Noha.ElFaham

في لحظة معينة في حياتك…
هتعرفي إن مفيش حد هيبنيك غير إنتِ

أوقات كتير بنقف مع نفسنا ونسأل: هو أنا رايحة على فين؟
وهتسألي نفسك سؤال واحد:
هو أنا راضية باللي وصلت له…
ولا لسه جوايا نسخة مستنياها تطلع ؟

اللي محدش بيقولهولِك إن أقوى نسخة منك…
مش بتكون جاهزة و لا متفصله
و لا حتى بناخد مقاسها و نفصلها على مزاجنا

في لحظة معينة في حياتك… هتعرفي إن مفيش حد هيبنيك غير إنتِ و بس ، وإن أكبر هدية تقدري تعمليها لنفسك…
إنك تركّزي طاقتك على اللي جاية مش اللي فات

اللحظة دي بتتبني من الوجع اللي عديتي به، من اللي خسرتيه، من اللي تعلمتيه، ومن كل مرة قومتي نفسك فيها من غير ما حد يحس
النسخة اللي جايّة منك…
هي اللي تستحق التعب، والصبر، والمحاولات اللي محدش يعرف عنها حاجة

هي اللي تستاهل كل فكرة حلوة، كل نية صافية، كل خطوة صغيرة محدش بياخد باله منها غيرك

في مرحلة معينة… هتكتشفي إنك اتغيّرت.
مش فجأة، لكن بالتراكم… خطوة على خطوة، ووجع على وجع، وقيام بعد كل سقوط كتير

النسخة اللي جاية منك…هي موطن راحتك.
هي اللي هتسمعي فيها صوتك أعلى، وقلبك أهدى، وعقلك أوعى

لإن النسخة اللي جاية منك…
مش هتيجي من الراحة، ولا من الناس، ولا من الحظ.
هتيجي من شغلك على نفسك، من احترامك لحدودك، ومن كل مرة قلتي فيها “كفاي
ركّزي طاقتك في اللي جاية…
لإن اللي جاي منك أقوى بكتير من اللي فات.
والدنيا دايمًا بتفتح أبواب جديدة… لما إحنا نبقى مستعدين.

ركّزي طاقتك على نفسك… لأن مفيش حد محتاجها قدّك
#طاقتك #طاقة #طاقةايجابية #حياة #الراحةالنفسية #راحتك #راحتك #فرصة #ذاتك #حدودك #حياتك #نسختك #قلبك

فيه تمثال كان واقف في الزحمة،
كبير، عظيم، لكن محدش شايفه…
الناس بتعدي جنبه عادي، كأنه مش موجود.
حدش سأل هو إيه حكايته، ولا فكر يدي له اعتبار.

بس أول ما اتنقل مكان تاني،
في مساحة تليق بعظمته…
بقى مزار، وبقى رمز، وبقى الكل منبهر بيه.

المعجزة مكنتش في التمثال…
المعجزة كانت في “المكان”.

كلنا جوانا قيمة، بس ساعات بنكون محطوطين غلط.
ولما نرجع لمكاننا الحقيقي،
نورنا بيبان، وصوتنا بيتسمع،
والعالم كله بيشوفنا زي ما المفروض يشوفنا

أوقات بنكون زي تمثال رمسيس…
قيمة كبيرة، بس في المكان الغلط 💔
محدش شايفنا، ومفيش تقدير، واللي جوانا مش ظاهر.

بس أول ما تتحط في مكانك الصح، كل حاجة بتتغيّر!
الناس تبتدي تبصلك، وتحس بيك، وتشوفك بعين مختلفة.
مش لأنك اتغيّرت، لكن لأنك أخيرًا واقف في المكان اللي يليق بعظمتك.

لو حاسس إنك مش واخد حقك،
متستسلمش… يمكن مش أنت اللي غلط،
يمكن المكان هو اللي مش بتاعك!
انقل، جرّب، دور على نفسك تاني،
اتعب، دور، غيّر، خُد وقتك، بس متقبلش تكون محطوط غلط

لأن وجودك في المكان الغلط ممكن يطفّي نورك،
لكن لما تكون في مكانك الصح… كل اللي حواليك هينور بيك

افهم إنت محتاج إيه، وارجع لمكانك اللي يليق بيك…
لأنك طول عمرك عظيم،
بس كنت مستني تتحط في مكانك الحقيقي

ومتقفش غير لما تلاقي المكان اللي يشبهك
ويظهر قيمتك الحقيقية
لأن قيمتك مش بتتخلق…
قيمتك موجودة، بس محتاجة تتحط في المكان اللي يريحك

افهم نفسك، واعرف قيمتك،
ومتخليش مكان غلط يقلل منك.
اتحرك… علشان تكون في المكان اللي يليق بعظمتك ❤️

#المكان #الصح #العظمة #الراحةالنفسية #الراحة #تمثال #رمسيس #راحتك #ذاتك #قيمتك

وراء كل ضحكة أم لحظة وجع مخبيّة،
وراء كل عيد ميلاد ضو شمعة بتطفيه وهي بتتمنى الخير لولادها،
بتتعب، وبتقع، ويمكن تبكي لوحدها بالليل…
بس الصبح بتقوم، تلبس قوتها وتكمل،
عشان في عنيهم هي الأمان، وهي البداية، وهي كل حاجة ❤️

الأم مش بس حضن…
الأم حرب بتخوضها لوحدها كل يوم،
عشان تفضل الدنيا واقفة على رجلها.
بتتكسّر جواها ألف مرة، وتبني نفسها من الأول كل مرة.
توجعها الكلمة، وتخليها تبتسم عشان ما يوجعوش غيرها.
تخاف، بس ما تِظهرش خوفها.
تتعَب، بس ما تِنهارش.
تنهار جوّا، وتقوم برا وهي بتضحك.

هي اللي لو شافوا الدنيا بتقع حواليهم،
نظرة واحدة منها تطمنهم إن كل حاجة هتكون بخير.
هي اللي بتتحمّل فوق طاقتها،
مش عشان قوية… لكن عشان حبها لولادها أقوى من أي وجع ❤️

كل أم فيها بطولة محدش شافها،
وفي كل لحظة ضعف… في معجزة صغيرة بتخليها تكمل.
لأنها ببساطة… الأم ♥️

ومهما الأم شالت وتعبت واتكسرت،
بتقوم وتكمل… بتقاوح في الدنيا كأنها مش بتوجع.
مهما اتظلمت، مبتتعبش…
ومهما تعبت، برضه بتكمل.
لأن جواها قوة مش مفهومة،
قوة اسمها ولادها 💫

خليكي عارفة إنك جامدة،
وكل مرة قمتي فيها بعد ما وقعتي،
كانت شهادة جديدة على إنك مش مجرد أم…
إنتِ جبل واقف على رجليه عشان عيون ولادك ❤️
الأم حكاية صبر وشجاعة ومعجزة اسمها “أنا بخير عشان ولادي”.
#الام #الامومة #حكايه #الحياة #الحب #الحب #الاولاد #قوية #القوة #السند #تضحية #حكايه #الدنيا

🖤 عن الشخص المؤذي

مش لازم يكون عدوّك علشان يأذيك.
ومش شرط يكون بيكرهك علشان تبعد عن أذاه،
أحيانًا بيكون بيحطّك فوق دماغه، بس نيّته مش صافية.
غيران منك، مش مرتاحلك، بيقارن نفسه بيك،
عنده مشاكل نفسية أو طاقة سلبية بيفرّغها فيك،
وساعات بيأذيك من غير ما يحس، وساعات بيأذيك وهو عارف كويس بيعمل إيه

أوقات الأذى بييجي من أقرب الناس… من كلمة، من تصرّف، من طاقة سلبية بتتسرّب منك يوم بعد يوم.

الشخص المؤذي ممكن يكون صديق، زميل، شريك، أو حتى من العيلة.
بيستنزفك من غير ما تحس… بياخد من طاقتك، من سلامك، من نفسك، لحد ما تبقى مش أنت.

والمشكلة إن الشخص المؤذي مش دايمًا بيأذيك بشكل مباشر، لأ، ده أحيانًا بيبقى أذكى من كده…
بيحوّر، بيكدب، بيخدع، يلف ويدور، ويفضل يراقبك عشان يعرف إيه اللي يضايقك ويستخدمه ضدك.
عنده طرق كتير للتحايل… ساعات يتقمص دور الضحية، وساعات يلبس وش الطيب، بس في النهاية هدفه واحد:
إنه يوجعك، أو يكسرك، أو يثبت إنه الأقوى. و لازم يكسب المعركة بأى شكل و بأى طريقة

الأمثال قالت كتير عن النوع ده من الناس:
“الباب اللي يجيلك منه الريح، سده واستريح”
“ابعد عن الشر وغنّيله”
“مش كل القلوب اللي بتضحكلك بتحبك”

وأكتر حاجة مؤلمة إن الأذى مش دايمًا واضح، ساعات بيكون مغلف بحنية مزيفة أو كلام حلو، أو زن على الودان، أو اختلاق المشاكل من غير ما يكون فى مشكله اصلاً، لكن إحساسك عمره ما بيكدب.

أفضل طريقة للتعامل مع الشخص المؤذي؟
مش المواجهة ولا الانتقام…
هي المسافة.
خد خطوة لورا. احمي طاقتك.
خليك واضح مع نفسك إن السلام النفسي مش رفاهية، دي أولوية.

ما تروحش في السكة دي،
ولا تدخل لعبة التبرير ولا الرد على التحايل،
لأنك عمرك ما هتكسب حرب ضد شخص بيستمتع بالأذى.

اختار تبعد من غير كراهية،
تبعد من غير رجوع،
وتكمّل من غير ما تبص وراك.

لأنك تستحق طاقة نضيفة، وناس بتكبرك مش بتكسر فيك
#الأذى #الحياة #التعامل #الدنيا #الاشخاص

أحيانًا، الجمال مش في الزحمة ولا في الأضواء،
لكن في ركن بسيط.. هادي.. فيه فكرة بتتكوّن بهدوء.
في كل مساحة هادئة زي دي، فيه رسالة بسيطة للحياة والعمل

النجاح مش دايمًا بيبدأ من شغف، لكنه دايمًا بيبدأ من التزام

العبارة على الجدار بتقول:
“إنّ المرء لن ينال ما يحب حتى يصبر على كثيرٍ مما يكره"

وكأنها بتفكرنا إن الطريق لأي إنجاز حقيقي
مليان تفاصيل مش دايمًا مريحة،
لكنها هي اللي بتصنع الفرق في النهاية

كل حلم، كل نجاح، كل راحة نفسية، محتاجين طريق طويل من الصبر والتقبّل ، في الشغل أو في الحياة،
مش دايمًا الظروف مثالية، ولا المهام كلها ممتعة،
بس اللي يعرف يزرع الرضا والإصرار في كل لحظة،
هو اللي بيوصل بعد وقت إنه يحب اللي بيعمله،

ولما يحب اللي بيعمله، يبدأ فعلاً يعمل اللي بيحبه.
الحياة مش دايمًا مثالية، لكن الهدوء اللي جواك هو اللي بيخلق الجمال حواليك، كل يوم فرصة إنك تبني نفسك من جديد،
بهدوء، وبصبر، وبإيمان إن كل مجهود صادق عمره ما بيروح هدرًا

☕✨ حب ما تعمل، حتى تعمل ما تحب.
#الحياة #خواطر #قهوة #الهدوء #رسالة #العمل #الوقت

فى الحياة هتقابل ناس تديك دروس
و ناس تديك وجع، و ناس تديك راحه
و ناس تخفف عنك ، و ناس تزود آلمك
و ناس بتساعد بقلب من غير مقابل
و كلهم بيكملوا الحكاية اللي اسماها "نضجك"
الحياة مش سباق، و الناس مش مقارنه
الحياة مش دايماً عادلة بس كل موقف فيها درس
و كل شخص بنقابله بكشف لينا حته من نفسنا
قبل ما يكشف لنا عنه
خليك في سكتك و ابتسم و انت ماشى
لأن السلام اغلي من أى انتصار ❤️
#السلام #الناس #الانتصار #الحياة #معادله

كاتبة تحمل موهبة فريدة
تُحيل الأفكار إلى كلمات تنبض بالإلهام.
قلمها ليس عاديًا… بل نافذة تُطل منها على عالم من الإبداع والجمال.
في كل نص تكتبه، تترك بصمة تُلهم وتخطف القلوب.
موهبتها تكمن في جعل الكلمات تحيا…
وفي جعل القارئ يعيش داخل السطور
سحر سلمان ❤️

القاعدة الاولي و الاخيرة
اعمل كل اللي تقدر عليه
و وبنا هيعمل كل اللي متقدرش عليه
صباحكم اجمل من صفاء السما الواسعة ❤️
#اعمل #مقدرة #حاول #محاوله #اليقين #مساعدة

عجبني اوي التعبير 🤗💪 خضة تصحيح الوضع
كتير ناس بتفضل عايشة و هى فاكرة ان دة الوضع الطبيعي و الصح و ان هى دي الحياة ان الست شايله طول الوقت كل حاجة بتتنهب فى مشاعرها و بتتخلي عن احساسها
بتتسلب فى أنوثتها و تشيل شيلة مش شيلتها لمجرد أن الراجل وصلها و أقنعها ان هى دي الحياة الصح عشان يتقال ان ست بنت أصول بس لما الست بتكتشف ان مش هو دة الوضع الطبيعي بتتخض فعلاً و تتشقلب مفاهيم كتير جواها كانت متلخبطة بس احساس الامان و السند دة لا يوصف و لا في زيه فى الدنيا ، الست يوم ما بتلاقي السند بتدي كل حاجة بمنتهي الحب بمنتهي المصدقيه بتدي عنيها لمجرد انها لقيت السند و خضة تصحيح الوضع فى ستات كنير تتمني انها توصلها و تحسها بس دة يقول انك متفقديش الامل ابداً ❤️

في مشهد كدة على قد بساطته بس مرعب
#بسمة قاعدة جنب زوجها
#معتصم كلمت باباها وحست ان مامتها تعبانه فالزوج بيقولها هبعتلها دكتور علي طول
رد فعلها هو اللي هناقشه معاكم النهاردة
قالتله
بجد 😧😧
كتر خيرك 😻😻
بصلها نظرة استنكار
قالتله شكراً 😍
ايه ده بقي
ده يا عزيزي خضة الزوجة اللي اتعودت انها لوحدها
بتصلح وتعالج
وتخطط وترسم
وتشيل وتطمن
بدون أدنى احساس بالسند او الامان او العون
لما بتكتشف فجأة
انها في الاخر زوجة
مسئولة من زوج
دوره يطمن ويأمن
ياخد خطوات ويحل مشاكل
وهي تعينه بس مش هي اللي تعمل كل حاجة زي جوزها السابق وهو خيال ملوش وجود
بالعكس بيتقل عليها الشيلة ويعنفها ويسلب امانها وسلامها
الخضة دي
خضة تصحيح الوضع
اللي فيها بيفوق العقل على واقع جديد
مفاهيمه متصححة
وادواره محسوبة
بعد ما اتعود على معايير مزدوجة
مفاهيم مشوهة
وادوار معكوسة
#البصيرة
من وحي كتاب
مسلسل

واحشتوني ❤️❤️
جمعة مباركة عليكوا يا رب
#جمعةمباركة

و انت داخل على 2025 افتكر كويس….
إنك تختار ناس تكَمل معاك
مش ناس تكَمل عليك
ناس تعرف تتحملك
مش ناس تتعب و تفضل تفكَرك انها مستحملاك
ناس عايزة تفضل جنبك
مش ناس بتنتهز أى فرصة عشان تبعِد
ناس بتفرح انك نجحت و عايز تكمل و تساعدك
مش ناس عايزالك بس الشر و الأذي
ناس تبقي على طبيعتك معاهم
مش ناس ترسم ميت وش و وش قدامهم
ربنا دايماً بيظهر قدامك ناس تتحملك و تكمل معاك
و برضه بيظهر ناس تخلص طاقتك و سعادتك
و ناس تكمِل بيهم الحياة و هما جنبك
اللي بيختار الناس الصح .. بيعيش مرتاح و مطمن
بيعيش مسنود بالناس الصح اللي في حياته طول العمر
Advice for 2025….
ارمي و احرق 🔥 كل حاجة قديمة حصلت
و طلع الناس اللي متستهلش من حياتك
و ابدأ 2025 علي نضافة مع الناس اللي تستاهل و بس
كل اللي راح كان لازم يروح و ينتهي
لان كل حاجة بتحصل ليها حكمة من ربنا
مش لازم نفهمها فى وقتها
عشان ربنا دايماً بيكتب حاجات افضل و احسن بكتير
من اللي انت ممكن تكون مخطط له
و بيجبلك حاجات احلي و اكبر بكتير
المهم تختار ناس صح فى حياتك

#الناس #الاختيار #الحياة