عاشق الروح

المكان ده فين فى مدينة وبندر ادفو 🧡

متابعه
طمنى على مصر يا عم عبد العال
قالى مصر زي الفل وعال العال
قلتله والناس
قالى بيفطروا بيتزا وبيتعشوا حمام
قلتله والعيشه لساها مره
قالى دي الناس من الفرحه مش عاوزة تنام
قلتله يعني البلد حالها اتعدل
قالى طبعآ دي مفيهاش كلام
قلتله امال البلطجة والسرقة
قالى دة ابراهيم الابيض ودة شغل افلام
قلتله والضحايا والشهدا
قالى يا عم دي تفاهات إعلام
قلتله ايه اخبار الخصخصة
ضحك و قالى خلاص كلها قطاع عام
قلتله طب والدعم
قالى مع التموين كل شهر ليك بلح الشام
قلتله واطفال الشوارع
قالى ملهمش غير الصنعة والعلام
قلتله والعشوائيات
قالى كلها بقت سراميك ورخام
قلتله صحيح جرام الدهب عامل كام
قالى جرام ايه دة الدهب بيتباع خام
قلتله طب علي كدة بقى ماتشوف لى عروسة
قالى خلاص مبقاش فى عنوسه كلها بقيت مدام
قلتله ايه اخبار ثورتنا
قالى مطالبنا اتحققت وكله تمام التمام
قلتله مصر اللى بتكلمنى عليها دي مصر أم الدنيا
ولامصر أم الاحلام والاوهام
ولا مصر كمان 100 سنة لقدام
سكت وقفل من غير حتى ما يقولى سلام

تخلف دا ولا مش تحلف

زمان كان في شقاوة مزروعة فـ قلب طفل ..
وكان في شوية طيبة بس صغنطتين
وشوية حقد وشوية حسد وشوية عبط ..
شغل عيال بقى .. أكيد انتو فاهمين
يوم ورا يوم وشهر ورا شهر وسنة ورا سنة ..
كبر الطفل وبقى شاب فـ إعدادي .. " المنفوخين "
اتغيرت حياته واتحول كل حاجة فيه ..
بقى كل حاجة فيه أو جواه فـ عين الناس محسودين !
#زمان كنت بحلم أبقى بلطجي ..
بس عشان أجيب حق الغلبانين
زمان كنت بحلم أبقى رئيس الجمهورية ..
عشان عشت فـ بلد معظمها مظلومين
زمان كنت بقول الحرامي ليه بيسرق؟ ..
ماكنتش أعرف إن الحرامية دول أصلا مساكين !
زمان كنت بقول يارب اديني قوة ..
أبقى قوي أوي .. أبقى مـ الفضائيين
زمان كنت بقول يارب أكبر عشان أخلص مـ الدراسة ..
ماكنتش أعرف إن الهم بقى همين
#زمان كنت بقول يارب أنا نفسي أحب ..
بس بلدنا مفيهاش حب .. كلنا جارحين
زمان كنت بقول يابخت اللي عـ الكورنيش ..
طلعو بيضيعو وقت .. طلعو من ضمن الكدابين !
زمان ماكنتش شايف الدنيا كويس ..
كنت فاكرها بمبي فـ بمبي بس طلعت طين
#زمان كنت بقول أنا مش عاوز أعيش ..
ازاي أعيش وسط ناس مالهمش ضمير وخداعين !
زمان كنت بقول أكيد ده حلم وهفوق منه ..
طلع شوية عايشين وشوية ميتين .
زمان كنت بقول بكرة تيجي بنت الحلال اللي أعشقها ..
#وفعلا جات .. بس لما حبيتها قالو علينا ممثلين
زمان كنت بستغرب لما حد يقول على واحدة شمال ..
حتى لو أم عيال .. كنت فاكرهم مستخبيين !
زمان كنت مجروح وحيد عايش بين كام حيطة ..
بس ماطلعتش لوحدي وطلع ناس كتير مساجين !
وكل واحد يقولك العيب مش فيا أنا ملاك ..
طب العيب فيا أنا مثلا ولا فـ مين؟؟
عارفين ليه أنا بحكي عن زمان ..
عشان لسة واقف تفكيري عند النقط دي
مفيش أي حاجة من اللي كنت شايفها اتغيرت
. حتى أنا ماتغيرتش