04/05/2026
الفرق بين المدرب الشاطر والمدرب اللي بيمشي حاله
مش أي حد واقف على حمام السباحة يبقى مدرب…
المدرب الحقيقي بيبان في النظام، الأمان، وطريقة تعامله مع المتدربين 👇
1️⃣ الالتزام بالمواعيد
المدرب الشاطر وقته مظبوط ⏰
لأن الانضباط بيتعلم قبل السباحة.
2️⃣ نازل التمرين بخطة واضحة
إحماء – مهارة – تكرار – تصحيح – إنهاء.
هنتارجت اي بلظبط
مش “نشوف هنعمل إيه” وخلاص والى يجي فبالنا نعمله.
3️⃣ تجهيز الأدوات والحارات قبل النزول
التحضير بيسهّل عليك الشرح وبيوفر وقت
وبيخلي التمرين ماشي بنظام.
4️⃣ الأمان أولاً 🚨
سلامة الأطفال خط أحمر.
سواء تعليمي – تجهيزي – فرق.
مفيش حد مبيغرقش… وارد أي حاجة تحصل لا قدر الله.
5️⃣ انزل لمستوى الطفل
خليك في مستوى نظره وعقله،
خليه شايفك، سامعك، فاهمك.
6️⃣ التكرار في المراحل التعليمية الأولى
متستعجلش تنقل مهارة جديدة.
الأساس القوي أهم من السرعة.
7️⃣ قسم أي مهارة لأرقام
1 – 2 – 3
تقسيم المهارة يسهل عليك الشرح
ويخلي الطفل مركز وعارف بيعمل إيه.
8️⃣ التصحيح بهدوء مش بزعيق
الغلط طبيعي.
استناه يرجع وعدّل له براحة..
وصحّح بإيجابية مش بسلبية ✅
متقولش: “إنت غلط خالص” ❌
قول: “الحركة حلوة 👌 بس محتاجة تتظبط شوية كده” ✔️
ابدأ دايمًا بحاجة صح عملها،
وبعدين عدّل الغلط بهدوء.
المدرب الشاطر بيبني ثقة… مش خوف.
9️⃣ متعومش على الغلط
متقولش “أنا استلمته كده”
لا… عدل وظبط.
الخطأ الصغير لو اتساب هيكبر بعدين.
🔟 خلي التمرين ممتع 🎯
مش قفش طول الحصة.
اللعب جزء من التعلم:
ألعاب مائية – أرقام – أصوات – تحديات.
وآخر 10 دقايق لعب ذكي مرتبط بالمهارة.
1️⃣1️⃣ مرحلة التجهيزي مهمة جدًا
اشرح وادمج النجمة اللي بيتعلموها كويس،
ركز على التفاصيل الصغيرة،
وخليهم فاكرين كل نقطة مش بيعدوا وخلاص.
المدرب الشاطر مش بس بيعلم سباحة…
هو بيبني شخصية، ثقة، وأمان جوه الميه 💪🔥
#سباحة #تدريب #رياضة #ترفيه
04/05/2026
27/04/2026
19/04/2026
19/04/2026
18/04/2026
16/04/2026
11/04/2026