30/05/2026
الصين تُفاجئ العالم! 🇨🇳✝️
رغم أن الصين تُعرّف نفسها رسميًا كدولة ملحدة وتفرض قيودًا على الأنشطة الدينية، إلا أن المسيحية تواصل نموها بشكل لافت داخل البلاد.
ويؤكد كثير من الباحثين أن الصين قد تصبح يومًا ما موطنًا لأكبر عدد من المسيحيين في العالم.
كيف يحدث ذلك؟
🔹 الكنائس المنزلية غير الرسمية
🔹 اجتماعات الصلاة الهادئة
🔹 حلقات دراسة الكتاب المقدس
🔹 مؤمنون يشاركون إيمانهم بشجاعة رغم التحديات
في الوقت الذي يعتقد فيه البعض أن الإيمان يتراجع عالميًا، تشير تقارير عديدة إلى أن آلاف الأشخاص يعتنقون المسيحية في الصين كل عام.
ما رأيك؟ هل يمكن أن تصبح الصين أحد أكبر مراكز المسيحية في العالم خلال العقود القادمة؟
#الصين #المسيحية #إيمان #الكنيسة
28/05/2026
#عاجل| قصة حقيقية من واقع الخدمة "صديقي المسيحي المسلم" ✝️🌙🇪🇬❤
بقلم السيد اللواء عبدالغفار أبوالعطا
كنت أعمل في منتصف التسعينات ضابطا برتبة نقيب بمباحث ميت غمر بالدقهلية و في مرة كنت جالسا مع أحد الضباط فاستفسرت منه علي جواهرجي يكون مضمون أتعامل معه في شراء هدية فدلني علي ( بلبل الجواهرجي ) في شارع الصاغة في ميت غمر
ذهبت لشارع الصاغة ووصلت لمحل المجوهرات .. يافطة مكتوب عليها مجوهرات الحاج منصور .. عادي جدا وأنا مش فارق معايا صاحب المحل مسلم أم مسيحي وكنا في هذا الزمن لا يشغل بالنا تلك المسألة نهائيا .. المهم دخلت المحل تقابلت مع شاب مهذب هو بلبل الجواهرجي .. رحب بي جدا وسألني عن احتياجاتي وطلبلي الواجب
أثناء تواجدي بالمحل فيه بعض الأمور تلفت نظري زيادة شوية عن الطبيعي .. لم يلفت نظري أية معلقات داخل المحل تشي بأن بلبل مسيحي ومكتوب علي اليافطة الحاج منصور وأثناء تواجدي بالمحل لاحظت إن بلبل وهوه بيتعامل مع زبائنة مرة بلبل يقول صلي علي النبي ومرة الزبون يقول لبلبل صلي علي النبي يابلبل وبلبل يرد عليه أفضل الصلاة والسلام
وأنا قاعد في المحل عقلي الباطن ترجم إن بلبل مسلم ليس مسيحيا .. أنا قلت سابقا في حديثي مش فارقة وكان زمانا لا يشغلنا لكن العقل الباطن يبحث دائما عن مدلولات .. خلاص بلبل مسلم .. سألته اسمك الحقيقي إيه قالي نبيل بس معروف في ميت غمر بلبل .. تمام بلبل شاف طلباتي وحاسبته وخد تليفون المكتب وانصرفت
ييجي رمضان الاقي تليفون المكتب يرن مكنش فيه موبايل كل سنة وانت طيب يافندم انا بلبل الجواهرجي .. كل سنة وانت طيب يابلبل ورمضان كريم عليك وعلي الأسرة الكريمة .. ييجي مولد النبي عيد الفطر عيد الأضحى كل سنة وانت طيب يافندم وأرد عليه .. عادي جدا مسلم بيعيد علي مسلم .. ظللنا علي هذا الوضع سنين
في يوم كانت أعياد مسيحيين وكنت معين علي كنيسة بجوار قسم الشرطة .. أهالي ميت غمر يعلموها جيدا .. جالس لقيت بلبل وصحبته إحدي السيدات تبدو زوجته وطفلين يخرجون من الكنيسة ويرتدون أشيك الثياب فلمحني متواجد فأقبل علي وأسرته وسلموا علي فسألته إيه يابلبل بتعمل ايه هنا والولاد .. قالي بعيّد .. قولتله بتعيد !! ؟؟ .. قالي أيوه .. قولتله انت مسيحي قالي أيوه انا مسيحي
قولتله ومحل الحاج منصور وووو .. لقيت بلبل انفجر في الضحك .. قالي الحاج منصور ده الوالد وعندنا إلي بيزور القدس بنقول عليه الحاج أو المقدس .. المهم رحبت بيهم وهنأتهم بالعيد وانصرفوا وظل بلبل صديقي وأصفه دائما بصديقي المسيحي المسلم
تلك هي مصر لم نعلم يوما المسلم من المسيحي .. شعب واحد وقلب واحد 🇪🇬❤
#مصر
المصدر: الصفحة الرسمية لسيادة اللواء عبدالغفار أبوالعطا
27/05/2026
إلى الأستاذ اللي خرج علينا وهو بيقطع صور القديسين والقديسات 💔 وتصور أنه بكده حقق نصر مبين على الوثنية اللي في خياله هو بس 🤔 هل تحب كمان نقطع صور الشهداء دول ⁉️ طب هل أنت متصور أننا بنعبد دول كمان ⁉️ طب هل أنت قدمت للإيمان اللي قدمه الشهداء دول ⁉️ اللي شهدوا بدمهم عن صلابة إيمانهم 💪 طب يعني عايزنا نهينهم ونحتقرهم عشان ترتاح ونبقى كده مؤمنين كويسين في نظرك ⁉️ طب إذا كان الله بيقول: (فَإِنِّي أُكْرِمُ الَّذِينَ يُكْرِمُونَنِي) (1 صم 2: 30) يبقى اللي ربنا بيكرمهم نهينهم أحنا ⁉️ طب هل تطلب منا أن نسير في الحياة بلا شركة مع جماعة القديسين الذين سبقونا إلى الأبدية ⁉️ طب هل ده بيحقق القصد الإلهي الذي يجمعنا معا "لِيَكُونَ الْجَمِيعُ وَاحِدًا، كَمَا أَنَّكَ أَنْتَ أَيُّهَا الآبُ فِيَّ وَأَنَا فِيكَ، لِيَكُونُوا هُمْ أَيْضًا وَاحِدًا فِينَا، لِيُؤْمِنَ الْعَالَمُ أَنَّكَ أَرْسَلْتَنِي." (يو 17: 21) 🤔 طب هل تطلب منا أن نجحد قول الكتاب "اُذْكُرُوا مُرْشِدِيكُمُ الَّذِينَ كَلَّمُوكُمْ بِكَلِمَةِ اللهِ. انْظُرُوا إِلَى نِهَايَةِ سِيرَتِهِمْ فَتَمَثَّلُوا بِإِيمَانِهِمْ." (عب 13: 7) ⁉️ حقيقي أنا مش فاهم ومستغرب 🤔
