10/09/2026
COMUNICADO DO PARTIDO POPULAR DE TABOADELA
Álvaro Vila intenta ocultar con escusas a perda dun servizo histórico: a incompetencia do goberno local sentencia o peche da Escola Infantil tras máis de 30 anos.
O recente artigo publicado en La Voz de Galicia constata unha triste realidade para Taboadela: o peche definitivo da nosa Escola de Educación Infantil despois de máis de tres décadas en funcionamento. Unha perda demoledora para o noso rural e para a conciliación das nosas familias.
Ante este feito insostible, o alcalde, Álvaro Vila, volve recorrer á política das escusas e de botar culpas a organismos externos para eludir a súa responsabilidade, pero niso son expertos, como o estamos vendo sempre no goberno central mandado polo seu partido.
1. CONTRADICION INSOSTINLE:
Se hai crecemento, por que se perden servizos? O propio rexedor presume de que se gaña poboación e de que se atrae a xente moza pola proximidade a Ourense e o tirón do polígono de San Cibrao. Con todo, non explica como é posible que, habendo máis familias mozas e un crecemento demográfico positivo, a escola infantil municipal quede sen nenos. Un municipio que crece, pero perde os seus servizos educativos clave non está xestionando o progreso; está fracasando na retención dos seus propios veciños; aínda que solta datos de grandes logros de atracción de poboación non cremos que estes sexan tan relevantes, máis ben ao contrario, xa que desde o 2019 ata a data de hoxe houbo un aumento de 59 persoas.
2. ESCUSAS DE "comedor" PARA TAPAR ANOS DE INACTIVIDAD.
Álvaro Vila atribúe o peche á falta dun comedor escolar e á competencia de centros veciños. Parécenos un exercicio de cinismo político sinalar agora a falta deste servizo cando foi a súa responsabilidade como goberno local ter buscado solucións, alternativas ou convenios de conciliación reais ao longo de todos estes anos para evitar chegar a este punto de non retorno. A falta de servizos de conciliación no centro non cae do ceo: é o resultado directo da falta de iniciativa e planificación do seu equipo de goberno.
3. A PROPAGANDA NON SUSTITUR OS SERVIZOS BASICOS.
Resulta inadmisible que o alcalde pretenda amortecer o impacto do peche vendendo «intensa vida cultural e deportiva» ou promesas de futura vivenda pública. A cultura e o deporte son fundamentais, pero non substitúen o dereito básico dunha familia a escolarizar os seus fillos no seu propio municipio. Sen escola infantil, o discurso da fixación de poboación e de atracción de familias mozas queda en mera propaganda baleira.
Desde o Partido Popular de Taboadela lamentamos profundamente o peche dun centro que durante máis de 30 anos garantizou unha educación personalizada e de calidade en Taboadela, e agradecemos enormemente o esforzo histórico da comunidade educativa, quen si fixo todo o que estivo na súa man.
Esiximos ao señor Álvaro Vila que asuma a súa responsabilidade, que deixe de culpar a factores externos e que se centre máis nos servizos reais que precisan os nosos veciños e non tanto en aparicións cara á galería que non levan a ningures; póñase a traballar nun plan integral e real para a infancia e a conciliación familiar que evite que Taboadela siga perdendo peso e servizos esenciais.
