Dil ki baatein, dil hi jane

Batein Jo tum keh na sake
Batein Jo hum sun na Sake
Batein Jo seene me dafan reh Gayi
Baatein Jo sirf Tumhari khamoshi keh Gayi
Baatein Jo tumhe jeene na de
Baatein Jo tumhe Marne bhi na de
Baatein Jo agar tum Kabhi bol pate
Baatein Jo hum tabhi sunn pate
Baatien Jo tumhe sukun de deti
Baatein Jo Hume tmhare kareeb le aati
Baatien....
Bol do Jo Dil me Hai
Bol do...bol do...
Baatein Jo tum keh na sake
Baatein Jo hum sunn na sake

Umar ke sath Dosti me faasle bad gaye
Na Jane duniya ki bheed me hum Kyu kho gaye
Socha tha ek dusre ka chahe jo ho sath denge
Mangne pe dost ke hum Jaan denge
Aaj Kehne ko ameer to ho Gaye hum
Par dene ko 2 pal kaha se laye hum

Pariyo se bhi pyara uss khuda ne tjhe bnaya
Dekh le jo tjhe kabhi fir Bhul vo na paya
Tere sajde me sar Maine sau dafa jhukaya
Bas tu hi hai jo meri deewangi ko smjh na paya
Bol de tu to has kar Jaan Mai de dunga
Mang kar dekh kabhi mera Jahan tjhe de dunga
Kabhi ek pal ke liye mjhse pyaar kar Lena
Hath mera tham Bas char kadam sath chal Lena
Mai ussi pal me Puri zindagi jee lunga
Teri sason ko apni sason me basa Mai lunga
Agar koi hai jo sabki Bas ek dua kubul karta hai
To Teri har dua Kabul ho meri to yahi ek dua hai

ae dil tu kyu rota hai
iss duniya me to yuhi hota hai,
thodi dhup to sabka hissa hai,
thoda gum to sabka kissa hai,
phir tu kyu iss gum ke bojh ko leke jeeta hai,
agar aaj vo nhi karte yaad tujhe,
to kyu tu unki yaad me khota hai,
bas itna tu jaan le ki galti teri nhi,
ha baat ye bhi sach hai ki bure vo bhi nhi,
bas samay ki maar hai jo chalta hi rehta hai,
koi to iske sath aage badh jata hai,
aur koi kahi piche chut jata hai,
aaj vo nayi duniya ke naye rango me gum hai,
to kyu tu beete palo ki yaad me jeeta hai,
aayega ek din aisa bhi,
yaad aayegi jab unhe teri hi,
bas tab talak hai intezaar,
aur tab tak,
ae dil tu kyu rota hai,
iss duniya me to yuhi hota hai,
thodi dhup to sabka hissa hai,
thoda gum to sabka kissa hai...

Chalo dur kahi chalte hai
jaha bas mai hu, aur bas tum ho
tanha na jaha kabhi ye mann ho
dilo me bas pyaar hi pyaar ho
chehre pe bhini si muskaan ho
dukh se aankh kabhi na namm ho
aur sath mere hamesha bas tum ho

Ek aisi jagah lafzo ki jaha zaroorat na ho
aakhon hi aakhon me sari baate ho
duniya ke rasmo riwaz se bandhe na hum ho
ek aisi jagah jaha ek duje se juda na kabhi hum ho
chalo durr kahi chalte hai
jaha bas mai hu, aur bas tum ho

Uss chotti si duniya me khushiya hi khushiya ho
Aur koi ho na ho, bas sath mere tum ho
Jaha meri har saans me sirf tum ho,
Dil ki har dhadkan me bhi sirf tum ho
Mere sapno me bhi tum, aur meri haqeeqat bhi tum hi ho
chalo dur kahi chalte hai
jaha bas mai hu, aur bas tum ho