http://www.lidetaworeda05communicationoffice.blogspot.com/

Lideta woreda 5 communication office, Addis Ababa (2026)

01/11/2026

የልደታ ክፍለ ከተማ ወረዳ 5 የ1ኛ ሩብ ዓመት የመልካም አስተዳደር የህዝብ መድረክ አካሄደ

ልደታ ወረዳ 5 ኮሙኒኬሽን
22/02/2019 ዓ/ም

የልደታ ክፍለ ከተማ ወረዳ 5 አስተዳደር የ2019 በጀት ዓመት የ1ኛ ሩብ ዓመት የመልካም አስተዳደር እና የልማት ስራዎች አፈጻጸም ግምገማ፣ እንዲሁም በቀጣይ አቅጣጫዎች ላይ ያተኮረ የህዝብ መድረክ አካሂዷል።
በመድረኩ የሩብ ዓመቱ የእቅድ አፈፃፀም ሪፖርት ለህዝብ የቀረበ ሲሆን፤ የነዋሪዎችን የእለት ተእለት ኑሮ የሚያቃልሉ የልማትና የመልካም አስተዳደር ስራዎች፣ የአገልግሎት አሰጣጥ ማሻሻያዎች እና ያጋጠሙ ተደራሽ ችግሮች ላይ ሰፊ ውይይት ተደርጓል።
የመድረኩ ተሳታፊ ነዋሪዎች በአገልግሎት አሰጣጥ፣ በጽዳትና ውበት፣ በፀጥታ እንዲሁም መሰረተ ልማቶችን በተመለከተ የሚታዩ ጉድለቶችን በማንሳት አስተያየትና ጥያቄዎቻቸውን አቅርበዋል።
የወረዳ 5 ምክትል ስራ አስፈፃሚ ወ/ሮ ፀሀይ ወርቁ ለተነሱት ጥያቄዎችና አስተያየቶች ምላሽና ማብራሪያ የሰጡ ሲሆን፤ ህዝቡ ያነሳቸውን የመልካም አስተዳደር ችግሮች በቅደም ተከተል ለመፍታት እና የአገልግሎት አሰጣጡን ይበልጥ የተቀላጠፈ ለማድረግ በትኩረት እንደሚሰራም ገልጸዋል።
በመጨረሻም የመልካም አስተዳደር ችግሮችን ለማስወገድና የልማት ስራዎችን ለማፋጠን የህዝቡና የአስፈፃሚው አካል ቅንጅታዊ አሰራር ተጠናክሮ መቀጠል እንዳለበት ተመልክቷል።

01/11/2026

በልደታ ክፍለ ከተማ ወረዳ 5 የሰንበት የህፃናት የዝግ መንገድ ጨዋታ በመካሄድ ላይ ይገኛል

ልደታ ወረዳ 5 ኮሙኒኬሽን
22/02/2019 ዓ/ም

በልደታ ክፍለ ከተማ ወረዳ 5 አስተዳደር ሴቶችና ህፃናት ማህበራዊ ጉዳይ ፅህፈት ቤት አስተባባሪነት የሰንበት የህፃናት የዝግ መንገድ ጨዋታ በስፋት በመከናወን ላይ ይገኛል።

መርሃ ግብሩ ህፃናት በትምህርትና በእረፍት ጊዜያቸው በሰላማዊና ደህንነቱ በተጠበቀ አካባቢ እንዲጫወቱ፣ አካላዊና አእምሯዊ እድገታቸውን እንዲያጎለብቱ እንዲሁም ማህበራዊ ግንኙነታቸውን እንዲያጠናክሩ ለማስቻል ያለመ ነው።

በዝግ መንገድ መርሃ ግብሩ ላይ በርካታ ህፃናት በተለያዩ የስፖርትና የመዝናኛ እንቅስቃሴዎች በደስታ በመሳተፍ ላይ ሲሆኑ፤ ወላጆችና የአካባቢው ነዋሪዎችም ለህፃናት የተመቸ አካባቢ በመፈጠሩ የተሰማቸውን ደስታ ገልጸዋል።

የወረዳው ሴቶችና ህፃናት ማህበራዊ ጉዳይ ፅህፈት ቤት ሀላፊ ወ/ሮ ጥጋቤ ደስታ እንዳሉት የህፃናትን መብትና ደህንነት ለማስጠበቅ፣ እንዲሁም መሰል አዎንታዊ የሰንበት መዝናኛዎችን አጠናክሮ ለመቀጠል የሴቶች እና ህፃናት ማህበራዊ ጉዳይ ፅ/ቤት ዝግጁ መሆኑን አስታውቋል።

01/11/2026

በልደታ ክ/ከተማ ወረዳ 5 የማስ ስፖርት በደማቁ ተካሄደ

ልደታ ወረዳ 5 ኮሙኒኬሽን
22/02/2019 ዓ/ም

በልደታ ክፍለ ከተማ ወረዳ 5 ወጣቶችና ስፖርት ጽሕፈት ቤት አዘጋጅነት የማስ ስፖርት መርሐ ግብር በደማቅ ሁኔታ ተካሄደ።

በማስ ስፓርቱ ላይ በወረዳው የሚሰለጥኑ ፕሮጀክቶች : የወረዳው ወጣቶች እንዲሁም የወረዳው የሥራ አመራር አካላት በንቃት በመገኘት ተሳትፈዋል።

የወጣቶች እና ስፓርት ፅ/ቤት ሀላፊ አቶ ተከታይ ሊጋባ እንደገለፁት የማስ ስፓርቱ ዓላማ ወጣቶች በአካልና በአእምሮ የዳበሩ፣ እንዲሁም ጤናማ የአኗኗር ዘይቤን የተላበሱ እንዲሆኑ ማዕከል ያደረገ ሲሆን፤ በወጣቶችና በአመራሮች መካከል ያለውን ትስስርና የቡድን መንፈስ የሚያጠናክር እንደነበር ገልፀዋል።

ተሳታፊ ወጣቶችም በስፖርታዊ እንቅስቃሴው ከፍተኛ ደስታቸውን የገለጹ ሲሆን፣ መሰል አበረታች መርሐ ግብሮች ተጠናክረው እንዲቀጥሉ ጥሪ አቅርበዋል።

የወጣቶች እና ስፓርት ፅ/ቤት ወጣቶች ራሳቸውን በስፖርትና በስነ-ምግባር እንዲያንጹ ድጋፋ ተጠናክሮ እንደሚቀጥል ገልፃል።

31/10/2026

እንኳን ደስ አለን! እንኳን ደስ አላችሁ!

አዲስ አበባ በተባበሩት መንግሥታት UN-Habitat በቻይና ያዘጋጀውን የ2026 እ.ኤ.አ የዓለም ከተሞች ቀን “የሸንሃይ አዋርድ” ሽልማት አሸነፈች!!

ይህ ድል ለአዲስ አበባ ብቻ ሳይሆን፣ ለመላው ኢትዮጵያ ታላቅ ኩራት ነው!

በተባበሩት መንግሥታት የሰዎች ሰፈራ ፕሮግራም (UN-Habitat) እና በቻይና የተዘጋጀውን የሸንሃይ ሽልማት፣ በዘላቂ፣ አካታች፣ ሰው ተኮርና አይበገሬ የከተማ ልማት ውጤታማ ሥራዎችን ላከናወኑ በየዓመቱ ለአምስት ከተሞች የሚሰጥ ዓለም አቀፋዊ ዕውቅና ነው። በዚህም አዲስ አበባ በ2026 ከተሸላሚ ከተሞች አንዷ ሆናለች።

ይህ ለከተማችን የመጀመሪያ ዓለም አቀፍ ዕውቅና አይደለም። በ2024 በUN-Habitat እና በደቡብ ኮሪያዋ ሴኡል ከተማ የተዘጋጀው “የሴኡል ከተማ ሽልማት”አሸናፊ መሆኗ ይታወሳል።

እነዚህ ተከታታይ ዕውቅናዎች በከተማ ልማት የተከናወኑ ሥራዎችንና የከተማዋን ዓለም አቀፍ ተወዳዳሪነት ያመለክታሉ።

የሸንሃይ ሽልማቱ በተለይም ባለፉት የለውጥ ዓመታት የተከናወኑት የከተማ ልማት ሥራዎች ውጤታማነት፣ ዘላቂነትና ለነዋሪዎች ያላቸው ጠቀሜታ ዓለም አቀፍ ዕውቅና ማግኘታቸውን ያሳያል።

ለዚህ ስኬት ካበቋት ዋና ዋና የልማት አቅጣጫዎች መካከል፦

• ሰው ተኮር አቀራረብን ከከተማ መልሶ ማልማት ጋር በማቀናጀት የነዋሪዎችን ፍላጎት ቅድሚያ መስጠት፤

• የመኖሪያ ቤት አቅርቦትን ለማሻሻል የተከናወኑ ሥራዎች፤

• በከተማ ኮሪደሮችና በወንዝ ዳርቻ ፕሮጀክቶች አካታችና የተቀናጀ ልማትን ማረጋገጥ፤

• የትራንስፖርት አገልግሎትንና ተደራሽነትን ለማሳደግ የተወሰዱ እርምጃዎች፤

• አረንጓዴነትን፣ ጽዳትንና የከተማ ውበትን በማሻሻል ምቹና ለኑሮ ተስማሚ አካባቢ መፍጠር ይገኙበታል።

እነዚህ ተግባራት የከተማዋን እምቅ አቅም ወደ ተጨባጭ ውጤት በመቀየር፣ የነዋሪዎችን ተጠቃሚነት በማሳደግና አዲስ አበባን ተወዳዳሪ ከተማ በማድረግ ረገድ ያላቸውን አስተዋጽኦ ያሳያሉ።

በተለይም በታዳጊ አገራት ከባድ ፈተና የሆነውን የከተማ መልሶ ማልማት በስኬት ማከናወን እንደሚቻል ያሳየችው ተሞክሮ፣ ለሌሎች ከተሞችም ተግባራዊ ትምህርት የሚሰጥ ምሳሌ ሆኗል።

ይህ ድል የተግባር ስኬት፣ የጋራ ጥረትና የጋራ ውጤት ነውና ሁላችንም በድጋሚ እንኳን ደስ አለን!

ፈጣሪ ኢትዮጵያንና ሕዝቦቿን ይባርክ!

ከንቲባ አዳነች አቤቤ

31/10/2026

የቅዳሜና እሁድ ገበያ በወረዳው አስተዳደር ተጠናክሮ ቀጥሏል።

ልደታ ወረዳ 5 ኮሚኒኬሽን
ጥቅምት 21/2019 ዓ.ም

በልደታ ክ/ከተማ ወረዳ 05 አስተዳደር ተክለሃይማኖት ቤተክርስቲያን አካባቢ ሰንበት ገበያ ለሸማቾች በተመጣጣኝ ዋጋ ያቀረበው የግብርና ምርቶች፣ አትክልትና ፍራፍሬ በዛሬው ዕለትም ተጠናክሮ ቀጥሏል። ለነዋሪው የፍጆታ ምርቶች የሚሆን በሰንበት ገበያው የተለያዩ የግብርና እና የኢንዱስትሪ ምርቶች በተሻለ አቅርቦት እና በተመጣጣኝ ዋጋ ለሸማቹ ማህበረሰብ ቀርበዋል።

የወረዳው ንግድ ጽ/ቤት እና ህብረት ስራ ጽ/ቤት በጋራ በመሆን የተለያዩ ምርቶችን በስፋት እና በጥራት ዛሬም ለሸማቹ ማህበረሰብ እያቀረቡ ይገኛሉ።

በገበያው የተገኙት የአካባቢው ነዋሪና ሸማች ወይዘሮ ሉባባ ሀሰን እንደገለፁት፡ "በሰንበት ገበያ ውድ ሆነው የምናገኛቸውን የአትክልትና የግብርና ምርቶች በሰንበት ገበያው በተመጣጣኝ ዋጋ በማግኘታችን ለዕለት ተዕለት ኑሯችን ትልቅ እፎይታ ሆኖልናል አቅርቦቱም ቢሆን ከቀደሙት ጊዜያት የተሻለ ነው" ብለዋል።

ይህ ገበያ በየሳምንቱ መዘጋጀቱ የምግብ ሸቀጦችን በጥራትና በቅናሽ ዋጋ እንድናገኝ አድርጎናል። ይህ መሰሉ በጎ ጅምር ተጠናክሮ እንዲቀጥል እንፈልጋለን ሲሉ ሸማቾች ተናግረዋል።

31/10/2026

ዛሬ የመጀመሪያዎቹ 26 የከተማ አውቶብሶች ከነዳጅ ወደ ተፈጥሮ ጋዝ ተለውጠው ሥራ ላይ በመዋላቸው የተሰማኝን ደስታ መግለጽ እፈልጋለሁ።

ባለፉት ጥቂት ወራት የተፈጥሮ ጋዝ ምርትን ከሚመረትበት ስፍራ ወደ አዲስ አበባ የማጓጓዝ፣ የጋዝ ማደያዎችን የማዘጋጀት እና የከተማ አውቶብሶችን ወደ ተፈጥሮ ጋዝ የመለወጥ ሰፊ ሥራዎች ሲከናወኑ ቆይተዋል። ይህ ታሪካዊ እርምጃ በነዳጅ ግዢ ላይ የሚወጣውን ከፍተኛ የውጭ ምንዛሬ በከፍተኛ ደረጃ ያስቀራል። በተጨማሪም የሕዝብ ትራንስፖርት የሥራ ማስኬጃ ወጪን በመቀነስ የዜጎችን የጉዞ ታሪፍ በግማሽ ያቃልላል። በነዳጅ የሚሰሩ ተሽከርካሪዎችን በራስ አቅም ወደ ተፈጥሮ ጋዝ የመለወጡ ተግባር ደግሞ የሀገር ውስጥ አቅምንና የቴክኖሎጂ ሽግግርን በተግባር ያረጋገጠ ነው።

በቀጣይም በነዳጅ ላይ ያለንን ጥገኝነት ሙሉ በሙሉ ለማስቀረት እና ሀገር ውስጥ እያመረትን ያለነውን የተፈጥሮ ጋዝ በስፋት ጥቅም ላይ ለማዋል የሚያስችሉ 400 አዳዲስ በተፈጥሮ ጋዝ የሚሰሩ አውቶብሶች በቅርቡ ወደ ሀገር ውስጥ ይገባሉ። በምግብ፣ በቤት እና በትራንስፖርት ዘርፎች ላይ ተጨባጭ ሥራዎችን በማከናወን በዜጎች ሕይወት ላይ መሠረታዊ ለውጥ ለማምጣት የተጀመሩት አበረታች ጥረቶች ተጠናክረው ይቀጥላሉ።

ጠቅላይ ሚኒስትር ዐቢይ አሕመድ (ዶ/ር)

29/10/2026

በልደታ ክፍለ ከተማ ወረዳ 05 “ስፖርት ለሁሉም” ፌስቲቫል ተካሄደ

ጥቅምት 19 2019 ዓ.ም

የወረዳ 05 ወጣቶችና ስፖርት ጽሕፈት ቤት፣ ትምህርት ጽሕፈት ቤት እና እድገት በሥራ ትምህርት ቤት በጋራ ባዘጋጁት የ“ስፖርት ለሁሉም” መዝናኛና ትርኢት ፌስቲቫል ተካሄደ።

ፌስቲቫሉ የስፖርት ተሳትፎን ለማበረታታት፣ የመዝናኛና የትርኢት ባህልን ለማሳደግ እንዲሁም የጋራ ተሳትፎን ለማጠናከር ያለመ ሲሆን፣ በትምህርትና በስፖርት ዘርፎች ያለውን ትብብር ለማጠናከርም አስተዋጽኦ አለው።

የ“ስፖርት ለሁሉም” መርህን በማስፋፋት ማህበረሰቡ በስፖርትና በመዝናኛ እንቅስቃሴዎች እንዲሳተፍ ማበረታታት የፌስቲቫሉ ዋና ዓላማ ነው።

29/10/2026

ባለፉት 5 ዓመታት በመዲናችን 496ሺ 971 ቤቶች ተገንብተዉ ለነዋሪዎች ማስተላለፍ የተቻለዉ አዲስ የለዉጥ እሳቤን እዉን በማድረግ ነዉ::

የአዲስ አበባ ከተማ አስተዳደር ባለፉት አምስት ዓመታት የነዋሪዎችን መሰረታዊ ፍላጎትና አንገብጋቢ የሆነውን የቤት ችግር በመረዳት አዲስ የለዉጥ እሳቤን እዉን በማድረግ 496ሺ 971 ቤቶች ተገንብተዉ ለነዋሪዎች እንዲተላለፉ አድርጓል ::

ከተማ አስተዳደሩ በቤት ግንባታ ልማት ሂደት ዉስጥ የመንግስት ሚና ቀዳሚ በማድረግ የተለያዩ የግንባታ አማራጮችን በመዘርጋት ቤት አልሚ ሪል እስቴቶች፤የግል አልሚዎች ህብረት ስራ ማህበራት እና በጎ ፈቃደኞች ተቀናጅተዉ በመኖሪያ ቤት ልማት ዘርፍ ተሳታፊ እንዲሆን ምቹ ሁኔታዎችን ፈጥሯል፡፡

በተለይም ከተማ አስተዳደሩ የአጭር ጊዜ እቅዶችን በመንደፍና ተግባራዊ በማድረግ ስኬታማ ስራዎችን በመተግበር ላይ ሲሆን በተጨማሪ በዘንድሮው ሩብ አመት ብቻ የመርካቶ በጎነት መንደርን ጨምሮ ከ4 ሺ 200 በላይ ቤቶች በመገንባት ለተጠቃሚዎች ማስተላለፍ ተችሏል፡፡

እነዚህ የቤት ግንባታዎች ንጹህ የመኖሪያ አካባቢን የፈጠሩ ከመሆናቸው በተጨማሪ ምቹ አካባቢ በመፍጠር የልጆች መጫወቻ የተሰራላቸው ሰው የሚንቀሳቅስባቸው አና የእርስ በእርስ ግንኙነት ማጠናከሪያ ስፍራ የተሟላላቸው የዜጎችን ክብር የሚመጠኑ መኖሪያ መንደሮች ናቸው፡፡

በአጠቃይ የአዲስ አበባ ከተማ አስተዳደር የልማት ተነሺዎችን፤ዝቅተኛ ገቢ ያላቸዉን፤አረጋዉያንንና የሃገር ባለዉለታዎችንና ሌሎች ቤት ፈላጊዎችን የቤት ባለቤት እንዲሆኑ በማድረግ ሁሉንም የህብረተሰብ ክፍል አካታች የሆነ የልማት ተጠቃሚነትን በማረጋገጥ ላይ ይገኛል፡፡

28/10/2026

ዓለም ከስሟ ባሻገር እንቁ ታሪኳን በሙሉ ጠንቅቆ ያላወቀላት ኢትዮጵያ፤ ዛሬ ታሪኳን በራሷ ድምፅና በራሷ ብዕር ለዓለም ታስተዋውቃለች። ይፋዊው የኢትዮጵያ ብሔራዊ ድረ-ገጽ ዛሬ ይፋ ሆኗል!

ቡናን ከጫካዎቿ አፍልቃ ለዓለም ስጦታ ያበረከተች፣ የቡና ትውልድ ሀገር ኢትዮጵያ። የሰው ዘር የመጀመሪያ እርምጃውን የጀመረባትና አየሯን እስትንፋስ አድርጎ የተነፈሰባት ኢትዮጵያ። በአረንጓዴ ዐሻራ፣ በሕዝቦቿ እጆች ዳግም እየለመለመች ያለች ምድር፤ ኢትዮጵያ። ወንዞቿን፣ ነፋሷንና ፀሐይዋን ወደ ኃይል ቀይራ ከራሷም አልፋ ለጎረቤቶቿ ብርሃን የሆነች ኢትዮጵያ። ከተሞቿ በአዲስ ውበት እያበቡ በልባቸውም የአፍሪካን አዲሷን አበባ ታቅፈው የያዙ ኢትዮጵያ። አፍሪካውያን የጥቁር ሕዝቦችን ዘመን ተሻጋሪ ኩራትና ወኔ በፓን-አፍሪካዊ አንድነት ድምፅ ለመግለጽ የሚተሙባት ኢትዮጵያ። ጥንታዊ ሥልጣኔዋን ዛሬም በድንጋዮቿ፣ በፊደሎቿ፣ በዜማዎቿና በፕሮጀክቶቿ ሕያው አድርጋ የምታኖር ኢትዮጵያ። ሯጮቿም የድል መንፈሷን ከትውልድ ትውልድ እያስተላለፉ፣ በዓለም የድል መድረኮች የምታበራ ኢትዮጵያ!

ወደ ኮፕ32 በሚደረግ ታሪካዊ ጉዞ ይህ ድረ-ገጽ ከታሪካችን እስከ ዛሬ እርምጃችን፣ ከሥልጣኔያችን እስከ የወደፊት ርዕያችን ድረስ ያለውን የኢትዮጵያን ሉዓላዊነት፣ ሀብትና ተስፋ ለዓለም የምናቀርብበት መድረክ ነው። ምድረ ቀደምትነቷን ይወቁ፤ የኢትዮጵያን ታሪክ ይመስክሩ!

26/10/2026

የበጋ በጎ ፈቃድ አገልግሎት በልዩ ሁኔታ በመከናወን ላይ ነው

ልደታ ወረዳ 5 ኮሙኒኬሽን
16/02/2019 ዓ/ም

በልደታ ክፍለ ከተማ የወረዳ 5 ህብረተሰብ ተሳትፎ እና በጎ ፍቃድ አስተባባሪነት በተክለ ሃይማኖት አካባቢ የበጎ ፈቃደኞች የትራፊክ አገልግሎት መስጠት የተካሄደ ሲሆን፡ የዘመቻው የበጋ በጎ ፈቃድ ስራ በልዩ ሁኔታ እንደተከናወነ ተገለፀ።
በዕለቱ የተሰማሩት ወጣቶች የትራፊክ እንቅስቃሴን በማሳለጥ፣ የእግረኞችንና የመኪኖችን ደህንነት በመጠበቅ ረገድ ከፍተኛ አስተዋጽኦ አበርክተዋል። የህብረተሰብ ተሳትፎ እና በጎ ፍቃድ ሀላፊ አቶ ዳዊት ልሳነወርቅ እንደገለጹት፤ የበጋ በጎ ፈቃድ አገልግሎቱ የወጣቶችን ማህበራዊ ተሳትፎ ከማሳደጉም በላይ በአካባቢው ለስላሳ የትራፊክ ፍሰት እንዲኖር ትልቅ እገዛ አድርጓል።
ህብረተሰቡም ለወጣቶቹ በጎ ፈቃደኞች ላሳዩት መልካም አርአያነትና አገልግሎት ያላቸውን አድናቆት ገልጸዋል።

Lideta woreda 5 communication office

01/11/2026

01/11/2026

01/11/2026

31/10/2026

31/10/2026

31/10/2026

29/10/2026

29/10/2026

28/10/2026

26/10/2026

Address

Telephone

Website

Alerts

Shortcuts

Share

Category

Other Government Officials in Addis Ababa

Listing takedown request