በቂርቆስ ክፍለ ከተማ የወረዳ 07 እስልምና ጉዳዮች ምክር ቤት

22/09/2026

የቂርቆስ ክፍለ ከተማ እስልምና ጉዳዮች ምክር ቤት 1ኛ የስራ ዘመን 2ኛ መደበኛ ጠቅላላ ጉባኤ ባለ ሰምንት ነጥብ የአቋም መግለጫ በማውጣት ተጠናቀቀ።

ዜና፣መጅሊስ፣መስከረም 12/2019 ዓ.ል. አ.አ

በጠቅላላ ጉባኤው ላይ በክብር እንግድነት የአዲስአበባ እስልምና ጉዳዮች ከፍተኛ ም/ቤት ሥራ አስፈፃሚና የልማትና ማህበራዊ ጉዳይ አስተባባሪ ኡስታዝ አዩብ ደርባቸው ፣የከፍተኛም/ቤቱ ሥራ አስፈፃሚና የሐጂ ዘርፍ ተጠሪ ሸህ ኑር ሁሴን ሙስጠፋ፣የከፍተኛ ም/ቤቱ ሥራ አሰፈፃሚና የህግ ዘርፍ ተጠሪ ሸህ ዙቤር ሪድዋን፣የከፍተኛ ም/ቤቱ ስራ አሰፈፃሚና የፕሮጀክት ማስተባበሪያ ሀላፊ ኡሰታዝ ሁሴን ሰኢድ፣የቂርቆስ ክ/ከተማእና የወረዳ እስልምና ጉዳዮች ም/ቤት አመራሮች የቅላላ ጉባኤ አባላትና ጥሪ የተደረገላቸው እንግዶች ተገኝተዋል።

የእለቱን ጠቅላላ ጉባኤ በእንኳን ደህና መጣችሁ ንግግር የከፈቱት የቂርቆስ ክፍለ ከተማ እስልምና ጉዳዮች ምክር ቤት ዋና ስራ አስፈፃሚ ኡስታዝ ሙሀመድ ሙስጠፋ በምርጫ ወደ ሀላፊነት ከመጣን በኋላ የመዋቅር ዝርጋታ በማድረግ ለክፍለ ከተማው ሙስሊም ማህበረሰብ የሚጠቅሙ ተግባራትን ለማከናወን ተሞክሯል ሲሉ ተናግረዋል::

ዋና ስራ አስፈፃሚው እንዳሉት በማህበራዊ ጉዳይ ላይ ትኩረት አድርገን በመስራት የአቅመ ደካሞችን ቤት መገንባት፣ የኡድህያ መርሀግብር ማከናወን እንዲሁም የማዕድ ማጋራት ያከናወንን ሲሆን በክፍለ ከተማችን የሚገነቡ ኢስላማዊ ተቋማት የሙስሊሙን እሴት እና የከተማዋን ገፅታ ባማከለ መልኩ እንዲሠሩ ክትትል እያደረግን በቀጣዩ የሥራ ዘመን የተሻለ ውጤት ለማስመዝገብ በትብብር እንሰራለን ብለዋል።

በክብር እንግድነት የተገኙት የአዲስ አበባ እስልምና ጉዳዮች ከፍተኛ ም/ቤት አመራር እና ሥራ አስፈፃሚ ኡስታዝ አዩብ ደርባቸው የእለቱ ጉባኤ ባለፈው የስራ ዘመን የሰራችሁትን ስራ የምትገመግሙበት እንዲሁም የቀጣዩን አመት እቅድ የምትወያዩበት ና ውሳኔ የምታስተላልፉበት እድል የሚፈጥር ነው በማለት ጉባኤው የተሳካ እንዲሆን ተመኝተዋል። :

የከፍተኛ ም/ቤቱ አመራር የሆኑት ሸህ ዙበይር ሬድዋን ለጉባኤው አባላት ከፍተኛ ምክር ቤቱ ባሳለፍነው አመት የተለያዩ ህጎችን እና መመሪያዎችን ሲያወጣ መቆየቱን አስታውሰው በዘንድሮ አመት የወጡት ህጎችን መሰረት አድርገን ውጤታማ ስራ የምንሰራበት መሆን አለበት ብለዋል።

የከፍተኛ ምክር ቤቱ የስራ አስፈፃሚ አባል እና የፕሮጀክት ክፍል ተጠሪ ኡስታዝ ሁሴን ሰኢድ ይህ ጉባኤ ከፍተኛ ምክር ቤቱ የተለያዩ ህጎችን ባፀደቀ ማግስት የሚካሄድ መሆኑ የተለየ የሚያደርገው ሲሆን የወጡት እቅዶች ስራችንን በተሻለ መልኩ ለመስራት ያግዛል ሲሉ ገልፀዋል::

የቀድሞ የአዲስ አበባ ከተማ መጅሊስ ዋና ፀሀፊ የነበሩት ሸህ ሁሴን በሽር ተቋምን ተረክቦ ማስተዳደር ትልቅ ሀላፊነት እንደሆነ አንስተው ቂርቆስ ክፍለ ከተማ መጅሊስን የተረከቡ አመራሮች የተሻለ ነገር እንዲሰሩ የሁላችንም ድጋፍ ሊጨመርላቸው ይገባል ብለዋል::

በጠቅላላ ጉባኤው ላይ ክፍለ ከተማዎችን በመወከል የተገኙት እና መልእክት ያስተላለፉት ኡስታዝ አብዱራዛቅ ሙሀመድ ቂርቆስ ክፍለ ከተማ ትልቅ ሀላፊነት ያለበት መጅሊስ እንደሆነና የመንግሰት ትላልቅ ፕሮጀክቶች የሚከናወኑበት እንደመሆኑ የክፍለ ከተማው መጅሊስ ከመንግሥት ጋር በመሆን የከተማውን ገፅታ በሚያጎሉ የልማት ስራዎች ላይ መሳተፍ ይኖርበታል ብለዋል::

በጠቅላላ ጉባኤው የ2018 ዓ.ል የስራ ፈፃፀም ሪፖርት በክፍለ ከተማው መጅሊስ የስራ አስፈፃሚ አባል ኑር አህመድ መንሱር የ2019 ዓ.ል የስራ እቅድ የአስተዳደራዊ ጉዳይ ምክትል ስራ አስፈፃሚ ኢንጂነር ኢስሀቅ አብዱልአዚዝ እንዲሁም የኦዲት እና ኢንስፔክሽ የ2019 እቅድ በፅሁፍ ቀርበዉ ሰፊ ውይይት ከተደረገባቸው በኋላ ሦስቱም አጀንዳዎች የጠቅላላ ጉባኤ አባላት በግብዐትነት ያቀረቡት ሀሣብን ጨምሮ በሙሉ ድምፅ ፀድቀዋል።

በጉባኤው ማጠቃለያ ላይም የጠቅላላ ጉባኤው አባላት ባለ 8 ነጥብ የአቋም መግለጫ በማውጣት ጉባኤው በስኬት ተጠናቋል:

የአዲስ አበባ እስልምና ጉዳዮች ከፍተኛ ምክር ቤት

31/08/2026

የተውፊቅ(ፍልውሃ) መስጂድ ግንባታ 45% ደርሷል ተባለ።

በቂርቆስ ክፍለ ከተማ ወረዳ 07 እየተገነባ የሚገኘውን ይህንን ታላቅ ፕሮጀክት የክፍለ ከተማው እስልምና ጉዳዮች ምክር ቤት አመራሮችና የስራ አስፈጻሚ አባላት ግንባታው የደረሰበትን ለማወቅ በቦታው ተገኝተው ምልከታ አድርገዋል።

በዚህ ወቅት ለአመራሮቹ ገለፃ ያደረጉት የፕሮጀክቱ ሃላፊ ኢንጂነር ሸምሱ ዲኖ ስራው በጥሩ ሁኔታ እየተከናወነ መሆኑን ገልፀው አሁን ላይ 45% የግንባታው ሂደት መጠናቀቁን አሳውቀዋል።

በጉብኝቱ ላይ የተገኙት የክፍለ ከተማው መጅሊስ ዋና ስራ አስፈጻሚ ኡስታዝ ሙሐመድ ሙስጠፋ የስራውን ሂደት አድንቀው ገንቢዎችንና ሠራተኞችን አመሥግነዋል። መስጂዱ ሲጠናቀቅ ለሙስሊሙ ከሚሰጠው ሁለንተናዊ የዲን አገልግሎት ባሻገር ለከተማችን የሚያጎናፅፈው ውብ ገፅታ ከፍተኛ መሆኑን ገልፀዋል።

የተውፊቅ(ፍልውሃ) መስጂድ የአዲስ አበባ ከተማ እስልምና ጉዳዮች ከፍተኛ ምክር ቤት ከአልሚ ባለሀብት ሚድሮክ ኢንቨስትመንት ግሩፕ ጋር በመተባበር ከሚያስገነባቸው ውብና ማራኪ መስጂዶች ውስጥ አንዱ ሲሆን በተቀመጠለት የግንባታ ጊዜ እየተከናወነ ይገኛል።

©የቂርቆስ ክ/ከ እስልምና ጉዳዮች ም/ቤት

29/08/2026

28/08/2026

የፍልውሃ ተውፊቅ መስጂድ ግንባታ አሁናዊ ገፅታ

17/08/2026

የአዲስ አበባ ከተማ እስልምና ጉዳዮች ከፍተኛ ምክር ቤት 1ኛ ዓመት የስራ ዘመን 2ኛ መደበኛ ጠቅላላ ጉባዔውን ማካሄድ ጀመረ

​አዲስ አበባ — ነሐሴ 11/2018 ዓ.ል

​የአዲስ አበባ ከተማ እስልምና ጉዳዮች ከፍተኛ ምክር ቤት የ1ኛ ዓመት የስራ ዘመን 2ኛ መደበኛ ጠቅላላ ጉባዔውን ማካሄድ መጀመሩን አስታወቀ።

​በጉባዔው መክፈቻ ላይ የጠቅላላ ጉባኤ አባላት፣ የፌደራል መጅሊስ አመራሮች፣ የክብር ጥሪ የተደረገላቸው ዑለሞች፣ ዱዓቶች፣ የአዲስ አበባና የክፍለ ከተማ ወጣቶች ካውንስል አመራሮች እንዲሁም ሌሎች የተከበሩ እንግዶች ተገኝተዋል።

​የአዲስ አበባ ከተማ እስልምና ጉዳዮች ከፍተኛ ምክር ቤት ፕሬዝደንት ሼህ ሱልጣን አማን ኤባ በጉባዔው ላይ ባደረጉት ንግግር፥ "ጠቅላላ ጉባኤያችን መለኮታዊ ድንጋጌን መሠረት አድርገን በአደራዎቻችን ላይ የምንመክርበት ይሆናል" ብለዋል።

​በጉባዔው አጠቃላይ አፈጻጸሞች ላይ ከተመከረ በኋላ፣ ምክር ቤቱ ለቀጣዩ የሥራ ዘመን የሚከተሉትን አራት ዋና ዋና የትኩረት አቅጣጫዎች ይፋ አድርጓል፦

​ተቋማዊ አሠራርን እስከ ታችኛው መዋቅር ማድረስ፦ የጀመረውን ተቋማዊ ሪፎርም፣ ህጎችና መመሪያዎች እስከ ወረዳ፣ መስጂድና መድረሳ ድረስ በተግባር ማውረድ።

​የተቋሙን የፋይናንስ አቅም ማሳደግና ዘላቂ ሀብት መፍጠር፦ ነባር ሀብቶችን በአግባቡ ከመጠቀም ባሻገር አዳዲስ የገቢ ምንጮችን በመፍጠርና የወቅፍ ልማቶችን በማስፋፋት ዘላቂ የሀብት መሠረት መገንባት።

​የ«ኒዛም» ሶፍትዌርን አጠናቆ ወደ ሥራ ማስገባት፦ ዲጂታል አሰራርን በሁሉም መምሪያዎች ላይ በመተግበር ግልጽነትና ፍጥነትን ማረጋገጥ።

​የሰው ኃይልና የሰላም ግንባታን ማጠናከር፦ የወረዳና የመስጂድ አመራሮች በተቋማዊ አሠራር፣ በአመራር ብቃት፣ በግጭት አፈታትና በማኅበረሰብ ትስስር ዙሪያ በቂ እውቀት እንዲኖራቸው ማድረግ።

​በመርሐ-ግብሩ ላይ የተገኙት የኢትዮጵያ እስልምና ጉዳዮች ጠቅላይ ምክር ቤት ፕሬዝደንት ሼህ ሐጂ ኢብራሂም ቱፋ በበኩላቸው፥ የአዲስ አበባ መጅሊስ በከተማዋ የተለያዩ ውጤታማ ስራዎችን ማከናወኑን ገልጸዋል። በተሠራው ስራም የተለያዩ ባሕሪይ ባለው የአዲስ አበባ ከተማ ውስጥ የነበሩ ችግሮች እየተቀረፉ መሆኑን ጠቁመው፣ ይህ ስራ ተጠናክሮ መቀጠል እንዳለበት አሳስበዋል።

​አያይዘውም፥ "ኢማሞቻችን እና ሌላው የማሕበረሰብ ክፍል የሚቸገርባቸውን ጉዳዮች ለማቃለል ተቋማችንን በልዩ ልዩ አቅም ማጠናከር ይገባል። በውይይት አጀንዳዎቻችን ሀገራዊ ለውጥን እያጠናከርን በቀጣይ በጋራና በትብብር እንሠራለን" ሲሉ መልዕክታቸውን አስተላልፈዋል።

15/08/2026

⚽️ የቂርቆስ ክፍለ ከተማ እስልምና ጉዳዮች የወጣቶች የእግር ኳስ ውድድር ፍጻሜ! ⚽️
​አሰላሙ አለይኩም ወራህመቱሏሂ ወበረካትሁ
​ለተከታታይ ሁለት ሳምንታት በቂርቆስ ክፍለ ከተማ ወጣቶች መካከል ሲካሄድ የቆየው አጓጊው የእግር ኳስ ውድድር ወደ ፍጻሜ ደርሷል!

​ይህ ውድድር በቂርቆስ ክፍለ ከተማ እስልምና ጉዳዮች ምክር ቤት አዘጋጅነት የተከናወነ ሲሆን፣ ወጣቶችን በአንድነት ለማስተሳሰርና የስፖርት ተሰጥኦአቸውን ለማሳደግ ታላቅ አስተዋጽኦ ሲያደርግ ቆይቷል።
​🌟 የፍጻሜው ፕሮግራም ዝግጅት
​የፍጻሜው ጨዋታ ነገ እሁድ ከቀኑ 7:30 ጀምሮ ካዛንቺስ በሚገኘው "አዲስ ስፖርት ፓርክ" ወረዳ 08 ከወረዳ 03 ጋር በደመቀ ሁነታ ይካሄዳል!
​ከዋናው የፍጻሜ ጨዋታ በፊትም ታዳሚውን የሚያዝናኑ የተለያዩ ስፖርታዊ እና መዝናኛ ዝግጅቶች የተዘጋጁ መሆኑን በደስታ እንገልጻለን።

​🎖️ የተከበሩ እንግዶቻችን
​በዚህ ደማቅ ሁነታ ላይ፦
የአዲስ አበባ እስልምና ጉዳዮች አመራሮች፣
​የክፍለ ከተማ አስተዳደር ከፍተኛ አመራሮች፣
​የክፍለ ከተማው እና የወረዳው የእስልምና ጉዳዮች ኃላፊዎች፣
​ጥሪ የተደረገላቸው ታዋቂ የስፖርት ተምሳሌቶች እንዲሁም የስፖርት አፍቃሪዎች የሚገኙ ይሆናል።

15/08/2026

09/08/2026

⚽️ የክፍለ ከተማው ወጣቶች ካውንስል የእግር ኳስ ውድድር ወቅታዊ መረጃ! ⚽️

​ሐሙስ ዕለት በይፋ የተጀመረው የክፍለ ከተማው ወጣቶች ካውንስል የእግር ኳስ ውድድር መርሃ ግብር ቀጥሎ ዛሬም አጓጊ ጨዋታ ተካሂዷል!
​📊 የዛሬ ዕለት የጨዋታ ውጤት
​ወረዳ 07 5 - 1 ወረዳ 09 (ወረዳ 07 በሰፊ ውጤት አሸንፏል)

28/07/2026

የክፍለ ከተማው ወጣቶች ካውንስል የሚያዘጋጀው የወጣቶች የእግር ኳስ ወድድር ሃሙስ 23/11/2018 ይጀምራል።
ለውድድሩ የሚሆኑ አስፈላጊ የቅድመ ዝግጅት ስራዎች መጠናቀቃቸውን የክፍለ ከተማው ወጣቶች ሰብሳቢ ወጣት ኑርአህመድ መንሱር ገልፀዋል።

25/05/2026

የአረፋ ቀን ፆም መፆም እንዳንዘነጋ!

ከአቢ ቀታዳ ተይዞ: ነቢዩ (ﷺ) ስለ አረፋ ቀን ፆም ተጠይቀው እንዲህ ብለዋል፦

﴿يُكَفِّرُ السَّنَةَ الماضِيَةَ والْباقِيَةَ﴾

“ያለፈውንና የመጪውን አመት ወንጀል ያስምራል።”

📚 ሙስሊም ዘግበውታል: 1162

ማስታወሻ፦ የአረፋ ቀን ፆም የሚፆመው ነገ ማክሰኞ ግንቦት 18 ነው።