find me

قولنا انت إيه اللى شاطر فيه وايه اللى بتحبه❤️
وهل الاتنين واحد🤔

هل في مرة جربت انك تعمل content؟🧐 في influencers كتير اوي بيحبوا انهم يعملوا محتوي هادف يوصل لعدد كبير من الناس و عشان كدا احنا هنحطلك الخطوات الأساسية اللي تمشي عليها في صناعة المحتوي☺️ ولو حبيت الموضوع ده كورس for free عشان تتعلم أكتر وتاخد خبرة❤️
https://www.for9a.com/courses/%D8%AF%D9%88%D8%B1%D8%A9-%D9%85%D8%AC%D8%A7%D9%86%D9%8A%D8%A9-%D8%B5%D9%86%D8%A7%D8%B9%D8%A9-%D8%A7%D9%84%D9%85%D8%AD%D8%AA%D9%88%D9%89-%D8%A7%D9%84%D8%B1%D9%82%D9%85%D9%8A

بعد ارتفاع الاسعار بقيت العيشة صعبة، وده خلى أنه بقى من الصعب أن الانسان يعتمد على مصدر دخل واحد💵، وبالتالي بقى لازم يكون عندك أكتر من وظيفة
فافضل شغل كوظيفه تانيه انك تكون freelancer فى واحد من اشهر المجالات و هو الجرافيك ديزاين💻
me #غلاء الأسعار

التجربة هي اللي بتخلينا نحدد احنا بنحب ايه
والنهاردة هنجرب الكورشيه وهو واحد من الاعمال اليدوية، والادوات اللي انتي بتحتاجيها هي إبرة الكروشيه وخيوط الكورشيه ومقص ومازورة قياس وباترون الكورشيه.🧶

ودلوقتي هنيجي عند الخطوات:
١-اختاري الإبرة والخيط المناسبين🧵
٢- حضري كل الأدوات اللي هتحتاجيها
٣-ابدأي بتنفيذ الغرز البسيطة🪡
٤-طبقي الغرز المعقدة تدريجيًا

يعني ممكن نقول أن الكورشيه بيعتمد على أننا نعمل عقدة وندخلها في الفراغ الموجود بالإبرة، ونشد الخيط ونكرر العملية لحد ما نعمل سلسلة من الحلقات إما في شكل صفوف أو دوائر ونفضل نعمل كده لحد ما نخلص الحاجة اللي عايزين نعملها.🧶

يلا ابدأي دلوقتي وشوفي هتحبي الكورشيه ولا لا 😉

في ناس كتير كانت بتجرب تعمل الاكل و الحلويات 🥞و اكتشفت بعد كدا ان دي هواياتهم 😍 وعشان كدا احنا هنعرض وصفة بسيطة تجربوها مع الناس اللي بتحبوها ومين عرف مش يمكن دي تكون هوايتكم ؟😉❤️
الوصفة هي باف بيستري بالشكولاتة و التوت و الفراولة 😋و المكونات كالآتي:
-رقاق الباف بيستري
-صفار بيضة
-٥٠ جرام شوكولاتة قابلة للدهن
-كوب كريمة خفق
-٥٠جرام سكر بودرة
-توت و فراولة
طريقة التحضير:
-هنحط عدد ٢ من رقاق الباف بيستري فوق بعض و نخليها علي شكل مربع و ندهنها بصفار البيض و ندخلها الفرن علي درجة حرارة ١٨٠ و لمدة ٣٠ دقيقة.
-و بعدين هنخلط الكريمة مع الشوكولاتة مع السكر لحد ما يبقوا خليط متماسك.
-و اخر حاجة نحط كريمة الشوكولاتة علي الباف بيستري بعدما تبرد و نزينها بالتوت و الفراولة و السكر البودرة وبالف هنا😍❤️

الاكسسوارات هي جزء من شخصية كل بنت 👩🏻 و في بنات هويتها انها تصنع الاكسسوارات دي 💍و عشان كدا هنقدم طريقة بسيطة لصنع اكسسورات الريزن تجربينها ❤️🥰
كل اللي هتحتاجي هو الاتي🥰:
-مادة ريزن A و المصلب B
-قوالب المستخدمة في صنع المجوهرات
-اكواب قياس و ملاعق خلط بلاستيكية
-عناصر الزينة (زهور و اصداف و غيره)
الطريقة🤗:
-هتخلطي مادة الريزن و السائل المصلب مع بعض و تصبي الطبقة الاولي في القالب و تحطي عناصر الزينة.
-هتسبيها لحد اما تجف و بعدين تحطي الطبقة التانية من الريزن و تسبيها لحد اما تجف تماما و تركيبها في سلسلة او خطاف للاقراط☺️❤️

الرياضة ليها معجبين كتير حوال العالم و بذات كرة القدم⚽️ و في ناس كتير من مختلف الأعمار شغفهم متابعة الرياضة و اخبارها 🥇.
و بما ان كاس العالم 🏆شغال دلوقتي مفيش افضل من أنك تسافر قطر 🇶🇦 و تتفرج علي ماتش فرنسا و المغرب و تتابع نهائي المونديال😁❤️ و عشان كدا احنا بنشرحلك شركة الطيران wizz air لان اسعارها حنينة😉.

لو ساعتك ضاعت منك لازم تكون عارف شكلها عشان لما تشوفها تعرفها
فا إنت إزاى هتلاقى حاجة أنت مش عارفها 🤔
🔴 معظم اللى بنسمعه من ال Motivation speakers إنك لازم تكون حابب الشئ اللى بتعمله وعندك شغف كبير جدا بيه عشان تقدر تتميز.
طب أنا إزاى هقدر أحدد ده من غير ما أجرب الأول؟
ازاى أتعرف على الهواية أو الحاجة اللى أنا بحبها من غير ما أجربها تجربة عملية مش مجرد أشوف عنها فيديوهات💻

الكاتب Cal Newport كان بيقول فى كتابه📖 "So Good They Can't Ignore You"
إن فى دراسة اتعملت على عدد من الناس بخصوص هم بيحبوا شغلهم وشغوفين بيه ولا لا وكانت نتائج الدراسة دى إن أكتر ناس متميزة فى شغلها هم نفس الناس اللى شغوفة بالشغل ده.
🔍 بس المفاجأة إن النسبة الأكبر من الناس دى قالوا إنهم مكنوش شغوفين بشغلهم فى البداية لكن بعد ما جربوا كذا حاجة حبوا المجال وقدروا إنهم يتفقوا فيه

👉 Cal Newport كان ليه مقولة بتقول
" It is hard to predict in advance what you will eventually grow to love"💕
صعب إنك تتوقع إنت فى الآخر هتحب إيه💗

التجربة هى البداية والشغف هو النهاية❤️