Harari Regional Transport and Road Development Bureau

08/10/2026

በቁንደዶ አንደኛና መካከለኛ ትምህርት ቤት ተማሪዎች የመንገድ ደህንነት ግንዛቤ ተሰጠ

መስከረም 29/2019 ዓ.ም.

ተማሪዎች በየዕለቱ ከቤት ወደ ትምህርት ቤትሲሔዱና ወደ ቤት ተመልሰው ሲጓዙ ከትራፊክ አደጋ ራሳቸውን እንዲጠብቁ የመንገድ ደህንነት ግንዛቤ ተሰጥቷል።

በመርሃ ግብሩ 1,328 ተማሪዎች—734 ወንድ እና 594 ሴት—ተሳትፈዋል። ግንዛቤውን የሰጡት የሐረሪ ክልላዊ መንግሥት ትራንስፖርትና መንገድ ልማት ቢሮ የመንገድ ደህንነትና መድን ፈንድ አገልግሎት ዳይሬክቶሬት ዳይሬክተር ኢንጂነር በቀለ አንጊያ ናቸው።

ተማሪዎች መንገድን በአግባቡ ስለማቋረጥ፣ የትራፊክ ምልክቶችን ስለመረዳትና በመንገድ ላይ ጥንቃቄ ስለማድረግ ጠቃሚ ትምህርቶችን አግኝተዋል።

2019 ዓ.ም. — ከአደጋ በፊት መከላከል!

ግንዛቤና ቅድመ መከላከል ለተማሪዎቻችን ደህንነት!

አንድም ተማሪ በትራፊክ አደጋ እንዳይጎዳ፤ ወደ ትምህርት ቤት በሰላም መጥቶ ወደ ቤቱ በሰላም ይመለስ!

የሐረሪ ክልላዊ መንግሥት
ትራንስፖርትና መንገድ ልማት ቢሮ
የመንገድ ደህንነትና መድን ፈንድ አገልግሎት ዳይሬክቶሬት

08/10/2026

በሐረር የመንገድ ደህንነት ክትትል በተጠናከረ መልኩ ቀጥሏል።

ሐረር፣ መስከረም 28/2019 ዓ.ም. – በሐረር ከተማ የመንገድ ተጠቃሚዎችን ደህንነት ለማረጋገጥ የትራፊክ ክትትልና የትራንስፖርት ማመቻቸት ሥራዎች ተከናወኑ።

በተለይም በትምህርት ቤቶች፣ በግንባታ ሥፍራዎችና በሥራ መግቢያና መውጫ ሰዓታት የተሽከርካሪና የእግረኛ እንቅስቃሴ በመከታተል የትራፊክ ፍሰት እንዲስተካከል ተደርጓል።

በአውዲግዲግ ትምህርት ቤት አካባቢም አሽከርካሪዎች ስለትምህርት ቤቱ ቀድመው እንዲያውቁና ፍጥነታቸውን እንዲቀንሱ የሚያስጠነቅቅ የመንገድ ምልክት ተተክሏል።

በግንባታ ሥፍራዎችም የሕዝብ እንቅስቃሴ ሳይስተጓጎል የግንባታ ሥራዎች በሰላም እንዲከናወኑ የትራንስፖርት ማመቻቸትና ክትትል ተደርጓል።

የክንውኑ ዋና ትኩረትም አደጋ ከደረሰ በኋላ ምላሽ ከመስጠት ይልቅ፣ የአደጋ ምክንያቶችን ቀድሞ በመለየት መከላከል ነው።
“ምልክትን እናክብር፣ ጥንቃቄን እናጠናክር፣ ሕይወትን እንጠብቅ!” ሲል የሐረሪ ክልል ትራንስፖርትና መንገድ ልማት ቢሮ የመንገድ ደህንነትና መድን ፈንድ አገልግሎት መልዕክት አስተላልፏል።

አደጋን በጋራ እንከላከል!
መስከረም 28/2019 ዓ.ም
ሐረር

08/10/2026

አቶ ተመስገን ጥሩነህ ምክትል ጠቅላይ ሚኒስትር ሆነው ተሾሙ

አቶ ተመስገን ጥሩነህ የኢፌዲሪ ምክትል ጠቅላይ ሚኒስትር ሆነው ተሾሙ።

ጠቅላይ ሚኒስትር ዐቢይ አሕመድ (ዶ/ር) የመደመር መንግሥት ካቢኔያቸውን ለሕዝብ ተወካዮች ምክር ቤት አቅርበዋል።

በዚሁ መሰረት ጠቅላይ ሚኒስትሩ አቶ ተመስገን ጥሩነህን የኢፌዲሪ ምክትል ጠቅላይ ሚኒስትር እንዲሆኑ አቅርበዋል።

ምክር ቤቱ በጠቅላይ ሚኒስትር ዐቢይ አሕመድ (ዶ/ር) የቀረበውን የሹመት ጥያቄ መሠረት በማድረግ፣ የምክትል ጠቅላይ ሚኒስትር ተመስገን ጥሩነህን ሹመት አጽድቋል።

አቶ ተመስገን ጥሩነህ ሹመታቸው በምክር ቤቱ ከጸደቀ በኋላ ቃለ መሐላ ፈጽመዋል።

08/10/2026

08/10/2026

ጠቅላይ ሚኒስትር ዐቢይ አሕመድ (ዶ/ር) ለመደመር መንግሥት የሚኒስትሮች ምክር ቤት ያቀረቧቸው ዕጩዎች ዛሬ ጠዋት በሕዝብ ተወካዮች ምክር ቤት እንደሚከተለው ፀድቀዋል፦

1. ጌዲዮን ጢሞቲዮስ (ዶ/ር) - የውጭ ጉዳይ ሚኒስትር
2. አዲሱ አረጋ (ዶ/ር) - የግብርና ሚኒስትር
3. ⁠ ፍጹም አሰፋ (ዶ/ር) - የገንዘብ ሚኒስትር
4. አቶ መሃመድ እድሪስ - የመከላከያ ሚኒስትር
5. ብርሃኑ ነጋ (ፕ/ር) - የትምህርት ሚኒስትር
6. ሃና አርአያሥላሴ - የፍትሕ ሚኒስትር
7. ያስሚን ወሃብረቢ - የንግድና ቀጣናዊ ትስስር ሚኒስትር
8. ፍስሃ ይታገሱ (ዶ/ር) - የኢንዱስትሪ ሚኒስትር
9. ⁠ሃብታሙ ኢተፋ (ዶ/ር) - የውሃ እና ኢነርጂ ሚኒስትር
10. ⁠መቅደስ ዳባ (ዶ/ር) - የጤና ሚኒስትር
11. አወሉ አብዲ- የሥራና ክህሎት ሚኒስትር
12. አይናለም ንጉሴ - የገቢዎች ሚኒስትር
13. በረከት ፍስሃጽዮን - የብሔራዊ ስትራቴጂ ሚኒስትር
14. ሰላማዊት ካሳ- የባህልና ቱሪዝም ሚኒስትር
15. ዓለምጸሃይ ጳውሎስ - የማዕድን ሚኒስትር
16. ሳዳት ነሻ - የሎጂስቲክስ ሚኒስትር
17. ⁠ ሻዊት ሻንካ - የሴቶችና ማህበራዊ ጉዳይ ሚኒስትር
18. ⁠ሙሳ አደም - የሰላም ሚኒስትር
19. ⁠ ፍሬሕይወት ታምሩ - የኢኖቬሽንና ቴክኖሎጂ ሚኒስትር
20. ⁠መሃመድ አብዱራሃማን (ኢ/ር) - የከተማና መሰረተ ልማት ሚኒስትር
21. ⁠ሱልጣን ወሊ (ዶ/ር) - የመስኖ እና ቆላማ አካባቢ ሚኒስትር
22. ⁠ አክሊሉ ታደሰ (ዶ/ር) - የወጣቶችና ስፖርት ሚኒስትር

#የመደመርመንግሥት

07/10/2026

ለ1,621 ተማሪዎች የመንገድ ደህንነት ግንዛቤ ተሰጠ።

ሐረር፣ መስከረም 27/2019 – በሐረሪ ክልል ሐማሬሳ በሚገኘው በኒኮላስ አንደኛና መካከለኛ ትምህርት ቤት ለ1,621 ተማሪዎች የመንገድ ደህንነትና የትራፊክ አደጋ መከላከል ግንዛቤ ተሰጠ።

ግንዛቤው ተማሪዎች መንገድን በአግባቡ እንዲያቋርጡ፣ በመንገድ ላይ የደህንነት ሥርዓቶችን እንዲከተሉና ራሳቸውን ከትራፊክ አደጋ እንዲጠብቁ ለማስቻል ያለመ ነው።

ግንዛቤውን የሰጡት የሐረሪ ክልላዊ መንግሥት ትራንስፖርትና መንገድ ልማት ቢሮ የመንገድ ደህንነትና መድን ፈንድ አገልግሎት ዳይሬክቶሬት ዳይሬክተር ኢንጂነር በቀለ አንጊያ ሲሆኑ፣ በዕለታዊ የትምህርት ቤት ጉዞ ወቅት ተማሪዎች ሊያጋጥሟቸው ስለሚችሉ የትራፊክ አደጋዎች እና የመከላከያ መንገዶች ማብራሪያ ሰጥተዋል።

በተጨማሪም ተማሪዎች በትምህርት ቤት መግቢያና መውጫ ወቅት በቀላሉ እንዲታዩ የሚያግዝ አንጸባራቂ የሥራ ልብስ ድጋፍ ተደርጓል።

የክልሉ የ2019 ዓ.ም. የመንገድ ደህንነት ትኩረት አደጋ ከደረሰ በኋላ ምላሽ ከመስጠት ይልቅ አደጋን አስቀድሞ በመከላከል ላይ ያተኮረ ሲሆን፣ “አንድም ተማሪ በትራፊክ
አደጋ እንዳይጎዳ” የሚል ዓላማ ተቀምጧል።

የትራፊክ አደጋን በጋራ እንከላከል !
መስከረም 27/2019 ዓ.ም
ሐረር

06/10/2026

የፌዴራል ትራንስፖርትና ሎጀስቲክስ ሚኒስቴር የ2019 ዓ.ም የመጀመሪያ ሩብ ዓመት የክልሎች የቅድመ ዝግጅት ሥራዎችን መሠረት በማድረግ የተቀናጀ ክትትልና ድጋፍ ሥራ አካሂዷል።

በዚህ መሠረት በሐረሪ ክልል ትራንስፖርትና መንገድ ልማት ቢሮ በመገኘት፣ በተዘጋጀው የቼክሊስት መሠረት የቢሮው የሥራ አፈጻጸም ከእቅድ ዝግጅት ጀምሮ በዝርዝር ተገምግሟል።

አራት አባላትን ያቀፈው የግምገማ ቡድን በቢሮው በመገኘት የክትትልና ድጋፍ ሥራውን ሲያከናውን፣ የቢሮው ምክትል ቢሮ ኃላፊ ኢ/ር ፈትሒ ተውፊቅ ቡድኑን ተቀብለው ከክትትልና ድጋፍ ባሻገር ያለውን ልምድና ተሞክሮ ለቢሮው እንዲያካፍሉ እና ለቀጣይ ሥራ የሚያግዝ ገንቢ ግብረመልስ እንዲሰጥ በመግለጽ መድረኩን ከፍተዋል።

በግምገማውም የቢሮው የዕቅድ ዝግጅትና የድርጊት መርሃ ግብር፣ የትራንስፖርት አገልግሎት አሰጣጥ፣ የተገልጋዮች እርካታ፣ የመናኸሪያ ሪፎርም አፈጻጸም፣ የተሽከርካሪ ምርመራ ተቋማት እና የአሽከርካሪዎች ማሰልጠኛ ተቋማት አሠራር በተቀመጠው ስታንዳርድ መሠረት በተግባር መዋላቸውን የሚያሳዩ ማስረጃዎች ተመልክተዋል።

በተጨማሪም በቢሮ ደረጃ የተደረገውን ሰነድና ማስረጃ ግምገማ ተከትሎ የመስክ ጉብኝት ተካሂዷል። በዚህም በክልሉ የሚገኙ መናኸሪያዎችን በመጎብኘት የአገልግሎት አሰጣጡ ከተቀመጡ መስፈርቶችና ስታንዳርዶች ጋር በማነጻጸር በቦታው ላይ ምልከታ ተደርጓል።

የተቀናጀው ክትትልና ድጋፍ ዓላማው በክልሉ የትራንስፖርት ዘርፍ የተሻለ የአገልግሎት ጥራትና ተደራሽነት ለማረጋገጥ፣ የተገልጋይ እርካታን ለማሳደግ እና የተጀመሩ የሪፎርም ሥራዎችን በተገቢው አግባብ ለማስፈጸም የሚያግዙ ግብረመልሶችንና የድጋፍ ሥራዎችን ማጠናከር ነው።

በመጨረሻም በቢሮ ደረጃ የተካሄደው ግምገማና የመስክ ምልከታ የተገኙ ግኝቶችን በመለየት፣ ጠንካራ አፈጻጸሞችን በማጠናከርና የሚቀሩ ክፍተቶችን በማረም የቀጣይ ሥራ አቅጣጫዎችን ለማስቀመጥ የሚያግዝ መሆኑ ተገልጿል።

መስከረም 26/2019 ዓ.ም
ሐረር

06/10/2026

የኢንሹራንስ ተቋማት በመንገድ አደጋ ቅድመ መከላከልና ተጎጂዎችን በመደገፍ ላይ እንዲበረቱ ጥሪ ቀረበ።

ሐረር፦ የኢንሹራንስ ተቋማት የመንገድ አደጋን በቅድመ መከላከል ላይ ያላቸውን ሚና ከማጠናከር ባሻገር፣ በአደጋ ለተጎዱ ዜጎችና ቤተሰቦቻቸው የሚያደርጉትን ማኅበራዊ ድጋፍ እንዲያሳድጉ ጥሪ ቀረበ።

ጥሪው የቀረበው የኢትዮ ላይፍ ኢንሹራንስ የሐረር ክልል ቅርንጫፍ ሐላፊ አቶ በሐር አሜ በትራፊክ አደጋ ወላጆቻቸውን ላጡ ወይም ወላጆቻቸው በአደጋ ምክንያት ለተጎዱ ሕፃናት የመማሪያ ቁሳቁስ ባበረከተበት የድጋፍ መርሐ ግብር ላይ ነው።

የሐረሪ ክልላዊ መንግሥት ትራንስፖርትና መንገድ ልማት ቢሮ ኃላፊ ኢንጂነር ፈረሐን ዚያድ እንዳሉት፣ ከአደጋ በኋላ ለተጎጂዎች የሚደረግ ድጋፍ አስፈላጊ ቢሆንም፣ አደጋዎች እንዳይከሰቱ በቅድመ መከላከል ላይ መስራት የበለጠ ትኩረት ሊሰጠው ይገባል።

ኢንሹራንስ ተቋማትም ከካሳ ክፍያ ባሻገር በመንገድ ደህንነት ግንዛቤ፣ በአደጋ ቅድመ መከላከልና በተጎጂዎች ድጋፍ ላይ ያላቸውን ሚና በማጠናከር ከመንግሥትና ከሌሎች ባለድርሻዎች ጋር በቅንጅት እንዲሰሩ ጥሪ ቀርቧል።

በኢትዮ ላይፍ ኢንሹራንስ የተደረገው የመማሪያ ቁሳቁስ ድጋፍም በአደጋ ተጎጂዎች ጎን የመቆም የማኅበራዊ ኃላፊነት ተግባር መሆኑ ተገልጿል።

የመንገድ ደህንነት የሁሉም የጋራ ኃላፊነት በመሆኑ፣ ቅድመ መከላከልንና ከአደጋ በኋላ የሚደረግ ድጋፍን በተቀናጀ መልኩ ማጠናከር እንደሚገባ ተጠቁሟል።

የሐረሪ ክልላዊ መንግሥት
ትራንስፖርትና መንገድ ልማት ቢሮ
የመንገድ ደህንነትና መድን ፈንድ አገልግሎት ዳይሬክቶሬት
መስከረም 26/2019 ዓ.ም
ሐረር

06/10/2026

በውጭ አገር የሚኖሩ አንድ የሀረሪ ተወላጅ 20 ሚሊየን ብር ግምት ያላቸው 50 የእጅ ውሃ ፓምፖችን ድጋፍ አደረጉ

ሀረር፣መስከረም 26/2019(ሀክመኮ):-በአሜሪካ አገር የሚኖሩ አንድ የሀረሪ ተወላጅ 20 ሚሊየን ብር ግምት ያላቸው 50 የእጅ ውሃ ፓምፖችን ለክልሉ በድጋፍ አበርክተዋል።

ድጋፉን የተረከቡት የሀረሪ ክልል ውሃና ፍሳሽ ባለስልጣን ሀላፊ አቶ አህመድ መሃመድ ድጋፉ በክልሉ በገጠር ወረዳዎች የመጠጥ ውሃ አቅርቦትን ለማሳደግ እንደሚያግዝ ገልፀዋል።

በተለይ ድጋፉ በክልሉ የንፁህ መጠጥ ውሃ አቅርቦትን ለማሳደግ እየተከናወኑ ለሚገኙ ስራዎች ተጨማሪ አቅም የሚሆን ነው ብለዋል።

በመጨረሻም ግለሰቡ በክልሉ የተጀመሩ የንፁህ መጠጥ ውሃ አቅርቦት መሰረተ ልማት ስራዎችን በመደገፍ ላደረጉት ድጋፍ ምስጋናቸውን አቅርበዋል።