Hadiya Zone Lemo Woreda Government Communication Affairs

10/10/2026

ምክር ቤቱ በረዳት የመንግስት ተጠሪነት የቀረበለትን እጩዎች ሹመት አጸደቀ

ሆሳዕና ከተማ አስተዳደር መ/ኮ/ጉ/ጽ/ቤት
30/1/2019 ዓ/ም

የሀድያ ዞን ምክር ቤት በረዳት የመንግስት ተጠሪነት የቀረበለትን እጩዎች ሹመት አጽድቋል

በዚህም መሰረት

1. አቶ አብነት መላኩ የመንግስት ረዳት ተጠሪ የፖለቲካና ርዕዮተ ዓለም ዘርፍ ኃላፊ

2. ወይዘሮ ዓለምጸሃይ ተሰማ የመንግስት ረዳት ተጠሪ የአደረጃጀት ዘርፍ ኃላፊ በመሆን ተሹመዋል ።

ተሿሚዎቹ በምክር ቤት ፊት ቀርበው ቃለ መሃላ ፈጽመዋል።

10/10/2026

አቶ ዮሃንስ አበጋ የሀድያ ዞን ዋና አስተዳዳሪ ሆነው ተሰየሙ

ሆሳዕና 30/01/2019 ዓ.ም

የሀዲያ ዞን ም/ቤት 4ተኛ ዙር 14ተኛ የሥራ ዘመን 8ተኛ አስቸኳይ ጉባኤ እያከሄደ ነው።

ምክር ቤቱ እያካሄደ ባለው አስቸኳይ ጉባኤ አቶ ዮሃንስ አበጋን የዞኑ ዋና አስተዳዳሪ አድርጎ ሰይሟል።

አቶ ዮሃንስ አበጋ በምክር ቤቱ ፊት ቀርበው ቃለ መሃላ በመፈጸም ስራ ጀምረዋል።

08/10/2026

"የፓርቲውን እሳቤ በማስረጽ የአመራሩን የመፈፀም አቅም ማጎልበት ይገባል" - አቶ መሳይ ተስፋዬ

ሆሳዕና፤ መስከረም 28/2019 ዓ.ም በማዕከላዊ ኢትዮጵያ ክልል የሀዲያ ዞን ብልጽግና ፓርቲ ቅ/ጽ/ቤት የፖለቲካና አቅም ግንባታ ዘርፍ የመጀመሪያ ሩብ ዓመት ዕቅድ አፈፃፀም የግምገማ መድረክ የሁሉም ወረዳና ከተማ አስተዳደሮች የዘርፉ ዋና እና ምክትል ኃላፊዎች በተገኙበት ተካሄዷል፡፡

በመድረኩም የሀዲያ ዞን ብልጽግና ፓርቲ የፖለቲካና አቅም ግንባታ ዘርፍ ምክትል ኃላፊ አቶ አብርሃም ባሶሬ የመጀመሪያ ሩብ ዓመት አፈፃፀም ሪፖርት ያቀረቡ ሲሆን፤

እንዲሁም የሁሉም ወረዳዎችና ከተማ አስተዳደሮች የዘርፉን የሩብ አመት ሪፖርትና ነባራዊ ሁኔታ በዝርዝር አቅርበው በቀረቡት የዞኑ እና የየመዋቅሩ ሪፖርቶች ላይ ሰፊ ውይይት ተደርጎ አቅጣጫዎች ተቀምጠዋል።

የስብሰባ መድረኩን የመሩት የሀዲያ ዞን ብልጽጋና ፓርቲ የፖለቲካና አቅም ግንባታ ዘርፍ ኃላፊ አቶ መሳይ ተስፋዬ የፓርቲውን እሳቤ በማስረጽ የአመራሩን የመፈፀም አቅም ማጎልበትና የህዝቡን ተጠቃሚነት ሊያረጋግጡ የሚችሉ የፖለቲካና አቅም ግንባታ ሥራዎችን አጠናክሮ ማስቀጠል እንደሚገባ ገልፀዋል፡፡

ኃፊው አያይዘውም ወሳኝ የሆኑ የልማትና የመልካም አስተዳደር ሥራዎችን በንቅናቄ እና በህዝብ ተሳትፎ ማከናወን እንደሚገባ አመላክተዋል።

እንዲሁም የፓርቲው አመራር በፓርቲው የተነደፉ የልማት ኢንሼቲቮችን በአግባቡ በመምራትና በማስተባበር የህብረተሰቡን ፍትኃዊ ተጠቃሚነት እንዲረጋገጥ መስራት እንደሚገባ አሳስበዋል፡፡

የዞኑ የፖለቲካና አቅም ግንባታ ዘርፍ ምክትል ኃላፊ አቶ አብርሃም ባሶሬ በበኩላቸው ባለፉት ሶስት ወራት የፓርቲውን የፖለቲካ ስራዎች እና በንቅናቄ የሚመሩ ተግባራት ስራዎች የተሻሉ ቢሆኑም በሁለተኛው ሩብ አመት ስንገመግም የበለጠ የተሻለ ውጤት ለማስመዝገብ መረባረብ ይገባል ብለዋል።

በመጨረሻም በአፈፃፀም ግምገማ መድረኩ ላይ በቀጣይ ሩብ ዓመት ተግባራትን በተሻለ ሁኔታ ለመፈፀም የሚያስችሉ የተለያዩ አቅጣጫዎችና የመፍትሔ ሃሳቦች ተቀምጠው መድረኩ ተጠናቋል።

08/10/2026

የመደመር መንግሥት ካቢኔ

08/10/2026

08/10/2026

08/10/2026

ኢትዮጵያን የሚመስል ስብጥር ያለውና የተፎካካሪ ፓርቲ አባላትን ያቀፈ የመደመር መንግሥት ካቢኔ

1. ጌዲዮን ጢሞቲዎስ (ዶ/ር)፦ የውጭ ጉዳይ ሚኒስትር

2. አቶ አዲሱ አረጋ፦ የግብርና ሚኒስትር

3. ፍጹም አሰፋ (ዶ/ር)፦ የገንዘብ ሚኒስትር

4. መሐመድ እድሪስ ፦ የመከላከያ ሚኒስትር

5. ፕሮፌሰር ብርሃኑ ነጋ፦ የትምህርት ሚኒስትር

6. ሀና አርያስላሴ ፦ የፍትህ ሚኒስትር

7. ያስሚን ወሃብረቢ፦ የንግድና ቀጣናዊ ትስስር ሚኒስትር

8. ፍስሃ ይታገሱ (ዶ/ር)፦ የኢንዱስትሪ ሚኒስትር

9. ኢንጂነር ሀብታሙ ኢተፋ (ዶ/ር)፦ የውሃ እና ኢነርጂ ሚኒስትር

10. ዶክተር መቅደስ ዳባ፦ የጤና ሚኒስትር

11. አቶ አወሉ አብዲ፦ የስራ እና ክህሎት ሚኒስትር

12. ወይዘሮ አይናለም ንጉሴ፦ የገቢዎች ሚኒስትር

13. አቶ በረከት ፍሰሃጽዮን፦ የብሔራዊ ስትራቴጂ ሚኒስትር

14. ሰላማዊት ካሳ፦ የባህልና ቱሪዝም ሚኒስትር

15. ወይዘሮ ዓለምፀሐይ ጳውሎስ፦ የማዕድን ሚኒስትር

16. አቶ ሳዳት ነሻ፦ የሎጅስቲክስ ሚኒስትር

17. ወይዘሮ ሸዊት ሻንካ፦ የሴቶችና ማህበራዊ ጉዳይ ሚኒስትር

18. አቶ ሙሳ አደም፦ የሰላም ሚኒስትር

19. ፍሬህይወት ታምሩ፦ የኢኖቬሽንና ቴክኖሎጂ ሚኒስትር

20. ኢንጂነር መሐመድ አብዱራህማን፦ የከተማ እና መሰረተ ልማት ሚኒስትር

21. ኢንጂነር ሱልጣን ወሊ(ዶ/ር)፦ የመስኖና ቆላማ አካባቢ ሚኒስትር

22. አክሊሉ ታደሰ (ዶ/ር)፦ የወጣቶችና ስፖርት ሚኒስትር

07/10/2026

" ከተረጂነት ወደ ምርታማነት"

በሀዲያ ዞን ሌሞ ወረዳ ከተረጂነት ወደ ምርታማነት ለመሸጋገር የሚሰሩ ተግባራት አፈጻጸም ያለበት ደረጃ በጥልቀት ተገመገመ ።

ሆሳዕና፣መስከረም27/2019 ዓ.ም(ሌሞ ኮሚዩኒኬሽን)

የሌሞ ወረዳ ግብርና ጽ/ቤት የአደጋ ስጋት ሥራ አመራር ዘርፍ ተግባራት ያለበትን ሂደት በሚመለከት ከባለድርሻ አካላት ጋር የግምገማ መድረክ አካሄዷል ።

የሌሞ ወረዳ ግብርና ጽ/ቤት ኃላፊ አቶ ሰልፋሞ ወ/ዮሐንስ እንደገለጹት ሀገራችን ከተረጂነት ለመላቀቅ በምታደርገው እንቅስቃሴ ሁሉም ዜጋ የበኩሉን አስተዋጽኦ ሊያደርግ እንደሚገባ ጠቁመው በሌሞ ወረዳ በዘንድሮው ዓመት ሀብት አሰባሰብ ፣የፎጮ እና ምግብ ነክ ያልሆኑ ቁሳቁስ አሰባሰብን በተያዘው የጊዜ ሰሌዳ ከግብ በማድረስ ተረጂነትን ለማሸጋገር ከድህነት ለመላቀቅ በትኩረት ሊሰራ ይገባል ብለዋል።

የሌሞ ወረዳ ዋና አስተዳዳሪ አቶ ታደለ ደምሴ እንደተናገሩት እንደ ሀገር እየተሰራ ከሚገኘው የመንግስት ኢኒሼቲቮች መካከል አንዱ አካል የሆነው ከተረጂነት ወደ ምርታማነት ለመሸጋገር የሚደረገውን ጥረት ባጠረ ጊዜ ውስጥ ከግብ ለማድረስ በራስ አቅም ከተረጂነት ለመሸጋገር በወረዳችን እየተሰሩ ያሉ ስራዎች ልዩ ትኩረት ተሰጥቶበት ሊሰራ ይገባል ብለዋል።

የመድረኩ ተሳታፊዎችም የተለያዩ ሀሳቦችንና አስተያየቶችን በመስጠት በወረዳው ዋና አስተዳዳሪ በኩል በጉዳዩ ላይ የሚመለከታቸው አካላት ልዩ ትኩረት ሰጥተው ከጊዜ ሰሌዳው በፊት ከግብ ማድረስ እንዳለባቸው የስራ አቅጣጫ ሰጥተውበት ግምገማው ተጠናቋል።

ዘጋቢ:-ዕፁብ አዳነ

07/10/2026

ዘላቂ ሰላም ለሁለንተናዊ ብልጽግናችን"በሚል መሪ ቃል የሌሞ ወረዳ የፀጥታ ምክር ቤት ከባለድርሻ አካላት ጋር ውይይት አካሄዷል።

ሆሳዕና፣መስከረም27/2019 ዓ.ም(ሌሞ ኮሚዩኒኬሽን)

‎በሀዲያ ዞን የሌሞ ወረዳ ሰላምና ፀጥታ ጽ/ቤት የ2018 በጀት ዓመት የፀጥታ ምክር ቤት ዕቅድ አፈጻጸም ግምገማ እና የ2019 በጀት ዓመት ጠቋሚ ዕቅድ ላይ ከባለድርሻ አካላት ጋር ሰፊ ውይይት አካሄዷል።
‎
‎በመድረኩ የሌሞ ወረዳ ሰላምና ፀጥታ ጽ/ቤት ኃላፊና የፀጥታው ምክር ቤት ምክትል ሰብሳቢ አቶ ተሻለ የሱፍ የ2018 በጀት ዓመት ሪፖርትና የ2019 በጀት ዓመት ጠቋሚ ዕቅድ ሰነድ ያቀረቡ ሲሆን በቀረበው ሰነድ መነሻ ሰፋ ያለ ውይይት ተደርጎበታል።
‎
‎መድረኩንም የሌሞ ወረዳ ዋና አስተዳዳሪ እና የፀጥታ ምክር ቤቱ ሰብሳቢ አቶ ታደለ ደምሴ፣የሰላምና ፀጥታ ጽ/ቤት ኃላፊ የሆኑት አቶ ተሻለ የሱፍ እንዲሁም የወረዳው ፖሊስ አዛዥ ምክትል ኢንስፔክተር አሸናፊ መኔቦ በጋራ በመሆን መርተውታል።
‎
‎በመድረኩ የተገኙት የሌሞ ወረዳ ዋና አስተዳዳሪና የፀጥታ ምክር ቤቱ ሰብሳቢ አቶ ታደለ ደምሴ እንደገለፁት የፀጥታ አካላት በወረዳችን ዘላቂ ሰላም እንዲኖርና ህብረተሰቡ በሰላም ወጥቶ እንዲገባ ከማድረግ አንፃር የማይተካ ሚና እየተጫወቱ እንደሚገኙ በመግለፅ በወረዳው ለግጭትና ላለመግባባት መንስኤ እየሆኑ የሚገኙ ጉዳዮችን በመለየት ዘላቂ በሆነ መልኩ ተቀናጅቶ መስራት ይገባል ሲሉ ተናግረዋል።
‎
‎አቶ ታደለ አያይዘውም በሰላም እሴት ግንባታ ሂደት የኃይማኖት ተቋማት፣በጎ ፈቃደኞች፣መንግስታዊና መንግስታዊ ያልሆኑ ተቋማት ሚናቸው የጎላ እንደሆነም አውስተዋል።
‎
‎የሌሞ ወረዳ ሰላምና ፀጥታ ጽ/ቤት ኃላፊ አቶ ተሻለ የሱፍ የፀጥታ ምክር ቤቱ ከተቋቋመበት ጊዜ አንስቶ ከወረዳው የጸጥታ አካላት ጋር በመሆን በተነሳሽነት፣ በቁርጠኝነት፣በጽናት እና ቅንጅታዊ አሰራርን በማጎልበት አበረታች ተግባራት እየተከናወኑ ይገኛል ሲሉ ሀሳባቸውን ገልፀዋል።
‎
የሌሞ ወረዳ ፖሊስ አዛዥ ምክትል ኢንስፔክተር አሸናፊ መኔቦ በበኩላቸው የፀጥታ ምክር ቤቱ ትኩረት ሰጥቶ የሚሰራባቸውን ተግባራት በማጠናከር የህብረተሰቡን የሰላም እሴት በማጎልበት፣ከወረዳው ማህበረሰብ ጋር ጠንካራ ግንኙነት በመፍጠር የአብሮነትና የመካባበር እሴቶችን በማጎልበት፣ቤተ እምነቶችና ማህበራትን በህግ አግባብ እንዲንቀሳቀሱ ማድረግ እንደሚገባ አመላክተዋል።

የፀጥታ ምክር ቤት አባላትም የሚጠበቅባቸውን ተግባር በንቃት ተወጥተው ለሠላም መስፈን የድርሻቸውን አስተዋፅኦ እንደሚያበረክቱ አቋማቸውን ገልጸዋል ።

በመድረኩም ላለፉት አስር ዓመታት የሀይማኖት ተቋማትን በመወከል የመሩ የሀይማኖት አባቶችን በመሸኘት አዲሶቹን የማስተዋወቅ መርሃ-ግብር ተደርጎ ለቀድሞዎቹ የሀይማኖት መሪዎችም የምስክር ወረቀትና ስጦታ ተበርክቶላቸዋል።

ዘጋቢ:-ዕፁብ አዳነ

07/10/2026

የሕዝብ ተወካዮች ምክር ቤት በ1ኛ ልዩ ስብሰባው በቀረበ ረቂቅ አዋጅ ላይ እየተወያየ ነው

አዲስ አበባ፣ መስከረም 27፣ 2019 (ኤፍ ኤም ሲ) የሕዝብ ተወካዮች ምክር ቤት በፌደራል መንግሥት አስፈጻሚ አካላት ስያሜ፣ አደረጃጀት፣ ስልጣንና ተግባር ለመወሰን በቀረበው ረቂቅ አዋጅ ላይ እየመከረ ይገኛል።

ምክር ቤቱ እያካሄደ በሚገኘው 1ኛ ልዩ ስብሰባው የመንግሥት ተወካይ አቶ ፍቃዱ ተሰማ በረቂቅ አዋጁ አስፈላጊነት ላይ ማብራሪያ አቅርበዋል።

ከዚህ በፊት የነበሩት ሚኒስቴር መስሪያ ቤቶች 22 ሆነው እንደሚቀጥሉ በማብራሪያቸው ላይ አመልክተዋል።

በተጨማሪም ሁለት ሚኒስቴር መስሪያ ቤቶች ላይ የስያሜ ለውጥ መደረጉንና ሁለት ሚኒስቴሮች አንደ አዲስ መቋቋማቸው ተብራርቷል።

ቀድሞ "የባህልና ስፖርት ሚኒስቴር" የነበረው በአዲሱ "የወጣቶች እና ስፖርት ሚኒስቴር" በሚል እንዲሁም ቀድሞ "የቱሪዝም ሚኒስቴር" የነበረው በአዲሱ "የባህልና ቱሪዝም ሚኒስቴር" በሚል መቋቋማቸው ተጠቁሟል።

በተጨማሪም ቀድሞ "የፕላንና ልማት ሚኒስቴር" የነበረው "የብሔራዊ ስትራቴጂ ሚኒስቴር" በሚል የተቋቋመ ሲሆን፤ ቀድሞ "የትራንስፖርትና ሎጂስቲክስ ሚኒስቴር" የነበረው "የሎጂስቲክስ ሚኒስቴር" በሚል ስያሜያቸው መቀየሩ ተገልጿል።

በሚኒስቴር መስሪያ ቤቶቹ ላይ ማሻሻያው ያስፈለገው ይበልጥ ውጤታማ ለማድረግና ከተልዕኳቸው ጋር ለማጣጣም መሆኑም ተብራርቷል።

በረቂቅ አዋጁ ላይ የፕላንና ልማት ሚኒስትር ፍጹም አሰፋ (ዶ/ር) ማብራሪያ እያቀረቡ እንደሚገኙ ከምክር ቤቱ ያገኘነው መረጃ ያመለክታል፡፡