Afghanistan, Kunar, Watapur

د پښتون قام ريښتوني مبارز او په پښتو میین علي وزير ته د زندان نه په راخوشې کېدو ښه راغلاست او هرکلى وايو.

نن د حق د لارې د زړور عالم، داعي او د ولس د درد ژباړونکي شهید مفتي منیر شاکر رحمه الله د شهادت لومړی تلین دی. دا ورځ یوازې د یو شخصیت د شهادت یاد نه دی، بلکې د هغه فکر، مبارزې او خدمتونو د تسلسل د ژمنې ورځ هم ده.

شهید مفتي منیر شاکر رحمه الله د علم، جرأت او دعوت یو روښانه مثال و. هغه خپل ژوند د دین د خدمت، د حق د ویلو او د ولس د بیدارۍ لپاره وقف کړی و. د ده وینا تل د قرآن له دلیلونو ډکه وه او د حق خبره یې بې له وېرې کوله. هغه باور درلود چې د عالم مسوولیت دا دی چې د حق پیغام خلکو ته ورسوي، که څه هم دا خبره د ځینو لپاره سخته وي.

مفتي صېب رحمه الله نه یوازې یو دیني عالم و، بلکې د خپل ولس د ستونزو او دردونو ژور احساس یې هم درلود. هغه به تل د انصاف، عدالت او د مظلومو خلکو د حقونو خبره کوله. د همدې لپاره د ده شخصیت د علم، جرأت او ولسي شعور یو ښکلی امتزاج و.

د هغه درسونه، ویناوې او دعوتي هڅې د زرګونو خلکو لپاره د الهام سرچینه وې. هغه به تل د امت د یووالي، اصلاح او فکري بیدارۍ پیغام ورکاوه. د ده ژوند موږ ته دا ښيي چې عالم باید یوازې په مدرسه کې محدود نه وي، بلکې د ټولنې د اصلاح او لارښوونې لپاره هم خپل رول ادا کړي.

د شهید مفتي منیر شاکر رحمه الله شهادت موږ ته دا درس راکوي چې د حق لاره تل قرباني غواړي. هغه خپل ژوند د دین او ولس د خدمت لپاره وقف کړ او په همدې لاره کې یې د شهادت لوړ مقام ترلاسه کړ. داسې شخصیتونه که څه هم له موږ څخه جسماً جلا شي، خو فکر، پیغام او میراث یې د خلکو په زړونو کې ژوندی پاتې کېږي.

د همدې تلین په مناسبت، د بریتانیا پي ټي ایم (PTM UK) هم نن د دې ملتپال دیني عالم د لومړي تلین یاد تازه کوي. د دې لړۍ په ترڅ کې به د ټویټر (ایکس) په شبکه کې ځانګړی ټویټري ټرینډ هم وچلول شي، تر څو د شهید مفتي منیر شاکر ژوند، فکر او خدمتونه لا پراخ خلکو ته ورسېږي.

سربېره پر دې، نن به د ایکس سپیس (X Space) ځانګړې ناسته هم ترسره کېږي چې پکې به د مفتي صاحب د ژوند، علمي خدمتونو او د هغه د میراث په اړه خبرې کېږي.

وخت: 15:00 د برتانیې وخت (UK Time)
کوربه: PTMUK_Official

له ټولو مینه والو، د علم قدرکوونکو او د حق د لارې پلویانو څخه غوښتنه کېږي چې په دې آنلاین ناسته کې ګډون وکړي او د شهید مفتي منیر شاکر رحمه الله د ژوند او مبارزې په اړه بحثونه واوري او خپل نظرونه هم شریک کړي.

راځئ چې د دې ستر شهید یاد یوازې په الفاظو محدود نه کړو، بلکې د هغه د فکر، جرأت او حق ویلو له لارې الهام واخلو. که موږ د علم، عدالت او د ولس د حقونو لپاره کار ته دوام ورکړو، نو دا به د هغه د میراث ژوندی ساتل وي.

الله تعالی دې شهید مفتي منیر شاکر رحمه الله ته د جنت الفردوس لوړې درجې ورکړي، د هغه کورنۍ، شاګردان او مینه وال دې الله ته په اجر او صبر ونازوي، او موږ ټولو ته دې توفیق راکړي چې د حق په لاره کې ثابت قدمه پاتې شو.

إنا لله وإنا إليه راجعون

د کاناډا پښتون ژغورنی غورځنګ د شهید مفتی شاکر د تلین په مناسبت پېغام

شهید مفتی شاکر له هغه دیني عالمانو څخه ؤ چې د دیني زده کړو او تدریس تر څنګ یې پښتون افغان وطن کې په ډیره میړانه د اوږد مهاله جنګونو او بې عدالتیو پر ضد د حق او صداقت غږ پورته کړ او د سوله ائیز پښتون ژغورنې غورځنګ د افغان ملی داعیې د سنګر د ملی شهیدانو د قطار نه هېرېدونکې تل پاتی ملی روایت په توګه ثبت شو. هغوی په خپلو علمی دینی ویناؤ کې د مذهبی جنګ پلوه بیانیو Religious War Narratives بنسټونه د قرآن او معاصر علم په رڼا کې په ډیر مدلل انداز رد کړل.

د هغوی دغه سوله ائیز او علمی دریځ په لر او بر افغان خاوره کې د جنګ پر ضد او د سولی په ملاتړ ډیره لویه فکري او سیاسي بیدارۍ ته لاره هواره کړه. هغه په ډیر څرګند ډول د میرمنو او نجونو د ذده کړي او د ژوند په هر ډګر کې میرمنو ته د مساوی حقونو د ورکړی په کلکه ملاتړ کونکې ؤ.

نوموړی د دیني علومو زده کړو تر څنګ د نړۍ په تاریخ او معاصرو ټولنیزو علمی مکتبونو او بحثونو څخه هم بشپړه اګاهی لرله. هغوی د اسلامی فقې تاریخ، حدیث او تفسیر د معاصر علمی لرلید په رڼا کې د دلیل او منطق په بنیاد معارفی کاؤ.

د خپل علمي شخصیت او د ځانګړی وینا د طرز له امله هغه د خلکو په منځ کې ډیر پراخ محبوبیت او نفوذ درلود. د ژوند تر اخری شیبو پوری هغوی د پښتون ژغورنی غورځنګ د دریځ، بیانیې او شعار په کلکه او میړانه ملګرتیا وکړه.

د پښتون ژغورنی غورځنګ کاناډا څانګه د شهید مفتي شاکر د لومړي تلین په مناسبت، د هغوی مبارزې او نه ستړې کېدونکي هوډ ته د درناوی په پار د احترام سر ټیټوی. موږ دا ژمنه کوو چې د دغه سپېڅلې مبارزې دوام به په پوره صداقت او ژمنتیا سره په شریکه پر مخ بیایو.

درنښت

د پښتون قامي جرګه پیغام
د مفتی منیر شاکر د شهادت د کلیزې په موقع.

پښتون قامي جرګه د خپل نامتو غړي، مجاهد عالم او مفسر قرآن مفتی منیر شاکر د شهادت د لومړۍ کلیزې په ورځ، ټول پښتانه او د پښتونخوا خلک یادوي او د غم شریکانو ته تعزیت وايي.

مفتی منیر شاکر یوازې یو عالم نه وو، هغه د پښتون قامي جرګې فعال غړی او د پښتون قوم د حق او غیرت غږ وو. هغه تل د ظلم خلاف او د پښتنو د حقونو لپاره ودرېد. په وروستیو وختونو کې هغه د پښتون قامي تحریک (PTM) سره ولاړ وو او د پښتنو د مظلومیت خلاف یې اواز پورته کړ.

مفتی منیر شاکر شہید! پښتون قامي جرګې د دغه نمایاں غړي او د پښتنو د حقونو د مضبوط غږ، مفتی منیر شاکر په بزدلانه حمله کې شهید کړای شو. دا یوازې پر یو کس حمله نه وه، بلکې دا د پښتونخوا پر قامي قیادت او سیاسي مبارزې د خاموشولو سازش وو.
د مفتی منیر شاکر شهادت د فکر کولو وخت دی. که نن هم د پښتنو او بلوڅانو ستونزې په سیاسي توګه حل نه کړای شي، نو دا اور به ټول سیمه وسوځوي.

هغه ۱۵ مارچ ۲۰۲۵ د پېښور د اورمړ په سیمه کې شهید شو.
پښتون قامي جرګه د خپل دغه اتل غړي د شهادت غندنه کوي او د پښتون قوم څخه غوښتنه کوي چې
د مفتی منیر شاکر د شهادت کلیزه په درناوي سره ونمانځي
د مفتی منیر شاکر قرباني به هیڅکله ضایع نشي. د هغه نوم به د پښتون تاریخ کې د اتل او مجاهد په توګه زرین تورو سره لیکل کېږي.

پښتون قامي جرګه
۱۵ مارچ ۲۰۲۶

وخت کم دی، نن زموږ ملاتړ وکړئ!
https://www.facebook.com/reel/923588946843524/?mibextid=9drbnH
2
https://www.facebook.com/reel/1608510140472453/?mibextid=9drbnH&s=yWDuG2&fs=e

د تاریخ د ارتقاء په سلسلو مې قسم
د کایناتو د فطرت په تقاضو مې قسم
د شپې لښکرې د سهار مخه نيولی نشي
تورو تيارو کې د رڼا احساس وژلی نشي

📢 نن خپرېږي — د پښتون پوډکاسټ دوهمه برخه

د پښتون ژغورنې غورځنګ کاناډا (PTM Canada) له خوا وړاندې کېدونکې پوډکاسټ لړۍ کې، نن د تېراه د اوسنیو حالاتو په اړه مهمه او پر وخت مرکه خپرېږي۔

په دې برخه کې:
پوځي عملیات، جبري بې‌کوره کېدل، او هغه انساني حقونه چې د تېرې خلک ورسره مخ دي، په تفصیل څېړل کېږي۔
کوربه: شیر جان تکل
ځانګړی مېلمه: خان وزیر افریدی (د تېراه اوسېدونکی)

دا خبرې د دفترونو نه، بلکې د ځمکې له حقیقته دي۔
🎙️ همدا نن — پنجشنبه، 12 فبروري 2026
⏰ ماښام 8 بجې (Toronto وخت)
📺 د پښتون پوډکاسټ یوټیوب چینل
🔗 http://youtube.com/

👉 ستاسو غږ مهم دی — وګورئ او شریک یې کړئ۔

📢 Now Premiering — Episode 2 of Pashtun Podcast
A Podcast Series Presented by PTM Canada (Pashtun Tahafuz Movement Canada).
Today’s episode focuses on the current situation in Tirah Valley — including military operations, forced displacement of local communities, and serious human rights concerns.

Host: Sher Jan Takal
Special Guest: Khan Wazir Afridi (Resident of Tirah Valley)

This conversation brings ground realities — not official narratives.

🎙️ Premiering Today — Thursday, 12 February 2026
⏰ 8 PM (Toronto time)
📺 Pashtun Podcast YouTube Channel
🔗 http://youtube.com/

👉 Your voice matters — watch & share.

پرامن مبارزه جرم نه دی. د حق غږ بندول د ټولنې پر وړاندې ظلم دی.
Peaceful struggle is not a crime. Silencing voices for rights is injustice against society.

د پښتون ژغورنې غورځنګ پرامن مشران باید سمدستي خوشې شي.
عدالت او ازادي د هر انسان حق دی.
Peaceful leaders of the Pashtun Tahafuz Movement must be released immediately.
Justice and freedom are the right of every human being.