Nifas Silk Lafto Woreda 05 Prosperity Party

14/10/2026

ከአሜሪካ የውጭ ጉዳይ ሚኒስትር ማርኮ ሩቢዮ ጋር በሁለትዮሽ፣ በቀጣናዊ እና በባለብዙ ወገን የጋራ ትኩረትን በሚሹ ጉዳዮች ላይ እጅግ ፍሬያማ የሆነ የስልክ ውይይት አድርጌያለሁ።

ያካሄድነው ውይይት በኢትዮጵያና በዩናይትድ ስቴትስ መካከል ያለውን እድሜ ጠገብ ወዳጅነት ወደ ላቀ ስትራቴጂካዊና ተግባራዊ አጋርነት ለማሳደግ በሁለቱም አገራት በኩል ያለውን ቁርጠኝነት ማረጋገጫ ነው።

ዩናይትድ ስቴትስ ለኢትዮጵያ የምታደርገውን ቀጣይነት ያለው ድጋፍ በተመለከተ የሰጠችውን ማረጋገጫ እያደነቅኩ የሁለትዮሽ ትብብራችንን ለማጠናከር እንዲሁም በቀጣናዊና ባለብዙ ወገን መድረኮች ቅድሚያ በምንሰጣቸው የጋራ ጉዳዮች ላይ አብረን ለመሥራት ያለንን ቁርጠኝነት አረጋግጣለሁ።

Ministira Dhimma Alaa Ameerikaa, Maarkoo Ruubiyoo waliin dhimmoota garlamee, naannawaafi dhimmoota gar-daneessa xiyyeeffannoo waloo barbaadan irratti bilbilaan marii firii-qabeessa gooneerra.

Mariin keenya michummaa umurii dheeraa Itiyoophiyaafi Ameerikaa giddu jiru gara michummaa olaanaafi tarsiimowaatti guddisuuf kutannoo biyyoota lamaan gidduu jiru kan mirkaneessudha.

Deeggarsa ittifufiinsa qabu Ameerikaan Itoophiyaaf gootu ilaalchisee wabii kennan dinqisiifachaa walta'insa keenya garlamee cimsuuf akkasumas waltajjiiwwan nannawaafi gar-daneessa ta'an irratti dhimmoota waloo dursa kenninuuf irratti waliin hojjechuuf kutannoo qabnun mirkaneessaa.

I held a very fruitful telephone conversation with U.S. Secretary of State Marco Rubio on key bilateral, regional and multilateral issues of mutual interest.

Our discussion is proof to the commitment of both countries in translating the enduring relationship between Ethiopia and the United States into a more strategic and practical partnership.

I welcome the assurance of continued U.S. support for Ethiopia and our shared commitment to advancing bilateral cooperation and addressing regional and multilateral priorities.

14/10/2026

13/10/2026

"ሰውን ማዕከል ያደረገ የብሔራዊ ደህንነት"

ብሔራዊ ደኅንነት የሀገርን ድንበር ከመጠበቅ በላይ ነው፤ የዜጎችን ሕይወት፣ ክብር፣ መብትና ተስፋ የማስጠበቅ ተልዕኮ ነው!

ብሔራዊ ደኅንነት የሀገርን ድንበር፣ ሉዓላዊነትና ጥቅም መጠበቅ ብቻ አይደለም፤የዜጎችን ሰላም፣ ክብር፣ መብትና የተሻለ ሕይወት የመኖር ዕድል ማረጋገጥም ጭምር ነው።

የብልፅግና ፓርቲ ሰውን ማዕከል ባደረገው የብሔራዊ ደኅንነት እሳቤው ውስጥ የሚንፀባረቅ መሠረታዊ መርህ ነው።

ሀገር የምትጠነክረው በድንበሯ ጥበቃ ብቻ አይደለም፤ ዜጎቿ በውስጧም ሆነ ከውጭ ሀገር ሲኖሩ ደኅንነታቸው፣ መብታቸውና ክብራቸው ሲጠበቅ ነው።

ብልፅግና ፓርቲ ብሔራዊ ደኅንነትን ከሀገር ሉዓላዊነት ጋር ብቻ ሳይሆን ከዜጎች ደኅንነትና ክብር ጋር ያስተሳስራል።

የሰው ንግድ፣ ብዝበዛ፣ ለአደጋ መጋለጥና ለመብት ጥሰት መዳረግ ሕገ ወጥ ስደትን በተቀናጀ መንገድ መከላከል እንደሚያስፈልግ ብልፅግና ፓርቲ በፅኑ ያምናል።

የብልፅግና ፓርቲ ዜጎች በአደገኛ መንገዶች እንዳይሰደዱ መከላከልን ከሕጋዊ የሥራ ዕድሎችን ማስፋፋት ጋር ያገናኛል።

ይህም ዜጎች መብታቸው ተጠብቆ ወደ ውጭ ሀገራት የመሄድና የመሥራት ዕድል እንዲያገኙ፣ በሌላ በኩልም በሕገ ወጥ ስደት ሊደርስባቸው ከሚችለው ጉዳት እንዲጠበቁ የሚያስችል አቅጣጫ ነው።

የብሔራዊ ደኅንነት ጥንካሬ የሚለካው በሀገር ውስጥ በሚኖሩ ዜጎች ደኅንነት ብቻ ሳይሆን፣ ከሀገር ውጭ ያሉ ዜጎች በችግር ጊዜ የሚያገኙት ድጋፍ፣ የሚጠበቅላቸው መብትና የሚሰጣቸው ክብር ጭምር ነው።

የውጭ ግንኙነት አንዱ ዋነኛ ዓላማ የሀገርን ጥቅም ማስጠበቅ ቢሆንም፣ የዜጎችን መብትና ክብር መጠበቅም የዚሁ ጥቅም አካል ዋነኛው ነው።

ብልፅግና ፓርቲ በውጭ ሀገራት የሚገኙ ኤምባሲዎችና ሚሲዮኖች ለኢትዮጵያውያን ተደራሽ፣ ቀልጣፋና የዜጎችን መብት በንቃት የሚያስጠብቁ ተቋማት እንዲሆኑ የሚያስችል የአሠራር ሥርዓት ለመዘርጋት አቅጣጫ አስቀምጧል።

አቅጣጫውም ዲፕሎማሲን ከመንግሥታት ግንኙነት ብቻ አልፎ ከዜጎች ዕለታዊ ሕይወት ጋር የሚያገናኝ እይታ ነው።

ዜጋው በችግር ጊዜ የሚደግፈው ተቋም እንዳለው ሲያውቅ፣ የሀገሩ ተቋማት ላይ ያለው እምነትም ይጠናከራል።

በውጭ ሀገራት የሚኖሩ ኢትዮጵያውያንና ትውልደ ኢትዮጵያውያንም ከሀገራቸው ጋር ያላቸው ትሥሥር መጠናከር ለሀገራዊ አንድነት፣ ለልማትና ለጋራ ብልፅግና ጠቃሚ ነው።

በተለይም ሁለተኛው ትውልድ ዲያስፖራዎች ስለ ሀገራቸው ታሪክ፣ ባህልና ወቅታዊ ሁኔታ እንዲያውቁ፣ ከሀገራቸው ጋር ያላቸውን ማንነታዊና ማኅበራዊ ትሥሥር እንዲያጠናክሩ የሚያስችሉ የተለያዩ ኢንሼቲቮችን ማበረታታት እንደሚያስፈልግም ብልፅግና ፓርቲ ያምናል።

ይህም ዲያስፖራው በሀገሩ የፖለቲካ፣ የኢኮኖሚና የማኅበራዊ ጉዳዮች ላይ በገንቢነት እንዲሳተፍ ዕድልን ይፈጥራል።

የብልፅግና ፓርቲ በቀጣይ አምስት ዓመታት ለማሳካት ያስቀመጣቸው ዋነኛ አቅጣጫዎችም
ሕገ ወጥ ስደትን መቀነስ፣ሕጋዊ የሥራ ዕድሎችን ማሳደግ፣የዜጎችን መብት ማስጠበቅ፣ የተመላሽ ዜጎችን መልሶ ማቋቋም እና የዲያስፖራ ትሥሥርን ማጠናከር ላይ ትኩረቱን አድርጎ ይሰራል።

ብሔራዊ ደኅንነት የሚጀምረው ከዜጋ ነው፤ የሚጠናከረውም ዜጋን በማክበር፣ መብቱን በማስጠበቅና ዕድሉን በማስፋት ነው።

የብልፅግና ፓርቲ የብሔራዊ ደኅንነት እሳቤ ሀገርን መጠበቅ ዜጋን መጠበቅ ነው፤ ዜጋን ማክበር ደግሞ የሀገርን ጥንካሬ ማረጋገጥ ነው።

13/10/2026

12/10/2026

ሰንደቅ ዓላማችን፦ የብሔራዊ መግባባታችን፣ የአንድነታችንና የሉዓላዊነታችን ምልክት!

የኢትዮጵያ ብሔራዊ ሰንደቅ ዓላማ የሀገራችን ሉዓላዊነት፣ የነፃነታችን፣ የጋራ ማንነታችንና የብሔራዊ አንድነታችን ህያው ምልክት ነው። ከትውልድ ወደ ትውልድ የተላለፈውን የነፃነት ታሪክ፣ የአርበኝነት መንፈስና ለሀገር የተከፈለውን ውድ መስዋዕትነት የሚያስታውስ የጋራ ዓርማችን ነው።

የሰንደቅ ዓላማችን ክብር የቀደሙትን ትውልዶች ታሪክ ከማስታወስ ባለፈ፣ በአሁኑ ወቅት ለሀገራችን ሰላም፣ ልማት፣ አንድነትና ሉዓላዊነት የምንወስደውን ኃላፊነትም ያስገነዝበናል። ለሰንደቅ ዓላማችን ያለን ክብር በተግባር የሚገለጸው የጋራ እሴቶቻችንን ስናጠናክር፣ ልዩነቶቻችንን በውይይትና በመግባባት ስንፈታ፣ ለሀገራዊ ጥቅም በጋራ ስንቆምና ለሀገራችን ዕድገት በትጋት ስንሠራ ነው።

ኢትዮጵያ የብዝኃነት ሀገር ናት። ቋንቋችን፣ ባህላችንና ማንነታችን ቢለያይም፣ የጋራ ሀገራችን የሆነችው ኢትዮጵያ የአንድነታችን ምልክት ናት። ሰንደቅ ዓላማችንም ይህንኑ የጋራ ሀገራዊ ማንነትና የአብሮነት መርህ ያስታውሰናል። ብሔራዊ መግባባትን ማጠናከር፣ የሕዝቦችን ወንድማማችነትና እህትማማችነት ማሳደግና ለጋራ ብልፅግና በአንድነት መሥራት የሁላችንም ድርሻ ነው።

የ19ኛው የብሔራዊ ሰንደቅ ዓላማ ቀን በዓል የሰንደቅ ዓላማችንን ክብር የምናድስበት፣ ለሀገራዊ አንድነታችንና ሉዓላዊነታችን ያለንን ቁርጠኝነት የምናጠናክርበት፣ ለቀጣይ ትውልድም የሀገር ፍቅርና የኃላፊነት መንፈስን የምናስረክብበት አገራዊ አጋጣሚ ነው።

ብልፅግና ፓርቲ ብሔራዊ መግባባትን፣ የሕዝቦችን አብሮነትና የጋራ ብልፅግናን በማጠናከር፣ ለሰላም፣ ለልማትና ለሀገራዊ ሉዓላዊነት የሚደረገውን የጋራ ጥረት ማስቀጠል የዘላቂ ብልፅግና መሠረት እንደሆነ ያምናል።

12/10/2026

11/10/2026