ونس wans

اهم معوقات علاج الأطفال للاسف دفاعات الأهل،أحيانا الأهل بيكونو مش مرتاحين لفكرة ان طفلهم عنده مشكله ما ويتمنو زيهم زي اي اهل ان المشكله دي تروح بسرعه او تكون مش موجوده، وده بيعطل العلاج لان أحيانا بيستشيرو المختصين متأخر اوي ،وأحيانا ده بيأدي لاستعجال النتايج او انه مع أول بادره تحسن يوقفو العلاج تماما، زي ما أحيانا كده واحنا كبار نخف فنوقف الدوا قبل مانخلص الكورس فننتكس

الأهل في الحاله دي محتاجين دعم نفسي وتثقيف عن حاله الأطفال لضمان فاعلية اكبر للعلاج

وأهم حاجه محتاجين نفهمها كأهل اننا بنقبل اللي ربنا خالقه في ولادنا بكل تحدياته وبكل نعمه
مش بنحاول نخليهم نسخه معينه في دماغنا كامله

وان كل الأطفال بتيجي بتحدياتها

الفرق بس ان بعض،التحديات بتكون اكثر وضوح وتحتاج علاج مختص

ابنك امانه

امانه في ايدك وفي ايد اللي هيعالجه

تحتاج تعرضه على مختص شاطر مع أول علامه اختلاف

ومحتاج تكمل للاخر ومتخليش أمنيتك في انه يخف بسرعه

تعطل مسيرته العلاجيه او توقفها

لو المعلومة فادتك… متخليهاش تقف عندك 🙌
في غيرك محتاجها ويمكن تكون سبب في تغيير يومه أو تفكيره ❤️
ادعمنا بدعوة أصحابك للصفحة ومشاركة المنشورات 📲
كل شير = فرصة نوصل لناس أكتر ونقدم فايدة أكبر 🌱
إيدك معانا… ونكبر سوا 💪✨

مهارات ما قبل اللغة؟
هي المهارات اللي الطفل لازم يكتسبها عشان يقدر "يستقبل" الكلام و"يرد" بعد كده، ومن أهمها:
التواصل البصري (Eye Contact): إنه يقدر يبص في عينك وهو بيتفاعل معاك.
الإنتباه المشترك (Joint Attention): لما تشاور على حاجة، يبص عليها معاك ويشاركك الاهتمام.
التقليد (Imitation): سواء تقليد حركات (يسقف، يباي) أو تقليد أصوات.. والتقليد هو البوابة الأولى للكلام.
تنفيذ الأوامر البسيطة: إنه يفهم اللغة الاستقبالية (هات الكورة، اقفل الباب).
تبادل الأدوار (Turn-taking): إنه يفهم إن التواصل فيه دور ليا ودور ليك، وده بيتعلموه من خلال الألعاب البسيطة.

الأب والأم ممكن ينفصلوا عن بعض…
لكن عمرهم ما ينفصلوا عن دورهم كأب وأم.
الأطفال مش ساحة معركة…
ولا ورقة ضغط في خلافات الكبار.
الأطفال محتاجين يشوفوا احترام متبادل حتى لو العلاقة نفسها انتهت

"مش كل طفل هادي يبقى مرتاح… 😶 ومش كل طفل شاطر يبقى سليم نفسيًا.. 🧠 في أطفال مش بتعرف تقول (أنا زعلان)… 😔 فبتقولها بطريقتها… في سلوكها.
المشاعر عند الطفل زي اللغة… 💬 لو ما اتفهمتش صح… هتترجم بشكل غلط… ❌ وساعتها السلوك هو اللي بيتكلم.
افهم مشاعر طفلك… قبل ما تعالج سلوكه." ❤️

مش كل مشكلة محتاجة عقاب
أوقات كتير الطفل محتاج يفهم ونسمعه
اسمع طفلك للآخر قبل ما تحكم
امدح السلوك الحلو حتى لو بسيط
خليك قدوة… الطفل بيقلد أكتر ما بيسمع
بلاش مقارنة بينه وبين غيره
وقتك معاه أهم من أي حاجة تانية

المرونة الفكرية
مش رفاهية دي مهارة أساسية للحياة.
أن الطفل يعرف يغير رأيه، يتقبل فكرة جديدة، ويشوف الموضوع من زاوية مختلفة
وهو ده طفل أقرب للنجاح والتكيف
مش لازم دايما يبقى هو الصح
الأهم إنه يتعلم يسمع ويفهم ويجرب

الاندفاعية عند ولادنا مش شقاوة زيادة زي ما ناس كتير فاكرة
هي غالبا ضعف في التحكم في النفس والتفكير قبل الفعل
طفل يرد بسرعة، يضرب من غير ما يفكر، يقاطع الكلام
مش بيغلط عن قصد، هو محتاج يتعلم يستنى ويفكر
دورنا كأهل مش نعاقب وبس
لكن نعلم ولادنا ويصبروا ونكون قدوة في الهدوء

ونس 🤍 | بنفهم الطفل قبل ما نحكم عليه
ونس | كل يوم خطوة لتربية أفضل 🌱
ونس 💬 | لأن طفلك يستاهل الأفضل
Wans | معاك في رحلة التربية من أول خطوة 👶