Felege Hiwot Comprehensive Specialized Hospital

13/10/2026

አስደሳች ዜና !!!

የፈለገ ህይወት አጠ/ስፔ/ሆስፒታል ከCure Blindness ከተባለ ግብረ ሰናይ ድርጅት ጋር በመተባበር በቀጣይ ከህዳር1-ህዳር 6/2019 ዓ/ም ድረስ ነፃ የአይን ሞራ ግርዶሽ ቀዶ ህክምና አገልግሎት ይሰጣል።

በዚህ መሰረት የቅድመ ልየታ ስራው
1. በአዴት ሞጣ ከጥቅምት 14 -15/2019 ዓ/ም
2.መራዊ ወረታ እና አንበሳሜ ጤና ጣቢያ ከጥቅምት 21-22/2019 ዓ/ም
3.ባህርዳር ፈለገ ህይወት አጠ/ስፔ/ሆስፒታል ከጥቅምት 23-30/2019 ከየትኛውም አካባቢ ለሚመጡ የማህበረሰብ ክፍሎች የልየታ ስራ ይሰራል።

ስለሆነም በርካታ ወገኖቻችን የአይን ብርሀናቸው እንዲመለስ ለማድረግ በዚህ ልምድ ባላቸው እንቁ ባለሙያወች ቡድን በሚሳተፉበት ነፃ የአይን ዘመቻ ህክምና አገልግሎት ተጠቃሚ እናድርግ።

መረጃውን ለሁሉም ወገኖቻችን እንዲደርስ በማድረግ የድርሻችን እናግዝ።

12/10/2026

የፈለገ ህይወት አጠ/ስፔ/ሆስፒታል ከ Operational International ከተባለ አለም አፍ የበጎ አድራጎት የሀኪሞች ስብስብ ጋር በጋራ በመሆን በቀጠሮ ላይ በርካታ ህሙማን አገልግሎት በመስጠት የተጠናቀቀ ሲሆን ይህም በቅርቡ ባለን ስምምነት መሰረት ዘመቻው በቅርቡ የሚሰጥ ይሆናል።

በተመሳሳይ ሆስፒታሉ ከ light for the world ጋር በመተባበር ከ640 በላይ ለሚሆኑ ወገኖች የቀዶጥገና አገልግሎት መስጠት ለበርካታ ወገኖቻችን ከፍተኛ ችግር ለመቅረፍ ተችሏል።

03/10/2026

ለ6ዓመት የቆየን ስቃይ እፎይታ የሰጡ የተባረኩ እጆች

ለ6 ዓመታት የቆየ የሆድ እብጠት ችግር የነበራት ዕድሜዋ 40 ዓመት የሆነች ሴት ታካሚ ወደ ፈለገ ህይወት አቃላይ ስፔሻላይዝድ ሆስፒታል በሪፈር በከፍተኛ ስቃይ መጣች።

አስፈላጊው ምርመራ ከተደረገላት በኋላ፣ ከትልቅ አንጀት እና ከአንጀት ሽፋን የተነሳ፣ እንዲሁም ትንሽ አንጀትንና ጨጓራን ያካተተ ከ 15 ኪሎ ግራም በላይ የሚሆን በፍጥነት የሚሰራጭ የካንሰር ዕጢ
በተሳካ ሁኔታ ተቆርጦ ተወግዷል።

በመቀጠልም የተቆረጠው ትልቅ አንጀት እርስ በእርስ እንዲገናኝ (Colocolic anastomosis) እና የትንሽ አንጀት ፈሳሽ ማዞሪያ (ideal diversion) ተሰርቶላታል።

ይህም የተሳካ ከፍተኛ ቀዶ ጥገና የሰሩ
1-ዶ/ር ቢኒያም አየለ (GI Surgeon)
2-ዶ/ር ነፃነት (Anesthesiologist )
3-ደርሶ(Anesthetist)
እንዲሁም የነርስ team ምስጋና ይገባቸዋል።

02/10/2026

ለክቡራን ተገልጋዬቻችን አንኳን ደስ አላችሁ!!!

የፈለገ ህይወት አጠቃላይ ስፔሻላይዝድ ሆስፒታል ከ Operational International ድርጅትና ከአብክመ ጤና ቢሮ ጋር በመቀናጀት ለበርካታ ጊዜ ወረፋ ለሚጠብቁ ህሙማን ችግር የሚፈታ የከፍተኛ ቀዶ ጥገና አገልግሎት ከመስከረም 23/01/2019 ጀምሮ በነፃ መስጠት ይጀምራል።

ከተለያዩ የአለም አገራት የተውጣጡ የውጭ ሀገር ስመ ጥር ሀኪሞች ከሙሉ የህክምና ግብአት ታግዞ የነፃ የቀዶ ጥገና አገልግሎት በተለያዩ የህክምና ዘርፎች የሚሰጡ ሲሆን የተቋሙ አመራሮች በባህርዳር ደጃዝማች በላይ ዘለቀ አለም አቀፍ አየር ማረፊያ በመገኘት ሞቅ ያለ አቀባበል ተደርጎላቸዋል።

21/09/2026

አስደሳች ዜና !!!
በፈለገ ህይወት አጠ/ስፔ/ሆስፒታል ነፃ የአይን ሞራ ግርዶሽ ቀዶ ጥገና ህክምና አገልግሎት በዘመቻ ሊሰጥ ነው!!!

የፈለገ ህይወት አጠቃላይ ስፔሻላይዝድ ሆስፒታል ነፃ የአይን ሞራ ግርዶሽ ቀዶ ጥገና በማዘጋጀት በተከታታይ ሲሰጥ የቆየ መሆኑ ይታወቃል አሁንም ካለው ከፍተኛ የአገልግሎት ፈላጊ ቁጥር አንፃር
ለአገልግሎት ፈላጊው ማህበረሰብ በሙሉ ነፃ ዘመቻ ለመስጠት ዝግጂቱን አጠናቋል።

በመሆኑም ሆስፒታሉ Light For The world ከተባለ ግብረ ሰናይ ጋር በመተባበር

1. የዓይን ህክምና ዘመቻ ልየታ ከመስከረም 18-25/2019 ዓ.ም

2. የቀዶ ጥገና ህክምና አገልግሎት ከመስከረም 25/2019 ዓ.ም እስከ ጥቅምት 02/2019 ዓ.ም የሚሰጥ ይሆናል።

ስለሆነም መረጃውን ለሚመለከታቸው ደንበኞችና ተገልጋዬች በማድረስ የአይን ብርሀናቸው እንዲመለስ በማድረግ እንተባበር ዘንድ እንጠይቃለን።

20/09/2026

እንኳን ደስ አላችሁ🙏
​የፈለገ ህይወት አጠቃላይ ስፔሻላይዝድ ሆስፒታል በጤና ስርዓት ማነቆ ማሻሻያ (System bottleneck focus reform / SBFR) ባስመዘገበው የላቀ አፈፃፀም ከጤና ሚኒስቴር outstanding performance in system innovation ከፍተኛ ተሻላሚ በመሆን እውቅናና የምስክር ወረቀት ተበርክቶለታል።

​የጤና ሚኒስቴር በአዳማ ከተማ ባካሄደው የ2018 ዓ.ም እቅድ አፈፃፀም ግምገማ እና የ2019 ዓ.ም እቅድ ትውውቅ መድረክ ላይ በሀገር አቀፍ ደረጃ ከተመረጡ ሆስፒታሎች መካከል የተሻለ አፈፃፀም በማሳየቱ ይህ ከፍተኛ እውቅና ተበርክቶለታል
።
​ይህ የተገኘው ውጤት የመጀመሪያውን ምዕራፍ ተደራሽ ያደረገ ሲሆን፣ ለቀጣዩ ምዕራፍ (Next Phase Accreditation) ስራዎች ስኬት ትልቅ መነሳሳትን የሚፈጥር ነው።

​ለዚህ ስኬት የሆስፒታሉ አመራሮች፣ የሆስፒታሉ የማኔጅመንት አባላት የህክምና ባለሙያዎች እና መላው ሰራተኞች ላደረጋችሁት ከፍተኛ ጥረትና ትጋት እያመሰገንን፤ በድጋሚ እንኳን ደስ ያላችሁ 🙏🙏🙏

11/09/2026

እንኳን ለአዲሱ ዓመት 2019 ዓ/ም አደረሳችሁ መልካም አዲስ ዓመት

06/08/2026

06/08/2026