شكوي - Shkwa

مساء الخير ..
عاوزا احكي ال حصل في تجربتي في سفري مع الخطوط السعودية واستهتار موظف البوردينج حسبي الله ونعم الوكيل فيه..
سفري من مصر كان يوم ٢١/٣/٢٠٢٥ من مطار القاهره لجدة
لما وصلت جدة للاسف مش كل شنط كانت وصلت(( احنا أسرة خمس افراد بخمس شنط وصل فقط اربعه بس))
طبعا عملت محضر هناك في مطار جدة في نفس الوقت الشنطه دي كانت فيها اغراض بابا الشخصيه والعلاج الشخصي بردو ..قالوللنا هنتواصل معاكم أما تيجي محدش كلمنا انا كنت مقيمه ف مكة لما محدش رد عليا اضطريت نروح جدا تاني عشان اسال عليها هناك وطبعا دفعنا مبلغ محترم عربيه رايح وجاي ..قالولنا هناك كل التواصل اونلاين فقط ..تواصلنا عالايميل محدش رد عليا الي رد رد مرة واحده بس واداني حد تاني اتواصل معاه والتاني مردش عليا ..
المهم العودة النهاردة تفاجئت أن شنطتنا المفقودة مطلعتش الشحن اساسا عشان الموظف المستهتر محطش عليها رقم اساسا مش عارفه دا هل مفروض انا ال اتحمل ذنبه؟ انا طلبة مني النهاردة اروح هيئه المينا مطار صاله واحد وإجراءات تصريح ودفع تصريح ولفيت كذا حتة وانا راجعه من سفر مرهقه وتعبانه عشان اجيب الشنطه وفالاخر اصلا اتفاجئ أنها مسروق منها حجات غاليه جدا !!!؟
طبعا ف المطار معرفتش اخد حق ولا باطل
ومش عارفه مفروض ارجع لمين !!!
انا دافعه تيكيت غاليه مع طيران السعوديه عشان المواقف دي وبردو يجي موظف مستهتر يخلينا نتاذى بالشكل الكبير دا؟؟؟
طبعا الشنطه هنا ووالدي في السعوديه الشنطه كان فيها كل أغراضه الشخصيه والأهم العلاج بابايا كان محتاجه وهو مش متوفر هناك
حسبي الله ونعم الوكيل ..
بعتذر عالاطاله ..
مرفق من صورة المحضر

تم شراء موبايل Samsung galaxy z fold 6 من بتاريخ ٢٢/١١/٢٠٢٤ على انه ضمان محلى بسعر ٦٨،٠٠٠ و دا كان قبل الضريبه الجديده اللى فرضت عالموبايلات وغلت اسعارها ، وفي شهر ٢/٢٠٢٥ الشاشه حصل فيها عيب صناعه و روحت سامسونج اصلحها فالضمان ولكن فوجئت ان الموبايل ضمان دولى ودا لا يسرى في مصر و سامسونج قالولى اللى باعهولك ضحك عليك فارجعله و طبعا سعر تغيير الشاشه ٣٣،٠٠٠ ، المهم رجعت لي فقالولى حقك طبعا نرجعه و هنعاقب البائع اللى غش في مواصفات الموبايل و بعتولى مندوب الشحن تانى يوم واخد الموبايل فعلا ، بعد كدا من تاريخ ارجاعى للموبايل في ١٠/٣/٢٠٢٥ لحد اناهردا كلمتهم حوالى ٥٠ مكالمه كل ردودهم ان دا مبلغ كبير و بياخد وقت عشان يرجع واى تثبيت ، المهم من حوالى اسبوع بلغونى ان المندوب بتاعهم اللى استلم منى الموبايل سرقه و مسلموش عندهم وانهم بيحققوا فالموضوع ونفس الردود اللى ملهاش اى فايده لما بكلمهم يوميا يقولولى احنا بنحقق و نفس الرد لمدة شهر واسبوع ، طيب انا مالى معاهم مناديب بيسرقوا الموبايلات او بيتعاملوا مع تجار بتغش فالمنتجات انا اشيل الليله ليه وافضل اتذل عشان اخد فلوسي وشكلى مش هاخدها وهما ماشيين معايا بسياسة انى اكيد هزهأ و هسلم واستعوض ربنا ، انا قلت افضحهم هنا يمكن يحسوا و يرجعولى حقي
#شكوي

النهاردة كنت في فرع من فروع سينابون وكنت بهزر مع الكاشير وقولتله انتوا ازاي كلكوا لابسين نص كم
قالي دي تعليمات الإدارة وده اليونيفورم
قولتله ده بجد؟ يعني مفيش حاجة بكم
قالي لا صدقيني، علي الاقل حاجة تبقي بكم ولو خفيفه بس احنا حتي بنطلع برا في الهوا بالنص كم
انا اعتذرتله وقولتله اني كنت بهزر ومعرفش ان ده لازم عليهم
وحقيقي انا مصدومة، حتي لو هما عاملين تكيفات سخنة
بس ده مش بس سوء إدارة ده عدم إحساس من إدارة كاملة بأكتر من ٤٠ فرع
Cinnabon Egypt

تعديل: في حد بعتلي ان الإدارة طلبت منهم ينزلوا بتصوروا بجواكيت عشان ينزلوها عندهم
احنا متجردين من الانسانيه يا جماعة للدرجادي!!! مش قادرين نحل الموضوع بشكل حقيقي!!!!!!

الاسكرين شوت تحت

مساء الخير
بعد بوست سينابون انا ناس كتير كلمتني من الشغالين هناك واتبعتلي حاجات كتير
خليني احطها وحقيقي بشدد علي عدم فهمي لحد دلوقتي من سوء الإدارة
Cinnabon Egypt !!!!!!!!

الطفله دي مخطوفه ودي الست اللي خطفتها او بمعني اصح مدمنه والطفله موجوده معانا ياريت شير علشان توصل لاهلها قبل ماتكبر وملامحها تتغير وده رقم الناس اللي معاها البنت
01154153013

البنت دي لاقيناها مرميه في الغيطان في الحسانين منشأة القناطر وموجوده معانا الآن وشكل البنت مخطوفه لأن لبسها نضيف ويدل علي انها بنت ناس من يتعرف عليها أو علي أهلها يتصل علي هذا الرقم 01155708786
وبعد اذنكم ياجماعه اعملوا شير للبوست علشان البنت توصل ل أهلها الله اعلم بحالهم دلوقتي ..

موبايل من شركة اوبو ( reno 12 f ) من ساعة ما جيبته من ٣ شهور و فى مشكلة كبيرة من ناحية تصوير الفيديو أنه بيعلق و الصوت بيسبق الصورة غير أن الموبايل فى مشاكل كتير بس تقريبا دى اكتر مشكلة ضراني .
و كل مرة اتواصل معاهم يقولولى التحديث الجاى و نزلى اكتر من تحديث و مش راضية تتحل و روحت الفرع و عمل للموبايل سوفت وير و برضه متحلتش مع العلم أنه قالى أن الشركة منزلة بيان بالمشكلة دى و أنها هتتحل بسوفت وير و ادخل اشوف الاقى ان مفيش اى حاجة تخص المشكلة دى الشركة قايلة عليها عن موضوع تصوير الفيديو .و لحد دلوقتى كل ردهم أنه فى خلال التحديث القادم هيحل مشاكل الموبايل .
اكتر من ٣ شهور و نزل اكتر من تحديث و مفيش حاجة بتتغير و نفس المشكلة موجودة و كل تحديث ينزل اكلمهم يقولى التحديث القادم و دة اخر تحديث و لم يتم حل للمشكلة .
OPPO

OPPO Care

كرم الشام
الاكل بالشكل دا ولما حاولنا ناواصل معاهم عملوا بلوك
يرضيكم دا
فين الضمير وحق مواطم دافع فلوس عشان ياكل حاجه نضيفه
دا لو بنشحت مش هيبقي دا شكل الاكل

مساء الخير
طلبت امبارح اوردر من بلبن كيكه الهبه و قشطوطا مانجا و ام علي مكسرات جالي الاوردر و استلمت بعدين لقيت القشطوطا عليها عينات مانجا( كمية قليلة جداً) مش زي العادي المهم كلمتهم سألوني شوية أسألة و قالي مدير الفرع هيتواصل معاكي و يحل المشكلة و بعد ٤٠ دقيقة تقريباً كلمني مدير الفرع و قالي ابعتيلي الصورة على نفس الرقم عشان يتأكد ان في مشكلة و بعتله على الواتساب محدش رد عليا غير متأخر جداً قريب الساعة ٢ بليل واعتذر انه اتأخر عشان في ضغط في الفرع و بكره تحت امرك في اي وقت و معرفش بقى عملي بلوك ولا ايه لإني بعتله و كلمته لكن الرقم مغلق و لحد دلوقتي محدش كلمني ولا غيروها و لا عملو اي خطوه لتصحيح الخطأ
B.laban

انا بعتذر عن المنظر اولا ،طلبنا سندوشات من طبالي فرع اركان و دا واحد منهم،الاكل في دود ده منظر يرضي ربنا
Tabali Bistro
وزارة الصحة والسكان المصرية

مساء الخير ي جماعه
مبدايا كدا دي مش نصا*به لا دي اسوء من النصا*بين كمان
انا طالبه منها اوردر كبير معدي ال ٩ الاف جنيه بقالي اكتر من ٣ شهور ومن اول شهر عشره قالتلي الاوردر وصل ويصادف اني كنت رايحه اسكندريه وقولتلها هستلمه منك ولما كلمتهاا عملت عليا حوار ومعرفتش استلمه وقالتلي هشحنه تاني يوم قالتلي شحنت وطلبت منها تبعت البوليصه مبعتتش (وقالتلي اصلها ضاعت مني )واستنيت كذا يوم موصلش حاجه كلمت شركه الشحن الي شحنت معاها قالولي (مستلمناش منها حاجه )
بعدها بكام يوم قالتلي المندوب موصلش طب ازاي ي جماعه كان مديها بوليصه وهو موصلش الشحنه ؟؟
قالتلي خلاص هشحنه مع البريد قالتلي عملت الطلب يوم الاربع والمندوب استلم منها الخميس
وطبعا مبقتش واثقه فيها كلمت البريد كذا مره وف كل مره يقولي ان هي (عملت الطلب ومكملتهوش والمندوب مستلمش منها حاجه اصلا ) وهي عامله الطلب يوم الجمعه اصلااا والساعه ١٠ بليل (وقت ما بعتتلي اسكرين شوت من الطلب ) وبرضوو كلمت مندوب الشحن الي هي بتشحن معاه قالي (ان هو مستلمش منها حاجه )
وطبعا كل كلامها لا انا شحنت لا اخدوا مني الاوردر وانا روحت البريد وقالوا هيسلموكي وشويه كلام كد*ب علشان عمر ما البريد هيكد*ب عليااا
واتفقنا نكلم البريد سوا علشان نشوف هنوصل لايه لاقيت البريد بيقول نفس الكلام ولما طلب منها رقم الاوردر الي ف البوليصه قالت (لا دي ضاعت مني ) واتفقنا انها هتعمل شكوه
وكلمت البريد تاني يوم وهي ولا عملت شكوه ولا بتاع علشان هي كدابه لو هما فعلا اخدوا منها الاوردر كانت عملت شكوه من بدري لكن دي حد كداب وبتاع حوارات
وهي بقت قافله الموبيل علشان مرنش عليها وبطلب منها فلوسي مش راضيه تحولي بحجه انها شاحنه وهي كدا*به لا شحنت ولا زفت .

متتعاملوش ابدا معاها ي جماعهه علشان دي شخص قمه ف قله الزوق وهتعمل عليك حوارات اد كداا وكل الريفيوهات الي عليها دي شويه من صحابها بيجاملوهاا

وانا والله هبدا اتاخد معاها الاجراء القانوني علشان تحرم تنص*ب ع الناس تاني
خلود علي
Sheinby Kholood Mayar
Shein By kholood&Mayar🧚