حكاااوي

أنــا كـنــت الـبــديـل

"كانت دايمًا تقولي: (إنت جاي في وقتك الصح)
وأنا كنت فاكر إني نصيبها
كانت مهتمة… قريبة… بتكلمني طول اليوم
حسيت إني أخيرًا لقيت حد بيحبني بجد
بس كان في حاجة غريبة…
كل شوية تختفي
تقول: (مضغوطة)… (مشغولة)… (مش في المود)
كنت بعدّي… لأني بحبها
لحد يوم… وأنا فاتح فيسبوك بالصدفة
لقيت صورة ليها…
واقفة مع واحد… وحاطه قلب ❤️
دخلت البروفايل…
لقيت صور أكتر… وتعليقات… وكلام مش طبيعي
واجهتها…
قالتلي بكل برود: (ده كان قبلك)
بس التواريخ… كانت واضحة
ساعتها بس فهمت الحقيقة القاسية:
أنا ماكنتش حبيبها…
أنا كنت "الخطة الاحتياطية"
ولما رجع الشخص الأساسي…
اختفيت أنا من غير ما حتى تودعني
ومن يومها…
بقيت أخاف من اللي ييجي فجأة ويقولك: بحبك."
يتبع...

"كـانــت كـل حـاجــة… إلا صـادقــة"

"أنا عمري ما كنت الشخص الشكاك…
كنت واثق فيها لدرجة إني مكنتش بفتح موبايلها حتى لو قدامي
كنت بقول: اللي بيحب بجد عمره ما يخون
كانت دايمًا تقولي: (إنت الأمان اللي عمري ما لقيته)
وكنت مصدق… بكل غباء
في يوم… كنا قاعدين سوا
وموبايلها رن… قامت بسرعة وقالت: (ده شغل) وخرجت ترد
الموقف عدى… بس الإحساس ماعداش
بعدها بكام يوم… كانت نايمة وموبايلها جنبها
عمري ما عملتها… بس مسكته
فتحت الشات…
أول رسالة كانت كفاية تكسّر أي راجل:
(إمتى هشوفك تاني؟ وحشتيني)
حسيت إن في حد خبطني على دماغي
كملت قراية…
ضحك… صور… مواعيد
مش مرة… ولا اتنين…
دي كانت عايشة حياة تانية كاملة
ساعتها بس فهمت
إن مش كل اللي بيقولك "بحبك" بيبقى صادق
صحيتها… بصتلي وقالت: (في إيه؟)
وريتها الموبايل…
سكتت… ولا كلمة
ومشيت…
من غير صوت… من غير خناق
لأن في مواقف… الكلام فيها بيقلل منك مش بيقويك."
يتبع.......