Future for construction

أشهد الله أني انوي التوبة على ذنوبي ، وذلاتي ، و كل كبيرة تغضبه.
اللهم اغفر لي ذنوبي ، و خطيئتي و اخرجني من الدنيا كما دخلتها بلا ذنوب ولا عيوب .
ربي إن كان هذا آخر عهدي بالدنيا فأجعلني من التائبين ، اللهم اكتب لي لقائك و انا بدون ذنب و اجعل جنتك لي هي المأوي . اللهم اغفر لي ذنبي و خطيئتي و لا تتوفني إلا و قد غفرت لي كل ذنوبي.

اللهم ارزقنا حسن الخاتمة.

كل الرموز الهندسيه اللى هتحتاجها باللغه الانجليزيه ♥️👇

بطلوا تحطوا البصل والثوم في البلكونة ياجماعة 😅😅😅

في تعديلات لسه يا باشمهندسه

نصائح في التشطيبات

1. لو هتستلم الشقة نص تشطيب من شركة من الشركات إياها إوعى تخليهم يعملوا لك المحارة حتي لو وصلت إنك تسيب لهم فلوسها، وده علشان بيجيبوا مبيضين محارة من الدرجة التالتة، و المحارة اما تكون وحشة بتكون شبح هيطاردك بقية حياتك للأسف.

2. حلوق الأبواب اتأكد منها كويس لو وحشه غيرها وهات حاجة نضيفة علشان ده شغل تجار وما حدش بيدور على الخامة الكويسة أهم حاجة عندهم الربح

4. لو فيه صنايعي بدأ يعُك من أولها، إعطي له حسابه و مشيه فوراً ما تستناش، إنت بتستثمر في الشقة ولازم تبقي شرس ووغد في حماية استثماراتك ( ولو كنت مهندس تشطيبات حافظ على العملاء وحافظ على سمعتك ).

5. الصنايعي بيسمع كلامك أه بس مش بيركز معاك، و سواء فهم أو مفهمش بيقولك آه فاهم، فإنت لازم تعيد الكلام مرة و اتنين وتلاتة وتخليه يقولك هو فهم إيه علشان تتأكد إن اللي انت عاوزه وصل له و فهمه.

6. حاول تعطيه ملاحظاتك في ورقة مكتوبة أو رسمة و يبقي عندك منها نسخة، لو إديت الصنايعي ورقة معندكش منها نسخة هتلاقيه بيحور عليك ويقول ضاعت و يغلطك، فإنت صورها بتليفونك واحتفظ بيها، ولو مش معاك تليفون بكاميرة تقدر تشتري دفتر ورق مكربن من أي مكتبة في الشارع وخليها معاك علشان الحاجات دي كتير.

7. إياك تسلف أي صنايعي حاجة خاصة بيك، متر قياس، مفك، شاكوش، سلم، شنيور.... ،، أي حاجة خاصة بيك عايز يشتغل بيها – وده لأنه هينام عليها ومش هتاخدها تاني ولو كان أمين ومحترم و مش حرامي يرجعهولك وابسط بقى بس هتلاقيه بايظ أو متعاص جبس و معجون و أسمنت.

8. لو في خامة مش عاجباك أو كرتونة سيراميك فرز غير الموجود في المكان أو رخامة مشروخة متكتفيش برفضها، ارميها فوراً و بنفسك أو كسرها 100 حتة ولو ما عملتش كده قابل بقى وأول ماتمشي هتلاقي الصنايعي إستخدمها من وراك.

9. لو إنت هتسكن في الدور الأرضي اتأكد إن الصرف بتاعك مستقل عن صرف العمارة، ولو سقطت النقطة دي هتلاقي المجاري طفحت في شقتك في أول سدد للمجاري.

10. الحمامات والمطابخ بالله عليك ماتبخلش علي عزل الحمام والمطبخ والأهم الحمام، إختار نوع عزل كويس سواء ميمبرين او ماردة عزل من كيماويات البناء الحديث واختبره كويس و املاه مياه، لو حصل نشع عند جارك اللي تحتك دلوقتي أحسن ما يحصل نشع بعد مالشغل يخلص.

12. على فكرة مش شرط البانيو يكون لازق في الحيطة ممكن تسيب 20 سم بين البانيو وبين الحيطة تتشطب سيراميك بنفس مستوى حرف البانيو وتستغلها في رص علب الشامبو اللي بتقع في البانيو كل شوية.

13. خلي السباك يعملك توصيلات لخزان سطح خاص و سخان شمسي بالمحابس، محدش عارف الظروف "اللي مش محتاج وشه النهارد تحتاج ضهرة بكره" إعمل حساب الأيام.

14. إعمل صرف الأرضية (بيبة)في المطبخ بس لو هتعملها إعملها صح وحلقم عليها.

15. ميول صرف المياه في البلكونات و الحمامات مهمة، لازم تدلق جردل مياه بنفسك و تتأكد من الميول قبل ما الصنايعي يمشي.

16. في التشطيب فيه حاجات معينة كدة لازم تكون حاضرها بنفسك لأنها لو بدأت غلط للأسف بتكلفك كتير قوووي وده زي .......
- أول رصة سيراميك علي الأرضية تتأكد انه بدأ بالشكل المطلوب سواءً عدل أو على سواكه أو ... أو .... وده على حسب رغبتك أو رغبة العميل، لو الصنايعي بدأ غلط وانت مش معاه أقدر أطمنك إنه هيخلص غرفة كاملة علي الوضع الغلط و يجيبلك شلل نصفي لما تروح تشوف شغله آخر النهار وده بقى من عيوبه إنه أهر وقت وخامات، نفس الكلام علي الرخام.
- رخامة الحمام والبانيو في تركيبهم لازم تكون واقف على دماغ الصنايعي عشان ميركبوش أعلي أو أوطى من المنسوب المطلوب.
- تركيب مواسير تغذية السخان علشان ما يركبش في مكان غلط أو في منسوب غير مطلوب.
- تركيب مكان دش الحمام، اختبار ضغط المواسير.

17. الصالة فرشها بيتغير وبيتنقل كتير وده على حسب بقى دماغ العميل أو على حسب دماغ خطيبتك، فكر في سيناريوهات نقل الأنتريه ومكان السفرة والعكس، يعني ركز على مخارج التليفزيون والدش خليها في كل مكان محتمل إنك تحط فيه التلفيزيون في المستقبل، البلكونة برضه بيتعمل لها مخرج دش.

18. لو شقتك يبقى لازم تحدد و تختار أماكن كل حاجة بنفسك زي علب الكهرباء -البواطات- مكان جرس الباب –مكان لمبة الباب الخارجية-لمبة مراية الحمام-محبس الحمام-محبس السخان-محبس الغسالة ،مفاتيح التكييف- ولو شقة عميل لازم يكون معاك وانت بتحدد التفاصيل دي، و يفضل بقى إنه يكون فيه رسمة shop dwg موضح عليها كل الحاجات دي، اتعلم اتعلم shop dwg سهل جداً وبيفرق كتير، بالنسبة للحمام والمطبخ فيه شركات زي محجوب بتعمل لك رسمة للحمام، وكل ماتسيب التفاصيل دي عايمة بتعطي فرصة للصنايعي إنه ياخد اختيارات من نفسه، فيه صنايعية خبرة و ممكن تختار مكان كويس بس مش كلهم أكيد.

19. المفتاح الديفياتير صدقني حاجة ممتازة ممكن تعمل 2 مفتاح ديفياتير لإنارة الطرقة واحد في الأول وواحد في الآخر علشان تنور نور الطرقة و إنت في أولها و تطفيه لما توصل آخرها.

20. فيش الكهرباء اللي في الحمام و البلكونة بالله عليك إعملها water proof في الحمام عشان المياه ما تكهربش العميل أو تكهرب المدام و في البلكونة عشان التراب ميملاهاش.

21. أي حاجة بتركب بخوابير في الحيطة إوعى تسترخص فيها ، زي مسطرة الدش في الحمام و الفواطة.

22. كتر برايز كهرباء علي قد ماتقدر و خصوصا في المطبخ حتي لو مش محتاجها أو شايف ان ملهاش لازمة.

23. المطبخ بيبقي سخن دايماً ركب له شفاط و إعمل فيشة في الحيطة لمروحة جنب علشان تساعد في التهوية.

24. اعمل للشفاطات مفتاح متوصل بسلك وخلي مخرجه من برة الشباك علشان متشوفش سلك مدلدل وعلشان لو حبيت تعمل ضلفة تقفل شباك الحمام تماماً من غير ما تفُك سلك الشفاط كل شوية.

25. خليك ناصح وقول للكهربائي يعمل لك لمبة إشارة في لوحة كهرباء الشقة تعرف منها لو النور قطع العيب من الكهرباء العمومي ولا العيب داخلي عندك.

26. خلي الكهربائي يزودلك خراطيم كهرباء و يعمل حساب توصيلات مولد كهرباء احتياطي و مواسير فاضية للدش في كل الأوض و الأحسن تجيب كابل دش و تمشيه في المواسير من الأول .

28. اتأكد ان فتحة باب المطبخ بعد تركيب الحلوق حتعدي الأجهزة بتاعتك و اعمل حسابك تدي براح لو قررت مستقبلا تشتري تلاجة أكبر.

30. اعمل مخرج حنفية خدمة زيادة تحت الحوض(حنفية غسالة).

31. لما النقاش يعمل لك عينات لون خليه يعملها علي خلفية بيضاء عشان فروق الدرجات تبان كويس.

32. إوعى تبلغ كود اللون شفوي لازم يكون كتابةً.

33. لو حتركب أبواب حديد خارجية أو حديد حماية خلي الحداد يفصلك حلوق حديد و يركبها من بدري قبل المحارة بكانات مدفونة في الحيطة عشان ييجي في الآخر يلحم الباب من غير تكسير و لادق أوتاد، ده أمتن و أنضف و لو مش معاك فلوس كفاية ركب حلوق حديد علي داير الشبابيك و سيبها للمستقبل. لو فيه دق خليه قبل وش النضافة عشان لو الحيطة نملت تقدر تعالجها.

34. نقي باب مصفح من الجديد أبو شراعة مدورة تتفتح عشان تشوف مين علي الباب زي أبواب زمان، لو مش لاقي اعمل شراعة صغيرة في الحيطة جنب الباب (20سم x 25سم) بضلفة حديد ، وفي أفكار كتير في الديكور تخلي شكلها جميل وتقدر تثبت عليها تابلوه أو مراية صغيرة، هيفيدك في إن المدام تفتح الشراعة بس في حالة الجرس ضرب أو تحاسب محصل الكهرباء من غير ماتفتح الباب، طبعاً العين السحرية مهمة لازم تكون موجودة في جميع الأحوال.

36. الأرضيات المتشطبة افرد عليها مشمع بنفسك، علشان الصنايعية مش هتهتم وهتتعاص من شغلهم، ماحدش هيخاف علي حاجتك أكتر منك.

37. لو ناوي تشطب رخام إما تدفع وتشتري حاجة نضيفة يعني رخام مستورد زي السيسيليا و الكرارة يا إما بلاش وخليك في السيراميك، الرخام المصري زي الفلتو و الجلالة مشاكله كتير وفيه عروق بتفتح بعد فترة، بلاش منظرة علي الفاضي وتعاني منها بعدين.

39. احتفظ بعينات من السيراميك لزوم اي مرمة مستقبلا و سجل في أجندة أسماء الموديلات و أكواد الألوان اللي استخدمتها و الفواتير

40. احتفظ بأرقام تليفونات الصنايعية الشطار خصوصاً الكهربائي لأنك هتحتاجه كتير في المستقبل.

41. علشان خاطري ما تستخدمش أي أُكر أو كوالين أو مقابض أبواب صيني وإلا هتقابلك مواقف بايخة ومحرجة زي يكون عنك ضيف مثلا ومحبوس في الحمام علشان كالون الإشارة معلق أو لآ قدر الله طفل مش عارف يفتح الباب.

42. زجاج الألمنيوم يفضل دايماً إنه يكون دُبل علشات العزل الصوتي والحراري وبالله عليك الزجاج الفيميه اللي أغلبنا غاوي يركبه في الشقق علشان مش عارفين نركبه في العربيات أولاً ده بيغير لون الإضاءة الطبييعة وثانياً المكان اللي فيه إضاءة أكتر بيبقى مكشوف ( زي تكون ف الصالة والزجاج فيميه وعندك إضاءة الصالة أعلى من الشارع تلاقي جارك يبُص عندك في الشقة شايف كل حاجة) " بلاش يكون في أوضة النوم بالذات هيفضحك".

43. شباك المناولة من المطبخ لازم تكون عامل حسابك إنه يتقفل لأن المطابخ المصرية بصفة عامة بينتج عنه روائح التقلية والطبيخ والحاجات دي فياريت بلاش وتقليد أعمى وخلاص وما تعملهوش أصلاً.

مناسيب السباكه "الأجهزه الصحيه" :

ــ إرتفاع حوض الحمام عن منسوب التشطيب من 80 إلي 85 سم.
ــ إرتفاع حوض المطبخ عن منسوب التشطيب 90 إلى 95 سم.
ــ إرتفاع البانيو عن منسوب التشطيب 45 سم.
ــ خلاط البانيو أعلى من البانيو بـ20 سم، وأعلي من بانيو القدم 50 سم.
ــ إرتفاع تغذية البانيو عن منسوب التشطيب 65 سم.
ــ إرتفاع تغذية وصرف الحوض عن منسوب التشطيب 50 سم.
ــ إرتفاع تغذية وصرف غسالة الملابس عن منسوب التشطيب 50 سم.
ــ إرتفاع غسالة الأطباق عن منسوب التشطيب 30 إلي 40 سم.
ــ إرتفاع ماسورة صرف القاعدة الأفرنجي من أسفل عن منسوب التشطيب 8 سم.
ــ إرتفاع تغذية القاعدة الأفرنجي عن منسوب التشطيب من 25 إلى 30 سم.

ــ إرتفاع تغذية سخان الغاز عن منسوب التشطيب 110 سم.
ــ إرتفاع تغذية سخان الكهرباء عن منسوب التسطيب 140 سم.
ــ المسافه بين ماسورتي السخن و البارد 15سم
اذكروا الله وصلوا علي رسول الله صلى الله عليه وسلم.

لو انت شاري شقة مخالفة من بعد 2008 أو ناوي تشتري شقة لازم تقرأ الكلام ده.. 🤔

تم اصدار قرارات رسمية من الحكومة سوف تطبق بحزم على كل من اشترى شقة مخالفة من بعد ٢٠٠٨ واللي ناوي يشتري شقة دلوقتي:

لو شقتك قبل 2008 حتي لو مخالف هتعدي...لو مخالفة بعد 2008 وقبل 2017 هتدفع غرامة... بس لو بعد يوليو 2017 هيتم إزالة الأدوار المخالفة حتى لو ساكنة.

جاري تنفيذ الإزالات للأدوار المخالفة بجميع الأحياء في مصر طبقا لتاريخ صدور قرارات الإزالة. وسوف تنفذ في جميع المباني المخالفة في جميع أنحاء الجمهورية.

⁦⁩ الغرامة تقع على صاحب العقار (المقاول). فلو صاحب العقار مات او محبوس او مادفعش واتحبس او هربان، السكان هما اللى حيدفعوا.

⁦⁩ قرارات الإزالة سوف تنفذ حتي لو الوحدات السكنية مشغوله بالسكان

حبس أصحاب العمارات الاساسيين ١٥ يوم وليس المقاولين فقط

⁦⁩ المحاكم المختصة هي المحاكم العسكرية

⁩ فيما يخص سعر التصالح في المتر تم نشره من قبل الحكومة حسب كل منطقة

⁦⁩ اخر ميعاد لتقديم اوراق التصالح هو 30/9/2020⁦

⁩ الدفع هيكون عن طريق اتحاد ملاك للوحدات المخالفة
و يتم تفويض واحد منهم لتقديم التصالح نيابة عن شاغلي الوحدات السكنية

طب لو مش هدفع هيعملوا معايا ايه؟

ولا حاجة الحكومة حتعمل حاجة من اثنين. و الاتنين للاسف مش هيعجبوك اما الطرد من الوحدة او قطع المرافق عن الوحدة...!!

تقسم المبانى فى مصر الى 3 انواع من المبانى طبقا للقانون المصرى.

اولا : اى عقار قبل تاريخ 11/5/2008 حتى لو مبني من غير رخصة رسمية ولو دور اخير لن يتم دفع اى مصالحات ولن يواجه اى ازاله وشكلة امام الدولة قانونى 100%

ثانيا : اى عقار من بعد التاريخ السابق وحتى 22/7/2017 ينقسم الى نوعين من القوانين :

1- عقار تم بنائة برخصة رسمية " صادرة من المركز الذكى " بعدد معين من الطوابق المتعددة مثل 5 ادوار لن يتم دفع اى مخالفات عليها اما ما يعلو الرخصة الرسمية فسيتم دفع المخالفة " مفيش ازالة "

2- عقار تم بنائة بالكامل دون وجود رخصة رسمية صادرة من الحى الذكى سيتم دفع المخالفة عن العقار بالكامل " مفيش ازالة " الا لو لم يتم البناء على ارض من اراضى الدولة وبعد التأكد من السلامة الإنشائية للعقار عن طريق لجنة هندسية.

ثالثاً: أي عقار مبنى بعد 22/7/2017 وطبقا للمسح الجوى لمصر سيتم ازالتة بالكامل " ده اخطر نوع من العقارات.. وده تبعد عنه تماما لان هيكون فى محاولات رهيبة لبيعه ولو بسعر قليل جدا "

وبناءا على ذلك قررت المحافظات فتح باب التصالح على الوحدات المخالفة بداية من شهر 7 وحتى 30/9/2020

⁦🏴‍☠⁩ ملحوظة هامة ⁦🏴‍☠⁩
خد بالك لو رايح تشتري شقة في منطقة انت عارف ١٠٠٪ ان سعرها اغلى بكتير من السعر المعروض و يقولك لسرعة البيع و لظروف السفر شوف هناك الاسعار ماشية ازاي ومتنساش تاريخ بناء العقار ⁦👌🏼عشان متلاقيش نفسك اشتريت الترام 🚊 ..

الموضوع خطير وحيأثر على عدد كبير من المصريين.

لو انت شاري شقة مخالفة أو ناوي تشتري شقة، لازم تستشير محامي ثقة.
شكرا للتوجيه
مع ملاحظة
أن عدم الالتزام بالعقد والاستيلاء على ارض الغير يوجب الإزالة طبقا لقوانين البناء
وتسمى خروج عن خط التنظيم
وهذه حاله ليس بها تصالح مع الحكومة .
ويمكن مراجعة قانون ١١٩ المبانى
الذى تم تصوير بندالمادة ٨٧ منه والخاص باتحاد الشاغلين
منقول

يا علي قولتلك مهندسة لا ..مهندسة لا 😂😂

جايز تكون اول مره في تاريخنا تحصل و ١٤١ رئيس مدينة و حي علي مستوي مصر كلها ، اتشالوا من مناصبهم و تم تعين غيرهم خلال الايام السابقه بعد قرار ايقاف التراخيص البنائيه لسنة ٢٠٢٠.. و تتابع اعمال الهدم و الازاله لكل المخالفين و المعتديين علي اراضي الدوله ... مصر بتنضف ☘️

عزل الاسطح للحرارة
-
كتير مننا بيكون ساكن في الدور الاخير ، ومع ارتفاع درجات الحراره بتحس فعلا ان الشقه نار ودا بسبب ان مفيش حاجه تعزل اشعة الشمس ال بتكون سبب في ارتفاع درجة حرارة السقف وبيتم انتقال الحراره بعد كدا لداخل الشقه ومهما كان فيه مراوح او تكييف مهما كانت قوته لا يفيد ولا يغني ، طيب اي الحل وببساطه شديده جدا
-
الفوم الازرق او البوليسترين polystyrene foam
بيتم الحصول علي البولي سيترين من مخلفات البترول وبيتم تصنيع الالواح بتخانات مختلفه تبدء من ( ٣ ، ٤ ، ٥ ) سم وفيه احيانا تخانات تصل ل ١٠ سم
ابعاد اللوح الواحد (١٢١ × ٦١ ) سم
يعني المتر المكعب من الفوم الازرق ( البوليسترين ) بيفرد في حدود ٢٠ متر مسطح
-
عزل الاسطح للحراره بالفوم ، خفيف جدا ميحملش علي السطح، رخيص جدا مقارنه بالخساير ال ممكن يسببها ارتفاع درجات الحراره ، ملوش اي اثار سلبيه علي الصحه ، هيخلي بيتك رطب في اقصي درجات الحراره الصيفيه ، ممكن تعزل سطحك في وقت قليل جدا ، عمره الافتراضي كبير من (١٠ الي ١٥ ) سنه هيمنع ظهور تصدعات وتشققات فيها وبالتالي هتحافظ علي عمر السقف ، هيقلل الطاقه الكهربيه المستهلكه من التكييف عشان يحافظ علي درجة حراره بارده نوعا ما في المبني ودا بيستهلك كهربا كتير جدا ، هيحافظ علي مستوي التشطيب الداخلي لان هيمنع وصول درجات الحراره داخل المبني وبالتالي هيحافظ علي الدهانات ال بتتأثر باختلاف درجات الحراره ، هيحميك من اثار سلبيه كتير جدا بلاش نتدخل فيها لانها امور فنيه جدا بس ممكن تسبب خطر علي اهل بيتك ودا احنا كلنا في غني عنه ، بنصح اي حد بيعمل منشأ خاص بيه لاي غرض ان يعزل سطحه بالعزل المائي ال هنتكلم عليه بعدين والعزل الحراري مع التطشيب ببلاط موزايكو .