Mervin Wyatt Ras

🎗️ 𝐀𝐰𝐞 𝐭𝐚 𝐃𝐢𝐚 𝐌𝐮𝐧𝐝𝐢𝐚𝐥 𝐝𝐢 𝐂𝐚𝐧𝐜𝐞𝐫 𝐝𝐢 𝐑𝐢ñ𝐨𝐧.

Cancer di riñon ta un problema serio di salud cu por afecta hende den diferente etapa di bida. Deteccion trempan por haci un diferencia.

Un diagnostico di cancer no ta afecta solamente e curpa, sino tambe e bienestar emocional di e persona y su sernan keri. Apoyo y comprension ta importante durante cada etapa di e trayecto.

Informacion ta poder. Actua awe.

𝐍𝐨𝐬 𝐯𝐢𝐬𝐢𝐨𝐧 𝐭𝐚 𝐩𝐚 𝐮𝐧𝐢 𝐞 𝐫𝐢𝐤𝐞𝐬𝐚 𝐝𝐢 𝐧𝐨𝐬 𝐭𝐞𝐫𝐚 𝐜𝐮 𝐞 𝐛𝐢𝐞𝐧𝐞𝐬𝐭𝐚𝐫 𝐲 𝐝𝐢𝐠𝐧𝐢𝐝𝐚𝐝 𝐝𝐢 𝐧𝐨𝐬 𝐚𝐝𝐮𝐥𝐭𝐨𝐧𝐚𝐧 𝐦𝐚𝐲𝐨𝐫 🌵👴🏾👵🏼

Awemainta, hunto cu colega Minister Geoffrey Wever, nos a anuncia oficialmente e di dos edicion di “Fiesta di Cunucu pa Nos Grandinan.”

E iniciativa aki ta un colaboracion entre e Ministerio di Cuido di Adulto Mayor y Asunto Social, Ministerio di Sector Primario, Directie Ouderenzaken y Departamento di Agricultura Santa Rosa.

E evento lo tuma luga diadomingo, 28 di juni, desde 9:00 AM na Santa Rosa.

Bin celebra nos grandinan y disfruta di nos cuminda crioyo, nos tradicionnan y e ambiente autentico di cunucu.

Nos ta spera boso!🌿

𝐋𝐚𝐧𝐬𝐚𝐦𝐞𝐧𝐭𝐨 𝐨𝐟𝐢𝐜𝐢𝐚𝐥 𝐝𝐢 𝐌𝐚𝐭𝐜𝐡𝐢𝐬 𝐂𝐚𝐫𝐢𝐛𝐛𝐞𝐚𝐧🧬🧫

Minister Melvin Wyatt-Ras a participa den e lansamento oficial di Matchis Caribbean na Universidad di Aruba.

Durante e evento, e Minister a enfatisa cu esaki ta mas cu un asunto di salubridad. Ta trata di un esfuerso colectivo, educacion y di solidaridad entre nos ciudadanonan. E lansamento aki ta un paso importante pa Aruba, brindando oportunidad pa registra como donor di stamcel.

Acceso na informacion cla y confiabel ta esencial pa yuda nos ciudadanonan tuma decisionnan informa pa nan salud. E meta ta pa aumenta e representacion Caribense den e base di donor di stamcel, cual ta vital pa mehora e chens di un match pa pashentnan cu tin mester di esaki.

“Esaki no ta solamente un asunto di salubridad. Tambe ta trata di comunidad. Ta trata di hende yudando hende,” segun Minister Wyatt-Ras.

E Ministerio ta gradici tur organisacion y partner cu ta dedica nan mes na e causa aki, contribuyendo asina na e bienestar di nos comunidad. Pa mas informacion, bish*ta e pagina di Matchis Caribbean

𝐂𝐞𝐥𝐞𝐛𝐫𝐚𝐧𝐝𝐨 𝟏𝟎 𝐀𝐧̃𝐚 𝐝𝐢 𝐀𝐦𝐢𝐬𝐭𝐚𝐝, 𝐂𝐨𝐦𝐩𝐫𝐨𝐦𝐢𝐬𝐨 𝐲 𝐂𝐨𝐦𝐮𝐧𝐢𝐝𝐚𝐝 🌿

Recientemente, Minister Wyatt-Ras a acompaña Grupo Flor di Aloë den celebracion di nan 10 aniversario.

Durante e ultimo decada, Grupo Flor di Aloë a crea un espacio special caminda adultonan mayor por reuni, comparti experiencia, fortalece relacionnan y disfruta di compania di otro. Iniciativanan manera esaki ta contribui directamente na bienestar emocional, participacion activo y calidad di bida di nos adultonan mayor.

Durante e celebracion, tambe a reconoce e logro recien di e grupo na e Olimpiada pa Nos Adulto Mayor na Boneiro, caminda nan a representa Aruba cu orguyo y a logra e titulo di subcampeon.

Ministerio di Salubridad, Asunto Social, Cuido di Adulto Mayor y Maneho di Adiccion ta gradici Grupo Flor di Aloë pa nan dedicacion y aporte na bienestar di nos adultonan mayor. Nos ta desea nan hopi salud, alegria y exito den e añanan cu ta bin.

Pabien Grupo Flor di Aloë cu boso 10 aniversario! ✨

🎗️ 𝐀𝐰𝐞 𝐭𝐚 𝐃𝐢𝐚 𝐌𝐮𝐧𝐝𝐢𝐚𝐥 𝐝𝐢 𝐂𝐚𝐧𝐜𝐞𝐫 𝐧𝐚 𝐇𝐢𝐠𝐫𝐚.

Cancer di higra ta un problema serio di salud cu por afecta hende den tur etapa di bida. Conocemento, prevencion y deteccion trempan por haci un diferencia.

Un higra saludabel ta importante pa un bida saludabel.

Informacion ta poder. Actua awe.

💜 Awe nos ta conmemora Dia Mundial di Conscientisacion contra Abuso di Adulto Mayor.

Abuso di adulto mayor por tuma diferente forma, incluyendo negligencia, abuso emocional, fisico of financiero. Reconoce e señalnan y no keda keto ta un responsabilidad cu nos tur ta comparti.

Nos grandinan a contribui na nos famia, nos comunidad y nos pais. P’esey, tur adulto mayor merece biba den seguridad, respet y dignidad.

Recientemente, Gobierno a tuma varios paso concreto pa fortalece e bienestar y seguridad financiero di nos pensionadonan, reafirmando su compromiso cu calidad di bida di nos grandinan.

Cla pa sostene nos hermana Isla Corsou durante mundial di futbol

Ready to support our sister island of Curaçao during the World Cup of football

🇨🇼❤️Nos ta bai p’e❤️🇨🇼

𝐃𝐢𝐚 𝐌𝐮𝐧𝐝𝐢𝐚𝐥 𝐝𝐢 𝐃𝐨𝐧𝐚𝐧𝐭𝐞 𝐝𝐢 𝐒𝐚𝐧𝐠𝐞𝐫 🩸

Awe nos ta reconoce tur donante di sanger cu ta contribui na salba bida y fortalece nos comunidad cu nan generosidad y compromiso.

Donacion di sanger ta un ehempel poderoso di solidaridad y humanidad den accion. Cu cada donacion, nos ta cuida otro y aporta na bienestar di nos comunidad.

Un comunidad fuerte y saludabel ta florece ora nos cuida otro.

Un gota di humanidad. Un oportunidad di bida.❤️

Pa mas informacion tocante donacion di sanger, bish*ta Bloedbank Aruba.