¿Cuál es el horario de apertura?

Lunes 08:00 - 15:00 Martes 08:00 - 15:00 Miércoles 08:00 - 15:00 Jueves 08:00 - 15:00 Viernes 08:00 - 15:00

Concello de Cerdedo-Cotobade

Inicio
España
Castroverde, Galicia
Concello de Cerdedo-Cotobade

Cómo llegar Página web

Páxina oficial en Facebook do Concello de Cerdedo Cotobade

21/10/2026

A SENDA DE TERRA VEXETAL NATURAL ENTRE A CHAN E POZO NEGRO ENTRA NA SÚA FASE DE EXECUCIÓN

O proxecto da futura senda de terra vexetal natural entre A Chan e Pozo Negro, en Carballedo, dá un novo paso coa adxudicación das obras a Caldevergazo, que iniciará os traballos MAÑÁ.

A actuación permitirá habilitar un percorrido de preto de 2,4 quilómetros pola contorna do río Almofrei, recuperando e poñendo en valor un espazo natural para o paseo, a práctica deportiva e o desfrute da veciñanza.

Para chegar ata este punto foi necesario completar a redacción do proxecto, a delimitación dos terreos afectados e toda a tramitación administrativa e de expropiación necesaria.

O proxecto desenvólvese ao abeiro da colaboración entre o Concello de Cerdedo Cotobade e Augas de Galicia e conta cun investimento de 51.113,94 euros, financiado por Augas de Galicia, mentres que o Concello se encargará da execución dos traballos.

Un novo paso para recuperar a contorna do río Almofrei e seguir poñendo en valor o patrimonio natural do municipio.

16/10/2026

HOMENAXE A ANTONIO SUEIRO, ÚLTIMO ALCALDE REPUBLICANO DO MUNICIPIO DE CERDEDO

A Casa Consistorial de Cerdedo acolleu este venres un acto institucional de homenaxe a Antonio Sueiro, último alcalde republicano deste municipio, nunha xornada de lembranza, recoñecemento e defensa dos valores democráticos.

O acto, presidido polo alcalde Jorge Cubela contou coa representación das tres forzas políticas presentes na Corporación municipal e combinou música, poesía e memoria histórica, coa participación de representantes do ámbito cultural, educativo e familiar.

A profesora e veciña Malores Villanueva encargouse da presentación, nun programa no que tamén participaron Andrea García González, ao piano; o profesor José Raposeiras; e o alumno Leo Fernández, que realizou unha lectura poética.

Un dos momentos máis emotivos chegou coa intervención de Rita Rial, bisneta de Antonio Sueiro, quen recibiu en nome da familia unha placa conmemorativa e un ramo de flores como mostra do recoñecemento institucional á figura do homenaxeado.

O alcalde, Jorge Cubela, pechou o acto destacando a importancia de preservar a memoria e de transmitir ás novas xeracións valores como o respecto, o diálogo, a convivencia pacífica e a defensa dos dereitos e liberdades.

Con esta homenaxe, o Concello de Cerdedo Cotobade reafirma o seu compromiso coa conservación da realidade local e co recoñecemento das persoas que forman parte da nosa historia colectiva.

16/10/2026

AS OBRAS DA CONTORNA DA CAPELA DE MEILIDE CONTINÚAN AVANZANDO

Os traballos de mellora e urbanización da contorna da capela de Meilide, en Cerdedo, continúan avanzando de maneira satisfactoria.

A actuación conta cun investimento de 61.468 euros, financiado pola Dirección Xeral de Administración Local da Xunta de Galicia e polo Plan +Provincia da Deputación de Pontevedra.

As obras permitirán mellorar, ordenar e acondicionar este espazo de especial significado para a veciñanza, creando unha contorna máis coidada, accesible e integrada.

O alcalde, Jorge Cubela, comprobou sobre o terreo a evolución dos traballos e o desenvolvemento desta actuación.

15/10/2026

AS OBRAS DA NOVA ÁREA DE AUTOCARAVANAS DO CASTRO, EN SAN XURXO, AVANZAN A BO RITMO

O alcalde Jorge Cubela visitou as obras da área de autocaravanas do Castro, en San Xurxo de Sacos, para comprobar sobre o terreo a evolución dos traballos, que avanzan a bo ritmo.

A actuación conta cun investimento de 112.530 euros, financiado por Turismo de Galicia nun 70% e pola Deputación de Pontevedra, a través do Plan +Provincia, no 30% restante.

A nova infraestrutura disporá de 8 prazas para autocaravanas, zona de servizos con carga e descarga de augas, abastecemento de auga potable, mellora dos accesos, iluminación, saneamento, pavimentos drenantes e sinalización. Ademais, contará cunha área de lecer con mesas, bancos e arborado autóctono.

O proxecto execútase nos terreos do antigo campo de fútbol, cedidos pola Comunidade de Montes de San Xurxo, coa que o Concello mantén unha estreita colaboración para facer posible esta nova infraestrutura turística.

15/10/2026

HOMENAXE A ANTONIO SUEIRO CADAVID, ÚLTIMO ALCALDE REPUBLICANO DE CERDEDO

O Concello de Cerdedo Cotobade celebrará este venres 16 de outubro, ás 17:30 horas, no salón de plenos da Casa Consistorial en Cerdedo, un acto institucional de homenaxe a Antonio Sueiro Cadavid, alcalde do Concello de Cerdedo entre os anos 1931 e 1936 e último alcalde republicano do municipio.

Con este acto, o Concello continúa coa recuperación e posta en valor da memoria das persoas que desempeñaron responsabilidades públicas nos antigos concellos que hoxe conforman Cerdedo Cotobade, seguindo a mesma liña institucional desenvolvida coa homenaxe realizada no seu día a Antonio Pousada, en Cotobade.

📅 Venres, 16 de outubro.

🕠 17:30 horas.

📍 Salón de plenos da Casa Consistorial en Cerdedo.

14/10/2026

ANIMÁDEVOS A PROBAR O BALONMÁN EN TENORIO!

Poñemos en marcha unha nova Escola Deportiva da Deputación de Pontevedra en Cerdedo-Cotobade, desta vez de balonmán, que se suma á de taekwondo que xa temos en funcionamento no noso municipio.

Unha iniciativa gratuíta, impulsada polo Club Teucro de Pontevedra, para que os nenos e nenas de entre 6 e 13 anos poidan descubrir este deporte, aprender, facer novas amizades e desfrutar practicando actividade física.

📍 Pavillón Municipal de Tenorio
📅 Mércores, de 16:30 a 18:00 horas
👧🧒 De 6 a 13 anos
💙 Totalmente gratuíta e sen competición oficial.

Animo a todas as familias a que se acheguen, se informen e lles dean aos máis pequenos a oportunidade de probar. Queremos seguir ampliando a oferta deportiva no noso concello, facilitando que os nenos e nenas poidan practicar deporte preto da casa e medrar cos valores do compañeirismo, o esforzo e o respecto.

14/10/2026

O CONCELLO ORGANIZA O SAMAÍN 2026 CO “CASTELO DOS MISTERIOS” E DOUS OBRADOIROS

O Concello prepara unha nova e emocionante aventura para celebrar o Samaín 2026 co CASTELO DOS MISTERIOS, unha noite de probas, desafíos e sorpresas baixo o lema “Ir e volver do outro mundo”.

📅 Sábado 31 de outubro.

🕗 Inicio do rastrexo ás 20:00 horas.

📍 Castelo do Eirado (Pazo Bermúdez de Castro), en San Xurxo de Sacos

Como antesala desta celebración, tamén se organizarán dous Obradoiros de Samaín, nos que se poderá dar renda solta á creatividade preparando as cabazas para estas datas:

🎃 Sábado 24 de outubro, ás 17:00 horas, no Centro Sociocultural de Tenorio.

🎃 Venres 30 de outubro, ás 17:00 horas, na Casa do Pobo de San Xurxo de Sacos.

Para participar nos obradoiros será necesario traer cabazas e moita imaxinación.

📲 Inscricións: 660 708 902.

No Castelo dos Misterios, os participantes deberán formar equipos e superar diferentes retos para completar a misión e facerse co seu carné de rastrexador, que lles permitirá optar a un agasallo ao finalizar as probas.

Para participar será necesario traer:

🛡️ Un disfrace terrorífico.

👟 Calzado cómodo e axeitado para a actividade.

🔦 Lanterna ou frontal.

📱 Un teléfono móbil por equipo para realizar algunhas das probas.

💰 A participación terá un custo de 2 euros por menor.

Ao rematar a aventura haberá tamén unha chocolatada máxica e reparadora para recuperar forzas despois dunha noite chea de emocións.

Para participar será necesario indicar:

👉 Nome do grupo.

👉 Número de adultos e menores participantes.

👉 Número de persoas que asistirán á chocolatada.

📲 Inscricións no teléfono 660 708 902 e a través do grupo de WhatsApp.

⚠️ Prazas limitadas a 200 participantes.

13/10/2026

DECLARACIÓN DE IMPACTO AMBIENTAL DESFAVORABLE PARA OS PARQUES EÓLICOS ALAMOCEIROS, CHAMARRAPIO E XUBRINTAS

O Boletín Oficial do Estado (BOE) publicou a resolución da Dirección Xeral de Calidade e Avaliación Ambiental do Ministerio para a Transición Ecolóxica e o Reto Demográfico pola que se formula declaración de impacto ambiental desfavorable para o proxecto dos parques eólicos Alamoceiros, Chamarrapio e Xubrintas, así como para parte das súas infraestruturas de evacuación.

O proxecto, integrado no denominado Clúster Eólico Fontefría Norte, afectaba a varios municipios da provincia de Pontevedra, entre eles Cerdedo Cotobade, ademais da Estrada, Campo Lameiro, A Lama, Fornelos de Montes e Covelo.

A resolución conclúe que, tras a avaliación ambiental realizada, non queda acreditada a viabilidade ambiental do proxecto ao identificarse posibles impactos negativos significativos sobre diferentes elementos do medio ambiente.

13/10/2026

📢 EXPOSICIÓN DAS LISTAS DO CENSO ELECTORAL

O Concello de Cerdedo-Cotobade informa de que, con motivo da celebración das Eleccións Xerais do vindeiro 29 de novembro de 2026, as listas do Censo Electoral permanecerán expostas ao público do 12 ao 19 de outubro, ambos incluídos, para a súa consulta e, de ser o caso, presentación de reclamacións.

💻 A consulta realizarase por medios informáticos nas sedes municipais, previa identificación da persoa interesada:

📍 Casa Consistorial de Carballedo. Chan, 11 – Carballedo.

📍 Sede Administrativa de Cerdedo - Praza do Concello, 1 – Cerdedo.

👉 Recoméndase á veciñanza comprobar os seus datos dentro do prazo establecido para garantir a súa correcta inclusión no censo electoral.

12/10/2026

O CONCELLO PARTICIPA NOS ACTOS DO DÍA DO PILAR E DA HISPANIDADE

O alcalde, Jorge Cubela, participou nos actos conmemorativos do Día do Pilar e da Hispanidade, xunto co sarxento xefe de posto da Garda Civil de Cerdedo, Javier Garrido Santiago.

Unha xornada de celebración e convivencia na que se puxo en valor o labor que desenvolve a Garda Civil, así como o seu compromiso permanente coa seguridade, o servizo público e a atención á cidadanía.

Desde o Concellotrasladamos o noso recoñecemento e felicitación a todos os membros da Garda Civil con motivo da festividade da súa patroa, a Virxe do Pilar.

Dirección

Chan 11
Carballedo
36856

Horario de apertura

Lunes	08:00 - 15:00
Martes	08:00 - 15:00
Miércoles	08:00 - 15:00
Jueves	08:00 - 15:00
Viernes	08:00 - 15:00

Página web

http://www.cerdedo-cotobade.gal/

Notificaciones

Sea el primero en enterarse: le enviaremos un correo electrónico cuando Concello de Cerdedo-Cotobade publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.