معلومة وخبّــرية سورية

💎💂الشركس بـ دقيقة وحدة 💂

🔸الشركس بسورية قسمين
القسم الأول موجودين من زمن
حكم (المماليك) يعني قدامى ..

🔸والقسم التاني اجوا بسبب
مشاكل مع روسيا القيصرية ..

🔸بيتوزع الشـركس ع قرى
كاملة خاصة فيون متل خناصر
بريف حلب، ومرج السلطان بريف
دمشق، وبئر عجم بريف القنيطرة
و تل عمري بريف حمص ..

🔸والن توزعات بأحياء دمشـق
متل حي ركن الدين والمهاجـرين و
ضاحية قدسيا وبالكسوة وبمحافظات
الرقــة واللاذقيـة وسلمية(بحماة)
وديرالزور وغيرها ..

🔸كل الشراكس بسورية مسلمين.

🔸لقبهن الرسمي (شعب الأديغة)

🔸بيتزوجوا من بعض بطريقة
الخطيفة بحسب عاداتون ..

🔸ملامحهن جميلة بسبب الوراثة
والأصول اللي بتعود للمناطق الباردة
(القوقاز) نواحي روسيا..

🔸عندن رقصة خاصة فيـون و
لباس وفلكلور وعلم وجمعيات خيرية
ومراكز شركسية معترف فيا بسورية

🔸حمام الملك الظاهر بيبرس اللي
بتتحمموا فيه بحي العمارة بالشام هنن
عملوه، وجامع منجك، والجامع المعلق
وجامع الورد الكبير، والمكتبة الظاهرية

🔸بديرالزور والعراق .. الشراكس
بنادوهن (جركس) بحرف الجيم ..

🔸الرجل الشركسي فارس وعلى
خصرو خناجر وراكـب على خيــل ..
هيك كانوا وهيك لباسهن الرسمي

🔸كنياتهن غريبة( أخماسوق، بولاق)

🔶كل الحب للمكون الشركسي 💚

🔸جرب لا ترفع سقف توقعاتك
بالناس اللي حوليك سواء هدول
بتعرفن من زمان او جداد بحياتك

🔸لا تقول فلان ابن منطقتي رح
يسندني بجامعتي بجيشي بغربتي،
بسفري عن اهلي، بمشاكلي ..

🔸لا تتوقع لإنك ساعدت حدا و
جيت ع نفسك وريحتو وقدمت و
تنازلت انو رح تبين معو (اكيد)

🔸مافي شي اكيد، بجوز هو شايف
انو واجبك تقدملو، وواجبك تكون
منيح وواجبك تعطي من قلبك ..

🔸مافي ناس مناح بشكل دائم ..
اخوك ابن امك وابوك، بجوز مرته
تقعنو يبيع بيت اهلك ويشردكون ..

🔸مختصر الحديث، توقع من اللي
حوليك(كل شي) ..

🔸عفكرة، مو سلبية ولا تشاؤم ..
بس في ناس بطبعها انانية وبطبعها
طماعة وبتحب المكسب والاستغلال

🔸في ناس بغيرها الزمن للأسوء
في اشخاص بتعميها المصاري وفي
ناس عند اول موقف ببين معدنها ..

🔸ولسه في ناس منيحة ومبادرة و
بتقدر المعروف وبتبادلك فيه وبتفهم
اهمية الشي اللي انت عم تعطيه بس
(قلال) لا تفکر انو هدول هنن "الکل" ..

💚من فوائد :💚

🔸بالبداية مدفأة الحطب اسمها
وجاق، اما المازوت اسمها صوبيا ..

🔸اول فائدة .. بتسـخن عليه
ابريق المتة، ومي لتتحمم وكستنا
اذا وضعك مرتاح ومعاك تجيب.

🔸الحطبتين فيها بكفوك اكتر من
اربع ساعات متواصلة بلا ما تطفي.

🔸بتحط الطبخة وبالك متطمن
انك بهالحالة ما عم تصرف غاز ..

🔸بتحط فحم الأركيلة وبيشعل
بسرعة جواتها و ما بتتغلب فيه.

🔸الغرف كلا دافية وواصلها وهج
النار ومافي حدا بالبيت حاسس بصقعة
وهيك مابقا الن حجة للرسوب.

🔸الها فلتر بيتركب عالبورية فوق
وهيك ما بيتضايقوا الأوادم من
الريحة تبع الخشب.

🔸حتى لو طفـت، بتضل الغرف
دافية والحيطان سخنة، عن تجربة.

🔸منظرها كـلاس وجايب هيئتو
للصالون وبيعطي جو عائلـي قال
ومن هالكذب ..

🔸طن الحطب متوفر عالبطـاقة
للعائلات ، وفيك تجيب من برا ع قدك ..

🔸اهمة شي تجيب نشارة ليشتغل ..
وما يوصلوا رطوبة ..

🔸حافظ دخول الاوكسجين و تروك
شباك صغير مفتوح بالبيت مثلاً بالمطبخ

🔸ولا بد لليل ان ينجلي ولا بد للقيد ان ينكسر ..

🔸قلوبنا معكم 💚🇵🇸

🔸لاتحبّ شخص لدرجة
إنك تتقبّل أذاه !

🔸بالكلمة بالفعل بالمشاعر، شو ماكان بس بالنتيجة هو "أذى"

🔸يلّي بحبّ من قلبو، رح تكون كل تفاصيلو معك حلوة ..

🔸لهاد السبب لاتعلّق قلبك و تتعب روحك مع شخص ماعم يعرف يحبّ

🔸بالنهاية مارح تروح غير عليك، انت و بس .❤

💎ولد الهدى فالكائنات ضياء

🔸كل عام وانتم بخير بمناسبة المولد النبوي الشريف

🔸أحب التفاصيل و ارى الحُب بالتفاصيل.

🔸رسائل الليل يلي منشوفها بنص عين الصبح وتخلينا نبتسم.

🔸الكلمة الحلوة بنص الخناقة.

🔸الحنية بالوقت يلي الكل بكون ضدك.

🔸الحضن الدافي لما تكون بردان من جوا.

🔸السؤال عن بعض بأوقات الضغط والشغل .

🔸هي التفاصيل بتخليك تحب غصب عنك بتزرع جواتك حب كبير

🔸 التفاصيل الصغيرة مفعولها كبير والله ❤

🔵 معلومات #بوليڤیـا

🔸بوليڤيا هي دولة بقارة اميركا
اللاتينية الجنوبية .. واشهر واكبر
مدينة فيها مدينة ( سانتا كروز )

🔸اللغة الرسمية هي "اسباني" ..
لغة البلد والجامعات ومعاملات
الدولة وسفاراتها وكل شي فيها ..

🔸المواطن السوري بيحتاج
(برقية امنية) من دائرة الهجرة
البوليڤية بقدم عليها للموافقة من
قنصلية بوليڤيا ببيروت بحي
الدورة بلبنان ..

🔸المواطن الفلسطيني مو بحاجة
ڤيزا ليفوت عليها، بيدخل بجواز
السلطة لمدة 90 يوم .. ومابدو
لا برقية ولا تأشيرة ولا اي شي ..

🔸بوليڤيا بتعطيك اقامة نظامية
بعد سنة من وجودك فيها وكمان
فيها لجوء انساني (لتضامنها مع
القضية الفلسطينية ) بتسهل اوراق
الفلسطيني بشكل كبير ..

🔸الطيران عليها من لبنان
عالخطوط الفرنسية وبدو لايقل
عن 28 ساعة سفر و بتنزل ترانزيت
بباريس بتستريحوا نص ساعة فقط
بتكلف التذكرة 1،800 دولار امريكي.

🔸مافيك تقدم لجوء بباريس
لانك بتكون بغرفة مغلقة بالمطار
فيها حمام فقط اسمها غرفة الترانزيت
وجوازك بضل مع طاقم الطائرة ..

🔸سانتا كروز .. مدينة ٱمنة
فيها سياحة وابراج ومعامل وشركات
و اوروبيين وفيها استثمارات كتير
و جاليات عربية من (فلسطين) ..

🔸فيك تدرس ببوليڤيا بسهولة
سواء كنت سوري او فلسطيني ..
وبيطلعلك سكن جامعي عندهن وفي
جامعات لغتها انجليزي كمان ..

🔸عندهن شاطئ كامل للملح ..
وبيجذب ٱلاف السياح وراح عليها
اليوتيوبر جو حطاب، اذا بتتذكروا
هديك الحلقة اللي عملها ..

🔸تقييمي الها 50% منیحە لآنها
رخیصة والأجور مناسبة للسكن و
العمل والحياة اليومية بس مو ممتازة
يعني هي في حال تسكرت كل الدني
بوجهك ساعتها بتروح ع بوليڤيا ..

🔸وكمان بعد اقامتك فيها و
حصولك ع جنسيتها بثلاث سنوات،
فيك تروح على اسبانيا بدون فيزا ..

🔸معادن الناس بتظهر بالأوقات الصعبة ،وقت المشاكل ،وقت حقي وحقك،

🔸 وقت تعارض المصالح، وقت الزعل والخلاف ، وقت المرض ..

🔸وقت الحزن شوف مين وقف جنبك وسأل عليك ..

🔸ماتحكم على الناس بسبب شوية مدح وضحك و تسلاية شوفهن بالاوقات الصعبة وبعدها احكم ..

🔸جرب بس تنحط مع شخص بموقف حرج وشوف مين حقيقي ومين قشرة وفالصو ..

🔸الناس كلها حلوة وقت الضحك والمرح بس وقت الخلاف وتعارض المصلحة كلو بيطالع يلي جواه وبيظهر على حقيقتو ..

🔸عد مين وقف معك وقت شدتك ومين بغضبو وخصامو حافظ على سرك وما خانك ولا تزوّد عليهم أي شخص .

🔸 #النفــاق
هو ابشع شي بالعالم..

🔸بكون ما بيحبك وحاكي
عليك لكل رفقاتك وانت بتعرف
انو مابطيقك و هو كمان عرفان
انك مو كتير مستلطفه.

🔸 ومع ذلك بس يشوفك
بسلم و ببوسك بوسة و تنين
وتلاتة..

🔸 المنافق عفكرة اخطر
شخص ممكن تتعامل معو بحياتك

🔸 لأنك ما ممكن تحزر ع تصرفاته
تجاهك وما بتعرف بشو عم يفكر
وشو في بداخلته بالضبط.

🔸 اما اللي بيكرهك بالعلن
و بيحكي بوجهك.. لا تزعل منو
ولا تخاف منو.. لأنو كان واضح
وصريح وشفاف و حكى يلي
بقلبو بدون لف ودوران..
وأعلن قدامك وأمام كل الناس
انه مقهور منك أو بيكرهك
او انت عدوه رسمياً او مانه
صحبة معك بنوب.

🔸 المنافق بيقعد معك
وبزين كل كلمة و بدوزنها عن
سبق اصرار.. وبتكون اسئلته اتهامات
مو مجرد أسئلة عن الحال او الحياة..
يعني بدل ما يقلك ( ماعم نشوفك
و اشتقنالك يا صديقنا ).

🔸بقلك (الانسان بينشغل اذا كان
عندو رزق اهم من رفقاته) .. وهيك
لطشك مسمار قدام كل الحاضرين انه
الله فاتحها عليك وعم يجيك مردود
وهاد دليل حسد عفكرة..

🔸المنافقين بتلاقين بالجامعات
و بالجيش و بالغربة و بالعيلة..

🔸 المنافق شخص (يظهر
عكس ما يبطن) وهاد اسوء سلوك

🔸 دير بالك من المنافق..
اقطعها معو ع الآخر.. لا بوس
ولا قعدات طويلة ولا تخليه يعرف
عنك شي.. ونبه ع كل جماعتك ما
يحكوا ولا اي خبر عنك قدامه...

🔸" يميل الشّخص لِمن يستثنيه دائماً " ❤

🔸قديش مهمّ وجود هيك فكرة بحياة كل واحد فينا
وجود شخص بيستثنيك عن كل الناس يلي حواليه

🔸كل الدنيا عندو كوم، و انت كوم تاني ..

🔸بأي تفصيل، بأي شعور، بأي كلمة و نظرة

🔸صح ماحدا بتوقّف حياتو بسبب شخص، بس ممكن وجود شخص يحلّي الحياة بعيوننا أكتر و يعطينا قوّة و حُب .

💎ليش سموه ..

🔶 بدمشق كان في سلطان عثماني ..
وكان يبعت رجاله من العسكر ع منطقة الشعلان
لأنو فيها سوق خضار .. بكون معروض فيه المحصول
وهو مقطع ومفرز ومقطف ومحفور .. يعني جاهز ..
متل ( ورق العنب .. الفول .. الكوسا ..البازلاء )

🔶 صارت الناس تقول اجوا تنابل السلطان
و راحوا تنابل السلطان ..

🔶 تنابل .. مفردها تنبل .. ومعناها شخص
كسول وما بحب العمل ..

🔶 لحد يومنا هذا ..
سوق التنابل بتلاقي فيه الخضار مقطع ومقطوف ..