South Ethiopia Region Road Authority

Website

South Ethiopia Region Road Authority Official page of South Ethiopia Region Road Authority
(1)

የሜላ–ጵዝጎ 23 ኪ.ሜ የገጠር ጠጠር መንገድ ግንባታ በተፋጠነ ሁኔታ እየተሠራ መሆኑን የደቡብ ኢትዮጵያ ክልል መንገዶች ባለሥልጣን የሣውላ ዲስትሪክት ሥራ አስኪያጅ የተከበሩ አቶ ፍጹም ጳውሎ...
13/11/2026

የሜላ–ጵዝጎ 23 ኪ.ሜ የገጠር ጠጠር መንገድ ግንባታ በተፋጠነ ሁኔታ እየተሠራ መሆኑን የደቡብ ኢትዮጵያ ክልል መንገዶች ባለሥልጣን የሣውላ ዲስትሪክት ሥራ አስኪያጅ የተከበሩ አቶ ፍጹም ጳውሎስ ገለጹ

ህዳር 02/2019 ዓ.ም

በደቡብ ኢትዮጵያ ክልል፣ በጎፋ ዞን በዛላ እና በደምባ ጎፋ ወረዳዎች የሚገኙ 9 ቀበሌዎችን የሚያስተሳስረው የ23 ኪ.ሎ ሜትር የሜላ–ጵዝጎ የገጠር ጠጠር መንገድ የግንባታ ሂደት በመስክ ምልከታ ተገምግሟል።

የመስክ ምልከታው ዋና ዓላማ የፕሮጀክቱን የአሁኑን የአፈጻጸም ደረጃ፣ የሥራ ፍጥነትና ጥራት በቦታው በመገኘት መገምገም እና ቀሪ ሥራዎች በተቀናጀ ሁኔታ እንዲጠናቀቁ አቅጣጫ መስጠት ነው።

በምልከታው ወቅት የደቡብ ኢትዮጵያ ክልል መንገዶች ባለሥልጣን ምክትል ዋና ዳይሬክተር እና የመንገድ አስተዳደርና ጥራት ቁጥጥር ዘርፍ ኃላፊ ክቡር አቶ እልጉ እንጂ እንደገለጹት፣ የመንገዱ ግንባታ በ45 ቀናት ውስጥ በፍጥነትና በጥራት ተጠናቆ ለማኅበረሰቡ አገልግሎት እንዲሰጥ የሚያስችል አቅጣጫ ተቀምጧል።

መንገዱ በዛላ እና በደምባ ጎፋ ወረዳዎች ቀበሌዎችን በማስተሳሰር የአካባቢውን የመጓጓዣ፣ የገበያና የምርት ትስስር እጅግ የሚያጠናክር በመሆኑ፣ ግንባታው መጠናቀቁ የማኅበረሰቡን አጠቃላይ የልማት ተጠቃሚነት በከፍተኛ ደረጃ እንደሚያሳድገው ተገልጿል።

የደቡብ ኢትዮጵያ ክልል መንገዶች ባለሥልጣን የሣውላ ዲስትሪክት ዋና ሥራ አስኪያጅ የተከበሩ አቶ ፍጹም ጳውሎስ በበኩላቸው፣ የመንገዱ ሥራ በፍጥነትና በጥራት እየተከናወነ መሆኑን ጠቁመው፤ ቀደም ሲል ያጋጠሙ የሥራ እንቅፋቶችን በመሻገር ሥራዎቹን እያፋጠኑ እንደሚገኙ ገልጸዋል።

የዛላ ወረዳ ዋና አስተዳዳሪ የተከበሩ አቶ ምስራቅ በላቸው፣ በበኩላቸው «መንገድ የልማት ሁሉ መሠረት ነው» በማለት በዞኑ እየተከናወነ ያለው የመንገድ ሥራ እጅግ አበረታች መሆኑን ገልጸዋል። በመስክ ጉብኝቱ የፕሮጀክቱ አፈጻጸም በዝርዝር ተገምግሞ፣ ቀሪ ሥራዎች በተፋጠነ ሁኔታ፣ በተፈለገው ጥራትና በተቀናጀ ክትትል እንዲጠናቀቁ የጋራ ስምምነት ላይ ተደርሷል።

የመንገድ ሥራ ሳይት መሐንዲሶችና ባለሙያዎች በበኩላቸው የፕሮጀክቱ ፣ የመንገድ ጠረጋና ጠጠር ማልበስ ሥራው 95 በመቶ ተጠናቆ የድልድይ ግንባታ እየተከናወነ እንደሆነ ገልጸዋል። በዚህም መሠረት፡- የኤልሴ ድልድይ የመሠረት ድጋፍ (Abutment) እና የመንገድ መጋጠሚያ ሙሌት (Approach fill) ሥራ ተጠናቆ የጣራ ወይም የወለል ሙሌት (Slab) ሥራ ብቻ እንደሚቀረው፣ የላስቴ እና የማላንጋ ድልድዮች ደግሞ የግንባታ ቁሳቁስ (Material) የማምረትና የማዘጋጀት ሥራ እየተጠናቀቀ መሆኑን አስረድተዋል።

በአጠቃላይ በዛላ እና በደምባ ጎፋ ወረዳዎች የሚገኙ 9 ቀበሌዎችን የሚያስተሳስረው የ23 ኪ.ሜ ሜላ-ጵዝጎ የገጠር ጠጠር መንገድ ግንባታ ቀደም ሲል ያጋጠሙ ችግሮችን በመሻገር፣ በየደረጃው በሚገኙ አመራሮች የተቀናጀ ክትትልና በግልጽ በተቀመጠ አቅጣጫ መሠረት በ45 ቀናት ውስጥ በጥራትና በፍጥነት ተጠናቆ ለማኅበረሰቡ አገልግሎት ለመስጠት በተፋጠነ ሁኔታ እየተከናወነ ይገኛል።

በመስክ ምልከታው ወቅት የደቡብ ኢትዮጵያ ክልል መንገዶች ባለሥልጣን ምክትል ዋና ዳይሬክተር እና የመንገድ አስተዳደርና ጥራት ቁጥጥር ዘርፍ ኃላፊ ክቡር አቶ ኢልጎ እንጂ ፤ የደቡብ ኢትዮጵያ ክልል መንገዶች ባለሥልጣን የሣውላ ዲስትሪክት ሥራ አስኪያጅ የተከበሩ አቶ ፍጹም ጳውሎስ፤ የክልሉ መንገዶች ባለሥልጣን ግንባታ ዘርፍ ባለሙያ የሆኑት ወ/ሮ መቅደስ ወልቃ፤ የዛላ ወረዳ ዋና አስተዳዳሪ ክቡር አቶ ምስራቅ በላቸው፤ የወረዳው አስተባባሪ አካላት፣ እንዲሁም የመንገድ ሥራ ሳይት መሐንዲሶችና ባለሙያዎች ተገኝተዋል።‎

ከደቡብ ኢትዮጵያ ክልል መንገዶች አስተዳደር ዘርፍ የመጡ አካላት የሌማሴ ድልድይ ያለበትን ደረጃ መስክ ምልከታ አደረጉህዳር 04/2019የደቡብ ኢትዮጵያ ክልል መንገዶች አስተዳደር ዘርፍ ኃላፊ...
13/11/2026

ከደቡብ ኢትዮጵያ ክልል መንገዶች አስተዳደር ዘርፍ የመጡ አካላት የሌማሴ ድልድይ ያለበትን ደረጃ መስክ ምልከታ አደረጉ

ህዳር 04/2019

የደቡብ ኢትዮጵያ ክልል መንገዶች አስተዳደር ዘርፍ ኃላፊዎች እና የዘርፉ ከፍተኛ ባለሙያዎች በቁጫ አልፋ ወረዳ ዋና አስተዳዳሪ ክቡር አቶ ጉበላ ኦሎሎ የተመራ ልዑክ ቡድን በተገኙበት የሌማሴ ድልድይ ግንባታ የደረሰበትን ደረጃ መስክ ምልከታ አድርገዋል።

በመስክ ምልከታው ቦታ ላይ ተገኝተው ግንባታው ያለበትን ደረጃ ምልከታ ያደረጉት
የክልሉ መንገዶች አስተዳደርና ቁጥጥር ዘርፍ ኃላፊ እና ምክትል ስራ አስኪያጅ የሆኑት አቶ አቶ እልጎ እንጄ እንደገለጹት፥ ፕሮጀክቱ እንደማንኛውም ተራ ድልድይ የሚታይ ሳይሆን የሙሉ ወረዳ ህዝብ የዕለት ተዕለት እንቅስቃሴ እና ተጠቃሚነት የሚወሰንበት በመሆኑ፣ ግንባታው በፍጥነት ተጠናቆ ህብረሰቡን ከነበረበት እንግልት እፎይ ማሰኘት እንደሚገባ አጽንኦት ሰጥተው ተናግረዋል።

ምክትል ስራ አስኪያጁ ጨምረውም ተግባሩ በአጭር ጊዜ ውስጥ እንዲጠናቀቅ ጉዳዩ ከሚመለከታቸው አካላት ጋር የተሻለ መግባባት በመፍጠር ከዚህ ሰዓት ጀምሮ ልዩ ትኩረት ሰጥተን እንሰራለን ብለዋል።

የክልሉ መንገድ ዲዛይን ቁጥጥር ኮንትራት አስተዳደር ቡድን መሪ የሆኑት አቶ ክብሩ በቀለ በበኩላቸው፥ ስራው በጊዜ ተሰርቶ አለመጠናቀቁ ድክመት መሆኑን በልዩነት አንስተው፥ የዚህ 90 ቀን ዕቅድ አካል በማድረግ ቀሪ ውስን ስራዎች ቶሎ ተጠናቅቀው ለአገልግሎት ክፍት እስኪሆኑ ድረስ ክትትል በማድረግ የበኩላቸውን ኃላፊነት እንደሚወጡ አረጋግጠዋል።

የቁጫ አልፋ ወረዳ ዋና አስተዳዳሪ ክቡር አቶ ጉበላ ኦሎሎ በበኩላቸው፥ መንገድ ለአንድ ሀገር ማህበራዊ ትስስር እና ኢኮኖሚያዊ ብልፅግና ቁልፍ መሳሪያ እንደሆነም ጠቁመዋል።

አቶ ጉበላ አክለውም መንገድ የህዝብ ለህዝብ ግንኙነትን ትስስርን ከማጠናከር አኳያ በተለያዩ አካባቢዎች የሚኖሩ ማህበረሰቦች ተገናኝተው ባህላቸውንና ዕሴታቸውን እንዲለዋወጡ እንዲሁም ሀገራዊ አንድነት እንዲጎለብት ይረዳል ስሉ ገልጸዋል።

ስራው በጅምር አከባቢ ጥሩ ተጀምሮ እየሄደ በክፍያ መዘግየት ምክንያት ተግባሩ በሚፈለገው ፍጥነት ወደ ፊት መሄድ አለመቻሉን አስረድተው ከዚህ የተነሳ መዋቅሩ ማግኘት ያለባቸውን አስፈላጊ የሆኑ አገልግሎቶችን እያገኘ አለመሆኑን ዋና አስተዳዳሪው አክለዋል።

እንደ አስተዳዳሪው ገለፃ ለወረዳው አንድ
የመግቢያ እና የመውጫ በር ብቻ በመኖሩ ምክንያት ወረዳው በልዩነት እየተጎዳ መሆኑን ጠቁመው፥ውሃው በሚሞላበት ጊዜ ማንኛውንም ዓይነት አስቸኳይ እና አጣዳፊ ጉዳዮችን መስተናገድ እንደማይቻል አስታውቀዋል።

ዋና አስተዳዳሪው አክለውም ይህ ተጀምሮ በመሃል የተስተጎገለው የድልድይ ግንባታ ስራ ጉዳዩ በሚመለከታቸው አካላት ጠልቃ ገቢነት እና የአጭር ጊዜ ዕቅድ አካል ተደርጎ በመሰራት በአጭር ጊዜ ውስጥ ተጠናቅቆ ለህዝባችን አገልግሎት ክፍት እንዲሆን ጠይቀዋል።

መንገድ ከሌሎች መሰረተ ልማቶች ሁሉ ቅድሚያ የሚሰጠው እና መገናኛ ስለሆነ ከክልል ጀምሮ ጉዳዩ የሚመለከታቸው አካላት ለዚህ ስራ ተፈጻሚነት ልዩ ርብርብ በማድረግና የዘገየው ክፍያ በጊዜ ተፈጽሞ ለህዝባችን በአጭር ጊዜ ውስጥ ምላሽ ሊሰጥ ይገባል ስሉ አሳስበዋል።

በምልከታው ቦታ የደቡብ ኢትዮጵያ ክልል መንገዶች አስተዳደር ዘርፍ ኃላፊ አቶ እልጎ እንጄን ጨምሮ የዘርፉ ከፍተኛ ባለሙያዎች፥ የቁጫ አልፋ ወረዳ ዋና አስተዳዳሪ ክቡር አቶ ጉበላ ኦሎሎን እንዲሁም ሌሎች የወረዳው አስተባባሪ አካላት እና ባለድርሻዎች ተገኝተዋል።

በጋሞ ዞን በምዕራብ ዓባያ ወረዳ የፋራ ጎሣ - ዶኔ - ኤላ -  ጌማ መንገድ የጠጠር ማልበስ ስራ በይፋ ተጀምሯል። ህዳር 4/2019 ዓ/ም በጋሞ ዞን በምዕራብ ዓባያ ወረዳ የፋራ ጎሣ - ዶኔ...
13/11/2026

በጋሞ ዞን በምዕራብ ዓባያ ወረዳ የፋራ ጎሣ - ዶኔ - ኤላ - ጌማ መንገድ የጠጠር ማልበስ ስራ በይፋ ተጀምሯል።

ህዳር 4/2019 ዓ/ም

በጋሞ ዞን በምዕራብ ዓባያ ወረዳ የፋራ ጎሣ - ዶኔ - ኤላ - ጌማ መንገድ የጠጠር ማልበስ ስራ በይፋ ተጀምሯል።

የደቡብ ኢት/ያ ክልል መንገዶች ባለስልጣን ም/ዳይሬክተር አቶ ዘነበ ዛራ ተገኝተው ስራው ያስጀመሩ ሲሆን ዛሬ የተጀመረው ጠጠር የማልበስ ስራ የ100 ቀን ዕቅድ አካል እንደሆነና በ15 ቀናት ውስጥ ለማጠናቀቅ መቆረጡን ተናግረዋል። ስራው ሙሉ በሙሉ በክልሉ ገጠር መንገድ የሚሸፈን መሆኑን ገልፀው የወረዳው መንግስት በቅርብ ርቀት መከታተልና ባለሙያዎችን መደገፍ ያስፈልጋል ብለዋል።

የደቡብ ኢት/ያ ክልል ገጠር መንገድ አርባምንጭ ቅ/ጽ/ቤት ሃላፊ ኢ/ር አማኑኤል ሀርሳ በበኩላቸው የመንገዱ ስራ ብዙ ጠቀሜታ እንዳለው ገልፀው በተቀመጠው ጊዜ እንዲጠናቀቅ የሁላችንንም ርብርብ ይጠይቃል ብለዋል።

የምዕራብ ዓባያ ወረዳ አስ/ር ተወካይ አቶ አበበ ኦይቻ በበኩላቸው መንገዱ ጠጠር መልበሱ መልካም አጋጣሚ እንደሆነ ተናግረው ስራውን በቅርበት መከታተሉንና ባለሙያዎችን መደገፍን እንወጣለን ብለዋል።

የምዕራብ ዓባያ ወረዳ ትራንስፖርትና መንገድ ልማት ጽ/ቤት ሃላፊ አቶ ጳውሎስ ፎላ እንደተናገሩት መንገዱ በ2016ዓ.ም ተከፍቶ እንደነበረ አስታውሰው የገጠሩን ህብረተሰብ ከከተማው ጋር ለማገናኘትና ምርቶችን ወደገበያ ለማቅረብ ያለው ፋይዳ ከፍ ያለ ነው ብለዋል።

አክለውም 14.5ኪ.ሜ የሚሸፍነው ይህ መንገድ በተባለው ጊዜ እንዲጠናቀቅ የበኩላችንን ድርሻ እንወጣለን ብለዋል።

የጎፋ ዞን ዋና አስተዳዳሪ አቶ በላይነህ ባህሩ በደቡብ ኢትዮጵያ ክልል መንገዶች ባለስልጣን እየተሰራ የሚገኘውን የቡልቂ - ዳዳ-ገሀ - ጋዳ የመንገድ ፕሮጀክት ግንባታን ጎበኙህዳር 03/201...
13/11/2026

የጎፋ ዞን ዋና አስተዳዳሪ አቶ በላይነህ ባህሩ በደቡብ ኢትዮጵያ ክልል መንገዶች ባለስልጣን እየተሰራ የሚገኘውን የቡልቂ - ዳዳ-ገሀ - ጋዳ የመንገድ ፕሮጀክት ግንባታን ጎበኙ

ህዳር 03/2019 ዓ.ም

የጎፋ ዞን ዋና አስተዳዳሪ አቶ በላይነህ ባህሩ በደቡብ ኢትዮጵያ ክልል መንገዶች ባለስልጣን እየተሰራ የሚገኘውን የቡልቂ - ዳዳ -ገሀ - ጋዳ የመንገድ መሰረተ ልማት ፕሮጀክት ግንባታ ያለበትን የስራ እንቅስቃሴ ጎብኝተዋል።

የጎፋ ዞን ዋና አስተዳዳሪ አቶ በላይነህ ባህሩ በምልከታው ወቅት እንደገለጹት፣ መንገድ የልማት ሁሉ መሠረት በመሆኑ በወረዳው በክልሉ መንገዶች ባለስልጣን እየተከናወነ ያለው የመንገድ ሥራ አበረታችና ተስፋ ሰጭ መሆኑን ገልፀዋል።

ዋና አስተዳዳሪው አክለውም በወረዳው ያሉ ቀበሌዎች በስፋት ምርት የሚያመርቱ በመሆናቸው፣ ምርቶቹን በቀላሉ ወደ ገበያ ለማድረስ የመንገድ መሠረተ ልማት ወሳኝ መሆኑን ተናግረዋል።

የመንገድ ግንባታ ፕሮጀክቱ በአጭር ጊዜ ውስጥ እንዲጠናቀቅ ከሚመለከታቸው አካላት ጋር በመተባበርና በቅንጅት መሰራት እንዳለበት ያሳሰቡ ሲሆን የመንገዱን ፍሰት ለማሳለጥ በፍጥነት፣ በጥራት እና በተያዘለት የጊዜ ገደብ እንዲጠናቀቅዐአስፈላጊውን ድጋፍ ለማድረግ ዝግጁ መሆናቸውን ገልፀዋል።

የመንገዱ መጠናቀቅ የአካባቢው ምርቶች ወደ ገበያ በቀላሉ እንዲደርሱና የማኅበረሰቡ የልማት ተጠቃሚነት እንዲጨምር ከማድረጉ በተጨማሪ የአካባቢውን የመጓጓዣና የገበያ ትስስር ለማጠናከር የሚያግዝ ወሳኝ የመሰረተ ልማት ሥራ መሆኑ ተጠቁሟል።

በጉብኝቱ የጎፋ ዞን ዋና አስተዳዳሪ አቶ በላይነህ ባህሩ፣ የዞኑ የፖለቲካና ህዝብ ግንኙነት ዘርፍ ኃላፊ አቶ ከተማ ከበደ፣ የደቡብ ኢትዮጵያ ክልል መንገዶች ባለስልጣን የሣውላ ዲስትሪክት ዋና ሥራአስኪያጅ አቶ ፍፁም ጳውሎስን ጨምሮ የዞኑ ከፍተኛ አመራሮች እና የዲስትሪክቱ ባለሙያዎች ተገኝተዋል።

የባለሥልጣኑ የስራ ኃላፊዎች እና ባለሙያዎች ቡድን በጌዴኦ ዞን ይርጋጨፌ ወረዳ እየተከናወነ ያለዉን የመንገድና የድልድይ ግንባታ ፕሮጀክቶች የስራ እንቅስቃሴን ጎበኙኅዳር 2/2019 ዓ.ምየደቡ...
11/11/2026

የባለሥልጣኑ የስራ ኃላፊዎች እና ባለሙያዎች ቡድን በጌዴኦ ዞን ይርጋጨፌ ወረዳ እየተከናወነ ያለዉን የመንገድና የድልድይ ግንባታ ፕሮጀክቶች የስራ እንቅስቃሴን ጎበኙ

ኅዳር 2/2019 ዓ.ም

የደቡብ ኢትዮጵያ ክልል መንገዶች ባለሥልጣን የስራ ኃላፊዎች በጌዴኦ ዞን ይርጋጨፊ ወረዳ በወግዳ ወንዝ በሀዳ እና ቦርጫ አካባቢዎች ግንባታ እየተከናወነ ያሉ ሁለት ድልድዮችን እና በመጠናቀቆ ላይ የሚገኘዉን ቡዱቅሳ-ራሳ-ቱሊሴ 48 ኪ.ሜ አካል የሆነ መንገድ ግንባታ ሥራዎችን ያሉበትን ደረጃ በመስክ በመገኘት ገምግሟል።

ጉብኝቱ በወረዳው እየተከናወኑ ያሉ የመንገድና የድልድይ ፕሮጀክቶችን የአፈጻጸም ሁኔታ ለመከታተል፣ ያጋጠሙ ችግሮችን ለመለየትና ሥራዎቹ በተያዘላቸው ጊዜ እንዲጠናቀቁ አስፈላጊውን የሥራ አቅጣጫ ለማስቀመጥ ያለመ ነበር።

የባለሥልጣኑ ም/ዋና ዳይሬክተርና የግንባታና ጥገና ዘርፍ ኃላፊ አቶ ዘነበ ዛራ ፕሮጀክቶችን ጀምሮ የመጨረስ የመደመር መንግሥት መርህን በመከተል፣ የተጀመሩ ሥራዎችን በፍጥነትና በአጠረ ጊዜ በሚፈለገው ጥራት ለማጠናቀቅ ባለሥልጣኑ በትጋት እየሠራ መሆኑን አስገንዝበዋል።

የተጀመሩ ፕሮጀክቶችን "ጊዜ የለንም" መርህ በመከተል በአጭር ጊዜ ውስጥ በማጠናቀቅ ለአገልግሎት ክፍት ለማድረግ በትኩረት እየሰራ እንደሚገኝ ገልጿል።

የይርጋጨፌ ወረዳ ዋና አስተዳዳሪ አቶ ዳዊት ቡኔ ባለስልጣኑ የወረዳውን የመንገድ ልማት ጥያቄ ለመመለስ እያደረገ ላለዉ ስራ አመስግነው ፕሮጀክቶቹን ለማጠናቀቅ ከባለስልጣኑ ጋር በቅንጅት እንደሚሰሩ አረጋግጠዋል።

በጉብኝቱ ፕሮጀክቶቹ በተያዘላቸው ጊዜ እንዲጠናቀቁ፣ የሥራ ፍጥነትና ጥራት እንዲጠበቅ እንዲሁም የአፈጻጸም ክፍተቶች በወቅቱ እንዲቀረፉ የሚያስችሉ የሥራ አቅጣጫዎች ተቀምጠዋል።
Communication

የደቡብ ኦሞ ዞን ዋና አስተዳዳሪ አቶ ማዕከል ማሊኮ እና የሐመር ወረዳ ዋና አስተዳዳሪ ዶ/ር ዛንጋ ኛይታ በደቡብ ኢትዮጵያ ክልል መንገዶች ባለሥልጣን ከዲመካ ተነስቶ ሻንቆ ቀለማ ቀበሌ በመካ...
11/11/2026

የደቡብ ኦሞ ዞን ዋና አስተዳዳሪ አቶ ማዕከል ማሊኮ እና የሐመር ወረዳ ዋና አስተዳዳሪ ዶ/ር ዛንጋ ኛይታ በደቡብ ኢትዮጵያ ክልል መንገዶች ባለሥልጣን ከዲመካ ተነስቶ ሻንቆ ቀለማ ቀበሌ በመካሄድ ላይ የሚገኘውን የ15 ኪሎ ሜትር የጠጠር መንገድ ግንባታ ሂደት በአካል ተገኝተው ጎብኝተዋል።

ህዳር 02 ቀን 2019 ዓ.ም

በጉብኝታቸው ወቅት የመንገድ ግንባታው አሁን የደረሰበትን ደረጃና የሥራውን አፈጻጸም ሂደት ተመልክተዋል።

በዚህ ወቅት የደቡብ ኦሞ ዞን ዋና አስተዳዳሪ አቶ ማዕከል ማሊኮ የተጀመረው የመንገድ ግንባታ በተያዘለት የጊዜ ሰሌዳ መሠረት ትኩረት ተሰጥቶት በፍጥነት መሠራት እንዳለበት አሳስበዋል።

በተለይም የግንባታውን ጥራት በመጠበቅ፣ የሥራ ፍጥነትን በማሳደግና የተያዘውን ዕቅድ በተግባር በማሳካት ለሕብረተሰቡ የተሻለ የመንገድ ተደራሽነት ማረጋገጥ እንደሚገባ ገልጸዋል።

የሐመር ወረዳ ዋና አስተዳዳሪ ዶ/ር ዛንጋ ኛይታ በበኩላቸው የመንገድ ግንባታው ሲጠናቀቅ የአካባቢውን የመንገድ ተደራሽነት ከማሻሻል ባለፈ፣ የማኅበረሰቡን ማኅበራዊና ኢኮኖሚያዊ ግንኙነት ለማጠናከር ከፍተኛ አስተዋጽኦ እንደሚኖረው ተናግረዋል።

ምንጭ ፣የሐመር ወረዳ ኮሙኒኬሽን

የሶዶ - አረካ መገንጠያ እና የሶዶ ከተማ - ዎሊ መንገድ ግንባታ 78.02 በመቶ ደረሰ በደቡብ ኢትዮጵያ ክልል ወላይታ ዞን የሶዶ - ታርጫ መንገድ ፕሮጀክት አካል የሆነው የሶዶ - አረካ መ...
10/11/2026

የሶዶ - አረካ መገንጠያ እና የሶዶ ከተማ - ዎሊ መንገድ ግንባታ 78.02 በመቶ ደረሰ

በደቡብ ኢትዮጵያ ክልል ወላይታ ዞን የሶዶ - ታርጫ መንገድ ፕሮጀክት አካል የሆነው የሶዶ - አረካ መገንጠያ እና የሶዶ ከተማ - ዎሊ ምዕራፍ-3 መንገድ ግንባታ 78.02 በመቶ ደረሰ።

የከተማ መንገዱ 12 ነጥብ 39 ኪሎ ሜትር የሚሸፍን ሲሆን፣የመንገድ ግንባታ ፕሮጀክቱ በሁለት ሎት ተከፍሎ እየተሰራ ሲሆን ሎት 1 ከሌዊ እስከ ሶዶ ግብርና ኮሌጅ(7.14) ኪሎ ሜትር ፣ ሎት 2 ከጦና አደባባይ እስከ አረካመውጫ መገንጠያ ድረስ (5.25) ኪ.ሜትር የሚዘልቅ ነው።

በእስካሁኑ የስራ ሂደት 12.39 ኪ.ሜ የመንገድ ጠረጋ ፣ የአፈር ቆረጣና ሙሌት፣ የ1.2 ኪ.ሜ የካፕንግ፣ የ7.15 ኪ.ሜ የሰብ ቤዝ፣ የ4.3. ኪ.ሜ የቤዝ ኮርስ እንዲሁም የ3.15 ኪ.ሜ አስፋልት ስራ የተጠናቀቀ ሲሆን ከዚህ በተጨማሪ 2 ቦክስ ካልቨርቶች፣ 5 ስላብ ካልቨርት እና 7.15 ኪ.ሜ የውሃ ማፋሰሻ ቱቦዎች ግንባታ እና በ4.84ኪ.ሜ የዉሃ ማፍሰሻ ዲች እንዲሁም በርካታ የስትራክቸር ስራዎች በመሰራት ላይ ይገኛል፡፡

ለፕሮጀክቱ ግንባታ የሚሆን ሁለት ቢሊዮን ስድስት መቶ ሃያ ሚሊዮን አስር ሺህ ሰባት መቶ ስምንት ብር ከአርባ ስድስት ሳንቲም (2,620,010,708.46)በሆነ ወጪ በፌደራል መንግስት ሙሉ በሙሉ ተሸፍኗል።

ግንባታውን የሚያከናውነው ዓለም-አቀፉ ቻይና ፈርስት ሀይዌይ እንጂነሪንግ ኮ. ሊሚትድ ሲሆን የጥራት እና ቁጥጥር ሥራውን ደግሞ በሀገር-በቀሎቹ ጂ እና ዋይ ኢንጅነሪንግ ከደውል ኮንሰልቲንግ ኢንጅነርስ ጋር በጋራ እያከናወኑት ይገኛል።

ይህ የመንገድ ፕሮጅክት ግንባታ ከሚሰጠው ማህበራዊና ኢኮኖሚያዊ ጠቀሜታ አንጻር በአስፋልት ኮንክሪት እየተገባ ይገኛል።

የመንገድ ፕሮጀክቱ ተገንብቶ ሲጠናቀቅ በአካባቢው ለረጅም ጊዜ የነበረውን የሶዶ ከተማ ትራፊክ ፍሰት መጨናነቅ በመቅረፍ የከተማ ዉስጥ ለዉስጥ እንቅስቃሴ እና ከከተማ ለመዉጣትም ሆነ ወደ ከተማ ለመግባት ያለውን የጉዞ ጊዜ የሚያሳጥር ይሆናል።

በወላይታ ዞን እና አጎራባች ዞኖች በስፋት የሚመረቱትን እንደ ቡና፣ ለውዝ፣ በቆሎ፣ ስንዴ፣ ጤፍ እና ቅቤ ያሉ የግብርና ምርቶችን በቀላሉ ወደ መሃል ገበያ ለማቅረብ የጎላ ሚና ይጫወታል።

ከዚህም በተጨማሪ መንገዱ አጎራባች ላይ ላሉ የአርባምንጭ፤ ደቡብ ኦሞ እንዲሁም ለአጆራ ፏፏቴ የቱሪዝም መዳረሻ በመሆን ለሀገር ውስጥ ገቢ ትልቅ አቅምን ይፈጥራል።

የፕሮጀክቱ የጎን ስፋት በከተማ 34.0 ሜትር ሲሆን በቀበሌ 13.80 ሜትር ስፋት እንዲኖረው ተደርጎ እየተገነባ ይገኛል ።
©ERA

የክልሉ ፕላንና ልማት ቢሮ የድጋፍና ክትትል ቡድን የክልሉን ትራንስፖርትና መንገድ ልማት አስተዳደር ቢሮ የሥራ አፈጻጸም ዙሪያ ድጋፍና ክትትል አደረገኅዳር 1/2019 ዓ.ምየደቡብ ኢትዮጵያ ክ...
10/11/2026

የክልሉ ፕላንና ልማት ቢሮ የድጋፍና ክትትል ቡድን የክልሉን ትራንስፖርትና መንገድ ልማት አስተዳደር ቢሮ የሥራ አፈጻጸም ዙሪያ ድጋፍና ክትትል አደረገ

ኅዳር 1/2019 ዓ.ም

የደቡብ ኢትዮጵያ ክልል ፕላንና ልማት ቢሮ የድጋፍና ክትትል ቡድን የክልሉን ትራንስፖርትና መንገድ ልማት አስተዳደር ቢሮንና የክልሉን መንገዶች ባለሥልጣን የ2019 በጀት ዓመት ዕቅድ፣ የአንደኛ ሩብ ዓመትና የ100 ቀን አፈጻጸም ድጋፍና ክትትል አካሂዷል።

ቡድኑን የመሩት የክልሉ ፕላንና ልማት ቢሮ የመሪ ፕላን ዝግጅት ክትትል ግብረ_መልስ ዳ/ዳይሬክተር አቶ መብራቱ ገዛኸኝ የድጋፍና ክትትሉ ዋና ዓላማ የተቋማቱን የዕቅድ አፈጻጸም ደረጃ መገምገም፣ የአፈጻጸም ክፍተቶችን መለየት፣ ችግር ፈቺ ድጋፍ መስጠትና የላቀ ውጤት እንዲመዘገብ ማገዝ መሆኑን አብራርተዋል።

የደቡብ ኢትዮጵያ ክልል ትራንስፖርትና መንገድ ልማት ቢሮ ምክትል ቢሮ ኃላፊና የህብረተሰብ መንገድ ልማት ዘርፍ ኃላፊ አዲሱ አየለ (ዶ/ር ኢንጅነር) የድጋፍና ክትትሉ በተቋማቱ የዕቅድ አፈጻጸም ሥርዓትን ለማጠናከር፣ ተጠያቂነትንና ቅንጅታዊ አሠራርን ለማሳደግ እንዲሁም የክልሉን የትራንስፖርትና የልማት ግቦች በተቀመጠላቸው ጊዜና ጥራት ለማሳካት የሚያግዝ መሆኑን ገልጿል።

በድጋፍና ክትትሉ የተቋሙ የ2019 በጀት ዓመት የመጀመሪያዎቹ አራት ወራት የዕቅድ አፈጻጸም፣ የ100 ቀናት ዕቅድ አፈጻጸም፣ የአምስት ዓመታት የልማት ዕቅድ ዝግጅትና ለተግባራዊነቱ እየተደረገ ያለው የሀብት ልየታ ሂደት ዋና ዋና የግምገማ ነጥቦች ናቸው።

በተጨማሪም የአንድ ዕቅድ አንድ ሪፖርት አሠራር በተቋማቱ ያለበት ደረጃ፣ የዕቅድና ሪፖርት ጥራት፣ ቁልፍ የውጤት አመልካቾች (KPI) አዘገጃጀትና አተገባበር፣ የግብ ስምምነትና የአፈጻጸም ምዘና ሥርዓት ላይ ትኩረት ተደርጓል።

የተቋሙ ዕቅድና ሪፖርት ከተጠሪ ተቋማትና ከዞን መዋቅሮች ዕቅድና አፈጻጸም ጋር ያላቸው ቅንጅታዊ አሠራር፣ በየሩብ ዓመቱ የሚከናወነው የክትትልና ግምገማ ሂደት እንዲሁም የአፈጻጸም ሪፖርቶች ለውሳኔ ሰጪ አካላት የሚቀርቡበት አግባብም ከተዳሰሱ ጉዳዮች መካከል ይገኙበታል።

በተጨማሪም የተቋሙን የሥራ አፈጻጸም በሰነድ ከመገምገም ባለፈ በመስክ በመገኘት የተከናወኑ ሥራዎችን በአካል የመመልከት፣ የሥራዎቹን ጥንካሬና ድክመት የመለየት እንዲሁም ለተሻለ አፈጻጸም የሚያስፈልጉ የድጋፍና የግብረ-መልስ አቅጣጫዎችን የማመላከት ሥራ ተካቷል።

በተዘጋጀው የክትትል ቼክሊስት መሠረት በሁለቱም ተቋማት የሚከናወኑ ተግባራትና የሥራ አፈጻጸም ሂደቶች በጥልቀት የተመለከቱ ሲሆን፣ በግምገማው የተገኙ መልካም ውጤቶችን የበለጠ ለማጠናከርና የታዩ ክፍተቶችን ለመቅረፍ የመፍትሔ አቅጣጫዎች ተቀምጠዋል።

ማምሻውን ርዕሰ መስተዳድሩ ወላይታ ሶዶ ላይ፤ ደቡብ ኢትዮጵያ አዲስ የአመራር ባህል፣ አዲስ የሥራ መንፈስና አዲስ ተስፋ በመገንባት ላይ ትገኛለች!በክልሉ የተጀመረው አዲስ የአመራር ጉዞ በተግ...
08/11/2026

ማምሻውን ርዕሰ መስተዳድሩ ወላይታ ሶዶ ላይ፤

ደቡብ ኢትዮጵያ አዲስ የአመራር ባህል፣ አዲስ የሥራ መንፈስና አዲስ ተስፋ በመገንባት ላይ ትገኛለች!

በክልሉ የተጀመረው አዲስ የአመራር ጉዞ በተግባር እየተገለጸ ነው። በተለያዩ ምክንያቶች ተጓትተውና ተቋርጠው የቆዩ ፕሮጀክቶች ዳግም እየተንቀሳቀሱ፣ ከክልል እስከ ቀበሌ ያለው አመራርም በአዲስ የኃላፊነት ስሜትና በተግባር ተኮር አሠራር ወደ ሥራ እየገባ ይገኛል።

ቅዳሜና እሑድ፣ ቀንና ሌሊት ሳንል ህዝብን ማገልገል፣ በቢሮ መቀመጥ ሳይሆን በተግባር መምራት፣ ችግርን በቦታው መፍታትና ለሕዝብ የሚታይ ውጤት ማምጣት አዲሱ የአመራር አቀራረብ ነው።

በዚሁ መንፈስ በወላይታ ሶዶ ከተማ እየተፋጠነ የሚገኘውን የአስፋልት መንገድ ግንባታ የደቡብ ኢትዮጵያ ክልል ርዕሰ መስተዳድር ተስፋዬ በልጅጌ (ዶ/ር) ማምሻውን ከቢሮ ሥራ መልስ በሥራ ቦታው ተገኝተው የግንባታውን አፈጻጸም ገምግመዋል። ፕሮጀክቱ በተጠናከረ የሥራ ፍጥነትና ጥራት ተጠናቆ በአጭር ጊዜ ለሕዝብ አገልግሎት እንዲበቃም ግልጽ የሥራ አቅጣጫ ሰጥተዋል።

በጋሞ ዞን የቆላ ሻራ–ሱሌ–ሴንጋ 48 ኪ.ሜ መንገድ ግንባታ እየተፋጠነ ነው በደቡብ ኢትዮጵያ ክልል ጋሞ ዞን አርባምንጭ ዙሪያ፣ ዲታ፣ ጋቾ ባባና ጬንቻ ወረዳዎችን የሚያገናኘው የቆላ ሻራ–ሱሌ...
07/11/2026

በጋሞ ዞን የቆላ ሻራ–ሱሌ–ሴንጋ 48 ኪ.ሜ መንገድ ግንባታ እየተፋጠነ ነው

በደቡብ ኢትዮጵያ ክልል ጋሞ ዞን አርባምንጭ ዙሪያ፣ ዲታ፣ ጋቾ ባባና ጬንቻ ወረዳዎችን የሚያገናኘው የቆላ ሻራ–ሱሌ–ሴንጋ 48 ኪ.ሜ መንገድ ግንባታ እየተፋጠነ ይገኛል።

መንገዱ የአካባቢው ማኅበረሰብ ለረጅም ዓመታት ሲያነሳው የቆየውን የመንገድ ተደራሽነት ጥያቄ ለመመለስ ከሚከናወኑ የመሠረተ ልማት ሥራዎች አንዱ ሲሆን፣ አራቱን ወረዳዎች በማስተሳሰር ለማኅበራዊና ኢኮኖሚያዊ ትስስር ወሳኝ ሚና ይኖረዋል።

መንገድ ለሰው ልጅ ደም ሥር እንደሚያስፈልገው ሁሉ፣ ለማኅበራዊና ኢኮኖሚያዊ መስተጋብርም እንደ ደም ሥር የሚያገለግል ወሳኝ የልማት መሠረት ነው።

በከፍተኛና ሰንሰለታማ ተራራ መልክዓ ምድር የተከበበው አካባቢ በመሆኑ ለመንገድ ግንባታው ፈታኝ ሁኔታ ቢፈጥርም፣ የባለሥልጣኑ ባለሙያዎች የምህንድስና እውቀትን፣ ሙያዊ ብቃትንና ሳይንሳዊ ጥናትን በመጠቀም ግንባታውን በማፋጠን ላይ ይገኛል።

መንገዱ በሚያልፍባቸው አካባቢዎች የሚኖረው ማኅበረሰብ ለግንባታው ትብብር እያደረገ የሚገኝ ሲሆን፣ በመንገዱ ሥራ ላይ ተጽዕኖ የሚያሳድሩ አጥሮችን፣ ቤቶችንና ዛፎችን በማንሳት የልማቱ አጋር ሆኖ እየተሳተፈ ይገኛል።

የደቡብ ኢትዮጵያ መንገዶች ባለሥልጣንም መንገዱን በተያዘለት ጊዜ፣ በጥራትና በፍጥነት አጠናቆ ለማስረከብ የግንባታ ሥራውን እያፋጠነ ይገኛል።

የቆላ ሻራ–ሱሌ–ሴንጋ 48 ኪ.ሜ መንገድ ግንባታ ስጠናቀቅ የአራቱን ወረዳዎች ትስስር ከማጠናከር ባለፈ፣ የአርሶ አደሩን ምርት ወደ ገበያ ለማድረስ፣ የአገልግሎት ተደራሽነትን ለማሻሻልና የአካባቢውን የኑሮ ሁኔታ ለማሳደግ አስፈላጊ አስተዋጽኦ ይኖረዋል።
©SERA Communication

Address

Dilla Front Of Donbosko School
Dilla
P.O.BOX404

Alerts

Be the first to know and let us send you an email when South Ethiopia Region Road Authority posts news and promotions. Your email address will not be used for any other purpose, and you can unsubscribe at any time.

Shortcuts

Share