معا لوهران افضل

في مثل هذا اليوم أطلق أجدادنا اول طلقة في حرب التحرير ... طلقة كانت كفيلة ببدأ طريق طويل لإنهاء اعتبار فرنسا إمبراطورية إلى الأبد و ارجاعها الى حجمها الطبيعي 🇩🇿

وصف الخوا_رج شرار الخلق .
قال رسول الله -ﷺ:
« قوم يقرءون القرآن لا يجاوز حناجرهم، يقتلون أهل الإسلام ويدعون أهل الأوثان، يمرقون من الإسلام كما يمرق السهم من الرميّة، لئن أنا أدركتهم لأقتلنّهم قتل عاد » .*

أخرجه البخاري في صحيحه (٣٣٤٤).

🔴 السودان راه قريب يتقسم لزوج دول... وكاين كوارث تخوّف راهي تصرا ضرك على حدود مصر الجنوبية، وما راهيش داية حقها في الإعلام وما كانش لي راه يهدر عليها كامل، بالرغم من أن تأثيرها علينا كبير بزاف، وقادرة تكون من أخطر الأحداث لي تهدد مستقبل المنطقة كامل...

1️⃣ الكارثة الأولى هي أن قوات الدعم السريع أعلنت سيطرتها على مدينة الفاشر في غرب السودان... وهذه كانت آخر معقل للجيش الوطني في إقليم دارفور كامل، والطيحة تاعها (إذا كانت صح صرات) معناها تفتح الطريق لتقسيم السودان صح بين دولة شرق ودولة غرب، والتمهيد لظهور كيان متمرد وممول من الخارج على حدود مصر الجنوبية!

2️⃣ والكارثة الزاوجة هي سلسلة مستمرة من الفظائع والجرائم البشعة لي دارتها قوات الدعم السريع في حق المدنيين المحاصرين في الفاشر، ولي فاقت حتى الوحشية تاع إسرائيل في غزة!

عمليات قتل وإبادة جماعية واغتصاب ممنهج وعملي للنساء، وصل لدرجة أنهم يعلقوا الناس في الشجر ويجبروهم يحفروا قبور جماعية ومبعد يطلقوا عليهم النار، وفظائع أخرى ما نقدرش نوصفها هنا، وصلت لدرجة أنو في مرحلة سابقة كان أكثر دواء يحوسوا عليه المدنيين تما هو حبات منع الحمل!

⚫️ يا ترى واش راه يصرا بالضبط وكيفاش بدأ، وعلاه المخطط تاع تقسيم السودان هذا بدأ يتنفذ ضرك؟ وواش هي خطورة هذي الأحداث على استقرار الشرق الأوسط كامل؟

🔹️ نخليك نحكي لك القصة كاملة من الأول باش تفهم كيفاش بدات وعلاه الخطر تاعها على المنطقة أكبر من واش تتخيل... 👇

🔴 شوف يا خويا...

الحكاية كامل تبدأ في 2019، كي نجحت الثورة السودانية في الإطاحة بالرئيس السابق "عمر البشير"، وبدات طريق البلاد أخيراً نحو الديمقراطية...

🟢 السلطة في السودان في هذي الفترة ومن قبلها، كانت مقسومة بين زوج قوى مسلحة يعتبروا هما لي كانوا مسيطرين على البلاد كامل تقريباً... القوة الأولى هي الجيش السوداني الوطني بقيادة "عبد الفتاح البرهان" والقوة الزاوجة هي قوات الدعم السريع بقيادة "محمد حمدان دقلو" الملقب بـ "حميدتي"...

بمجرد ما تنحى البشير، صرا اتفاق مبدئي بين الجيش السوداني والدعم السريع على تقاسم السلطة في حكومة عسكرية انتقالية، تمهيداً لبدء انسحاب القوات من المشهد السياسي، وبدء تشكيل سلطة مدنية...

🔸️ وهذا الوضع قعد مستمر حتى لبدايات 2023...

في هذاك الوقت، كانت كاين مفاوضات تمشي بين "البرهان" و"حميدتي"، على دمج قوات الدعم السريع في الجيش النظامي الوطني، باش تبقى السلطة العسكرية كامل تابعة لجيش وطني موحد...

🔵 الجيش كان حاب عملية الدمج هذي تصرا في ظرف عامين، بصح حميدتي كان حاب يأجلها لـ 10 سنين قدام... ومن هنا جات نقطة الخلاف لي أدت لانشقاق كبير بين الطرفين، وكان هو الشرارة لي أدت لبداية حرب كبيرة هي الأكثر عنف ودموية في تاريخ السودان كامل تقريباً، راهي مستمرة عندها عامين حتى لضرك!

⚫️ اسمح لي ثانية... شكون هو حميدتي هذا أصلاً وعلاه مهم وعلاه أصلاً تكون تحت يدو قوات منفصلة على الجيش السوداني؟!

حميدتي هذا إذا ما تعرفش قصتو، هو في الأصل كان راعي إبل زمان... والمفاجأة أنو أصلاً ماشي سوداني، بل هو تشادي الأصل، وجا من التشاد في الثمانينات هرباً من الجفاف، حتى استقر في إقليم دارفور في غرب السودان...

🟣 في البداية كان يخدم راعي عادي، حتى ترقى ولى قائد وزعيم قبلي، وولات تحت يدو قوات من الشباب المسلح بمباركة من عمر البشير نفسه، كانت جزء من قوات قبلية اسمهم "الجنجويد"... وهذه الميليشيا استغلها البشير ودعمهم بالسلاح والدراهم باش يدمر التمرد لي كان صاري في إقليم دارفور ضدو في منتصف الألفينات...

🟡 ومبعد ما نجحوا صح هو وزملاؤه من قادة "الجنجويد" في تدمير التمرد بوحشية ما عندهاش مثيل، البشير كان فرحان بيه؛ وقرر يزيد يدعمو وخلّاه يولي مسؤول على السيطرة على "الجنجويد" كاملين، ودمجهم في قوة وحدة موحدة سماها "قوات الدعم السريع"...

ومبعد زاد النفوذ تاعو حتى ولات عندو قوة وسلطة كبار بزاف، وصلوه أنو يبني إمبراطورية ضخمة على سرقة ذهب السودان، لي توصل الأرباح تاعها لحوالي 20 مليار دولار في العام!

🔹️ وهذا كامل كان بمباركة من البشير، لي كان يستعين بيه كورقة ضغط على قيادات الجيش، وكتأمين لنفسو ضد أي محاولة انقلاب أو ثورة شعبية ضد الحكم تاعو...

المهم أن الوضع قعد مستمر كيما راه، حتى قامت الثورة وتنحى البشير من بلاصتو بالرغم من كل شيء، وولات السلطة مقسومة بين الجيش والدعم السريع... حتى صرا الصدام بيناتهم في 15 أفريل من 2023... قبل حرب غزة بحوالي 6 أشهر...

🔴 هذا كامل لي فات يعتبر Backstory مختصرة بزاف للصراع، راني نحكيها لك برك باش تبقى فاهم واش لي وصل الأمور للشكل الحالي تاعها... بصح الفكرة ضرك أنو واش راه يدور ما بقاش مجرد صراع داخلي على السلطة خلاص... بل تحول لشيء أخطر من هكذا بزاف...

🟠 الدعم السريع في خلال الأشهر لي فاتو، نجحوا في السيطرة على جميع أقاليم دارفور الخمسة، ما عدا عاصمة ولاية "شمال دارفور" لي هي مدينة "الفاشر"... وهذه المدينة كانوا عندهم أكثر من 500 يوم محاصرينها ومجوعين أهلها ويحاولوا يدخلوها، وراهم يديروا مجازر تخوّف في حق السكان باش يكسروهم ويقدروا يسيطروا عليها...

علاه حابين يسيطروا عليها؟ وواش المهم بزاف هكذا في الفاشر ودارفور يعني؟

باش تفهم، أرواح معايا نرجعوا للخريطة هكذا ونشوفوا هذي المنطقة وين راهي... 👇

🟢 إقليم دارفور هذا يا صديقي كيما راك تشوف في الخريطة هكذا؛ ضخم بزاف... يغطي أكثر من ربع مساحة السودان، والموقع تاعو استراتيجي على خاطر يطل على حدود أربع دول (ليبيا، تشاد، إفريقيا الوسطى، وجنوب السودان)، ويجي على بعد كيلومترات من حدود مصر الجنوبية...

هذا الإقليم لداخل فيه ثروات طبيعية ضخمة بزاف تعتبر هي الأكبر في السودان كامل تقريباً، بين بترول وغاز وذهب، ومعادن نفيسة كيما النحاس والحديد والفضة والكروميت والنيكل والمنغنيز والكوارتز، وحتى اليورانيوم نفسه... وزيد عندهم موارد زراعية ضخمة بزاف وخزانات كبيرة للمياه الجوفية من بين الأكبر في المنطقة كامل...

🟡 كي يجي كيان متمرد ويسيطر على هذي المنطقة كامل، هذا يعني أن السودان خلاص تقسم لزوج دول... دولة في الشرق ودولة في الغرب، وولات كاين كيان مسلح وممول بمليارات الدولارات على حدود مصر مباشرة!

⚫️🟣 علاه يا ترى؟ وشكون لي راه يدعم الدعم السريع بالدراهم والتمويل هذا كامل باش يسيطروا على الإقليم، وشكون لي مخليهم مستمرين حتى لضرك وقادرين يوقفوا قدام الجيش السوداني الوطني؟

🔸️ الإجابة يا صديقي هي للأسف الشديد... الإمارات...

1️⃣ المعلومات والتقارير الصحفية كامل تشير بوضوح أنو كاين دعم إماراتي ضخم ومستمر يوصل لحميدتي، سواء بالمال ولا بالسلاح ولا بالمرتزقة، وهذا الدعم هو لي مخلي ميليشيات الدعم السريع مستمرة حتى لضرك ومازال عندها وقود وذخيرة وزيد معدات عسكرية جديدة، قادرة بيها تكمل في مشروع تقسيم السودان لصالح أجندة الإمارات الإقليمية، لي الهدف تاعها هو السيطرة على ثروات السودان، حتى لو كان هذا يهدد أمن مصر بشكل مباشر!

2️⃣ وحاب نقولك دعم الإمارات هذا ماشي مجرد كلام من عندي... الجيش السوداني نفسو سبق ورفع شكوى في محكمة العدل الدولية ضد الإمارات بتهمة التواطؤ في جريمة إبادة جماعية للشعب السوداني بسبب دعمها للدعم السريع، بصح الدعوى هذي ترفضت لأسباب إجرائية...

3️⃣ هذا من غير أن الإمارات سبق وتحطت في القائمة الرمادية لغسيل الأموال من جهة مجموعة العمل المالي (FATF) الدولية التابعة لمجموعة الدول الصناعية السبعة ولا الـ G7، وزيد أدرجت على القوائم الرمادية لوزارة الخزانة الأمريكية... وهذا -حسب تحقيقات صحفية منها تحقيق لجريدة "لوموند ديبلوماتيك"، صرا بسبب تسهيلها لتهريب ذهب السودان بالتعاون مع حميدتي!

🟡🟢 حالياً الدعم السريع صح أعلن الاستيلاء تاعو على مقر الكتيبة 6 مشاة، لي كانت هي آخر معاقل الجيش السوداني في مدينة الفاشر، وآخر حاجز قدام سيطرتهم على دارفور كاملة... ودرك كاين مجازر وحشية راهي تصرا للناس تما، يشيب لهولها الصغار، وأكبر بمراحل من أي شيء تجرأت إسرائيل عليه في غزة...

⚫️ وهذا كامل عليه تعتيم إعلامي كامل وما كانش لي راه يهدر عليه كامل، بسبب الارتباط تاعو بشكل مباشر بالدعم الإماراتي لي راه صاري هذا كامل!.

- يد تغرس و يد تحرس 🖤🔥 !

من رأى صورة هذا الرجل فلا يأمن على نفسه الفتنة !

كان عبدالله بن علي القصيمي عالمًا بارعًا ومدافعًا عن الإسلام، ألّف كتابه الشهير (الصراع بين الإسلام والوثنية) فأشاد به العلماء، وعدّه بعضهم ابن تيمية عصره، ثم تبدّل حاله فارتد وألحد، وغادر السعودية إلى مصر لينشر كتبه في الإلحاد.

نسأل الله السلامة والعافية

اللهم احمِ الجزائر 🇩🇿 وأهلها من كل سوء🤲🏻
واحفظ أبناءها من الفتن والمصائب🤲🏻
واجعل هذا البلد 🇩🇿 آمنا مطمئناً وسائر بلاد المسلمين 🤲🏻

خضراء بإذن الله 🌿🌿🇩🇿

المهم والاهم :
لي يخلي مرتو متبرجة ماشي راجل ، ولي يخليها تبان في مواقع التواصل حتى و لو متحجبة ماشي راجل ولي ضد الكلام هذا ثان ماشي راجل
و انتهى

🔴
شفت فيديو حكمو هشام الوهراني في واد الفضة ،حاجة تفرح بزااف ولي تفرح اكثر أنه الشعب هو لي القى القبض عليه ..
لي ما تعجبش أنهم بزااف كانوا يسبوا فالله، وسب الله عز وجل كفر مخرج من الملّة يعني جيت تنهى على منكر كفرت !؟
بفعل كيما هذا وليت أسوء منه ... لهذه الدرجة نقص تعظيم الله في قلوب الناس؟ بعض الأشخاص نهاو على ضربه لكن ولا شخص نهى عن الكفر برب العالمين ؟ باش تفهم الحالة لي وصلنالها !
مانيش طايح مفتي وحاجة كبيرة بصح هذا هو الحق ، سب الله ذنب عظيم بزااااف وهو من نواقض الإسلام والله المستعان ، نسأل الله العفو والعافية

في كثير من الأحيان تبرّر الكاسية العارية تبرّجها بكون كثير من المحجبات يفعلن كذا وكذا، فشوّهن الحجاب، وتراهن يرمين المحجبات بالنفاق لما قد يصدر من بعضهنّ.
إضافة إلى كون الحجة هذه داحضة عند الربّ عزّ وجلّ، فإن وصف النفاق يصدق على المتبرجات الكاسيات العاريات، لا على المحجبات، كما روي عن رسول الله صلّى الله عليه وسلّم:" وشرّ نسائكم المتبرجات المتخيّلات، وهنّ المنافقات، لا يدخل الجنّة منهنّ إلّا مثل الغراب الأعصم"
صححه الألباني.