Партыя БНФ - найстарэйшая палітычная партыя незалежнай Беларусі.
Правацэнтрысцкая партыя арыентаваная на нацыянальная адраджэньне Беларусі, эканамічную лібэралізацыю.
Кіруючы орган - Сойм.
Старшыня Партыі БНФ (зь верасьня 2017 г) - Рыгор Кастусёў. Нарадзіўся 17 красавіка 1957 году ў вёсцы Цяхцін Бялыніцкага раёну Магілёўскай вобласьці. Скончыў Беларускую сельска-гаспадарчую акадэмію (1982), інжынэр-мэханік. Служыў у войску (1975-1977).
Працаваў галоўным інжын
эрам у гаспадарцы “Друць” Бялыніцкага раёну (1983-1988), дырэктарам гаспадаркі “Іскра” Бялыніцкага раёну (1988-1991), дырэктарам Шклоўскага раённага аб’яднаньня жыльлёва-камунальнай гаспадаркі (1995-2001). Быў дырэктарам сумеснага беларуска-ўкраінскага прадпрыемства “Гідрасіла ─ Белая Русь” у Магілёве (2002-2004).
Ад 1989 году удзельнічае ў палітычнай дзейнасьці.
У 1993 годзе абраны старшынём Шклоўскай раённай арганізацыі Партыі БНФ. З 1996 году — сябра Сойму БНФ. З 2002 па 2009 г. — старшыня Магілёўскай абласной арганізацыі БНФ. У пэрыяд ад 2009 году да 2017 году быў намесьнікам старшыні Партыі БНФ.
Тройчы абіраўся дэпутатам мясцовых Саветаў.
У 2004, 2008, 2016 гадах на выбарах дэпутатаў Палаты Прадстаўнікоў Нацыянальнага Сходу Рэспублікі Беларусь быў кандыдатам у дэпутаты ад Партыі БНФ па Шклоўскай выбарчай акрузе. У 2012 годзе зьняў сваю кандыдатуру з парлямэнцкіх выбараў у адпаведнасьці з рашэньнем Зьезду Партыі БНФ.
Падчас прэзыдэнцкіх выбараў 2006 году быў даверанай асобай адзінага кандыдата ў прэзыдэнты ад Аб’яднаных дэмакратычных сілаў, ад 2008 году узначальваў Магілёўскую абласную кааліцыю АДС.
Рашэньнем Зьезду Партыі БНФ 2010 году быў вылучаны кандыдатам на пасаду прэзыдэнта Рэспублікі Беларусь ад Партыі БНФ. Паводле афіцыйных зьвестак заняў на выбарах чацьвёртае месца з 10 кандыдатаў: паводле абвешчаных Цэнтральнай камісіяй вынікаў, за Рыгора Кастусёва прагаласавалі 126 999 выбаршчыкаў (1,97% галасоў). Заявіў пра нязгоду з вынікамі выбараў, абвінаваціўшы ўлады ў парушэньні выбарчага заканадаўства і незаконных маніпуляцыях пры падліку галасоў. Узяў удзел у акцыі пратэсту супраць фальсіфікацыі выбараў 19 сьнежня 2010 году, быў зьбіты спецслужбамі, арыштаваны і кінуту ў сьледчы ізалятар КДБ. Адзіны з кандыдатаў, які падаў скаргу ў Цэнтральную камісію з патрабаваньнем прызнаць вынікі прэзыдэнцкіх выбараў несапраўднымі.
30 верасьня 2017 года на XVIII Зьездзе Партыі БНФ (XV Зьезд Грамадзкага аб’яднаньня БНФ “Адраджэньне”) быў абраны старшынём Партыі БНФ і старшынём Грамадзкага аб’яднаньня БНФ “Адраджэньне”.
Беларус. Праваслаўны. Жанаты. Трое дзяцей. Дзяржаўны лад
Партыя БНФ выступае за зьмяншэньне ролі прэзыдэнта ў дзяржаўным кіраваньні, з моцным дэмакратычна абраным паводле зьмяшанай (мажарытарна-прапарцыйнай) сыстэмы парлямантам Беларусі. Кіраўніком выканаўчай улады павінен быць прэм’ер-міністар, якога прызначае парлямант.
Рэальная ўлада над мясцовымі справамі павінная быць вернутая людзям, якія жывуь у адпаведных рэгіёнах. Усе органы мясцовага кіраваньня, кіраўнікі мясцовай выканаўчай улады павінны непасрэдна выбірацца насельніцтвам.
Эканоміка
Партыя БНФ выступае за разьвіцьцё свабоднай рынкавай эканомікі і ўвядзеньне рэальнага абароненага права на прыватную ўласнасьць, у тым ліку на зямлю,
Лібэралізацыю валютнай палітыкі,
Рэфармаваньне падатковай сыстэмы на карысьць вытворцаў i прадпрымальнiкаў.
Увядзеньне устойлівай нацыянальнай валюты - беларускага талеру.
Сацыяльная палiтыка
Праграма партыі прадугледжвае пераход да сацыяльнага страхаваньня — у першую чаргу пэнсійнага, мэдычнага, на выпадак беспрацоўя.
Дзяржава павінна гарантаваць роўны доступ грамадзян да адукацыі. Прымусовае разьмеркаваньне выпускнікоў парушае правы чалавека й павінна быць адмененае ў першачарговым парадку.
Партыя БНФ выступае за падтрымку маладых сем’яў зь дзецьмі.
Жыльлёвая палітыка павінна быць зарыентаваная пераважна на будаўніцтва індывідуальнага жыльля.
Гуманiтарная й культурная палiтыка
Беларуская культура - гэта тое, што робіць нас адметнай нацыяй, а значыцца дае нам права на самастойнае існаваньне.
Таму, мы павінны спыніць зьнішчэньне беларускай мовы і культуры.
Партыя БНФ за вяртаньне беларускай мове статусу адзінай дзяржаўнай. Іншыя мовы (ня толькі расейская) атрымаюць заканадўча гарантаваны статус моваў нацыянальных мяншыняў.
Экалягiчная палiтыка
Партыя БНФ выступае за:
вяртаньне да ажыцьцяўленьня праграмы кампактнага перасяленьня людзей з раёнаў, забруджаных пасьля Чарнобыльскай катастрофы;
вывад з сельскагаспадарчага карыстаньня усіх забруджаных радыяактыўнымі рэчывамі зямель, на якіх немагчыма атрымоўваць чыстую прадукцыю;
хутчэйшае далучэньне Беларусі да экалягічных стандартаў Эўрапейскага Зьвязу.
Замежная палітыка
Партыя БНФ выступае за інтэграцыю Беларусі ў агульнаэўрапейскую прастору і NАТО. Супраца з Расейскай Фэдэрацыяй павінна грунтавацца на прынцыпах узаемнай выгады, і безумоўнай павагі з боку РФ да нашага права быць незалежнай эўрапейскай дзяржавай. Палітыка Беларусі павінна весьці да зьмяншэньня яе манапольнай палітычнай, вайсковай, эканамічнай залежнасьці ад Расеі. Прыярытэтам на бліжэйшы час пасьля ўзнаўленьня дэмакратыі Партыя БНФ бачыць супрацу з найбліжэйшымі суседзямі Беларусі — Украінай, Польшчай, Літвой, Латвіяй.
РЭКВІЗІТЫ ДЛЯ АХВЯРАВАНЬНЯЎ НА ДЗЕЙНАСЬЦЬ ПА РЭАЛІЗАЦЫІ ПРАГРАМЫ БНФ:
ГРАМАДСКАЕ АБ’ЯДНАНЬНЕ БНФ “АДРАДЖЭНЬНЕ”
разліковы рахунак 3015100147004
у банку ААТ “Банк БелВЭБ”
філіял Мінскае аддзяленьне № 1 код 226
АКЮАП: 100052236
У графе “прызначэньне плацяжу” просім пазначыць:
─ для ахвяраваньняў на стутутную дзейнасьць ─ “бязвыплатны ўзнос”
─ для ахвяраваньняў на аплату сядзібы ─ “бязвыплатны ўзнос на аплату арэнды памяшканьня”
