أحنا ثوار حزب الكنبه ومش عاجبنا لا أخوان ولا معارضه و هنصحح مسار الثورة

عزيزي السائح الخليجي..

بعد التحية والسلام وال هلا والله هلا والله..

لما تيجي مصر مش هتشوف ناس بتضحك وبتاخد بعض بالأحضان زي ما مدام أنغام فهمتك،هتلاقي وشوش مليانة قلق،خوف،كآبة..كائنات عصبية مش طايقة بعض،واقفين لبعض علي الكلمة،سواقين بتكسر عليك،وناس فاتحة ازاز عربياتها وبيردحوا لبعض،وعيال بتعاكس،وبنات ماشية خايفة..الحاضر صعب،والمستقبل مفيهوش اشارة واحدة للطمأنينة فأكيد مش هيتجاهلوا كل ده ويضحكوا في وشك،كانوا عملوها مع بعض..

الشرطة عندنا مش آسر ياسين،شاب كيوت وبيضحك في وش البشر،عندنا وجه تاني للشرطة،هيئة تنشيط السياحة مش عايزة توريهولك لأنك بتدخل عملة صعبة..في المقدم أحمد مصطفي اللي قتل شيماء الصباغ،والمقدم عمر حماد والرائد محمد الأحمدي اللي عذبوا المحامي الشاب كريم حمدي حتي الموت،وفيها ظابط وقف سواق تاكسي وربطه في العربية عشان بيحتج علي سير الرتبة عكس الاتجاه..آسر ياسين لايمثلنا..

روح الفيشاوي بس مش هتلاقي ناس شبه منير وهنيدي،لو رحت الصبح هتلاقي عيلة أبوها مسرحها في الشارع عشان تصرف علي البيت،هتيجي علي طرابيزتك وترمي فول أخضر وتلح عليك تشتري منها،هترفض،وهتتضايق،فهيجي حد من القهوة يضربها شلوت بسن جزمته يكسر سلسلة ضهرها...دول حصيلة 40% فقر،الحكومة مش عايزة توريهم لك،أو تعترف بهم حتي عشان ميوسخوش صورة البلد في عينك،بس دي بلدنا..

اوعي تفكر انك هتشوف ناس شبه انغام بفستانها القصير،وغادة عادل بطرحتها الخفيفة وابتسامتها الواثقة زيادة عن اللزوم دي،وبلقيس بشعرها الأصفر،وفستانها الذهبي..دي مش مصر خالص..مصر يعني بنات ماشيين في عز الحر متكلفتيين بمليون طرحة وهدوم ملونة،وفي كل خطوة بيمشوها ان شاء الله يكونوا لابسين لبس افغاني بياخدوا كم لاتحتمله امرأة من تحرش لفظي وجسدي..الحكومة برضه شالت دول من الصورة،الفساتين والشعر المكشوف هما كود الحكومة المناسب لزي المرأة،الكود اللي متستعرش منه وهي بتقدم نفسها للعالم..لكن ده برضه مش احنا خالص..

مصر مش الكورنيش وحنطور بيستقبلك فيه سمير غانم ودلال عبد العزيز..مصر الاف القري مش لاقية صرف صحي،مصر ملايين المعدمين وساكني القبور،مصر ملايين عايشين علي الكفاف ومرتبهم بيكفي لآخر الشهر بالعافية وبيموتوا ويورثوا لأولادهم الفقر،عيال بتموت في المدارس،وأكبر نسبة وفاة علي الطرق في كوكبنا الأغر،ومرضي بيترموا علي أرصفة المستشفيات عشان مش معاهم تمن الفيزيتا..

مصر مش قريبة لاولادها أصلًا..مصر خذلتهم بشكل مهول..اتفرج علي طوابير الحالمين بتذكرة ذهاب بلاعودة علي سفارات أوروبا،علي الاف قضوا في مراكب الهجرة غير الشرعية،علي أضعافهم اللي شافوا اخواتهم بيتدبحوا في ليبيا ومش راضيين يرجعوا مصر..مصر بعيدة عن ناسها..بس هتكون قريبة منك،انت معاك فلوس تدفع،وهي يتحب الفلوس،وبتقرب أصحابها،وبتكره الفقر والفقراء وبتطردهم..حظك في دي حلو..

مصر بتاعة الحكومة غير بتاعتنا..بتاعتهم صورة مزيفة،تفننوا في رسمها من غرفهم في كومبوندات معزولة بأسوار حديدية عشان ميشوفوش الفقر،ويسرقوا من غير إحساس بتأنيب الضمير..مصر بتاعتنا هي اللي فوق دي بالظبط،مش بنخبيها ولا بنتكسف منها..مش ذنبنا لو شفتها من طرف ازاز عربيتك اللي فتحته عشان تدي لطفل جنيه..حاولنا نعدلها مرات ومرات لكن إرادتهم لبقاءها فقيرة،متخلفة،مريضة،متسولة من أمثال حضرتك في المواسم،كانت أقوي مليون مرة..

يا 100 ألف ويلكم..نورتنا..شرفتنا

مصر قريبة

الحمد لله ان الإخوان غاروا
------------------------------
كان زمانا دلوقتي في أزمة أنابيب وكهربا

و كانوا غلوا البنزين و السولار و المواصلات والكهرباء والمياه وأسعار الأكل والشرب غلييت

و الجنيه كان زمانه بينزل قدام الدولار

و كان زمانا بنشحت من الخليج

و كان فيه بطاله

وكان فى انفجارات فى كل مكان

وكان و الجنود يتقتلوا في سينا كل يوم و التاني

و كان زمان مبارك و رجالته بره السجن

و كان زمانا دخلنا حرب مع أشقائنا ليبيا

وكان العدو الصهيوني و الأمريكاني سفارتهم لسه مفتوحه و علاقتنا بيهم حلوه و
ماكانوش جابوا حق شهداء يناير

وكانت السجون تبقى مليانه معتقلين من ثوار يناير ...

الحمد لله كان زمان مافيش إستقرار زي دلوقتي
استقرار استقرار يعنى
تحيا مسر تحيا مسر تحيا مسر

٥٠ طفل مات في حادث قطار
--> منك لله يا مرسي

٣٠ قتيل (حتي الان) في حادث قطار
--> يا عم يعني السيسي هو اللي سايق القطر

١٩ عسكري اتقتلوا في رمضان
--> الله يحرقك يا مرسي

يوميا عساكر و ظباط و لواءات بيتقتلوا
--> يا عم ما الارهابيين اللي بيقتولوهم

تهديد بغلق برنامج باسم يوسف
--> يا مرسي يا ارهابي فين حرية الاعلام

غلق برنامج باسم يوسف
--> احسن عشان باسم زودها و بقي انسان سافل

الكهرباء بتقطع ٦ ساعات كل يوم
--> اللهي تتشل يا مرسي

الكهرباء بتقطع بالايام
--> يا عم يعني السيسي هو اللي ماسك سكينة الكهرباء

السد هيتبني و النيل هيضيع
--> مرسي باع بلده و مش هنلاقي مياة نشربها

السد هيتبني و لكنه خير لمصر
--> تسلم الايادي يا سيسي دا احنا لازم نبنيه معاهم كمان

العيب لا في مرسي ولا في سيسي ولا حتي في مبارك

العيب في اللي مرخص نفسه

يوميات مواطن مصري
أحلام منسيه
***************
مانيش خايف علي منصب
ولا راكع قصاد كرسي
ولا بهتف عشان سيسي
ولا بحلف برأس مرسي

أنا المقهور بأطماعكم
أنا المسجون فى خطاويكم
بعيش العمر أسمعكم
و موتى لعبة تحييكم

وبكتم صرختى فيا
و أشوفكم من ورا قناعكم
تعيشوا تهتفوا بجرحى
و جرحى عمره ما وجعكم

أنا الواقف حياتى طابور
أبات وأحلم أموت مستور
تعدي سنين وراها سنين
و أقول يمكن هيجي الدور!!

و أتارينــــــــى بلف وادور
فى شوارع مفيهاش نور
وأحلامـــــــــــــى منسيه

هيقتلك_فى الشارع ويقول عليك ارهابى
هيقتلك_فى المسجد ويقول عليك انت اللى بتضرب
هيقتلك_فى السجون ويقول عليك حاولت تهرب
هيقتلك ويحرق جثتك ويقول انت اللى حرقت نفسك
هيقتلك ويطلب من اهلك يقولو انك منتحر "برصاصه فى الرقبه او فى الراس او فى الصدر"

بس المشكله مش فيه هو !!
المشكله فى الحمار اللى مهما تحكيله وتقوله وتجيبله فيديوهات ،، هو بردو مصدق قتال القتله !!
مصدق اعلام من يوم ما اتولد لحد النهارد وهو بيكدب عليه !!

وفى النحية التانية

فى جنود بتموت فى سينا والمنصورة والاسماعيلة

وهو مش هامة غير يقبض على بنات معاها شعار رابعة او شباب بيتظهروا

فى جامعتهم او ستات نازلين مظاهرة

مش هنكر ان فى ارهاب بس انت مطالب تقبضلى على الارهابيين مش ال نزلين مظاهرات حتى لو مختلف معاهم فى المطالب هتقولى مش سلميين هقولك امين ال يعمل حاجة يتعلق مش بنات وشباب

انت نزلت اخدت تفويض ودا مش من حقك لان وجبك انك تحارب الارهاب او اى خطر على الدولة
___________________________________________________

وعلى فكره : الخروف مش هو اللى ينزل الشارع يقول رأيه تحت مطر الرصاص

الخروف هو الجبان اللى بيصدق الجبان،، الخروف هو اللى يصدق اللى خان ،، الخروف عمره ما نزل ميدان
الخروف هو اللى ممدد جنب امه ويقولك كل ال هينزل الشارع يوم محمد محمود اخوان او طبور خامس او دول عيال عاوزة تولع فى البلد زى ما الاعلام ال انت بتسمعلة بيقولك.

الخروف هو ال مصدق قنوات الاعلام المصرى وال بتقولة وهى من سنتين بس كانت بتجيب كورنيش النيل فاضى والبلد والعة او الاعلاميين ال كانوا بيطبلوا لحسنى وبعدين طنطاوى ودلوقتى السيسى.

وبرضوا مش هقولك ان الجزيرة حلوة لا منحازة للاخوان اى اعلام دلوقتى فاسد ومنحاز لطرف معين انا مش معاه انا مع المخ ال بيشوف ويفكر ويقرر هو مع مين.

اوعوا تخلوا حد يضحك عليكم.. ربنا ادنا عقل نفكر بيه مش علشان نلغيه ونخلى غيرنا يفكرلنا.

إنت زعلان من مبارك مش من الدولة؟ زعلان من طنطاوي وعنان مش من الجيش؟ من العادلي مش من الداخلية؟ من صفوت الشريف مش من الإعلام؟ من أحمد عز مش من الرأسماليين؟ طيب.. آدي مبارك اتخلع واتسجن، وطنطاوي وعنان قاعدين في البيت، والعادلي مشرّف في الزنزانة، وصفوت اتنسى، وعز بيخرج من محاكمة يخش محاكمة.. لكن لسة الدولة والجيش والداخلية والإعلام والرأسماليين بيظلموا ويضطهدوا أسوأ من الأول. القضية مش في الأشخاص، مش في بس الأشخاص ، مش أساسا في الأشخاص، القضية في مؤسسات اتبنت عشان تقمع وتضطهد وتظلم، وفي علاقات اجتماعية مبنية على الاستغلال.. عشان تغير الدنيا وتقضي على الظلم، فكر إزاي تقلب المؤسسات دي وتخلق مؤسسات حامية للعدل والحرية والمساواة.

بيان «الداخلية»بيقول المجد لشهداء «محمد محمود» الذين سالت دماؤهم لتروي شجرة النضال

انتو لو شربتو كل الحشيش الى فدولاب الاحراز مش هتقولوا الكلام ده .. الداخليه بتبهر العالم الصراحه

تعيش وتقتل اباشا

عندما أراد الصينيون القدامى أن يعيشوا في أمان؛ بنوا سور الصين العظيم .. واعتقدوا بأنه لايوجد من يستطيع تسلقه لشدة علوه، ولكن ..!

خلال المئة سنة الأولى بعد بناء السور تعرضت الصين للغزو ثلاث مرات !
وفى كل مرة لم تكن جحافل العدو البرية فى حاجة إلى اختراق السور أو تسلقه ..!

بل كانوا في كل مرة يدفعون للحارس الرشوة ثم يدخلون عبر الباب.

لقد انشغل الصينيون ببناء السور ونسوا بناء الحارس .. !

فبناء الإنسان .. يأتي قبل بناء كل شيء وهذا ما يحتاجه طلابنا اليوم ..
يقول أحد المستشرقين:
إذا أردت أن تهدم حضارة أمه فهناك وسائل ثلاث هي:
1/اهدم الأسرة
2/اهدم التعليم.
3/اسقط القدوات والمرجعيات.
*لكي تهدم اﻷسرة:عليك بتغييب دور (اﻷم) اجعلها تخجل من وصفها ب"ربة بيت"
*ولكي تهدم التعليم: عليك ب(المعلم) لا تجعل له أهمية في المجتمع وقلل من مكانته حتى يحتقره طلابه.
*ولكي تسقط القدوات: عليك ب (العلماء) اطعن فيهم قلل من شأنهم، شكك فيهم حتى لايسمع لهم ولا يقتدي بهم أحد.

فإذا اختفت (اﻷم الواعية)
واختفى (المعلم المخلص)
وسقطت (القدوة والمرجعية)

فمن يربي النشء على القيم؟!!

من الحكومة المصرية إلى الشعب المصري: "نشكركم على حسن تعاونكم وعلى قيامكم بثورة أسقطت مبارك وانتفاضة أسقطت مرسي وأوصلتنا إلى السلطة. لكن محدش يفتح بقه أو يعمل مظاهرة أو حتى يوزع بيان بعد كده"!

أنا الشاب اللى لا بأيد السيسي ولا بحلم به رئيسي
وأنا الشاب اللى رفض استمرار حكم الإخوان لبلدى
- أنا الشاب اللي شارك في 30\6 وشايف أنها موجه ثورية حقيقية لثورة 25 يناير .. !
وأنا نفس الشاب إلي شايف ان ثورة 25 يناير ثورة حرية وكرامة وضد تشويهها والهجوم عليها وبالنسبالي خط أحمر .. !!

- أنا الشاب اللي مُعترض علي طريقة فض أعتصام رابعة والنهضة و متعاطف ورافض الدم ..
وأنا نفس الشاب اللي ضد مطالب أعتصام رابعة والنهضة وضد الأخوان !

- أنا الشاب اللي ضد محاكمة المدنيين عسكرياً ..
وأنا نفس الشاب اللي مُتعاطف مع كل نقطة دم بتسقط من الجيش علي الحدود أو من الضباط الشرفاء في الداخلية !

- أنا الشاب اللي مش شايف أن في أرهاب في مصر ..
وأنا نفس الشاب اللي شايف أن في أرهاب كبير في سيناء.

- أنا الشاب اللي ضد حكم الجيش وعايز السلطة في مصر تكون سلطة مدنية 100 % ..!!
وأنا الشاب اللي مش ضد الجيش وبحترم كل جندي فيه!

أنا الشاب إللي لو اتكلمت مع أنصار السيسي يقولوا عليا أخوان.
ولو أتكلمت مع الأخوان يقولوا عليا لاحس بيادة ..وهز ديلك !!

انا الثائر وصوت الثورة الممنوع من الإعلام و كتير بينتحل بالكدب صفته و بيتكلم بأسمه و يقول اي كلام يوصل بيه للكرسي و بعدين يقلب قاتل ومجرم وفاشي ..

أنا من ميدان التحرير ودا ميدانى وحلمى وملاذى
أنا اللى بكره أكيد نازل لو اللى حاكم بلدى لم يحقق للوطن جل أحلامى
انا كل هدفي اعيش انسان و بلدي يعلى على كل الاوطان و اشوف العدل فيه للغلبان قبل ابن البشاوات و اشوف الامن فيه في كل مكان و ماشوفش حد فيه بيتهان ..

أنا المصري .. لا يهمنى ولا يفرق معايا السيسي ولا مرسي
لكن يفرق معايا علم بلدى

هما فرحانين بكسوة الشتاء ال بعتها الامارات كدا لية والمصرى اليوم والشروق والدستور مصورين طلاب المدارس الابتدائية وهما بيستلموها

واهم حاجة تلاقى الخبر (فرحة تلاميذ مدارس الاقصر بكسوة شتاء الامارات ) يا اخى احا انت والامارات بتاعتك دى

فى راجل كبير قالى حاجة بعد الثورة ما نجحت (ثورة 25 يناير علشان ال بيظيطوا )
وانا فرحان بقى ومظقطط قالى ما تفرحش صدقنى هما يومين وهترجع ريمة لعدتها القديمة علشان البلد دى تتصلح حالها نبيد الاجيال ال تحت التسعينات او اقل شوية فكرتة بيهزر وبيضحك معايا طلع عندة حق والله مودناش فى داهية غير اجيال السبعينات والستينات وانت نازل كدا على حزب الكنبة

ال عاوز يشوف حقيقة عيشة الاغلبيه من المصريين
***********************************

يفتح دلوقتى قناة "دربكه فيلم" .. مشغلين حاليا فيلم "ساعه ونص"
غصب عنك هتلاقي نفسك بتبكى على حالنا وعلى حال الاغلبيه فى مصر حاليا.

وما ابكانى أمس حين قرأت بوست لأحد الاصدقاء يقال فيه:
"اول يوم العيد بالليل .. زعلت لما شميت ريحه بنتجان مقلى طالعه من بيت على قد حاله"

مش هم دول ال عملنا ثورة علشانهم وقولنا عيش حريه عدالة اجتماعيه .. علشان يعيشوا عيشه كويسه وتليق بأنسان علشان يبقى ليهم كرامه.علشان ميتحوجوش لل يسوى وال ميسواش، ومتوصلش بالابن ان يحط امه فى دار مسنين علشان مش عارف يكفلها ولا يوفرلها علاجها.
ولا واحد خريج اداب بيبيع كتب حب فى القطار علشان يعرف يجيب اى قرش ياكل بيه.
واخر عامل فى السكه الحديد ليس لديه ما يكفيه لكى يساعد به فى جواز ابنته.

وسايبين الناس ال ذي دى ومتفرغين لصراعات شخصيه لاحزاب وجماعات وافراد لا يهمها احد ولا يشغلها مشاكل هؤلاء.. ولكن يتاجرون بهؤلاء ليس الا لمصلحه شخصيه وكوبري يعبر عليه بواسطة امال هؤلاء الناس الى مناصب وكراسي وحين وصوله يتنكر لهم معروفهم وجميلهم ليبدأ ارضاء أناس اخرين حتى يحافظ على منصبه هذا.

وما ابكانى اليوم حين قرأت مقالة يقال فيها:
"المصريين دمهم مش خفيف,
سخرية المصريين من كوارثهم إسمها تبلد مش كوميديا, و انتا مش متفوق في صناعة الكوميديا ولا صناعة السينما عموما, و لا أي صناعة أصلا
بالتالي, كون حزنك الشديد سببه إن مصر ما طلعتش كاس العالم,و مش سببه كل اللي فات ده, فده سبب كفيل يخليني سعيد جدا انك عايش في القرف ده
فوق بقي, انتا ولا شئ في مسيرة الحضارة, و هتفضل طول عمرك كده لو كل اللي فوق ده سبب ما يستدعيش حزنك قد حزن الخروج من كاس العالم"

الى هذا الحد وصلنا للمرحله دى انها خلاص مش فارقه كتير وتبلدت مشاعرنا حتى فى كوارثنا اعدين نسخر ونتريق ولا فارق معانا حاجه.

فعلا حالنا بقى يبكى ولا يسر عدو ولا حبيب.

وهيه دى الحقيقه ال مكسوفين نواجه نفسنا بيها. لا اعلم اذا كان ذلك عن عمد ام عن غير عمد.

وأستعجب ممن انتقدونى ووجهوا لى اللعنات والسباب حين قولت:
"لو لم اكن مصريا ... لارتحت نفسيا ... وانتعشت ماديا ... و اصبحت عالميا ... و لكني مصريا ... فتقهقرت حضاريا ... قوتلت انسانيا ... فسدت اخلاقيا ... فشلت تعليميا ... اتهزقت بوليسيا ... انظلمت قضائيا ... زورت انتخابيا ... شحت اقتصاديا ... فاصبحت مواطنا كرويا ... هايف فكريا ... لا اهتم سياسيا ... و ربنا يستر و ماصبحش في السجن مرميا"

وكان ما قولته هذا منافى للحقيقه وابعد ما يكون عن الواقع.

والسؤال هنا:
لماذا نتنكر للحقيقه ونعدل عنها جباهنا؟؟
هل فعلا لاستسلامنا للامر الواقع ولفقدان الامل وتبلدنا كأنسان.
ام ان هناك أسباب أخرى؟؟؟؟

احلام المصريين تباع وتشترى لليدفع اكتر.. فهل من وقفه امام سارقى الاحلام؟؟