حمله هوHowa campaign

عمرك حسيت إنك ماسك الموبايل بالساعات… من غير ما تكون عايز فعلًا؟

هتلاقي إن الإدمان مش بس مخدرات… لا ده كمان إدمان سوشيال ميديا، وده بيكون نتيجة إنك مش عارف تعبّر عن اللي جواك أو حتى تفهمه.
فبدل ما تواجه مشاعرك، بتهرب للسكرول… فيديو ورا فيديو، بوست ورا بوست، لحد ما الوقت يضيع وانت لسه حاسس بنفس الفراغ.

الموضوع بيبقى أصعب عند الرجالة، لأن المجتمع بيزرع فيهم إن التعبير عن المشاعر ضعف… فبيكتموا ويحاولوا يبانوا أقوى، لكن الحقيقة إن الكتمان ده بيخلّيهم يدوروا على أي حاجة تلهّيهم حتى لو كانت بتأذيهم.

الحل مش إنك تمنع نفسك بالقوة… الحل إنك تبدأ تفهم وتحس وتعبّر عن اللي جواك، لأن الهروب عمره ما كان حل.

#الأليكسيثيميا

عيد شم النسيم 🌸
اجازة، خروجات، وهوا حلو

بس افتكر كمان:
مش لازم تستحمل كل حاجة لوحدك

لو تعبان نفسيًا… اتكلم
طلب الدعم مش ضعف

كل سنة وانت بخير وراحة بال 💙



#اتكلم


# حملة هو

الصحة النفسية بقت أهم مشكلة صحية في العالم…
ومن خلال بحثنا، اكتشفنا إن
نسبة كبيرة من الرجالة عندهم صعوبة في فهم مشاعرهم أو التعبير عنها
مش عشان مش بيحسوا…
لكن عشان محدش علمهم إزاي يحسوا ويعبّروا
علشان كده دايمًا بنسمع:
“أنا تمام”
بس الحقيقة غير كده
القوة مش في السكوت
القوة إنك تفهم نفسك وتبدأ تعبّر، حتى لو خطوة صغيرة
إنت مش لوحدك 💙
#توعية #رجالة #اتكلم

تغطية صحفية جديدة بتسلّط الضوء على مشروعنا كطلاب إعلام في جامعة MSA، وعلى رسالتنا في مناقشة قضية مهمة زي الصحة النفسية للرجال وكسر الصورة النمطية.
اللي بدأ كفكرة… بقى صوت حقيقي بيتسمع 💙
وده بفضل دعمكم وثقتكم فينا.
دي مجرد البداية… واللي جاي أقوى 🔥




#اعلام

طلاب كليه الاعلام جامعه MSA وحمله اعلاميه جديده - الشاهد المصرى كتبت مايسه عبدالحى شعيب عن حلم شباب كليه الاعلام جامعه MSA فى شكل حمله اعلاميه ومشروع تخرج بعنوان “هو راجل كده كده”.. حملة طلابية تعيد طرح مفهوم الرجولة في مصر في وقت ....

في World Health Day…
بنفتكر إن الصحة مش بس جسدية.
ورا كل “أنا كويس”…
ممكن يكون في ضغط، خوف، أو كلام كتير مستخبي.
اتربينا إن الراجل لازم يستحمل ويسكت…
بس الحقيقة إن الكلام مش ضعف،
الكلام شجاعة.
حملتنا موجودة عشان نكسر الفكرة دي،
ونقول لكل راجل: إحساسك مهم، وصوتك مهم.
خد لحظة النهارده واسأل نفسك:
أنا حاسس بإيه بجد؟ واسأل حد 💙 قريب منك نفس السؤال.
#اتكلم

مش كل راجل ساكت… مفيش جواه حاجة
أوقات بيبقى حاسس… بس مش لاقي كلام
كتير من الرجالة اتعلموا من وهم صغيرين إن التعبير عن المشاعر ضعف…
فبقوا بيكتموا كل حاجة جواهم
بس الحقيقة؟
السكوت مش دايمًا قوة… ساعات بيبقى وجع
لو حاسس إنك مش عارف تعبر… إنت مش لوحدك 💙
#اتكلم

سعداء جدًا بالتغطية الإعلامية اللي حصلت عليها حملة "هو راجل كده كده" من تعليم نيوز 🤍

التغطية دي خطوة مهمة لينا، وبتأكد إن رسالتنا عن إعادة تعريف مفهوم الرجولة بدأت توصل، وإن في اهتمام حقيقي بقضايا الصحة النفسية بين الشباب.

ممتنين لكل الدعم، ولسه مكملين علشان نوصل لفكرة بسيطة لكن مهمة:
التعبير عن المشاعر مش ضعف… دي قوة 💪

تابعونا… واللي جاي أقوى 🔥

#شباب #مصر

| طلاب إعلام بجامعة MSA يطلقون حملة "هو
راجل كده كده" لتصحيح مفهوم الرجولة في المجتمع المصري."

حملة "هو راجل كده كده": إعادة تعريف الرجولة في المجتمع المصري

في ظل التغيرات اللي بيشهدها المجتمع المصري، لسه مفهوم "الرجولة" مرتبط عند ناس كتير بالصمت والكتمان. لكن مع زيادة الوعي بالصحة النفسية، بقى في تساؤل: هل ده فعلًا هو المعنى الحقيقي؟

من هنا، أطلق طلاب إعلام بجامعة MSA—محمد أسامة، مريم محمود، ونورهان عبده—حملة "هو راجل كده كده"، تحت إشراف الدكتورة رانيا شعبان ونادين سعد، بهدف كسر الصورة النمطية اللي بتقول إن الراجل لازم يخبي مشاعره. الحملة بتأكد إن التعبير عن المشاعر مش ضعف، بل حاجة طبيعية.

وبتقدم أمثلة من الحياة اليومية: عادي الراجل يعيط على حد غالي، يقول إنه مضغوط، أو يطلب الدعم من صحابه—من غير ما يتحكم عليه.

الحملة بتستهدف الشباب، وبتسعى تخلق مساحة آمنة للحوار، وتشجع على نظرة أوسع وأكتر إنسانية لمعنى الرجولة.

وفي النهاية، بتطرح سؤال بسيط:
هل الرجولة إنك تكتم؟ ولا إنك تعبّر؟
#مصر #الوطن #الجامعات #خاصة

فخورين جدًا إن حملتنا بقت محل اهتمام إعلامي،
وتم نشر مقال عنها بيتكلم عن فكرتها ورسالتها وتأثيرها في المجتمع 💙
اللي بيحصل ده بالنسبة لنا مش مجرد انتشار…
ده دليل إن الموضوع مهم، وإن في ناس بدأت تسمع وتفكر وتناقش.
حملة "هو راجل كده كده" هدفها بسيط وواضح:
إننا نكسر فكرة إن الراجل لازم يسكت ويكتم،
ونأكد إن التعبير عن المشاعر مش ضعف… دي قوة.
📌 دي مجرد بداية… ولسه في خطوات جاية أقوى.
👇 اقرأوا المقال اللي اتكتب عن حملتنا من هنا:
https://www.bshkatib.com/11164⁠�
💬 قولولنا رأيكم:
هل فعلاً المجتمع محتاج يغير مفهومه عن الرجولة؟
#وعي #الرجولة