A.A City Administration Code Enforcement Authority

07/10/2026

ባለስልጣኑ በ90 ቀናት እቅዱ የ12 አቅመ-ደካማ ነዋሪዎች ቤት በመገንባት ለነዋሪዎቹ ማስረከቡ ገለጸ

መስከረም 27/2019 ዓ.ም
****አዲስ አበባ****

የአዲስ አበባ ከተማ አስተዳደር የደንብ ማስከበር ባለስልጣን ባለፉት 90 ቀናት ውስጥ በከተማዋ የሕግና ሥርዓት የበላይነትን ለማረጋገጥ ያቀደቸውን አበይት ተግባራት በውጤታማነት ማጠናቀቁን በ2019 የመጀመሪያው ሩብ አመት እቅድ አፈጻጸም ግምገማ መድረኩ አስታውቋል።

በአዲስ አበባ የተገነቡ አዳዲስ የኮሪደር ልማት መሠረተ-ልማቶች፣ የእግረኛ መንገዶች፣ የአረንጓዴ ስፍራዎችና የጎዳና መብራቶች ከጉዳትና ብልሽት እንዲጠበቁ የ100% ጥበቃና ቁጥጥር ሽፋን ተሰጥቷል።

ባለስልጣኑ በ90 ቀናት ውስጥ 20,000 በላይ ችግኞች ተተክለው እንክብካቤ እየተደረገላቸው መሆኑና በአበበ ቢቂላ ስታዲየም በተካሄደ የደም ልገሳ ንቅናቄ 608 ዩኒት ደም በመለገስ የላቀ ሰብአዊ አጋርነት አሳይቷል ከዚህም በተጨማሪ የ12 አቅመ-ደካሞች ቤቶችን በመገንባት ለባለቤቶቻቸው አስረክቧል።

ተቋሙ ባስመዘገበው የላቀ የሥራ አፈፃፀም በ90 ቀናት ውስጥ ሕገ-ወጥ የጎዳና ላይ ንግድና የመሬት ወረራዎችንና ሌሎች የደንብ መተላለፎችን የመከላከል ሥራዎች በትኩረት ተከናውነዋል።

ባለስልጣን መስሪያ ቤቱ በቀጣይም የመረጃ ቅብብሎሽን በማጠናከርና የዲጂታል አሰራሩን በማስፋት የከተማዋን ደህንነት፣ ጽዳትና ውበት የማስጠበቅ ሥራውን አጠናክሮ እንደሚቀጥል ተገልጿል።

ዘገባው፦ የአዲስ አበባ ከተማ አስተዳደር ደንብ ማስከበር ባለሥልጣን ኮሙዩኒኬሽን ጉዳዮች ዳይሬክቶሬት ነው::

07/10/2026

የአዲስ አበባ ፈጣን እድገት ኢትዮጵያ በለውጥ ጎዳና ላይ እንደሆነች ማሳያ ነው - ዳያስፖራዎች

ከረጅም የውጭ ሀገር ቆይታ በኋላ ዳግም የትውልድ ሀገራቸውን ሊጎበኙ የመጡ ዳያስፖራዎች በአዲስ አበባ ያዩት ፈጣን እድገት በትክክልም ኢትዮጵያ በለውጥ ጎዳና ላይ እንደሆነች ማሳያ ነው ሲሉ ገለጹ።

የአዲስ አበባ አዲሱ የገጽታና የኮሪደር ልማት ለውጥ ከተማዋን ከማሳመር ባለፈ በቱሪዝም ዘርፍ ላይ ትልቅ መነቃቃትን ፈጥሯል።

መዲናዋ የተላበሰችው ዘመናዊና ማራኪ ገጽታ ቀደም ሲል ለቱሪስቶች መተላለፊያ ብቻ የነበረችውን ከተማ አሁን ላይ ራሱን የቻለ ተመራጭ የቱሪስት መዳረሻ እንድትሆን አስችሏታል።

ከተማዋ ያስመዘገበችው የኮንፈረንስና የኢኮ-ቱሪዝም መነቃቃት የሀገሪቱን መልካም ገጽታ በዓለም አቀፍ ደረጃ በከፍተኛ ሁኔታ እየገነባ ይገኛል።

በዚህም ከተለያዩ የአለም ሃገራት የተውጣጡ ትውልደ ኢትዮጵያውያን ዜጎች ወደ ሀገራቸው ተመልሰው በመዲናዋ የተሰሩ የተለያዩ የልማት ስራዎችን ጎብኝተዋል፡፡

ጎብኝዎቹ፤በመዲናዋ ያዩት ነገር በትክክልም ኢትዮጵያ በለውጥ ጎዳና ላይ እንደሆነች ማሳያ መሆኑን ገልፀዋል። የከተማዋ ገፅታ በዚህ ደረጃ መቀየሩ እንዳስደነቃቸው በመግለጽ ለውጡ ለሀገሪቱ የቱሪዝም መነቃቃት ትልቅ ሚና እንደሚጫወት አብራርተዋል።

በተጨማሪም ዳያስፖራዎቹ በቀጣይ ቤተሰቦቻቸውን፣ ወዳጆቻቸውን እንዲሁም ሌሎች ዓለም አቀፍ ጎብኚዎችን ይዘው በመምጣት በማስተዋወቅ በመዲናዋ ቱሪዝም ላይ የድርሻቸውን እንደሚወጡ ተናግረዋል።

AMN

06/10/2026

ለከተማችን ላበረከታችሁት አገልግሎት እናመሰግናለን!

ባለፉት ዓመታት ለአዲስ አበባ በትጋትና በቁርጠኝነት ያገለገላችሁ አመራሮቻችንን፣ ወደ ሌላ አዲስ የኃላፊነት ቦታ በመመደባቸዉ በክብር ሸኝተናል።

በአዲስ አበባ የነበረን የጋራ አመራር፣ የጋራ ጥረትና የጋራ አሻራችን ሁሌም ይኖራል። ለሰጣችሁት አገልግሎት፣ ለከተማችን ልማት ላበረከታችሁት አስተዋጽኦ ከልብ እናመሰግናለን።

በሄዳችሁበት ሁሉ፣ የአዲስ አበባን ልምድና ተሞክሮ በማስፋት የበለጠ ስኬትና ውጤት እንድታስመዘግቡ እንመኛለን።

እንዲሁም ወደ አዲስ አበባ አዲስ ኃላፊነት ተረከባችሁ የመጣችሁ አመራሮች፣ እንኳን ደህና መጣችሁ!

አዲሱን የኃላፊነት ምዕራፍ በትጋት፣ በአንድነትና በጋራ አመራር፣ ለአዲስ አበባ ሕዝብ የበለጠ የሚታይ ለውጥና የላቀ ውጤት የምናስመዘግብበት ይሁን!

ፈጣሪ ኢትዮጵያንና ሕዝቦቿን ይባርክ!

ከንቲባ አዳነች አቤቤ

06/10/2026

ህገ-ወጥ እርድና የሥጋ ንግድን ለመቆጣጠር በተደረገ ክትትል 28 በህገ-ወጥ መንገድ የታረዱ እና 41 ለእርድ የተዘጋጁ በጎች መያዙ ተገለፀ

መስከረም 26/2019 ዓ.ም
****አዲስ አበባ****

የአደመስ አበባ ከተማ ደንብ ማስከበር ባለስልጣን ባደረገወሰ የህገ-ወጥ እንስሳተሰ እርድ ክትትል ​በቦሌ ክፍለ ከተማ የተቀናጀ ግብረ-ኃይል በማዋቀር ባካሄደው የተቀናጀ የቁጥጥርና ኦፕሬሽን በወረዳ 3 እና ወረዳ 5 ልዩ ቦታው ወሰን/ድንበር አካባቢ ህገ-ወጥ የእንስሳት እርድ ሲከናወን በመቆጣጠር እርምጃ መውሰዱን ተገለጸ።

ባለስልጣኑ በህብረተሰቡ ጥቆማ መሠረት ባካሄደው የተቀናጀ የቁጥጥርና ኦፕሬሽን ሥራ 28 የታረዱ በጎች 281.6 ኪ.ግ ስጋ እና ለእርድ የተዘጋጁ በጎች 41 በቁጥጥር ስር ውለው ስጋው እንዲወገድ ቄራዎች ድርጅት የተረከበው ሲሆን በጎቹ ተሽጠው ለልማት ገቢእንዲሆኑ ለሚመለከተው ጠፍ በረት ተላልፈዋል።

​ህገ-ወጥ የሥጋ እርድና ንግድ የሕብረተሰቡን ጤና የሚጎዳና ከእንስሳት ወደ ሰው ለተላላፊ በሽታዎች የሚያጋልጡ በመሆኑ፣ ጥፋተኞችን በሕግ ተጠያቂ የማድረጉና ተመሳሳይ ህገ-ወጥ ድርጊቶችን የመቆጣጠሩ እንቅስቃሴ ተጠናክሮ እንደሚቀጥል ተጠቁሟል።

ባለስልጣኑ ​ኅብረተሰቡ መሰል ህገ-ወጥ ድርጊቶችንና የደንብ መተላለፎች ሲመለከት በነፃ ስልክ መስመር 9995 ጥቆማ በመስጠት ትብብር ድጋፉን እንዲያደርግ ጥሪ አቅርቧል።

መረጃው፦ የአዲስ አበባ ከተማ አስተዳደር ደንብ ማስከበር ባለሥልጣን ኮሙዩኒኬሽን ጉዳዮች ዳይሬክቶሬት ነው::

06/10/2026

በከተማዋ የደንብ መተላለፍ ድርጊቶች በ77.3% መቀነሳቸው ተገለጸ

መስከረም /26/2017 ዓ.ም
****አዲስ አበባ****

የአዲስ አበባ ከተማ አስተዳደር ደንብ ማስከበር ባለሥልጣን የ2019 በጀት ዓመት የ1ኛ ሩብ ዓመት የሥራ አፈጻጸም የግምገማ መድረክ የማዕከል፣የክፍለ ከተማና የወረዳ ኃላፊዎችና ባለድርሻ አካላት በተገኙበት አካሂዷል።

​በመድረኩ የመክፈቻ ንግግር ያደረጉት የባለሥልጣኑ ዋና ሥራ አስኪያጅ ሻለቃ ዘሪሁን ተፈራ፣ በሩብ ዓመቱ የሕዝብና የአደባባይ በዓላት በሰላም ተከብረው እንዲጠናቀቁ እና የተለያዩ የደንብ መተላለፎች እንዳይከሰቱ ውጤታማ ሥራዎች በስኬት መከናወኑን ገልጸዋል።

በበጀት ዓመቱ የደንብ መተላለፎችን በዘላቂነት ለመቀነስ የግንዛቤ ማስጨበጫ ሥራዎች ተጠናክረው እንደሚቀጥሉ ጠቁመው የተቋሙን አፈጻጸም ይበልጥ ለማሳደግ ለአመራሮችና ለፓራ ሚሊተሪ ኦፊሰሮች የሚሰጠው የአቅም ግንባታ ስልጠና ተጠናክሮ እንደሚቀጥል ተናግረዋል።

​የባለሥልጣኑ የ2019 በጀት ዓመት የ1ኛ ሩብ ዓመት ዕቅድ አፈጻጸም ሪፖርት በዕቅድና በጀት ዳይሬክቶሬት ዳይሬክተር በኮሎኔል አድማሱ ተክሌ የቀረበ ሲሆን፤ በሪፖርቱም የደንብ ጥሰቶችን ከመከላከልና ከመቆጣጠር፣ እርምጃ ከመውሰድ፣ ከግንዛቤ ፈጠራ፣ ከኢኒሼቲቭ ሥራዎች እንዲሁም ከመልካም አስተዳደር አንጻር የተከናወኑ ተግባራት በዝርዝር ተመልከተዋል።

​በከተማዋ ሕግና ደንብን ለማስከበር በተከናወኑ የተቀናጁ የቁጥጥርና የክትትል ሥራዎች የደንብ መተላለፍ ድርጊቶችን በ77.3% መቀነስ መቻሉን በሪፖርቱ ተመላክቷል ።

የተቋሙን የአገልግሎት አሰጣጥና የመልካም አስተዳደር ችግሮችን የመፍታት አቅም ለማሳደግ በነፃ የስልክ መስመርና በሕዝብ መድረኮች ለተነሱ ቅሬታዎች ምላሽ የመስጠት ሥራ ተከናወኗል።

በተጨማሪም በአገልግሎት አሰጣጥ ላይ የሚስተዋሉ የብልሹ አሰራር ክፍተቶችን ለማረም የሚያስችል የማክሰሚያ ሰነድ ተዘጋጅቶ ወደ ትግበራ መገባቱ ተገልጿል።

​ዘገባው፦ የአዲስ አበባ ከተማ አስተዳደር ደንብ ማስከበር ባለሥልጣን ኮሙዩኒኬሽን ጉዳዮች ዳይሬክቶሬት ነው::

06/10/2026

የ2019 በጀት ዓመት የመጀመሪያ ሩብ ዓመት ዕቅድ አፈጻጸም ግምገማ እየተካሄደ ነው።

መስከረም /26/2017 ዓ.ም
አዲስ አበባ

የአዲስ አበባ ከተማ ደንብ ባለስልጣን የ2019 በጀት ዓመት የመጀመሪያ ሩብ ዓመት እና የዘጠና ቀናት ዕቅድ አፈጻጸም ከማዕከል እስከ ወረዳ ካሉ አመራሮች ጋር በባለስልጣኑ መሰብሰቢያ አዳራሽ በመገምገም ላይ ይገኛል ።

በዚህ መርሃ-ግብር ላይ 1ኛ ሩብ ዓመት የዕቅድ አፈፃፀም ሪፖርት ቀርቦ ሰፊ ውይይት በማድረግ የቀጣይ ቀሪ ወራቶች የትኩረት አቅጣጫ ይቀመጣል ተብሎ ይጠበቃል።

አጠቃላይ ዝርዝር መረጃው መድረኩ እንደተጠናቀቀ ይዘን የምንመለስ ይሆናል።

ዘገበው ፡-የአዲስ አበባ ከተማ አስተዳደር የደንብ ማስከበር ባለሥልጣን ኮሙዩኒኬሽን ጉዳዮች ዳሬክቶሬት ነው፡፡

06/10/2026

06/10/2026

"ዛሬን ከሰራንበት ትናንትን ማስተካከል ይቻላል፤ ዛሬን ከሰራንበት ነገን መተንበይ ብቻ ሳይሆን የፈለግነውን ዓይነት መንገድ መቅረጽ እንችላለን።"

ጠቅላይ ሚኒስትር ዐቢይ አሕመድ (ዶ/ር)

05/10/2026

"መጪውን ዘመን ቀድመው አስበው የሚመጣውን አዲስ ነገር በተጠንቀቅ ለሚጠብቁ ብርቱዎች ምንዳው ብዙ ነው፤ በአንጻሩ ተዘናግተው ለሚቆዩ
ደካሞች እዳው እልፍ ነው።"

ጠቅላይ ሚኒስትር ዐቢይ አሕመድ( ዶ/ር)

05/10/2026

ወንድሜን ፕሬዝዳንት ሲሪል ራማፎዛን በደስታ ተቀብያለሁ።
‎ ዛሬ የመደመር መንግሥት ምሥረታን ስናከብር ላስተላለፉት የእንኳን አደረሳችሁ መልዕክትም ምስጋናዬን አቀርባለሁ።

ኢትዮጵያ እና ደቡብ አፍሪካ ለአህጉሩ አንድነት፣ ሰላም፣ ልማት እና ብሩህ ተስፋ ባላቸው የጋራ ቁርጠኝነት ላይ የተመሰረተ ጠንካራ እና ታሪካዊ ግንኙነት አላቸው። አጋርነታችንን ይበልጥ ለማሳደግ እና በሁለቱ ሀገራት መካከል ያለውን የወዳጅነት ትስስር እንደምናጠናክር ተስፋ አለኝ።

ጠቅላይ ሚኒስትር ዐቢይ አሕመድ (ዶ/ር)