Lemi Kura Sub city Public Service and Human Resource Development Office

24/09/2026

27/07/2026

የአዲስ መሶብ አንድ ማዕከል አገልግሎት ቀድሞ የነበረውን የአገልግሎት አሰጣጥ እንግልት በመቅረፍ ለህብረተሰቡ እፎይታ ይዞ መምጣቱ ማዕከሉን የጎበኙ ምክር ቤት አባላት ገለፁ።

የለሚ ኩራ ክ/ከተማ የሚገኙ የወረዳ ምክር ቤት አባላት የአዲስ መሶብ የአንድ ማዕከል አገልግሎት የለሚ ኩራ ማዕከለን ጉብኝት አድርገዋል።

በጉብኝቱ በወረዳዎች የሚገኙ ቋሚ የምክር ቤት አባላት የተሳተፉ ሲሆን ጎብኚዎቹ የአንድ መሶብ አገልግሎት ከዚህ በፊት ረጅም ጊዜ የሚወስዱ አገልግሎቶችን በትንሽ ደቂቃዎች ውስጥ በአንድ ስፍራ ብዙ አይነት አገልግሎቶችን ማግኘት የሚቻልበት ሁሉን አካታች አገልግሎት የሚሰጥበት ተቋም መሆኑን ተናግረዋል።

የምክር ቤት አባላቱ ከምድረ ግቢ ጀምሮ እስከ አገልጋዮቹ በጣም የተዋበ አስተናጋጆቹ በፍጹም ትህትና የሚያስተናግዱ ተቋሙ ለተገልጋዮች እፎይታ ይዞ የመጣና የስልጣኔ ጉዟችንን የሚያሳልጥ ብሎም አገልግሎቱን በማቀላጠፍ የመልካም አስተዳደር ችግሮችን መፍታት የሚችል መሆኑን ገልፀዋል ።

ለሚ ኩራ ኮሚዩኒኬሽን
ሀምሌ 20/2018

25/06/2026

የለሚ ኩራ ክፍለ ከተማ ለጤናው ዘርፍ አመራሮችና ባለሙያዎች በመንግስት አገልግሎት እና አስተዳደር ሪፎርም ላይ የግንዛቤ ማስጨበጫ ስልጠና ተሰጠ
።።።።።።።።
​በለሚ ኩራ ክፍለ ከተማ የፐብሊክ ሰርቪስና የሰው ሀብት ልማት ጽ/ቤት ከጤና ጽ/ቤት ጋር በጋራ በመሆን በመንግስት አገልግሎትና አስተዳደር ሪፎርም ዙሪያ ለጤናው ዘርፍ ባለሙያዎችና አመራሮች የግንዛቤ ማስጨበጫ ስልጠና ሠጠ።

​ስልጠናውን መስጠት ያስፈለገበት ዋነኛ ምክንያትም በዘርፉ የሚሠጡ አገልግሎቶችን በማዘመን ቀልጣፋ እና ፈጣን አገልግሎት ለማህበረሰቡ ለመስጠት ብሎም ሪፎርሙ ተቋማዊ አሰራርን በማሳደግ፤​ግልጸኝነትና ተጠያቂነትን የነገሰበት፣ ​ብዝሃነትንና አካታችነትን ያረጋገጠ፣ ለልማት ግቦች ስኬት ጉልህ አስተዋጽኦ የሚያደርግ ነጻ፣ ገለልተኛና ብቁ ባለሙያ ለመገንባት ያለመ መሆኑም ተገልጿል።

ስልጠናውን በንግግር የከፈቱት የለሚ ኩራ ክፍለ ከተማ የፐብሊክ ሰርቪስ እና ሰው ሀብት ልማት ጽ/ቤት ኃላፊ አቶ ድርብሳ ተስፋ ከዚህ በፊት የነበረው የመንግስት አገልግሎት አሰጣጡ ለይስሙላ ያህል እንጂ ተጨባጭ ለውጥ ያላመጣ እና ከውጤት ይልቅ ሂደት ላይ የተኮረ በመሆኑ የመንግስት አገልግሎት አሰጣጡ ከእርካታ ይልቅ የተገልጋይ ምሬትን የፈጠረ ስለሆነ አሰራርን ማዕከል ያደረገ የመንግስት አስተዳደርና አገልግሎት አሰጣጥ ሪፎርም ወቅቱ በሚጠይቀው አግባብ በአዲስ መልክ መዘጋጀቱ ተናግረዋል፡፡

የለሚ ኩራ ክፍለ ከተማ የጤና ጽ/ቤት ኃላፊ አቶ ታደሠ ወዳጆ በበኩላቸው አገልግሎት ከመስጠት አንፃር ከአስተሳሰብና ከአሰራር ጋር በተገናኘ መሠረታዊ ለውጥ በጤናው ዘርፍ ለማምጣት ለህብረተሰቡ የሚሠጡ አገልግሎቶችን ማዘመን የግድ ማስፈለጉን ተናግረዋል።

08/04/2026

አገልግሎትን ለማሳለጥ የመንግስት ሰራተኛው በከፍተኛ ተነሳሽነት መስራት እንዳለበት ተገለጸ።

የለሚ ኩራ አስተዳደር ፐብሊክ ሰርቪስና የሰው ሀብት ልማት ጽ/ቤት የአገልግሎት አሰጣጡን ለማሻሻል በወረደው ሰነድ ዙሪያ ከአጠቃላይ የመንግስት ሰራተኛው ጋር ባደረገው ውይይት የመንግስት ሰራተኛው ፈጣን ፍትሀዊና ከእጅ መንሻ የጸዳ አገልግሎትን ለመስጠት በከፍተኛ ተነሳሽነትና የእኔነት ስሜት መስራት እንደሚገባው ገልጿል።

የመወያያ ሰነዱን በማቅረብ መድረኩን የመሩት የክ/ከተማው ፐብሊክ ሰርቪስና የሰው ሀብት ልማት ጽ/ቤት ኃላፊ አቶ ድርብሳ ተስፋ ዜጎች ማንኛውንም ህጋዊ አገልግሎት መመሪያና አሰራሩ በሚፈቅደው መሰረት የማግኘትና ስለ አገልግሎቱ በቂ መረጃ የማግኘት መብት እንዳላቸው ገልጸው አገልግሎት ለመስጠት የተቀመጠው አካል ያለምንም ማጉላላትና እጅ መንሻ ፈጣን፣ ፍትሀዊና ስታንዳርዱን የጠበቀ አገልግሎት ለመስጠት የበኩሉን ሚና መወጣት እንደሚጠበቅበትም ተናግረዋል።

አቶ ድርብሳ አክለውም መንግስት አገልግሎትን ለማቀላጠፍ ለሰራተኛው በርካታ ምቹ ሁኔታዎችን ከመፍጠር አንስቶ አገልግሎትን እስከማዘመን ድረስ ሰፋፊ ርምጃዎችን በቆራጥነት መውሰዱን ገልጸው በቀጣይም የተሳለጠ አገልግሎትን ተደራሽ ለማድረግ አስፈላጊውን ድጋፍና ክትትል እንደሚያደርግም ተናግረዋል።

26/03/2026

ምን እንጠይቅልዎ?

የእለተ ሐሙስ ‘አገልጋይ ፕሮግራማችን ከለሚ ኩራ ዋና ስራ አስፈጻሚ ጋር ቆይታ ያደርጋል

ዛሬ ምሽት 2፡00 ሰዓት ይጠብቁን!

ለኃላፊው እንዲነሱ የምትፈልጓቸውን ጥያቄዎች በፌስቡክ ገፃችን ላኩልን!

12/03/2026

ጽ/ቤቱ በ2018 በጀት አመት የመጀመሪያው 6 ወራት ውጤታማ ተግባራት ማከናወኑን ገለፀ

የለሚ ኩራ ክፍለ ከተማ ፐብሊክ ሰርቪስና የሰው ሀብት ልማት ጽ/ቤት በመጀመሪያው 6 ወራት የተሻለ አፈጻጸም ላስመዘገቡ ወረዳዎችና ፑሎች የተለያዩ ባለድርሻ አካላት በተገኙበት ዕውቅ ሰጥቷል።

በመድረኩ በበጀት አመቱ የመጀመሪያ 6 ወራት የተከናወኑ ዋና ግቦችና የቀሪ 6 ወራት የተከለሰ ዕቅድ እንዲሁም የቀጣይ ትኩረት መስኮች ዙሪያ በዝርዝር ቀርቦ ውይይት ተደርጎበታል።

መድረኩን የመሩት የክፍለ ከተማው የፐብሊክ ሰርቪስና የሰው ሀብት ልማት ፅ/ቤት ኃላፊ አቶ ድሪብሳ ተስፋ እንደገለፁትጽ/ቤቱ የመጀመሪያው 6 ወራት ውጤታማ ተግባራት ማከናወኑን መቻሉን ገልፀ የተገልጋይና አገልጋይ እርካታ ለማሳደግ ፣የአገልግሎት አሰጣጥ ስታንዳርድ ለማስጠበቅ ድጋፍና ክትትል ስራዎችን ለማጠናከር ፣ምቹ የስራ አከባቢን ከመፍጠርና ሌሎች ግቦችን ለማሳካት ስራዎች ላይ ትኩረት እንዲደረግ አሳስበዋል።

በመጨረሻም የ2018 በጀት አመት የ6 ወራት አፈፃፀም የተሻለ አፈፃፀም ላስመዘገቡ ወረዳዎች፤ ቡድን መሪዎችና ባለሙያዎች የእውቅና ተሰጥቷል።

በዚህም ወረዳ 2 1ኛ
ወረዳ 6 2ኛ
ወረዳ 8 3ኛ
kura Public Service and Human Resource Dev't Office

11/02/2026

26/01/2026

በለሚ ኩራ ክፍለ ከተማ የፐብሊክ ሰርቪስና የሰው ሀብት ልማት ጽ/ቤት 2018 በጀት አመት የስድስት ወራት እቅድ አፈፃፀም ዙሪያ ውይይት አካሄደ

የለሚ ኩራ ክ/ከተማ ፐብሊክ ሰርቪስና የሰው ሀብት ልማት ጽ/ቤት 2018 በጀት አመት የመጀመሪያ የስድስት ወራት እቅድ አፈፃፀም፣ በሌብነትና በብልሹ አሰራሮች ዙሪያ የተሰሩ ስራዎች ሪፖርት፣የ2ኛው ሩብ አመት ድጋፍና ክትትል ግብረ መልስ እንዲሁም የአደጋ ስጋት አመራር ፖሊሲና አዋጅ ቀጥር 1386/2017 ዙሪያ ከባለ ድርሻ አካላት ጋር ውይይት አካሄዷል።

ጽ/ቤቱ በስድስት ወራት ውስጥ የስታንዳርዳይዜሽን ተግበራ ውጤታማነትን የማሳደግ ስራዎች ፣በሌብነትና ብልሹ አሰራር ውስጥ የገቡ 220 አመራርና ሰራተኞች ከቀላል እስከ ከባድ ዲሲፕሊ እርምጃ መወሰዱን፣ በመደመር መንግስት ዕይታ የዘርፎች እመርታ በክቡር ጠቅላይ ሚኒስትር የተቀመጡ ግቦች አፈጻጸምን ከማሳካት አኳያ የኮደርስ ስልጠና እና ፋይዳ የመታወቂያ ስርጭት የተሻለ መሆኑን፣ ሠራተኛውን በስልጠና የማብቃት፣ሴክተሮች ድጋፍና ክትትል፣ለአገልጋዩና ለተገልጋይ ምቹ ስራ ቦታ መፍጠር መቻሉን ፣ አገልግሎት አሰጣጡን የማዘመንና በቴክኖሎጂ እንዲታገዝ የሚረዱ የሲስተም ኔትዎርክ መስመር ዝርጋት እና በሌሎች በቁልፍና አበይት ግቦችን ከማሳካት አንፃር የተሻለ አፈፃፀም ማስመዝገቡን በሪፖርቱ ተመላክቷል።

የውይይት መድረኩን የመሩት የለሚ ኩራ ክፍለ ከተማ ፐብሊክ ሰርቪስና ሰው ሀብት ልማት ጽ/ቤት የፑል አስተዳደርና ፋይናንስ ፅ/ቤት ኃላፊ አቶ ኤርሚያስ ሄርጎ እንደተናገሩት ባለፉት 6 ወራት ስኬታማ ስራዎች ሊሠሩ የቻሉት በቅንጅትና በመናበብ መስራት በመቻሉ ገልፀው በስራ አፈጻጸም የነበሩ ጥንካሬዎችን በማስቀጠል በክፍተት የታዩትን ፈጥኖ በማረም ለቀጣይ የስድስት ወራት አገልግሎት አሰጣጡ ላይ የተሻለ የስራ አፈፃፀምን በማስመዝገብ የተገልጋዩን እርካታ ከፍ ማድረግ ያስፈልጋል ብለዋል።

የለሚ ኩራ ክ/ከተማ ፐብሊክ ሰርቪስና የሰው ሀብት ልማት ጽ/ቤት የማስፈጸም ስራዎች አስተባባሪ ወ/ሮ አበባይቱ ዋለልኝ በበኩላቸው ለሰራተኛው የተለያዩ አቅም ግንባታ ስልጠናዎች በመስጠት ተቀራራቢ አፈፃፀም እንዲመዘገና በየጊዜው የሚደረጉ ድጋፍና ክትትል ስራዎች በመሰራታቸው ከ1ኛው ሩብ አመት በብዙ ሴክተሮች የውጤት መሻሻል መታየቱን ገልፀዋል ።

ለሚ ኩራ ኮሚኒኬሽን
ጥር 18/2018ዓ.ም