Ethiopian Railways Corporation

10/09/2026

10/09/2026

ኮርፖሬሽኑ የመዓድ ማጋራት ፕሮግራም አካሄደ

(ኢምባኮ ጳጉሜ 5/2018 ዓ.ም) የኢትዮጵያ ምድር ባቡር ኮርፖሬሽን ጳጉሜ 4 የመዓድ ማጋራት ቀንን ምክንያት በማድረግ በቢሾፍቱ ከተማ አስተዳደር ጨለለቃ ክፍለ ከተማ ኪሎሌ ወረዳ ለሚገኙ የተለያዩ የማህበረሰብ ክፍሎች የድጋፍ ፕሮግራም አካሄደ።

ፕሮግራሙ የተካሄደው በቢሾፍቱ ከተማ የኮርፖሬሽኑ የባቡር ኢንስቲቲዩት ፕሮጀክት በሚገኝበት ቦታ ሲሆን፣ ዓላማውም ጧሪ የሌላቸው አዛውንቶችን፣ ደጋፊ የሌላቸውን ህፃናትን እንዲሁም በኢኮኖሚ ዝቅ ያሉ የማህበረሰብ ክፍሎችን መደገፍ ነው፡፡ በዝግጅቱ ላይ የኢትዮጵያ ምድር ባቡር ኮርፖሬሽን የተለያዩ የምግብ ግብአቶችን አበርክቷል።

በፕሮግራሙ ላይ የክፍለ ከተማው ምክትል ስራ አስፋፃሚ አቶ አዲሱ ጌታቸዉ፣የወረዳው ዋና ስራ አስፈፃሚ አቶ ቢራ ሙሉጌታ፣ የሀገር ሽማግሌዎች፣ አባ ገዳዎች፣ ባለሃብቶች እና የኢትዮጵያ ምድር ባቡር ኮርፖሬሽን አመራሮች ተገኝተዋል።

የኮርፖሬሽኑ ኢንቨስትመንት እና ማርኬቲንግ አገልግሎት ኃላፊ አቶ ስዩም ገዝሙ እንደገለጹት፤ ኮርፖሬሽኑ የባቡር መሰረተ ልማት ግንባታን ብቻ ሳይሆን ማህበረሰቡን በተለያየ መንገድ በመደገፍ ረገድም ልዩ ትኩረት እንደሚሰጥ ለማህበረሰቡ ለማስረዳት ያስችላል ብለዋል፡፡ በዚህም ማህበረሰቡ የኮርፖሬሽኑን ሰፊ ተልእኮ እና ማህበራዊ ኃላፊነቱን በተግባር እያየ እንዲረዳ ያደርጋል ሲሉ አብራርተዋል።

በተጨማሪም ኮርፖሬሽኑ ከማህበረሰቡ ጋር የጠበቀ መልካም ግንኙነትን በመፍጠር ማህበረሰቡ ለፕሮጀክቱ የባለቤትነት ስሜት እንዲያዳብር እና የራሱ አድርጎ እንዲመለከተዉ ከፍተኛ አስተዋፅኦ እንዳለዉ የተገለፀ ሲሆን፤ ይህም የፕሮጀክቱን ስኬት በከፍተኛ ሁኔታ እንደሚያግዝ ጠቅሰዋል።

በፕሮግራሙ ላይ የተገኙት የወረዳው ዋና ስራ አስፈፃሚ አቶ ቢራ ሙሉጌታ እና የክፍለ ከተማው ምክትል ስራ አስፈፃሚ አቶ አዲሱ ጌታቸው ኮርፖሬሽኑ ያደረገውን ድጋፍ አድንቀው በአካባቢው የሚገነባው የባቡር ኢንስቲቲዩት ፕሮጀክት እና የሚያደርገው መሰል ማህበራዊ ድጋፍም ለማህበረሰቡ ከፍተኛ አስተዋፅኦ አለዉ ሲሉ ገልጸዋል።

ኮርፖሬሽኑ ወደፊትም የዚህ አይነቱን ማህበራዊ ኃላፊነት እና ለማህበረሰቡ የሚያደርገውን ሁለንተናዊ ድጋፍ ለማጠናከር ቁርጠኛ መሆኑ ተገልጿል።

03/09/2026

የባቡር ማህበረሰብ ቀን ተከበረ

(ኢምባኮ ነሐሴ 28/2018 ዓ.ም) የኢትዮጵያ የምድር ባቡር ኮርፖሬሽን ሰራተኞች እና አመራሮች የ2019 አዲስ ዓመትን ምክንያት በማድረግ የባቡር ማህበረሰብ ቀን አከበሩ፡፡

በፕግራሙ ላይ የኮርፖሬሽኑ ዋና ስራ አስፈፃሚ ህሊና በላቸው (ኢ/ር) የእንኳን አደረሳችሁ መልዕክት አስተላልፈዋል፡፡ በመልዕክታቸውም በ2018 በጀት አመት ታላላቅ አበረታች ውጤቶች የተመዘገቡበት እንዲሁም በርካታ ተግዳሮቶችን በስኬት የተወጣንበት ዓመት ነበር ያሉ ሲሆን፤ይህም የሆነው በሁሉም አመራሮች እና ሰራተኞች የተባባረ ጥረት ስለሆነ ሁሉም ላበረከቱት አስተዋፅኦ ላቅ ያለ ምስጋና አቅርበዋል፡፡

የባቡር ኢንስቲትዩት በራስ አቅም ባለሙዎች ማሰልጠን መጀመሩ፣ የባቡር መስመሮችን በራስ አቅም መገንባት መቻሉ፣ በኮንስትራክሽን ዘርፉ ፕሮጀክቶችን ከማስተዳደር ወደ መገንባት እና ማማከር ዘርፍ መሸጋገሩ፣ ይዞታዎች በማረጋገጥ እና ሀብትን በማሰባሰብ ኮርፖሬሽኑ ከድጎማ ወጥቶ በራስ አቅም መተዳደር መቻሉ፣የኢትዮ ሬል ሎጂስቲክስ የመልቲ ሞዳል ፈቃድ በማግኘት ወደ ስራ መግባቱ እንዲሁም ኮርፖሬሽኑ የነበረበትን አለማቀፍ የህግ ክርክር በአብዛኛው በስኬት ማጠናቀቁ ፣ እና በሌሎች ዘርፎች ኮርፖሬሽኑ ላመዘገባቸው ስኬቶች እውቅና ሰጥተዋል፡፡

በመቀጠልም የኮርፖሬሽኑ የ2018 በጀት ዓመት አፈፃፀም ሪፖርት እና የ2019 በጀት ዓመት ዕቅድ በኮርፖሬሽኑ የቢዝነስ ዲቨሎፕመንት ዘርፍ ም/ስራ አስፈፃሚ ጌቱ ግዛው (ኢ/ር) ቀርቧል፡፡ በሪፖርቱም የፕሮጀክቶች አፋፃፀም፤የበጅት አጠቃቀም እንዲሁም የእዳ ዝውውር ጉዳዮችን አብራርተዋል፡፡ በተጨማሪም የ2019 በጀት ዓመት የኮርፖሬሽኑ ዋና ዋና የትኩረት አቅጣጫዎችን ጠቁመዋል፡፡

በኮርፖሬሽኑ የባቡር መሠረተ ልማት ዘርፍ ም/ስራ አስፈፃሚ ስለሺ ካሳ (ኢ/ር) ኮርፖሬሽኑ ከምስረታ ጀምሮ እስካሁን ያለፈበትን የስኬት እና የተግዳሮት ሂደቶች ያቀረቡ ሲሆን ፤በዚህም የኮርፖሬሽኑ ምስረታ ለሀገራችን ባቡር ኢንዱስትሪ ዳግም ማንሰራራት የመጀመሪያ ምዕራፍ መሆኑን ጠቅሰዋል፡፡

በመቀጠልም ኮርፖሬሽኑ ዘርፈ ብዙ ተግዳሮቶችን በማለፍ አሁን ላለበት የተሻለ ስኬት መድረሱን ጠቁመው ለዚህም የኮርፖሬሽኑን አመራር እና ሰራተኞች አመስግነዋል፡፡ በቀጣይ የተጀመሩ ስትራቴጂያዊ እቅዶችን በስኬት በመፈፀም ወደ ላቀ ደረጃ መሻገር እንደሚገባ ጠቁመዋል፡፡

በዝግጅቱ ላይ የኮርፖሬሽኑ ሶሻል ኮሚቴ ለኮርፖሬሽኑ ስኬት የላቀ አስተዋፅኦ ላበረከቱ አመራሮች እውቀና ሰጥቷል፤ በጡረታ እና በተለያዩ ምክንያቶች ከተቋሙ ለተሰናበቱ ሰራተኞች ስጦታ አበርክቷል፤ የኮርፖሬሽኑ ሰራኞች እገዛ ለሚደረግላቸው ህጻናት የአዲስ አመት ስጦታ ተበርክቷል፡፡

27/08/2026

የኮርፖሬሽኑ የ2018 ዓ.ም የበጀት ዓመት ዓመታዊ የስራ የአፈጻጸም ውይይት ተካሄደ፡፡
============
(ኢምባኮ ነሀሴ 21 ቀን 2018 ዓ.ም) የኢትዮጵያ የምድር ባቡር ኮርፖሬሽን በ2018 ዓ.ም የበጀት ዓመት ከግንባታ ፕሮጀክቶችና ከሌሎች የንግድ ሥራዎች ከ2 ቢሊዮን ብር በላይ ገቢ ማግኘቱን የኮርፖሬሽኑ ዓመታዊ የስራ አፈፃፀም ለኢትዮጵያ ኢንቨስትመንት ሆልዲንግ በቀረበበት ወቅት ተገልጿል፡፡

በ2018 ዓ.ም የበጀት ዓመት ዓመታዊ የስራ የአፈጻጸም ውይይት ላይ የኮርፖሬሽኑ የሥራና የፋይናንስ አፈጻጸም የተገመገመ ሲሆን በግምገማው መሠረት ኮርፖሬሽኑ ከግንባታ ፕሮጀክቶችና ከሌሎች የንግድ እንቅስቃሴዎች ከ2 ቢሊዮን ብር በላይ ገቢ ማስመዝገቡ ታውቋል።

ኮርፖሬሽኑ በሰሜን ኢትዮጵያ በተከሰተው ግጭት ምክንያት ሥራቸው ተቋርጦ የነበሩትን የአዋሽ-ኮምቦልቻ-ሐራ ገበያ እና ሐራ ገበያ-መቐለ የባቡር መስመሮችን እንደገና ለማስጀመር የሚያስፈልጉ የቅድመዝግጅት ስራዎችን ማጠናቀቁም ተገልጿል።

ሆኖም ኮርፖሬሽኑ ከባቡር መሠረተ ልማት ኢንቨስትመንቶቹ ጋር በተያያዘ ከፍተኛ የፋይናንስ ጫና እየተጋፈጠ መሆኑ በግምገማው ተመላክቷል። ይህም የኮርፖሬሽኑን የፋይናንስ አቅም ለማሻሻል አስቸኳይ የፋይናንስ መዋቅራዊ ማሻሻያ እንደሚያስፈልግ አመላክቷል።

በቀጣይ ኮርፖሬሽኑ የፋይናንስ ሁኔታውን በጥልቀት እንዲገመግም፣ አማራጭ የገቢ ምንጮችን እንዲያስፋፋ፣ ንብረቶቹን በተሻለ ሁኔታ እንዲጠቀም እና ግንባታቸው ተቋርጦ የነበሩ ፕሮጀክቶችን እንደገና እንዲያስጀምር አቅጣጫ የተቀመጠ ሲሆን ይህም ኮርፖሬሽኑ የፋይናንስ ጫናውን በመቀነስ የረጅም ጊዜ የሥራ አቅሙን እንዲያጠናክርና የተቋረጡ የባቡር ፕሮጀክቶችን ወደ ሥራ ለመመለስ ያለውን አቅም እንዲያሳድግ የሚያግዙ መሆናቸው ተገልጿል፡፡

24/08/2026

The 2018 EFY Annual Performance Dialogue is coming soon.

Ethiopian Investment Holdings and its portfolio companies are preparing to come together to review performance, exchange insights, discuss priorities and look ahead to what lies ahead.

The conversation is about to begin.

Stay tuned for highlights and updates from each session.

19/08/2026

የኢትዮጵያ ምድር ባቡር ኮርፖሬሽን ከኮሜርሺያልኖሚኒስ ኃላ.የተ.የግ..ማህ ጋር የመግባቢያ ስምምነት ተፈራረመ
-----------------
(ኢምባኮ ነሀሴ 12/2018 ዓ.ም) የኢትዮጵያ የምድር ባቡር ኮርፖሬሽን እና ኮሜርሺያል ኖሚኒስ ኃላ.የተ.የግ..ማህ በጋር መስራት በሚቻልባቸው ጉዳዮች ላይ ነሀሴ 12 ቀን 2018 ዓ.ም በራዲሰን ብሉ ሆቴል የመግባቢያ ስምምነት ተፈራረሙ፡፡

የመግባቢያ ስምምነቱ የተለያዩ የኢንጂነሪንግ፣ የመሰረተ ልማት እና የቢዝነስ አገልግሎቶችን በጋራና በትብብር ለመስራት የሚያስችል ሲሆን ኮሜርሺያል ኖሚኒስ ሲያቀርባቸው የነበሩ አገልግሎቶችን ለማጠናከር እና በአዳዲስ የቢዝነስ መስኮች በጋራ ለመስራት መሆኑን የኢትዮጵያ ምድር ባቡር ኮርፖሬሽን ዋና ሥራ አስፈጻሚ ኢንጂነር ህሊና በላቸው ገልፀዋል፡፡

የኢትዮጵያ ምድር ባቡር ኮርፖሬሽንና የኮሜርሺያል ኖሚኒስ ለረጅም ጊዜ አብረው ሲሰሩ የቆዩ ቢሆንም ኮርፖሬሽኑ በመንገድ፣ በህንፃ ግንባታና ማማከር ስራዎች እየሰራ በመሆኑና ኮሜርሺያል ኖሚኒስ በሪል ስቴት ዘርፍ ለመሰማራት የያዘውን ዕቅድ ተከትሎ በኮንስትራክሽን እና የማማከር መስኮች በጋራ ለመስራት ዕድል የሚፈጥር መሆኑን የገለጹት የኮሜርሺያል ኖሚኒስ ዋና ሥራ አስፈጻሚ ኮማንደር ጥላሁን ጸጋዬ የመግባቢያ ስምምነቱ በሁለቱ ተቋማት መካከል ያለውን ኃብት እና እውቀት በጋራ በመጠቀም ለሀገር ከፍተኛ አስተዋጽዖ የሚያበርክቱ ተግባራትን ለማከናወን የሚያስችል ነው ብለዋል፡፡

በመግባቢያ ስምምነቱ መሰረት የኢትዮጵያ ምድር ባቡር ኮርፖሬሽን ከዲዛይን እስከ ግንባታ ያሉ የኢንጂነሪንግ እና የኮንስትራክሽን ሥራዎችን፣ የአዋጭነት ጥናቶች፣ የአቅም ግንባታ እና የቴክኒክ ስልጠናዎችን፣ የማማከር ሥራዎችን እና ሌሎች ተግባራትን የሚያከናውን ሲሆን በሌላ በኩል ኮሜርሺያል ኖሚኒስ የንብረት እና ኃብት አስተዳደር፣ የሰው ሀይል አቅርቦት፣ ስልጠና፣ የካሳ ክፍያዎችን እና ሌሎች አገልግሎቶችን ለኮርፖሬሽኑ ለማቅረብ የሚያስችለው ነው፡፡

03/08/2026

ከባቡር መሰረተ-ልማት እስከ አረንጓዴ ኢኮኖሚ፦ የኢምባኮ ዘላቂ ቁርጠኝነት!

(ኢምባኮ) — ሐምሌ 27 ቀን 2018 ዓ.ም የኢትዮጵያ የምድር ባቡር ኮርፖሬሽን (ኢምባኮ) «ተስፋን እንትከል» በሚል መሪ ሀሳብ በሀገር አቀፍ ደረጃ የተካሄደውንና በአንድ ጀምበር 800 ሚሊዮን ችግኞችን ለመትከል የታለመውን ታሪካዊ የአረንጓዴ አሻራ መርሃ-ግብር በስኬት አከናወነ።

በዕለቱ የኮርፖሬሽኑ ዋና ሥራ አስፈጻሚ ህሊና በላቸው (ኢ/ር) እና የድርጅቱ ከፍተኛ አመራሮች በቢሾፍቱ ባቡር አካዳሚ በመገኘት ከአካባቢው ነዋሪዎች ጋር በመቀናጀት አረንጓዴ አሻራቸውን አኑረዋል።

በዚህ መርሃ-ግብር የአካባቢውን የተፈጥሮ ሚዛን ለመጠበቅ የሚያስችሉ ሀገር በቀል ዛፎች እንዲሁም ከአካባቢ ጥበቃ ባሻገር ለምግብ ዋስትና አስተዋጽኦ የሚያበረክቱ የፍራፍሬ ችግኞች ተተክለዋል።

የኮርፖሬሽኑ ዋና ሥራ አስፈጻሚ በሥነ-ሥርዓቱ ወቅት ባስተላለፉት መልዕክት፤ ዘመናዊ የባቡር መሠረተ-ልማት ዝርጋታ እና አገልግሎት ሀገራችን የያዘችውን ለአየር ንብረት ለውጥ የማይበገር አረንጓዴ ኢኮኖሚ የመገንባት ራዕይ ዕውን ለማድረግ ቁልፍ ድርሻ እንዳለው ገልጸዋል።

"ዛሬ የምንተክለው እያንዳንዱ ችግኝ ሀገራችን ያቀደችውን ለአየር ንብረት ለውጥ የማይበገር አረንጓዴ ኢኮኖሚ የመገንባት ራዕይ ዕውን የሚያደርግ ነው፤ ለነገው ትውልድ የተመቸች፣ አረንጓዴና ጽዱ ኢትዮጵያን ለማስረከብ በሚደረገው በዚህ ታሪካዊ ሂደት ላይ በንቃት በመሳተፋችን የላቀ ክብር ይሰማናል" ብለዋል፡፡

ይህ የችግኝ ተከላ መርሃ-ግብር አካባቢን ከአፈር መሸርሸርና ከተፈጥሮ አደጋዎች ከመጠበቅ ባለፈ፣ኮርፖሬሽኑ ከማህበረሰብ ክፍሎች ጋር ያለውን መልካም ግንኙነትና አጋርነት ያጠናከረ መሆኑ ተመልክቷል።

የኢትዮጵያ የምድር ባቡር ኮርፖሬሽን በዕለቱ የተተከሉት ችግኞች እንዲጸድቁና ለተፈለገው ውጤት እንዲበቁ አስፈላጊውን ክትትልና እንክብካቤ እንደሚያደርግ ያረጋገጠ ሲሆን፣ የአካባቢው ማህበረሰብም የዚሁ ዘላቂ ጥበቃ እና እንክብካቤ ባለቤት እንዲሆን ጥሪ አቅርቧል።

03/08/2026

23/07/2026

የኢትዮጵያ ዘመናዊ የባቡር ትራንስፖርት
በፋና ሚዲያ ኮርፖሬሽን «ዘመነች ኢትዮጵያ» ፕሮግራም የተዘጋጀውን ልዩ ዶክመንተሪ ይመልከቱ!

Join this channel to get access to perks:https://www.youtube.com/c...

14/07/2026

Proud moment for Ethiopian Railways Corporation!

Congratulations to our 14 ERC professionals who successfully graduated from the 6th Cohort FIATA Diploma Program, organized by the Ethiopian Freight Forwarders and Shipping Agents Association (EFFSAA).

This internationally recognized qualification strengthens ERC's commitment to developing world-class expertise in railway transportation, logistics, and supply chain management—empowering our workforce to support Ethiopia's economic growth and regional connectivity.

Congratulations to all graduates on this outstanding achievement!


RESPECT ERC!!