19/10/2024
18.10.2024-cü il tarixdə Sabuncu rayon MKS-nin 5N-li kitabxana filialı Ramana qəsəbə Mədəniyyət evi ilə birgə 18 Oktyabr - Müstəqilliyin Bərpası Gününə həsr olunmuş "Müstəqilliyimiz əbədidir" adlı dəyirmi masa keçirdi. Tədbir Azərbaycan Respublikasının Dövlət Himninin səslənməsi ilə başladı. Daha sonra çıxış edən əməkdaşlar bildirdilər ki, dövlət müstəqilliyinin bərpası yaranmış tarixi şəraitdən, Azərbaycan xalqının müstəqillik arzusu, azadlıq mübarizəsi nəticəsində mümkün oldu. Azərbaycan xalqının tələbi ilə 1993-cü ildə Azərbaycan xalqının böyük oğlu, Ümummilli Lider Heydər Əliyevin hakimiyyətə qayıdışından sonra müstəqilliyi qorumaq və inkişaf etdirmək mümkün oldu. Bu gün Ulu Öndər Heydər Əliyevin siyasi kursunun layiqli davamçısı Prezident İlham Əliyev siyasi ənənələrə və dövlətin qorunmasının ali prinsiplərinə uyğun olaraq Azərbaycanda demokratik cəmiyyətin formalaşdırılması, demokratik hüquqi dövlət quruculuğunun daha da dərinləşdirilməsi üçün misilsiz islahatlar həyata keçirir. Azərbaycan hüququn aliliyi, demokratiya və dünyəvilik prinsipləri üzərində qurulmuş müstəqil dövlət kimi öz inkişafının ən parlaq dövrünü yaşayır. Bu gün müstəqil dövlətimizlə qürur duyur və fəxr edirik. Tədbirdə mədəniyyət evinin, kitabxananın əməkdaşları, məktəblilər iştirak etdilər.