen e afateve të tranzicionit dhe zbatimin e saktë të kërkesave të reja.

Paralelisht, DPA po ndjek masat përgatitore për zhvillimin e fushës fleksibël të akreditimit, në funksion të forcimit të kapaciteteve teknike dhe përshtatjes me kërkesat dhe praktikat evropiane.

Këto iniciativa lidhen drejtpërdrejt me objektivat e institucionit për zhvillimin e vazhdueshëm profesional dhe përmbushjen e kërkesave të Bashkëpunimit Evropian për Akreditim (EA).

Investim në cilësi dhe besueshmëri

Përmes trajnimeve, përditësimit të njohurive dhe përgatitjes për standardet e reja, DPA synon të forcojë kapacitetet institucionale, të përmirësojë cilësinë e proceseve të vlerësimit dhe të mbështesë besueshmërinë e rezultateve të akredituara.

Përgatitja në kohë, kompetenca profesionale dhe përmirësimi i vazhdueshëm janë elemente thelbësore për një sistem akreditimi të besueshëm, të qëndrueshëm dhe të orientuar drejt së ardhmes.

22/10/2026

🍎 PRODHIMET E VJESHTËS: CILËSIA QË NUK I DUHET LËNË RASTËSISEI! 🍇

Vjeshta sjell në tryezat tona fruta, perime dhe produkte të stinës. Por, përtej pamjes dhe shijes, sa të sigurta dhe të kontrolluara janë ato që konsumojmë?

🔬 Analizat laboratorike luajnë një rol të rëndësishëm në verifikimin e karakteristikave dhe sigurisë së produkteve ushqimore. Për këtë arsye, kompetenca e laboratorëve dhe besueshmëria e rezultateve të tyre janë thelbësore.

✅ Akreditimi ndihmon në krijimin e besimit te rezultatet e analizave, duke vlerësuar kompetencën e laboratorëve për kryerjen e aktiviteteve brenda fushës së tyre të akredituar.

🌱 Sepse cilësia nuk është vetëm ajo që shohim, por edhe ajo që verifikohet me metoda të besueshme.

DPA – Për kompetencë, besueshmëri dhe cilësi.

16/10/2026

16/10/2026

05/10/2026

🤝 DPA hap dyert për dialog dhe bashkëpunim

Në kuadër të Ditës së Hapur të organizuar nga Drejtoria e Përgjithshme e Akreditimit (DPA), ku palëve të interesuara u ofrohet mundësia për dialog dhe komunikim të drejtpërdrejtë, u zhvillua një takim me përfaqësues të Institutit të Sigurisë Ushqimore dhe Veterinare (ISUV).

Takimi u shoqërua me një diskutim aktiv dhe konstruktiv mbi zhvillimet në fushën e akreditimit dhe, në veçanti, mbi mundësinë e aplikimit në të ardhmen të fushës fleksibël të akreditimit (Flexible Scope), në përputhje me kërkesat e ISO/IEC 17025 dhe dokumentin e EA-së EA-2/15:2023 – Requirements for the Accreditation of Flexible Scopes.

🔎 Flexible Scope krijon mundësi që, brenda kompetencave të vlerësuara dhe të përcaktuara nga trupi akreditues, laboratorët të mund të menaxhojnë ndryshime të caktuara në metodat dhe aktivitetet e tyre, pa qenë e nevojshme një vlerësim paraprak për çdo ndryshim të ri, duke garantuar njëkohësisht kompetencën dhe besueshmërinë e rezultateve.

🇪🇺 Përfaqësuesit e ISUV shprehën interesin për të bashkëpunuar me DPA në drejtim të nxitjes dhe implementimit të qasjes së Flexible Scope, si një hap që lidhet edhe me përmbushjen e detyrimeve institucionale në kuadër të integrimit europian.

💬 Nga ana e DPA-së, u theksua rëndësia e një qasjeje të koordinuar, të bazuar në dialog teknik, shkëmbim eksperiencash dhe identifikim të nevojave konkrete të laboratorëve.

Në takim morën pjesë përfaqësues të ISUV-së dhe nga DPA Drejtori i Përgjithshëm, Drejtori i Drejtorisë së Zhvillimit dhe Menaxheri i Cilësisë, duke e bërë diskutimin një mundësi të vlefshme për të hedhur bazat e një bashkëpunimi të frytshëm dhe të qëndrueshëm.

🎯 Qëllimi i përbashkët: një qasje sa më e suksesshme, praktike dhe e harmonizuar drejt zbatimit të kërkesave europiane të akreditimit.

DPA – më pranë institucioneve, laboratorëve dhe palëve të interesuara.
Dialogu i sotëm, zgjidhjet e së nesërmes.

28/09/2026

Akreditimi dhe Certifikimi.. Cili është ndryshimi?

Certifikimi konfirmon përmbushjen e kërkesave të përcaktuara për një produkt, proces, shërbim ose sistem.

Akreditimi është procesi përmes të cilit një organ kombëtar akreditimi vlerëson dhe konfirmon, në mënyrë të pavarur dhe të paanshme, kompetencën e një organizmi të vlerësimit të konformitetit për të kryer aktivitete specifike.

📌 Në thelb:
Certifikimi konfirmon përputhshmërinë.
Akreditimi konfirmon kompetencën.

Përmes akreditimit, DPA kontribuon në rritjen e besueshmërisë, cilësisë dhe transparencës së rezultateve të vlerësimit të konformitetit në treg.

28/09/2026

📢 DPA zhvillon sot trajnimin për ISO/IEC 17025

Sot, në ambientet e Drejtorisë së Përgjithshme të Akreditimit (DPA), po zhvillohet trajnimi i dedikuar për ISO/IEC 17025, me pjesëmarrjen e përfaqësuesve të grupeve të interesit.

🎯 Trajnimi synon të forcojë njohuritë dhe kompetencat profesionale mbi kërkesat e standardit dhe rëndësinë e tyre për laboratorët, biznesin dhe tregun.

💡 Për DPA, investimi në njohuri dhe kapacitete profesionale është një hap i rëndësishëm drejt një tregu më të besueshëm, konkurrues dhe të orientuar drejt cilësisë.

🤝 DPA – në mbështetje të cilësisë, kompetencës dhe zhvillimit të biznesit.