Arada sub city peace and security administration office

31/10/2026

29/10/2026

ህገ ወጥ የተሽከርካሪ ጥቁር ሽፋን (Sticker) ፈቃድ ወረቀት በሚጠቀሙ አሽከርካሪዎች ላይ ጥብቅ ቁጥጥር እየተደረገ ይገኛል፡፡
***
አዲስ አበባ፤ ጥቅምት 19 ቀን 2019 ዓ/ም (አዲስ ፖሊስ)፦ የአዲስ አበባ ፖሊስ ዋና ጠቅላይ መምሪያ ህገ ወጥ የይለፍ ወረቀት (Pass) በሚጠቀሙ፣ ከሚመለከተው ፈቃድ ሰጪ አካል ውጪ የሆነ የጥቁር ስቲከር ፈቃድ ወረቀት እንዲሁም በልየ ልዩ የደንብ መተላለፍ ጥፋቶች ውስጥ የተገኙ ሞተር ሳይክልና ተሽከርካሪዎች ላይ ጥብቅ ቁጥጥር እያደረገ ይገኛል፡፡

ዋና ጠቅላይ መምሪያው በአንድ ሳምንት ጊዜ ውስጥ ብቻ ባደረገው ቁጥጥር አንድ ሺህ አንድ መቶ አስራ አንድ ተሽከርካሪዎች ላይ በደንቡ መሰረት ርምጃ መውሰዱን የትራፊክ ዋና መምሪያ ኃላፊው ኮማንደር አበራ ባይሳ ገልፀዋል፡፡

ኃላፊው አያይዘውም ጊዜው ያለፈበትና ፈቃድ ሰጪው አካል የማይታወቅ የስቲከር ፈቃድ ወረቀት የያዙ 899፣ 153 በተለያዩ የደንብ ጥሰቶች ውስጥ የተገኙ የሞተር ሳይክል አሽከርካሪዎች እንዲሁም አፈር ጭነው መንገድ ያበላሹ 59 ተሽከርካሪዎች ላይ በትራፊክ ደንቡ መሰረት ህጋዊ ርምጃ ተወስዷልም ብለዋል፡፡

አሽከርካሪዎቹ የትራፊክ ቁጥጥርን መጣስ፣ በከተማ ክልል ከተፈቀደው የፍጥነት ወሰን በላይ ማሽከርከር፣ ጊዜያቸው ያለፈባቸውና ያልታደሱ የጥቁር መስታወት ሽፋኖችን ፈቃድ ወረቀት መጠቀምና መሰል ጥፋቶችን በመፈፀማቸው የተወሰደ ርምጃ መሆኑንም አብራርተዋል፡፡

አሽከርካሪዎች በከተማዋ ያለው የመንገድ ደህንነትና የትራፊክ ፍሰት ሠላማዊ እንዲሆን የድርሻቸውን እንዲወጡ ያሳሰበው የአዲስ አበባ ፖሊስ ዋና ጠቅላይ መምሪያ በደንብ ተላላፊዎች ላይ የሚደረገው ቁጥጥር ተጠናክሮ እንደሚቀጥልም አስታውቋል፡፡
*
ዘገባ፦ ም/ኢንስፔክተር ዳዊት እርገጤ
*

27/10/2026

26/10/2026

በአራዳ ክ/ከተማ በ2019 በጀት አመት የመጀመሪያው ሩብ አመት ወንጀልን በ 57% መቀነሱ ተገለጸ።

አራዳ ጥቅምት 16/2019 ዓ.ም

የአራዳ ክ/ከተማ ሰላምና ጸጥታ አስተዳደር ጽ/ቤት የ2019 በጀት አመት በመጀመሪያ ሩብ አመት የስራ አፈጻጸሙ ላይ ከክ/ከተማና ወረዳ አመራሮች፣ ከባለድርሻ አካላት፣ አደረጃጀቶች፣ ቡድን መሪዎችና ፈጻሚዎች እንዲሁም ባለድርሻ አካላት ጋር ተወያየ።

የአራዳ ክ/ከተማ ሰላምና ጸጥታ አስተዳደር ጽ/ቤት ሀላፊ አቶ ድሪባ ዶጃ የበጀት አመቱን አንደኛ ሩብ አመት ህብረተሰቡን በማሳተፍ፣ በሰላም እሴት ላይ ከተቋማት ጋር ተቀራርበን መስራት በመቻሉ ከ7800 በላይ ነዋሪዎችን ተጠቃሚ ያደረጉ የመልካም አስተዳደር ችግሮችን በመፍታትና ሀይማኖታዊና የአደባባይ በአላትን ያለምንም ችግር ማሳለፍ መቻሉን አስረድተዋል።

አክለውም በሩብ አመቱ ውስጥ ወንጀል 57% መቀነሱን ገልፀዋል።

የጽ/ቤቱ አደረጃጀት ዘርፍ አስተባባሪ ወ/ሮ አሳመነች ዘውዱ ውጤታማ የጸጥታ ስራ መስራት የሚቻለው ህብረተሰቡን ማሳተፍ ሲቻል መሆኑን ገልጸው በተለይም በሰላም ሰራዊት እየተሰራ ያለው ስራ ከጊዜ ወደጊዜ እየተጠናከረ በመሆኑ ጸረሰላም ሀይሎች ሰላማችንን የሚያደፈርሱበት እድል አይኖርም ብለዋል።

የጽ/ቤቱን ሪፖርት ያቀረቡት ቡድን መሪ አቶ ቸርነት ዳባ ህብረተሰቡን በማሳተፍ ጠንካራ የጸጥታ ስራዎች በመሰራታቸው ወንጀል መቀነሱ፣ ህዝቡን የሰላም ባለቤት ማድረግ መቻሉን፣ የበጎፈቃድ ስራዎች በስፋት መሰራታቸው፣ የተቀናጀ ስራ በመሰራቱ የወንጀል ድርጊት መቀነሱን አብራርተዋል።

የውይይቱ ተሳታፊዎች የቀረበው ሪፖርት ከእቅድ በላይ ተግባራት መከናወናቸውን የሚያሳይ መሆኑንና ያለውም ነባራዊ ሁኔታ ይህንንው የሚያረጋግጥ ነው ብለዋል።

26/10/2026

"ተቋማዊ ለውጤ የሚረጋገጠው እያንዳንዱ ሠራተኛ የተጣለበትን ኃላፊነት በውጤት ተኮር መመዘኛዎች መለካት ሲችል ነው" - አቶ ሙሉጌታ አደመ

አራዳ ጥቅምት 17/2019 ዓ.ም
የአራዳ ክፍለ ከተማ አስተዳደር ሰላምና ፀጥታ ጽሕፈት ቤት ከክፍለ ከተማ እስከ ወረዳ ለሚገኙ ባለሙያዎች በተቋም ለውጥ መሣሪያዎች ዙሪያ የግንዛቤ ማስጨበጫ ስልጠና መስጠቱን አስታውቋል።

በመርሃ-ግብሩ በተቋሙ የሚሰጡ የአገልግሎት አሰጣጥ ሂደቶችን ለማቀላጠፍ፣ የሰራተኞችን የአፈጻጸም ምዘና ሥርዓት ግልጽና ፍትሃዊ ለማድረግ እንዲሁም የተቋሙን ስትራቴጂያዊ ግቦች እስከ ታችኛው የወረዳ መዋቅር ድረስ በተሳካ ሁኔታ ለማውረድና ለመተግበር ያለመ ነው።

በስልጠናው ወቅት የተቋማዊ አሠራር ለውጥ (BPR) መሠረታዊ መርሆዎች፣ የውጤት ተኮር ዕቅድ ዝግጅትና ምዘና (BSC) አተገባበር እንዲሁም ስትራቴጂያዊ ግቦችን ወደ ፈፃሚ ተግባር የመቀየር (Cascading) አሠራር ላይ ያተኮሩ ዋና ዋና የሰነድ ጭብጦች በስፋት ቀርበው ውይይት ተካሂዶባቸዋል።

በጽሕፈት ቤቱ የፀጥታ ኦፕሬሽን ቡድን መሪ አቶ ሙሉጌታ አደመ ባስተላለፉት መልዕክት፣ ተቋማዊ ለውጥና ስኬት የሚረጋገጠው እያንዳንዱ ሠራተኛ የተጣለበትን ኃላፊነት በውጤት ተኮር መመዘኛዎች መለካት ሲችል መሆኑን ገልጸው ሰራተኞች ያገኙትን እውቀት ወደ ተግባር በመቀየር ቀልጣፋ አገልግሎት ለኅብረተሰቡ መስጠት እንዳለባቸው አሳስበዋል።

የሃይማኖት ተቋማትና እሴት ግንባታ ቡድን መሪ እና የባለሙያዎች ተወካዮች በበኩላቸው፣ የዕቅድ ካስኬዲንግ አሠራር እያንዳንዱ ባለሙያ በተቋሙ ስትራቴጂያዊ ግብ ውስጥ ያለውን ድርሻ በግልጽ እንዲያውቅ የሚያስችል በመሆኑ በስራ ላይ የሚታዩ የአፈጻጸም ክፍተቶችን ለመሙላት ትልቅ አቅም እንደሚፈጥር ጠቁመዋል።

በቀጣይም የታዩ አዎንታዊ ጥንካሬዎችን በማስቀጠል፣ በየደረጃው የሚገኙ ሠራተኞችን ክህሎት ለማሳደግ የሚደረጉ የክትትል፣ የድጋፍና የስልጠና ሥራዎች ተጠናክረው እንደሚቀጥሉ አቅጣጫ ተቀምጧል።