Xafiiska Arimaha Bulshada DDS

11/09/2026

Waxaa maanta, lagu qabtay Kulliyadda Farsamada gacata ee jigjiga ( jigjiga polytechnic College) tababar ku saabsan xuquuqda dadka Bahiyaha gaarka ah qaba
Tababarku waxaa diirada lagu saarayay
Wacyigelinta xuquuqda dadka bahiyaha gaarka ah qaba Iyo sidii
Fahan buuxa uga qaadan lahayeen Heshiiska Caalamiga ah ee Xuquuqda Dadka bahiyaha garka ah qaba kaas oo diirada lagu saarayay
Ka-qaybgalka iyo sinnaanta dadka bahiyaha gaarka ah qaba
Dhiirrigelinta bulsho loo dhan yahay oo aan takoor lahayn.
Tababarku wuxuu ahaa fursad lagu xoojinayo aqoonta iyo fahamka ku saabsan ilaalinta iyo horumarinta xuquuqda dadka naafada ah.

Waxda xidhidhka dad waynaha Ee
Xafiiska shaqada iyo arimaha bulshada DDS

09/09/2026

Waxaa magaalada Jigjiga lagu qabtay munaasabad si heer sare ah loo soo agaasimay oo lagu xusayay 4-ta bisha Baagume, taas oo halkudheg looga dhigay “Maalinta Midnimadu waa Maalinta Dib Usoo Kabashada Itoobiya".

Munaasabadda ayaa waxaa ka qaybgalay qaar ka mid ah masuuliyiinta sare ee xukuumadda deegaanka oo ay ka mid yihiin Madaxa Arrimaha Siyaasadda iyo Kobcinta Awoodda ee Xisbiga Barwaaqo ee Soomaalida Mudane C/raxmaan Axmed Xasan, Wasiirka Xafiiska Arrimaha Bulshada DDS Mudane Qabdiid Cabdi Cumar
Wasiirka Xafiiska Warfaafinta DDS Mudane Maxamed Aadan Daahir, Wasiirka Xafiiska Caafimaadka DDS Dr. Muuse Axmed Ibraahin, Wasiirka Xafiiska Dhaqanka iyo Dalxiiska DDS, Marwo Warsan Cawil, Wasiirka iyo masuuliyiin kale.

Sidoo kale, waxaa munaasabadda kasoo qaybgalay macallimiin, waalidiin, arday, ururrada bulshada, bahda fanka iyo martisharaf kale.

Madaxa Arrimaha Siyaasadda iyo Kobcinta Awoodda ee Xisbiga Barwaaqo ee Soomaalida, Mudane C/raxmaan Axmed Xasan oo munaasabadda ka hadlay ayaa sheegay in shanta maalmood ee bisha Baagume loo asteeyay xus iyo xasuusin ku saabsan dadaalladii la sameeyay sanadihii tagay iyo qorshayaasha horumarineed ee sanadka cusub.

Waxa uu intaa ku daray in midnimada, wadajirka iyo isdhexgalka bulshadu tahay fursad xoogga lagu saarayo waxyaabaha bulshada mideeya maadaama midnimadu aasaas u tahay nabadda, horumarka iyo jiritaanka bulshada.

Maalinta Midnimada ayaa sidoo kale lagu qabtay hawlo bulshada loogu adeegayo oo ay ka mid yihiin jimicsi wadareed, tabarucaad dhiigshubis ah, baadhitaan caafimaad oo bilaash ah iyo qaybinta agab waxbarasho oo la siiyay arday laga soo xulay qaar ka mid ah dugsiyada waxbarashada ee magaalada Jigjiga.

01/09/2026

𝐓𝐀𝐂𝐒𝐈
**********"

Inaa lilaahi wa Inaa ilayhi Raajicuun Masuuliyiinta iyo Shaqalaaha Xafiiska Shaqada Iyo Arrimaha Bulshada DDS, oo uu Ugu horeeyo Wasiirka Xafiiska mudane Qabdid cabdi Cumar , Waxay ka Tacsiyaynayaan Geerida Ku timid Alah ha u Naxariistee marxuun Mustafe Axmed, oo Ku geeriyoday magaalada jigjiga.

Masuuliyiinta iyo Shaqaalaha Xafiisku Waxay Alle SWT uga baryayaan in Marxuumka ka waraabiyo naxariistiisa ballaadhan, hoygiisana ka yeelo Jannatul Fardowsa, samir iyo iimaanna ka siiyo qoyskiisa, ehelkiisa, asxaabtiisa iyo dhammaan Bulshadu ka baxay

𝐈𝐍𝐍𝐀𝐀 𝐋𝐈𝐋𝐋𝐀𝐀𝐇𝐈 𝐖𝐀 𝐈𝐍𝐍𝐀𝐀 𝐈𝐋𝐄𝐘𝐇𝐈 𝐑𝐀𝐀𝐉𝐈𝐂𝐔𝐔𝐍

22/08/2026

Guddiga tabarucaadka bilaha xagaaga ayaa soo kormeeray guryaha loo dhisayo dadka danyarta ah ee ku nool magaalada Jigjiga.

Guddiga Tabarucaadka Xagaaga ee Xafiisyada Heer Deegaan oo uu hoggaaminayay Wasiirka Xafiiska Arrimaha Bulshada DDS Mudane Qabdiid Cabdi ayaa ukuurgalay habsami u socodka dhismayaasha kala duwan ee loogu talagalay qaar ka mid ah bulshada danyarta ah ee laga soo kala xulay xaafadaha magaalada Jigijiga.

Wasiirka Xafiiska Arrimaha Bulshada DDS Mudane Qabdiid Cabdi Cumar oo kormeerka kadib warbaahinta la hadlay ayaa sheegay in ay si wanaagsan usocdaan guryaha danyarta ee magaalada Jigjiga, kuwaas oo ay tiradoodu dhan tahay 20 guri, iyadoona haatan ay dhamaadeen 10 guri halka 10-ka kalena ay shaqadu ku socoto.

Isku soo wada duuboo waxaa guud ahaanba Dalka iyo Deegaanka si habsami leh uga socda hawlaha tabaarucaadka bilaha xagaaga kuwaas oo isugu jira dhiigshubis, dhirbees iyo caawinta dadka danyarta ah oo qaarkood guryo loo dhisayo.

18/08/2026

Wasiirka Xafiiska Shaqada iyo Arrimaha Bulshada DDS, Mudane Qabdid Cabdi Cumar, ayaa kormeer indho-indhayn ah ku tegay Wakaaladda Xarunta Daryeelka Dadka Baahiyaha Gaarka ah qaba ee Magaalada Jigjiga.
Kormeerka ayaa diiradda lagu saaray qiimaynta adeeg-bixinta ee wakaaladda, iyo sidii loo sii xoojin lagaa adeegyada bulshada.
Sidoo kale, kormeerku wuxuu ku saabsanaa:
Dardargelinta adeegyada xarunta iyo tayaynta adeeg bixinta wakaalada.

Kormeerkan ayaa qayb ka ah dadaallada lagu horumarinayo tayada adeegyada bulshada, ee ay wakaaladu bixiso.

17/08/2026

Gudiga maaraynta ee xafiiska shaqada iyo arimaha bulshada oo uu shir gudoominayay Madaxa xafiiska Mudane Qabdiid cabdi cumar ayaa shirkoodii caadiga ahaa qabsaday maanta galinkii danbe
Agendaha shirka ayaa waxaa kamid ahaa
1. Qiimaynta goobaha adeeg bixinta xafiiska iyo hirgalinta goobo ku haboon adeeg bixinta.

2. kobcinta awooda shaqaalaha xafiiska waaxihiisa kaladuwan,

3. dardargalinta shaqo galka iyo isla xisabtan shaqada gudaha ee xafiiska

Kulanka oo si balaadhan loogu gorfeeyay ajendeyaasha kor kuxusan, ayuu gabagabadii waxaa la isla gartay in dhamaan qodabadaa siday tahay loo hirgaliyo.

wasiirka xafiiska ayaa gunaanadkii shirka jihooyin guud kabixiyay Qodobada shirka waxaana la islaqaatay in gashi laga dhigto goldaloolooyinkii kasoobaxay Geedi-socodka shaqooyinka islamarkaana la xoojiyo Shaqooyinka xafiiska

Waaxda xidhiidhka dadwaynaha ee xafiiska shaqada iyo arimaha bulshada Ee DDS📝

16/08/2026

Xafiiska Shaqada iyo Arrimaha Bulshada DDS ayaa 100 Mootooyinka loogu talogalay dadka baahiyaha gaarka ah qaba u qaybiyay si ay ugu adeegtaan.

Wasiirka Xafiiska Shaqada iyo Arrimaha Bulshada DDS Mudane Qabdiid Cabdi Cumar oo ka hadlay munaasabadda ayaa sheegay in mootooyinkani ay wax weyn ka tari doonaan dadka baahiya gaarka ah qaba, adeegyadooda gaarka ahana ay ku qabsan doonaan si madaxbanaan oo maalin le ah. Sidoo kale wasiirka ayaa sheegay in uu xafiisku si dhaw uga warhayo dadka baahiyaha gaarka ah qaba daryeelkooda iyo taakulaytooda.

Geestoodana, dadkii mootooyinka la guddoonsiiyay ayaa si diirran u soo dhaweeyay deeqdan, iyagoo uga mahadceliyay DDS, isla markaana ballanqaaday inay si wanaagsan u ilaashan doonaan mootooyinka.

Deeqdan ayaa ah markii saddexaad ee Xafiiska Shaqada iyo Arrimaha Bulshada DDS uu mootooyin siiyo dadka baahiya gaarka ah qaba, taas oo ka dhigaysa tirada guud ee mootooyinka uu xafiisku u qaybiyay dadka naafada ah 380 mooto.

05/08/2026

Waxaa maanta kulan koodii caadiga ahaa yeeshay gudiga maareynta Xafiiska Shaqada & Arrimaha Bulshada DDS, oo uu shir gudoomiyay wasiirka Xafiiska mudane Qabdiid Cabdi cumar waxaana kulankan looga hadlaayay geedi socodka hanaanka shaqo ee Xafiiska & sidii loo sii xoojin la'haa adeeg bixinta xafiiska
qodabadaas oo ay ka mid ahaayeen
1. Strategiyada fulinta Qorshaha sanadkan cusub Ee 2019 E.C
2. ⁠Shaqo galka Xafiiska

waxaa la isla gartay gorfayn kadib in dhamaan qodabadaa siday tahay loo hirgaliyo

Kulanka oo si balaadhan loogu gorfeeyay ajendeyaasha kor kuxusan, ayuu gabagabadii wasiirku jihooyin guud kabixiyay Qodobada shirka waxaana laislaqaatay in gashi laga dhigto goldaloolooyinkii kasoobaxay Geedi-socodka Shirka islamarkaana la xoojiyo Shaqooyinka xafiiska

Waaxda xidhiidhka dadwaynaha ee xafiiska shaqada iyo arimaha bulshada Ee DDS📝

18/07/2026