Gambella Region Ethics&Anti-Corruption Comission

11/09/2026

"በአዲሱ ዓመት—ታማኝነትንና ግልጽነትን በማጠናከር ሙስናን በጋራ እንከላከል!"
**** ***** ****** *****
(የጋም.ሥ.ፀ.ኮ1/1/19 ዓም ጋምቤላ)
ለመላው የጋምቤላ ክልል ሕዝብ፣ የመንግሥት የሥራ ኃላፊዎች፣ ሠራተኞች እና ለሀገራችን ኢትዮጵያ ሕዝቦች በሙሉ፦
በመጀመሪያ እንኳን ለ2019 አዲስ ዓመት በሰላም፣በጤና፣ በፍቅር እና በሕይወት አደረሳችሁ!
ያለፈው ዓመት የሥራ አፈጻጸማችንን በመገምገም፣ በ2019 ዓ.ም በክልላችን ግልጽነትና ተጠያቂነት የሰፈነበት፣ ከሙስና የጠራ የአሠራር ሥርዓት ለመገንባት በቁርጠኝነት የምንነሳበት አዲስ ምዕራፍ መሆን አለበት እላለሁ።
በዚህ በአዲሱ 2019 ዓ.ም በክልላችን የሥነ-ምግባር እሴቶችን ይበልጥ ለማስረጽ፣ የሕግ የበላይነትን ለማረጋገጥ እና ብልሹ አሠራሮችን በቆራጥነት ለማረም በጋራ የምንሠራበት አዲስ ምዕራፍ እንዲሆንልን ኮሚሽኑ ይመኛል። የክልላችን ዘላቂ ልማትና የሕዝባችን ተጠቃሚነት የሚረጋገጠው እያንዳንዱ አመራርና ሠራተኛ በየተሰማራንበት የሥራ መስክ በታማኝነት፣በተጠያቂነት እና በሀገራዊ ኃላፊነት ስሜት እና ሁሉም የሕብረተሰብ ክፍል ንቁ ተሳትፎና ታማኝነት ሕዝብን ስናገለግል ነው።

አዲሱ ዓመት የ2019 ዓ.ም የሰላም፣ የጤና፣የብልጽግና የፍቅር እና የሥነ-ምግባር ግንባታ ዓመት ይሁንልን!

10/09/2026

🌿 የነገዋን ጋምቤላ እና ኢትዮጵያን የምንገነባበት የሥነ-ምግባር መስታውት! 🌿

"ዛሬ የምንዘራው የሥነ-ምግባር እና የታማኝነት ዘር፣ ነገ የምናጭደው የብልጽግና እና የሰላም ፍሬ ነው!"
ዛሬ ጳጉሜን 5 "የነገ ቀን" ነው። ይህ ቀን ወደ አዲሱ ዓመት ከመሻገራችን በፊት ቆም ብለን የድርጊቶቻችንን የረጅም ጊዜ ውጤት፣ የተጠያቂነትን መንፈስ እና የወደፊት ትውልድ እጣ ፈንታን እንድናስብ የሚያስታውስ ልዩ መሪ ቃል ነው።
ከሥነ-ምግባር ግንባታና ሙስናን ከመከላከል አንጻር "የነገ ቀን" በሦስት ዓበይት ምሰሶዎች ላይ ይቆማል፦
⚖️ የተጠያቂነት እና የውጤት ራዕይ፦ በሙስና ወይም በብልሹ አሰራር የሚገኝ ጊዜያዊ ጥቅም የዛሬን ችግር የሚፈታ ቢመስልም፣ "የነገ ቀን" ግን ህጋዊ፣ ማህበራዊ እና ሞራላዊ ተጠያቂነትን ይዞ መምጣቱ አይቀሬ ነው። ህግንና አሰራርን አክብሮ መስራት የተቋማችንን የነገ ቀን ህልውና እና ታማኝነት ያረጋግጣል።
የወደፊት ትውልድ ኃላፊነት እና ሀገራዊ ራዕይ፦ ዛሬ የሀገርን ሀብትና ንብረት በአግባቡ በመጠቀም፣ ለነገው ትውልድ የተረጋጋች፣ የበለፀገችና ከሙስና የጠራች ሀገር የማስረከብ ትልቅ አደራ አለብን። ዛሬ በሥራ ቦታችን የምናሳየው በጎ የሥነ-ምግባር እሴት ለነገው ትውልድ የሚተላለፍ ትልቅ ውርስ ነው።
የተስፋ፣ የለውጥ እና የጽናት ምልክት፦ "የነገ ቀን" ማለት ትናንትና እና ዛሬ በሙስና ወይም በሥነ-ምግባር ጉድለት የተበላሹ አሰራሮችን በቆራጥነት አርሞ፣ ግልጽነትና ተጠያቂነት የሰፈነበት የተሻለ ነገን የመገንባት ተስፋ ነዉ። ለጊዜያዊ ጥቅም ህግን ከመጣስ ይልቅ፣ ለዘላቂ ስኬት እና ለህሊና እረፍት የሚሰጥ የሥራ ባህልን እንገንባ!
"የነገ ቀን" የእያንዳንዳችን ውሳኔ እና ተግባር የዛሬን ፍላጎት ብቻ ሳይሆን የነገን ሀገራዊና ህዝባዊ ደህንነት ያገናዘበ መሆን እንዳለበት የሚያስገነዝብ መሪ ሀሳብ ነው።

የክልላችን መሪዎች፣ የመንግሥት ሠራተኞች እና መላው የጋምቤላ ሕዝብ ሆይ! የነገዋን ውብ ሀገር ለማየት ዛሬ ላይ በሥነ-ምግባር እንገንባ፣ ሙስናን በጋራ እንታገል።

09/09/2026

🇪🇹 በሕብረት ቆመን የሙስናን በር እንዝጋ!"
ጳጉሜ 4 "የሕብረት ቀን"! 🇪🇹
*** **** ***** ******
( የጋም.ክ.ሥ.ፀ.ኮ ጳ 4/18 ጋምቤላ)
በአገር አቀፍ ደረጃ በድምቀት እየተከበረ የሚገኘው ጳጉሜ 4 "የሕብረት ቀን"፤ በጋራ በመቆም፣ በመተባበርና አብሮነትን በማጠናከር ለአገራችን ሰላምና ሁለንተናዊ ዕድገት በጽናት የምንተጋበት ዕለት ነው። ሕብረትና አንድነት ጠንካራ፣ ሰላማዊ እና የበለጸገች አገር ለመገንባት የማይተካ ሚና አላቸው።

ይህን የሕብረት ቀን ስናከብር ለፀረ-ሙስና ትግሉ ያለውን ከፍተኛ ፋይዳ ልንገነዘብ ይገባል።

ሙስና እና ብልሹ አሠራር የጋራ ጠላቶቻችን እንዲሁም የአገር ዕድገት እንቅፋቶች ናቸው። ይህንን ማኅበራዊ ነቀርሳ ስር-ነቀል በሆነ መንገድ ማሸነፍ የሚቻለው ሕዝብና ተቋማት በሕብረት ሲቆሙ ብቻ ነው። በሕብረት ሆነን የሕዝብ ሀብት ብክነትን ስንከላከል፣
ሙስናን ስንፀየፍ እንዲሁም ግልፅነትና ተጠያቂነትን ስናሰፍን የፀረ-ሙስና ትግላችን ከግብ ይደርሳል፤ የልማትና የሰላም ጉዟችንም ይፋጠናል።

የጋምቤላ ክልል የሥነ ምግባርና ፀረ-ሙስና ኮሚሽን መላው የክልላችን ነዋሪዎች በተለመደው አብሮነታችሁ በሕብረት በመቆም ሙስናን
በመታገል ለክልላችንና ለአገራችን ብልፅግና የድርሻችሁን እንድትወጡ ጥሪውን ያቀርባል።

"በሕብረት ቆመን ሙስናን እንታገል!

"መልካም የሕብረት ቀን"!

# የነፃ መስመር 8623

https://www.facebook.com/profile.php?id=61569995963416&mibextid=ZbWKwL

እንኳን ወደ ጋምቤላ ሕዝቦች ብሔራዊ ክልላዊ መንግስት የሥነ-ምግባርና የፀረ-ሙስና ኮሚሽን ይፋዊ የፌስ ቡክ ገፅ በደህና መጡ
የጥቆማ መቀበያ የነፃ ጥሪ አገልግሎት ቁጥር 8623

27/08/2026

የጋምቤላ ክልል የሥነ-ምግባርና ፀረ-ሙስና ኮሚሽን ለአቅመ ደካማ ተማሪዎች የትምህርትና የንፅህና መጠበቂያ ቁሳቁሶች
ድጋፍ አደረገ!
*** **** ***** ******

የጋምቤላ ክልል የሥነ-ምግባርና ፀረ-ሙስና ኮሚሽን ማኅበራዊ ኃላፊነቱን በመወጣት አቅም የሌላቸው ተማሪዎች በቁሳቁስ እጥረት
ምክንያት ከትምህርት ገበታቸው እንዳይለዩ ለማድረግ ያለመ የበጎ አድራጎት ድጋፍ አድርጓል።

24/08/2026

በሙስና ወንጀል የተከሰሱት የፕላን ቢሮ የሥራ ኃላፊ በ3 ዓመት ፅኑ እስራት ተቀጡ፤
*** **** ***** ******
(የጋም.ሥፀ.ኮ 15/12/2018 ዓምጋም)
የጋምቤላ ክልል ፍትህ ቢሮ የሙስና ወንጀል ከፍተኛ ዐቃቤ ሕግ በአቶ በኋይሉ ወርቁ ላይ የመሰረተው የሙስና ወንጀል ክስ ውሳኔ አገኘ።

የክሱ ዝርዝር፦ የጋምቤላ ሕዝቦች ብሔራዊ ክልላዊ መንግሥት የፕላን ቢሮ የግዥ፣ ፋይናንስና ንብረት አስተዳደር ቡድን መሪ
የነበሩት አቶ በኋይሉ ወርቁ፣ ከአቶ ዋለልኝ ታመነ ከ(2ኛ ተከሳሽ ድርጅት) ጋር ያልተገባ የሥራ ግንኙነት በመፍጠር የመንግሥትን
የግዥ አፈጻጸም መመሪያ በመጣስ ክስ ተመስርቶባቸው ቆይቷል።

ተከሳሹ ለቢሮ ዕድሳትና ማስዋቢያ በሚል ባልተሠራ ሥራ ውል በመዋዋል እና የተጨማሪ እሴት ታክስ (VAT) እጅ በእጅ ሽያጭ ሰነድ
በመቀበል፣ የሙስና ወንጀል ለመደንገግ የወጣውን አዋጅ ቁጥር 881/2007 አንቀጽ 13/ሀ እና የመንግሥት የግዥ አፈጻጸም
መመሪያ ቁጥር 02/2003 በመጣስ በመንግሥት ሥራ ላይ ከፍተኛ ጉዳት በማድረስ ተከሷል።

የፍርድ ቤቱ ውሳኔ፦ ጉዳዩን ሲመለከት የቆየው የጋምቤላ ከተማ ከፍተኛ ፍርድ ቤት፣ በቀረበው ማስረጃ መሠረት ተከሳሹ ጥፋተኛ ሆኖ
በመገኘቱ በ05/12/2018 ዓ.ም በዋለው ችሎት በ3 ዓመት ፅኑ እስራት እንዲቀጣ ወስኗል።

ይግባኝ ስለመጠየቁ፦ የክልሉ ፍትህ ቢሮ የሙስና ወንጀል ከፍተኛ ዐቃቤ ሕግ፣ የተሰጠው የ3 ዓመት የእስራት ቅጣት ከተፈጸመው
ወንጀል ክብደት አንጻር ተከሳሹንም ሆነ ሌላውን ማኅበረሰብ የማያስተምር (የማይቀጣ) ሆኖ አግኝቶታል። በመሆኑም ዐቃቤ ሕግ
በቅጣት ውሳኔው ላይ ቅር በመሰኘት ለክልሉ ጠቅላይ ፍርድ ቤት የይግባኝ አቤቱታ ያቀረበ ሲሆን፣ ጉዳዩ በሂደት ላይ ይገኛል።
ማሳሰቢያ፦ በክልሉ የሚገኙ ማንኛቸውም የመንግሥት ተቋማትና የሥራ ኃላፊዎች፣ ማናቸውንም የመንግሥት ግዥዎች ሲፈጽሙ የክልሉን የግዥ አዋጅና መመሪያ ብቻ መሠረት በማድረግ በታማኝነትና በግልጽነት እንዲፈጽሙ እናሳስባለን።

07/08/2026

የሃብት ምዝገባ የሚካሄድበት ጊዜ
*** **** ***** ******
ማንኛውም አዲስ ተሿሚ፣ ተመራጭ ወይም የመንግሥትሠራተኛ ሀብቱን የሚያሳውቀውና የሚያስመዘግበው ከተሾመበት፣ ከተመረጠበት ወይም ከተቀጠረበት ቀን ጀምሮ በ45 ቀናት ውስጥ ይሆናል፡፡

ሀብቱን ያስመዘገበ ማንኛውም ተሿሚ፣ ተመራጭ ወይም የመንግሥት ሠራተኛ ከዚያ በኋላ ሀብቱን የሚያሳውቀውና የሚያስመዘግበው በየሁለት ዓመት ተኩል ይሆናል፡፡

የምዝገባ ጊዜን ስለማራዘም
_________________:_
• የምዝገባ ጊዜ እንዲራዘምለት የሚጠይቅ ሰው ምዝገባውን ማራዘም ያስፈለገበትን ምክንያት በጽሑፍ በመግለጽ የምዝገባ ጊዜው በተጠናቀቀ በአምስት ቀናት ውስጥ ለኮሚሽኑ ወይም ለሚመለከተው የሥነ ምግባር መከታተያ ክፍል ማመልከት ይችላል፡፡ኮሚሽኑ ወይም ጉዳዩ የሚመለከተው የሥነ ምግባር መከታተያ ክፍል የቀረበለት ጥያቄ በበቂ ምክንያት የተደገፈ ሆኖ ሲያገኘው የምዝገባውን ጊዜ ለአንድ ጊዜ እስከ 30 ቀናት ሊያራዝም ይችላል፡፡

ዘግይቶ ስለማስመዝገብ
________________:_
በመደበኛው ወይም በተራዘመለት የማስመዝገቢያ ጊዜ ውስጥ ሀብቱን ያላስመዘገበ ተሿሚ ወይም ተመራጭ ወይም የመንግስት ሠራተኛ ብር 1,000 / አንድ ሺህ ብር/ መቀጫ ከፍሎ በ3ዐ ቀናት ውስጥ ሊያስመዘግብ ይችላል ፡፡ተሿሚው ወይም ተመራጩ ወይም የመንግስት ሰራተኛው በመደበኛው ወይም በየሃብት ምዝገባ የሚካሄድበት ጊዜ
ማንኛውም አዲስ ተሿሚ፣ ተመራጭ ወይም የመንግሥትሠራተኛ ሀብቱን የሚያሳውቀውና የሚያስመዘግበው ከተሾመበት፣ ከተመረጠበት ወይም ከተቀጠረበት ቀን ጀምሮ በ45 ቀናት ውስጥ ይሆናል፡፡
ሀብቱን ያስመዘገበ ማንኛውም ተሿሚ፣ ተመራጭ ወይም የመንግሥት ሠራተኛ ከዚያ በኋላ ሀብቱን የሚያሳውቀውና የሚያስመዘግበው በየሁለት ዓመት ተኩል ይሆናል፡፡

የምዝገባ ጊዜን ስለማራዘም
_______________;-
• የምዝገባ ጊዜ እንዲራዘምለት የሚጠይቅ ሰው ምዝገባውን ማራዘም ያስፈለገበትን ምክንያት በጽሑፍ በመግለጽ የምዝገባ ጊዜው በተጠናቀቀ በአምስት ቀናት ውስጥ ለኮሚሽኑ ወይም ለሚመለከተው የሥነ ምግባር መከታተያ ክፍል ማመልከት ይችላል፡፡ኮሚሽኑ ወይም ጉዳዩ የሚመለከተው የሥነ ምግባር መከታተያ ክፍል የቀረበለት ጥያቄ በበቂ ምክንያት የተደገፈ ሆኖ ሲያገኘው የምዝገባውን ጊዜ ለአንድ ጊዜ እስከ 30 ቀናት ሊያራዝም ይችላል፡፡

ዘግይቶ ስለማስመዝገብ
____________;-
በመደበኛው ወይም በተራዘመለት የማስመዝገቢያ ጊዜ ውስጥ ሀብቱን ያላስመዘገበ ተሿሚ ወይም ተመራጭ ወይም የመንግስት ሠራተኛ ብር 1,000 / አንድ ሺህ ብር/ መቀጫ ከፍሎ በ3ዐ ቀናት ውስጥ ሊያስመዘግብ ይችላል ፡፡ተሿሚው ወይም ተመራጩ ወይም የመንግስት ሰራተኛው በመደበኛው ወይም በተራዘመለት የማስመዝገቢያ ጊዜ ውስጥ ሃብቱን በተደነገገው መሰረት ከአምስት ዓመት የማይበልጥ ቀላል እስራት ይቀጣል፡፡

ከስንብት በኋላ ስለሚከተሉ ግዴታዎች
___________________;-
ማንኛውም ተሿሚ፣ ተመራጭ ወይም የመንግሥት ሠራተኛ በጡረታ ሲገለል ወይም በማንኛውም ምክንያት አገልግሎቱን ሲያቋርጥ ሀብቱን በተራዘመለት የማስመዝገቢያ ጊዜ ውስጥ ሃብቱን በተደነገገው መሰረት ከአምስት ዓመት የማይበልጥ ቀላል እስራት ይቀጣል፡፡

ከስንብት በኋላ ስለሚከተሉ ግዴታዎች
_________________:-
ማንኛውም ተሿሚ፣ ተመራጭ ወይም የመንግሥት ሠራተኛ በጡረታ ሲገለል ወይም በማንኛውም ምክንያት አገልግሎቱን ሲያቋርጥ ሀብቱን በ30 ቀናት ውስጥ ለኮሚሽኑ ወይም ለሚመለከተው የሥነ ምግባር መከታተያ ክፍል እንዲሁም ከሁለት ዓመት በኋላ ለመጨረሻ ጊዜ ለኮሚሽኑ ማሳወቅ አለበት፡፡

02/08/2026

የጋምቤላ ክልል የሥነ-ምግባርና ፀረ-ሙስና ኮሚሽን የ2018 በጀት ዓመት የ12 ወራት የሥራ አፈጻጸም ሪፖርት በክልሉ ምክር ቤት የሕግና ፍትህ ጉዳዮች ቋሚ ኮሚቴ ተገምግሟል።
*** **** ***** ******
(ጋብክመ.ሥ.ፀ.ኮ 26/11/18 ጋምቤላ)
የኮሚሽኑ ኮሚሽነር ቱት ንዑት ባቀረቡት ሪፖርት የታቀዱ ተግባራት መከናወናቸውን በመግለጽ፣ የሙስና ውስብስብነትን ለመቋቋም የፍትህ አካላት የቅንጅት አሰራር አስፈላጊ መሆኑን አስገንዝበዋል።
ቋሚ ኮሚቴው መልካም ተሞክሮዎች ተጠናክረው እንዲቀጥሉና ድክመቶች እንዲታረሙ አቅጣጫ ያስቀመጠ ሲሆን፣ ኮሚሽኑ የተሰጡ አስተያየቶችን ተቀብሎ ለቀጣይ የተሻለ ሥራ እንደሚነሳሳ አረጋግጧል።

" ትውልድን በሥነ-ምግባር
ተቋምን በአሠራር"
ለተጨማሪ መረጃ የፌስቡክ ገፃችን ይጎብኙ።

27/07/2026

የቀድሞ የሲዳማ ክልል ከፍተኛ የሥራ ኃላፊዎች በፈጸሙት የሥልጣን አላግባብ መጠቀም እና የሰብዓዊ መብት ወንጀል ጥሰት በፈፀሙት ላይ
የፍርድ ውሳኔ ተላለፈ።
*** **** ***** ******
(ጋም.ክ.ሥፀ.ኮ 20/11/18/ ጋምቤላ)
የሀዋሳ ከተማ ከፍተኛ ፍርድ ቤት በቀድሞው የሲዳማ ክልል ሰላምና ጸጥታ ቢሮ ኃላፊ አቶ አለማየሁ ጢሞቴዎስ እና የፖሊስ ኮሚሽነር ሽመልስ ቶማስ ላይ የክልሉ ፍትህ ቢሮ ከሳሽነት በቀረቡ ክሶች ላይ የጽኑ እስራት ውሳኔ አስተላልፏል።

- የተከሳሾች ማንነት እና ቅጣት፦

1. አቶ አለማየሁ ጢሞቴዎስ (የቀድሞ የክልሉ ሰላምና ጸጥታ ቢሮ ኃላፊ)፦ በ10 ዓመት ከአምስት ወር ጽኑ እስራት እና
በገንዘብ መቀጮ።
2. አቶ ሽመልስ ቶማስ (የቀድሞ የክልሉ ፖሊስ ኮሚሽነር)፦ በአንድ ዓመት ከስድስት ወር ጽኑ እስራት እና በገንዘብ
መቀጮ።

- የተመሰረተባቸው ክስ፦

- ሥልጣንን አላግባብ በመጠቀም "የሲዳማ ነፃነት ሠራዊት" የተባለ ታጣቂ ቡድን ማደራጀት።
- ተደራራቢ የሰብዓዊ መብት ጥሰቶችን መፈጸም።

- ውሳኔውን ያስተላለፈው አካል፦ የሀዋሳ ከተማ ከፍተኛ ፍርድ ቤት የሰውና የሰነድ ማስረጃዎችን መርምሮ ጥፋተኛ ማለቱን
ገልጿል።

ይህ ውሳኔ በመንግሥት ባለሥልጣናት ላይ የሚወሰድ የሕግ ተጠያቂነትን የሚያሳይ ሲሆን፣ በተለይም ከታጣቂ ቡድን ማደራጀትና
ከሰብዓዊ መብት ጥሰት ጋር ተያይዞ የተሰጠ ትልቅ ውሳኔ መሆኑ ተመልክቷል።
" ትውልድን በሥነ-ምግባር፤
ተቋምን በአሠራር!"

#የነፃ መስመር ጥሪ 8623

://www.facebook.com/profile.php?id=61569995963416&mibextid=ZbWKwL

24/06/2026

የመንግስትን ሃብት ለመታደግና ተጠያቂነትን ለማስፈን የሚደረገው የተቀናጀ የሕግ የበላይነት ማስከበር ስራ ተጠናክሮ ቀጥሏል
*** **** ***** ******
(ሰኔ 17/2018 ዓ.ም ጋምቤላ) የጋምቤላ ሕዝቦች ብሔራዊ ክልላዊ መንግስት የሥነ-ምግባርና ፀረ-ሙስና ኮሚሽን ከክልሉ ፕላንና ልማት ቢሮ የሥነ-ምግባር መኮንን ጋር በቅንጅት በመሆን ባደረጉት ጥብቅ ክትትልና ለክልሉ ፍትህ ቢሮ የሙስና ምርመራ ክፍል ባስተላለፉት ጥቆማ መሰረት፣ የመንግስትን የግዥ አሰራር መመሪያ በመጣስ የሙስና ወንጀል በፈጸሙ ግለሰቦች ላይ ይፋዊ የክስ ሂደት ተመሠረተ።
ክሱ በሰኔ 09/2018 ዓ.ም የተመሰረተ ሲሆን፣ ተከሳሾች የክልሉ ፕላን ቢሮ የግዥ፣ ፋይናንስና ንብረት ቡድን መሪ የሆኑት አቶ በኃይሉ ወርቁ እና የአንድ የግል ተቋም ባለቤት የሆኑት አቶ ዋለልኝ ታመነ ናቸው። በአሁኑ ወቅት ጉዳዩ በፍርድ ቤት በሂደት ላይ የሚገኝ ሲሆን የሕግ ሂደቱም በጥብቅ በመከታተል ላይ ነው።
የተፈጸሙት ዋና ዋና የሕግ ጥሰቶችና የሙስና ወንጀሎች፡-
ሀ. ያለ ግልጽ ጨረታ ግዥ መፈጸም፡ አንደኛ ተጠርጣሪ አቶ በኃይሉ ወርቁ የመንግስትን የግዥ አፈጻጸም መመሪያ በጣሰ መልኩ ያለ ምንም ግልጽ ጨረታ በራሳቸው እቃዎች ገዝተው በማቅረብ 1,458,450.50 ብር ከመንግስት ካዝና እንዲወጣ ማድረጋቸው።
ለ. ያልተሰራን ስራ እንደተሰራ ማስመስከር፡ በዓመታዊ ዕቅድ ውስጥ ያልተካተተን ስራ መመሪያን ባልተከተለ መንገድ በመተግበር 1,200,000.00 ብር ያለአግባብ ወደ ግል የባንክ አካውንት እንዲገባ መደረጉ።
መ. በሕገ-ወጥ ስራ መተባበር፡ ሁለተኛ ተጠርጣሪ አቶ ዋለልኝ ታመነ በጨረታ ያልተለየ ሕገ-ወጥ የሥራ ውል በመፈራረም እንዲሁም የድርጅታቸውን የተጨማሪ እሴት ታክስ (VAT) እጅ በእጅ ሽያጭ ሰነድ አሳልፈው በመስጠት ተባባሪ ሆነው በመገኘታቸው።
የኮሚሽኑ መልዕክት፡-
የጋምቤላ ክልል የሥነ-ምግባርና ፀረ-ሙስና ኮሚሽን ግልጽና ተጠያቂነትን ባረጋገጠ አሰራር የመንግስትን ሃብት ለመታደግ የሚያደርገውን ዘላቂ ጥረት አጠናክሮ የሚቀጥል መሆኑን ይገልጻል።
በመጨረሻም ማንኛውም የክልሉ የመንግስት መስሪያ ቤትም ሆነ የመንግስት የልማት ድርጅቶች የሚያከናውኑትን ማንኛውንም የፋይናንስና የግዥ ስራ በሕጉና በመመሪያው መሠረት ብቻ እንዲፈጽሙ እያሳሰበ፤ የተቋማት የሥነ-ምግባር መከታተያ ክፍሎች (የሥነ-ምግባር መኮንኖች) ለተቋማቸው ተጠያቂነት መስፈንና ለቅድመ-መከላከል ስራው የበኩላቸውን ከፍተኛ ኃላፊነት እንዲወጡ ጥሪውን ያስተላልፋል።

"ትውልድን በሥነምግባር፤ ተቋምን በአሰራር!"

#የነፃ ስልክ መስመር 8623
://www.facebook.com/profile.php?id=61569995963416&mibextid=ZbWKwL

15/06/2026

አገርዓቀፍ የሥነ-ምግባር ግንባታ ሥልጠና እና የሙስና መከላከል ጥናት የፋይዳ ግምገማ የባለድርሻ ምክክር መድረክ እየተካሄደ ይገኛል

*** **** ***** ******

(ጋምቤላ.ሥ.ፀ.ሙ.ኮ ሰኔ 8/2018 ዓ.ም) የፌደራል የሥነምግባር እና የፀረ-ሙስና ኮሚሽን አገርዓቀፍ የሥነ-ምግባር ግንባታ ሥልጠና እና የሙስና መከላከል ጥናት የፋይዳ ግምገማ ከባለድርሻ አካላት ጋር የምክክር መድረክ እያካሄደ ይገኛል።

የምክክር መድረኩ ዓላማ በሀገር ደረጃ በመንግስት የመካከለኛ ዘመን ዕቅድ ማዕቀፍ ውስጥ በተከናወኑ የሥነምግባር ግንባታና የሙስና መከላከል ሥራዎች ላይ ምክክር በማድረግ ቀጣይ አቅጣጫዎችን ማመላከት ነው፡፡

በመድረኩ ባለፉት ሶስት የመካከለኛ ዘመን ዕቅድ የተሰሩ የሙስና መከላከል ሥራዎች የቀረቡ ሲሆን፣ በአገር አቀፍ ደረጃ በበርካታ መልካም አስተዳደር ችግሮች በታየባቸው የተቋማት አሰራር ሥርዓት ላይ የሙስና መከላከል ጥናቶች ተጠንተው ለተቋማት በምክረሐሳብ መልክ ቀርበዋል። በአስቸኳይ ሙስና መከላከልም በሀገርአቀፍ ደረጃ 4,588 በሚሆኑ ርዕሰ ጉዳዮች ላይ የአስቸኳይ ሙስና መከላከል ሥራ መስራት ተችሏል። በዚህም፣ የሙስና ወንጀል ሳይፈጸም በሂደት ላይ እያሉ ማቋረጥ እና ወደ ትክክለኛው አሰራር ሥርዓት እንዲገቡ ተደርጓል።

እንዲሁም በአገርአቀፍ ደረጃ 3,282 የሚሆኑ የሀብት ምዝገባ ትክክለኛነት የማጣራት ስራ ተከናውኗል።

ከዜጎች በሙስና ወንጀል መረጃነት 1,835 ያህል ቀርበው ለተገቢው ምርመራ ሥራ ለፍትህ አካላት ተልኳል። በቂ ማስረጃ የተገኘባቸውም ወደክስና ክርክር እንዲሁም የፍርድ ውሳኔ አሰጣጥ ደረጃ የደረሱ አሉ።

በመድረኩ በቀጣይ የሚሰጡ የሥነምግባር ግንባታ ስልጠናዎች ጥራትና ተገቢነት እና የሙስና መከላከል ስራዎች ውጤታማነት እንዲሁም የባለድርሻ አካላት ትብብርና ቅንጅት ይበልጥ እንዲጠናከሩ ምክክር ይደረጋል ተብሎ ይጠበቃል።

በምክክር መድረኩ የሕዝብ ተወካዮች ምክር ቤት የዲሞክራሲ ጉዳዮች ቋሚ ኮሚቴ ሰብሳቢ እና ምክትል ሰብሳቢ፣ የፍትህ ሚኒስቴር የዓቃቤ ህግ ዘርፍ ሚኒስትር ዴኤታ፣ የፌደራል ፖሊስ ኮሚሽን የወንጀል ምርመራ ጠቅላይ መምሪያ ም/ኃላፊ፣ የፌደራል ዋና ኦዲተር ከፍተኛ ምክትል ዋና ዳይሬክተር፣ የመንግስት ግዥና ንብረት አስተዳደር ከፍተኛ ዋና ዳይሬክተር፣ የፌዴራል፣ የክልል እና ከተማ አስተዳደር የሥነምግባር እና ፀረ-ሙስና ኮሚሽነሮች እና ምክትል ኮሚሽነሮች፣ የፌደራል ተቋማት የሥነምግባር መከታተያ ሥራ አስፈጻሚዎች እንዲሁም የፌዴራል ሥነምግባር እና ፀረ-ሙስና ማኔጅመንት ኮሚቴ አባላት ተገኝተዋል።

"ትውልድን በሥነምግባር፤ ተቋምን በአሰራር!"
ዘገባው የፌ .ሥ.ፀ.ኮ.ነው

#የነፃ ስልክ መስመር 8623
://www.facebook.com/profile.php?id=61569995963416&mibextid=ZbWKwL