Concello de Val do Dubra

Inicio
España
Bembibre, Castilla y León
Concello de Val do Dubra

Llamar Página web

Conta oficial de Facebook do Concello de Val do Dubra

22/10/2026

🎓 Entrega de diplomas do curso de introdución á lingua e á cultura galega

O alcalde de Val do Dubra, Diego Luis Díaz, e a técnica de Normalización Lingüística fixeron entrega dos diplomas ás dez persoas participantes nesta primeira edición do curso, procedentes de Venezuela e de Brasil.

O alumnado achegouse á lingua galega, ás expresións do día a día e tamén á nosa historia, cultura, tradicións, festas, gastronomía e música.

Unha iniciativa gratuíta, desenvolvida en colaboración coa Secretaría Xeral da Lingua da Xunta de Galicia, que busca facilitar a integración das persoas procedentes do exterior e fomentar o uso do galego na vida cotiá.

👏 Parabéns a todas as persoas participantes por este paso para coñecer, compartir e sentirse parte de Galicia!

21/10/2026

Chega a 3.ª edición da VELADA MUSICAL VIRTUOSI VIOLINI 🎻 no marco do Outono Cultural🍂

Este sábado 24 de outubro, ás 19:30 h, o Auditorio Municipal de Val do Dubra encherase de música, emoción e talento cunha nova edición desta velada musical tan especial ✨

Un encontro co virtuosismo do violín, protagonizado por talentosos intérpretes e acompañado ao piano por Damián Hernández e Javier López Jorge.

Esta edición será tamén unha homenaxe in memoriam a Celsa Oreiro, Checha, nunha velada dedicada á música, á lembranza e á emoción compartida ❤️🎶

📍 Auditorio Municipal de Val do Dubra
📅 24 de outubro
🕢 19:30 h

Unha cita para g***r da música en directo e deixarse levar pola maxia do violín nunha atmosfera chea de sensibilidade e beleza!

Agardámoste!

20/10/2026

👷‍♀️ Obradoiro Dual de Emprego Valora 2026

Negreira acolleu o pasado venres, 16 de outubro, a presentación do Obradoiro Dual de Emprego Valora 2026, unha iniciativa na que participa o Concello de Val do Dubra xunto cos concellos de Negreira, A Baña e Santa Comba e a Xunta de Galicia.

Ao acto asistiron o alcalde de Val do Dubra, Diego Luis Díaz, e o primeiro tenente de alcalde, Antonio Negreira.

O obradoiro desenvolverase ao longo de nove meses e permitirá formar 20 persoas como alumnado traballador, das cales 5 serán veciñas de Val do Dubra, ao tempo que se realizarán diferentes actuacións de mellora e acondicionamento nos municipios participantes.

🌿 Esta iniciativa combina formación e emprego, ofrecendo novas oportunidades laborais e contribuíndo á mellora dos espazos públicos dos nosos concellos.

19/10/2026

🎨💟 AUTOESTIMARTE 2026 | Obradoiros de autoestima e creatividade

Este novembro, regalámonos un espazo para coidarnos, expresarnos e conectar coas nosas emocións a través da creatividade✨

O Concello de Val do Dubra organiza tres obradoiros para explorar o noso mundo interior, fortalecer a autoestima e descubrir novas formas de expresión.

🌸 6 de novembro — EMOCIONARTE
🧘 13 de novembro — CALMARTE
🎨 20 de novembro — EXPRESARTE

📍 Centro de Formación de Val do Dubra
🕡 Ás 18:30 h

📝 Inscricións ata o 3 de novembro en [email protected].

Podes inscribirte nun obradoiro individual ou participar nos tres. Hai 25 prazas por sesión, así que non quedes sen a túa!

Unha oportunidade para dedicarnos tempo, descubrir o noso potencial e facer da creatividade unha ferramenta de benestar.

16/10/2026

💜 Esta fin de semana, o Concello de Val do Dubra iluminarase de cor morada para dar visibilidade ao síndrome de Rett e amosar o noso apoio ás persoas e familias que conviven con dito síndrome 💜

16/10/2026

🛍️ A Deputación da Coruña abre o prazo de adhesión de comercios ao programa MercaNaVila.

Prazo de adhesión ata ao 20 de outubro ás 9.00 h

💶 A segunda edición conta cun orzamento de 5 millóns de euros e ofrecerá bonos desconto de 100 euros para incentivar as compras no comercio local.

ℹ️ https://www.dacoruna.gal/novas/ficha-noticia-reducida?id_evento=28363

15/10/2026

Hoxe festexamos o Día Internacional da Muller Rural 💜🌾

Hoxe celebramos as mulleres rurais, as que coidan da terra, manteñen vivas as nosas tradicións e constrúen o futuro das nosas aldeas co seu traballo, esforzo e sabedoría 🌱

Mulleres que sementan vida, que transmiten coñecementos de xeración en xeración e que son unha peza fundamental para o presente e o futuro do noso rural galego. Grazas a todas as dubresas!

11/10/2026

☀️👧🏼🧒🏻 Así vivimos os Campamentos de Conciliación de Verán de Val do Dubra!

O verán estivo cheo de xogos, diversión, aprendizaxe e momentos compartidos nos nosos campamentos de conciliación.

📸 Deixámosvos algunhas das imaxes dos momentos vividos nos que os pequenos e pequenas foron os grandes protagonistas.

Grazas a todas as familias pola confianza!

09/10/2026

Val do Dubra acolle este domingo a Final A4 de Petanca! 🫵🏻

📍 Agardámosvos a partir das 🕘 9.00 h no aparcamento da rúa San Lourenzo, onde se darán cita os participantes nesta competición.

Unha xornada deportiva na que participarán clubs de Vigo, Negreira e Val do Dubra, compartindo a súa paixón pola petanca e gozando dunha mañá de deporte e convivencia 💪🏻

08/10/2026

🧠 Anímate e participa nos Obradoiros de Memoria!

Coida da túa mente, manténte activo/a e comparte tempo con outras persoas ☺️

Poñemos en marcha un novo espazo para persoas maiores de 60 anos que queiran estimular a mente, fomentar a creatividade, xogar, socializar e desfrutar dunha vida activa.

📅 Todos os martes
🕙 De 10:00 a 11:30 h
📍 Casa da Cultura de Bembibre
⏱️ Sesión semanal de 1 hora e media

As actividades estarán guiadas por profesionais da psicoloxía e da educación social, especializadas en envellecemento e deterioro cognitivo.

ℹ️ O prazo de inscrición abre este venres, 9 de outubro, e poderá facerse a través dunha instancia no Rexistro Xeral do Concello de Val do Dubra ou a través da Sede Electrónica. Terán prioridade as persoas empadroadas no noso concello.

Prezo: 10€/mes

Dirección

Rua Arcai, 41
Bembibre
15873

Teléfono

+34981889000

Página web

http://www.valdodubra.gal/

Notificaciones

Sea el primero en enterarse: le enviaremos un correo electrónico cuando Concello de Val do Dubra publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.