01/10/2026
O pasado martes tivemos a honra de participar nos VII Premios á Excelencia do Turismo e a Gastronomía da Deputación de Lugo, unha cita que pon en valor o talento, o compromiso e a riqueza do noso territorio.
Foi unha enorme alegría recibir un recoñecemento ao proxecto «Santaballa, Territorio de Memoria e Sostibilidade», impulsado pola Concellería de Turismo, unha iniciativa que aposta por poñer en valor o noso patrimonio, a nosa memoria e o noso territorio, camiñando cara a un modelo de turismo máis sostible, responsable e respectuoso.
Grazas á Liga Santaballesa, polo seu compromiso, colaboración e implicación na posta en valor da nosa historia, da nosa memoria e da nosa identidade.
Grazas á Deputación de Lugo por este recoñecemento e parabéns a todas as persoas e proxectos premiados e recoñecidos nesta edición! 🎉
🎶 Ademais, tivemos a oportunidade de desfrutar da actuación de Paloma Suanzes, que puxo o broche musical a unha tarde tan especial e emotiva.
📸 Aquí vos deixamos un pequeno resumo dunha tarde moi especial, chea de emoción, orgullo e momentos para lembrar. 💚
🌿 Santaballa, Territorio de Memoria e Sostibilidade.
