Yallô daqaarak saay kee salaam ku/buxa

Fanti Rasul Akkuk Geytinta Dagar-Dig Qalayli Saay Kee Salaamah Gaba Kaltuh Faxxiima Bici Yekkeh Geytima :- Ciggiila Komanxer Yacay Macammad Seeko.

Samara,Agda-Baxissok 19,2018 (AFMMA)

Fanti Rasuk Golina Daqaaral Akkuk Geytinta inkih Yan Qafarak Dagar-Dig Qalayli Saay Kee Salaamah Gaba Kaltuh Faxxiima Bici Yekkeh Geytimam Fanti Rasuk Poliis Miracsentih Saqal Ciggiila Komanxer Yacay Macammad Seeko Qaddoose .

Qafar Rakaakayak 37 Daqaaray 7 Magaalah Xiinisso Edde Tengele Dagar Dig Qalayliy Ciggilta 15 Ayroora Fan Gexsitak Sugtu Wayta Kimaalih Ayro Golina Daqaarak Kalluwan Magaalal Qimbiseenim Tamixxige .

Ta Digir Saay Kee Salaam Le Gurral Gaba Kaluh Faxxiima Bica Abeenih Yaniinim Kee Salaam Dibuh Saay Dagarak Qambaalaanam Akke Waytaamih Taagah Ummatta Dumaak Kah Abtannah Saay Caylih Xaqut Gactam Faxxintah tanim Fanti Rasuk Poliis Miracsentih Saqal Ciggiila Komanxer Yacay Macammad Seeko Diggoose .

Ciggiila Komanxer Yacay Macammad Seeko Qagitaak Abeh Yan Yaabal Akkel Orobtu Wayta Mayso Inkih tan Qafarih Mayso Kinnim Aaxiguk Digir Adabi Kee Ossoobbal Abaanam Faxxintah Tanim Yescesse .

Fanti Rasuk Fixiixisa Caylak Sehdayti Caylih Saqalah Yan Ciggiila Komander Qali Macammad Isi Le Katuk Abeh Yan Yaabal a Qalayli Dibuh Dagar Dig Hinnay Inkih tan Qafar Siita Elle Barittaah Abak Raag Elle Siitak Tabaatabisan Caflat Kinnuuk Maysoh Anaakarih Addat Qafar Baxiini Misinkica Diggoosak Digir Saay kee Salaamah Gaba Kaluh Isinni Masquuliyyatak Yawqeenim Faxxintah Tanim Kassiise

Digir Elle Yakkeh Yan Sitixiyoom Xayi Udduurih addat Bicisaanah, Qibinah Xintimah Arooca Bicsaanam Kee Caagiida Koobaahissa Makaado Xisaanamak Abbaxuk Faxxiima Bica Abak Qibina Elle Faxxintannal Oggoleenih Yaniinim Yescesseh Golina Daqaarak Naharsi Saqal Gifta Qali Ibraahim a Digir Saay Kee Salaamah Gaba Kaluh Ummatta Isi Masuuliyyatak Tawqem Faxxintah Tanim Yescesse .

Missossem :- Acmad Maqar

Afar Mass Media Agency

Qafar Rakaakayih Caddol 7 Addah Fanti Rasul Gexisituwa Xagar Diig Anaakar Wagsiisak Garci kaloot:-
17/05/2018 Afar Peace
Qafar Rakaakayak Qunxaaneyta Kee Sport biiro koobahisso qafar rakaakayih caddol 7 haytoh addah fanti rasuk golina daqaaral gexistuwaa anaakar akah yakkem lafa le hadaf qunxaaneyti xagar diig fayxi haysituy fulale digir aba agat caddol rakaakay awlisuh akak dooran digir kinnih, kalah qafar qunxaaneyti sitta elle barituh yakku anaakar meqe gurral gaba kaluh kulli daqaarak tamaate digir aba kee qokolta xagorti kookaxaw kee qafar sittat boodissa abtootak naggowuh aakamal tuced fayu sittah acayuk qax meqe gurral gaba kaluh fanti rasul tan saay xagorti kee miraacinih xaqut gacak fanti rasul takke ibi koqosoh anaakar meqe gurral gaba kaluh qaagitna.
Salaam Sittalih Dacrisnay!

Saay Kee Salaam Biirok Angaaraw Exxa