West Hararghe High Court

30/09/2026

Yaadachiisa Guyyaa baniinsa
Hojii Manneen Murtii Ola'aanaa Godina Hararghee Lixaa.
***************
**************
Murtii Ola'aanaa Godina Hararghee Lixaa Fuulbana 21/01/2019 hojilee idilee isaani guutumatti ni jalqabu.

Dhimmaa Keenya hundaaf Sababa Boqonnaa Waggaa Abbootii Seeraatiif Manneen Murtii Keenya Dhimmoota Arifachiisoo malee ,Hojii idilee ji'oota lamaaf gamisaan cufamanii turan.Guyyaa boruu Fuulbana 21/1/2019 hojii idilee isaa guutumatti waan jalqabuuf akkaTajaajilamtan Isin beeksifna.

26/09/2026

BAGA GEESSAN!!

Murtii Ol’aanaa Godina Harargee Lixaa hordoftoota amantaa Kiristaanaa maraan Baga Ayyaana Masqalaa geessan jechaa, ayyaanichi kan nagaa, jaalala fi gammachuu isiniif akka ta’u hawwii isaa ibsa.

AYYAANA GAARII!!

Mana Murtii Ol’aanaa Godina Harargee Lixaa

⚖️⚖️⚖️⚖️⚖️⚖️⚖️⚖️⚖️⚖️

የምዕራብ ሐረርጌ ከፍተኛ ፍርድ ቤት ለክርስትና እምነት ተከታዮች ሁሉ እንኳን ለመስቀል በዓል በሰላም አደረሳችሁ እያለ፣ በዓሉ የሰላም፣ የፍቅርና የደስታ እንዲሆንላችሁ መልካም ምኞቱን ይገልጻል።

መልካም በዓል!!

የምዕራብ ሐረርጌ ከፍተኛ ፍርድ ቤት

⚖️⚖️⚖️⚖️⚖️⚖️⚖️⚖️

24/09/2026

Fuulbana 14/1/2019
÷÷÷÷÷÷÷÷÷÷÷÷÷÷÷÷÷
Koreen Ittisa Farra Ragaa Sobaa Hundeeffameera
=================
Manni Murtii Aanaa Gubbaa Qorichaa Magaalaa Kommoonaatti Koree Ittisa Farra Ragaa Sobaa Hundeesseera.

Koreen hundeeffame Qaamolee Hawaasaa Adda addaa Irraa Kan hundeeffame Yoo tahu Abbootii Amantaa, Abbootii Gadaa,Jaarsolee biyyaa Haadha siinqee Fkk Irraa hundeeffameera.

Hundeeffama Koree Kanaa boodan gahee fi Itti Gaafatamummaan koree Kanaa maal Akka tahe Hubannoon kennameera.
Dhumarratti Maalummaa Ragaa Sobaa fi Miidhaa Ragaan Sobaa Qaqqabsiisu fi mala Ittisa Ragaa Sobaa Irratti hubannoon kennameera.

Waliin Taanee Kaansarii Sirna Haqaa Kan tahe Ragaa Sobaa fi Dallaala Abbootii Dhimmaa Dhamaasu fi Hanna haa ittisnuu jechaa

Haqaaf Haqaan haa hojjennuun Dhaamsa Keenya.

©MM Aanaa Gubbaa Qorichaa
Kemmoona

19/09/2026

Leenjiin Moosaajii OICCMS Qaamolee Haqaa Adda Addaatiif Kenname.
~~☆☆☆☆~

📍 Fulbaana 9, 2019 | Ciroo

Manni Murtii Ol’aanaa Godina Harargee Lixaa, mul’ata tajaajila haqaa ammayyaa, saffisaa, iftoomaa fi waraqa maleessa taasisuuf qabame dhugoomsuuf, hojiiwwan garaagaraa hojjechaa jira. Bu'uurak kanaan, Moosaajii OICCMS (Oromia Integrated Court Case Management System) irratti leenjii qaamolee haqaa, dubbii fixootaa, abukaattota dhuunfaa fi qaamolee mootummaa adda addaatiif kennamaa jira.

Sagantaa leenjii irratti Haasaa baniinsaa kan taasisan bakka bu'aan Pirezidaantiin Mana Murtii Ol’aanaa Godina Harargee Lixaa, Kabajamoo Obbo Abdurahim Mahammad, qaamoleen haqaa fi qooda fudhattoonni waggoota darban keessatti gara tajaajila haqaa waraqa maleessaatti ceesisuuf taasisaa turan hojii milkaa’aa hojjachaa turaniif galateeffachuun, bara kanaas OICCMS hojii irra oolchuun tajaajila haqaa dijitaalessuu cimsuuf gaheen hirmaattotaa olaanaa tahu ibsani, leenjichaan hubannoo argatan hojii irra oolchuun, hawaasaaf tajaajila haqaa ammayyaa ta’e kennuuf leenjicha dammaqinaan hordofuu akka qaban dhaamaniiru.

👨‍💻 Leenjicha kan kennan Ogeessa TQO Mana Murtii Ol’aanaa Godina Harargee Lixaa Obbo Magarsaa Abdusalam fi Ahmad yoo ta’an, leenjichi haala hubannoo fi shaakala irratti xiyyeeffateen kennamee jira.

Hirmaattonni leenjichaas, leenjichi hubannoo isaanii cimsuu fi OICCMS hojii keessatti sirnaan fayyadamuuf kan isaan dandeessisu ta’uu ibsuun, moosaajicha manneen hojii isaanii keessatti fi dhuunfadhaan shaakaluun hojii irra kan oolchan tahu ibsaniru.

☆☆MMOGHL☆☆☆

19/09/2026

Marii Karoora Waggaa Bara 2019 fi Leenjii ICCMS Hawaasa Mana Murtiif Kenname

Fuulbana 7, 2019 Qunnee

Manni Murtii Aanaa Gammachiis dandeettii raawwachiisummaa Mana Murtii Hawaasaa cimsuuf karoora hojii waggaa bara 2019 irratti bal’inaan mari’ateera. Marii kana booda dursitoota garee fi abbootii adeemsa waliin waliigaltee raawwii hojii mallatteessuun walharkaa fuudhiinsi taasifameera.

Dabalataanis, leenjiin Moosaajii ICCMS kan Mana Murtii Waliigalaa Oromiyaa (MMWO) misoome abbootii seeraa, ofiseerota seeraa, muudamtoota biroo fi hojjettoota Mana Murtii Aanaa Gammachiis hundaaf kennameera.

Leenjichi gochaan deeggaramee kan kenname ta’uu isaatiin hubannoo hirmaatotaa guddisuu keessatti gargaarsa guddaa akka qabu hirmaattonni ibsaniiru. Akkasumas, moosaajicha dabalataanis dhuunfaan shakaluudhaan hojiirra oolchuuf qophii ta’uu isaanii mirkaneessani jiru.

18/09/2026

𝐒𝐢𝐫𝐧𝐚 𝐖𝐚𝐥𝐡𝐚𝐫𝐤𝐚𝐚 𝐅𝐮𝐝𝐡𝐢𝐧𝐬𝐚 𝐊𝐚rooraa 𝐆𝐚𝐠𝐠𝐞𝐞𝐟𝐟𝐚𝐦𝐞.
•••••••☆☆☆☆•••••
Fuulbana, 6, 2019. MMOGHL.

Mana Murtii Olaanaa Godina Harargee Lixaa keessatti sirni mallattoo fi walharkaa fudhinsa karoora hojii Qindeessitootaa fi Dursitoota Garee Mana Murtii Olaanaa Godina Harargee Lixaa waliin gaggeeffame.

Karoora hojii BIX bara 2019 qophaa’e, Qindeessitootaa fi Dursitoota Gareetiin erga dhiyaatee booda, irratti mariin bal’aan gaggeeffameera. Itti aansuun, Kabajamoo Pirezidaantii Mana Murtii Olaanaa Godina Harargee Lixaa, Obbo Mahammad Abdurahmaan, fi Qindeessitoota gidduutti waliigalteen mallatteeffamee, walharkaa fudhinsi karoora hojii taasifamee jira.

Bu'uuruma kanaan, karoorri hojii kun sadarkaa nama dhuunfaatti gad bu’ee, walharkaa akka fuudhamu fi Haaluma karoorfameen raawatamuu akka qabu, akkasumas milkaa’ina karoora kanaatiif ciminaan hojjechuun barbaachisaa ta’uu ergaan dabaree sagantaan milkaa'inaan xummurame jira.
☆☆ 𝐌𝐌𝐎𝐆𝐇𝐋 ☆☆

13/09/2026

Qaama Dhimmi ilaaluuf.

10/09/2026

01/09/2026

𝐋𝐞𝐞𝐧𝐣𝐢𝐢𝐧 𝐌𝐨𝐨𝐬𝐚𝐚𝐣𝐢𝐢 𝐒𝐢𝐫𝐧𝐚 𝐁𝐮𝐥𝐜𝐡𝐢𝐢𝐧𝐬𝐚 𝐃𝐡𝐢𝐦𝐦𝐚 𝐐𝐢𝐧𝐝𝐚𝐚𝐰𝐚𝐚 𝐌𝐚𝐧𝐧𝐞𝐞𝐧 𝐌𝐮𝐫𝐭𝐢𝐢 𝐎𝐫𝐨𝐦𝐢𝐲𝐚𝐚 𝐊𝐞𝐧𝐧𝐚𝐦e.
☆☆☆☆☆☆☆

𝐇𝐚𝐚𝐠𝐚𝐲𝐲𝐚 21, 2018 – 𝐂𝐢𝐫𝐨𝐨

Manni Murtii Ol’aanaa Godina Harargee Lixaa, Moosaajii Sirna Bulchiinsa Qindaawaa Dhimma Manneen Murtii Oromiyaa (Oromia Integrated Court Case Management System – OICCMS) irratti leenjii marsaa 2ffaa kennamee jira.

Leenjichi kun abbootii seeraa, ofisaroota seeraa fi hojjettoota bulchiinsaa Manneen Murtii Aanaalee fi Mana Murtii Ol’aanaa hirmaachiauun magaalaa Cirootti kennamaa turee. Pirezidaantiin Mana Murtii Ol’aanaa Godina Harargee Lixaa, Kabajamoo Obbo Mahammad Andurahman, sagantaa baniinsa leenjichaa irratti argamuun haasaa baniinsaa taasisaniiru.

Haasaa isaaniin, kenninsa tajaajila abbaa seerummaa gara sirna waraqa-maleessaatti ceesisuuf tarsiimoo Manni Murtii Waliigalaa Oromiyaa qabatee hojjechaa jiru milkeessuu keessatti Moosaajiin Sirna Bulchiinsa Qindaawaa Dhimma Manneen Murtii Oromiyaa gahee olaanaa akka qabu ibsaniiru.

Kanaafuu, hirmaattonni leenjichaa leenjii isaaniif kennamu hanga xumuraatti xiyyeeffannoo fi itti-gaafatamummaa olaanaadhaan hordofuun, erga gara hojii isaaniitti deebi’anii booda beekumsa fi dandeettii leenjichaan argatan hojii irra oolchuu akka qaban dhaamaniiru.

Leenjichi Ogeessa TQO Mana Murtii Ol’aanaa Godina Harargee Lixaa, Obbo Magarsaa Abdusalam, fi Ofisara Seeraa, Obbo Girmaa Taagasaatiin guyyaa lamaaf kennamaa turee xummurame jira.

Leenjichi kun hojiirra oolmaa sirna dijitaalaa keessatti dandeettii abbootii seeraa fi hojjettootaa cimsuun, bulchiinsa dhimma mana murtii saffisaa, qindaa’aa fi iftoomina qabu mirkaneessuuf akkasumas tajaajila haqaa ammayyeessuuf gumaacha olaanaa qaba jedhamee eegama.

☆☆☆MMOHHL☆☆☆

28/08/2026

𝐒𝐢𝐫𝐧𝐚 𝐌𝐚𝐥𝐥𝐚𝐭𝐭𝐨𝐨 𝐟𝐢 𝐖𝐚𝐥𝐡𝐚𝐫𝐤𝐚𝐚 𝐅𝐮𝐝𝐡𝐢𝐧𝐬𝐚 𝐖𝐚𝐥𝐢𝐢𝐠𝐚𝐥𝐭𝐞𝐞 𝐊𝐚𝐫𝐨𝐨𝐫𝐚 𝐁𝐚𝐫𝐚 2019 𝐌𝐚𝐧𝐧𝐞𝐞𝐧 𝐌𝐮𝐫𝐭𝐢𝐢 𝐆𝐨𝐝𝐢𝐧𝐚 𝐇𝐚𝐫𝐚𝐫𝐠𝐞𝐞 𝐋𝐢𝐱𝐚𝐚 𝐆𝐚𝐠𝐠𝐞𝐞𝐟𝐟𝐚𝐦𝐞.
•••••••☆☆☆☆•••••
𝐀𝐝𝐨𝐨𝐥𝐞𝐞𝐬𝐬𝐚, 21, 2018.

Mana Murtii Olaanaa Godina Harargee Lixaa sirna mallattoo fi walharkaa fudhinsa waliigaltee karoora hojii bara 2019, Manneen Murtii Aanaalee Godinichaa waliin gaggeesse.

Sagantaa kanaan, Karoora BIX Bara 2019 kanaan dura irratti mariin taasifamee kan ture yoo ta’u, guyyaa har’aa immoo bakka Kabajamoo Pirezidaantii Mana Murtii Olaanaa Godina Harargee Lixaa, Obbo Mahammad Abdurahmaan, argamanitti, Pirezidaantoota Manneen Murtii Aanaalee waliin sirni mallattoo waliigaltee karoora hojii bara 2019 gaggeeffameera.

Kabajamoo Pirezidaantiin, Manneen Murtii Aanaalee tajaajila Abbaa Seerummaa dhaqqabamaa fi qulqullina qabu kennuuf, hojii Godinichatti jalqabame jiru daran cimsuun xiyyeeffannoo addaa kennanii hojjechuu akka qaban kallattii kennaniiru. Akkasumas, manneen murtii bakka hojii mijaataa fi taasisuuf amma irraa eegalee hojjechuu akka qaba jechuun kallatti kennaniru.

Kanumaan, sirni mallattoo waliigaltee fi walharkaa fudhinsa karoora hojii bara 2019 milkaa’inaan xumurameera.

☆☆𝐌𝐌𝐎𝐆𝐇𝐋☆☆