Dr. Nika Chubinidze Interventional Cardiologist / ექიმი ნიკა ჩუბინიძე

🔰 დაბალი ჰემოგლობინის ნიშნები და მისი მკურნალობის მეთოდები 🩸
🔻 სისხლში ჰემოგლობინის დონის დაქვეითებას ანემიას უწოდებენ. ის ვითარდება სისხლის დაავადებისას, რომელსაც ერითროციტების დაშლა სდევს თან, ასევე რკინისა ან ვიტამინი B12-ის უკმარისობისას. ორსულობის პერიოდში ჰემოგლობინის ინდექსი ეცემა. ეს, პირველ რიგში, რკინის უკმარისობას უკავშირდება.

⁉️ როგორ უნდა მივხდვდეთ, ჰემოგლობინი დაბალი გვაქვს თუ არა?

🔻 ანემიის დროს ადამიანს რამდენიმე სიმპტომი აქვს გამოხატული:

1️⃣ თავის ტკივილი, თაბრუს ხვევა;

2️⃣ ფერმკრთალი კანი;

3️⃣ ზოგადი სისუსტე;

4️⃣ მუდმივად ცივი კიდურები;

5️⃣ მადის დაქვეითება;

6️⃣ ძილიანობა, მუდმივი დაღლილობის შეგრძნება;

7️⃣ კუნთების ტკივილი;

8️⃣ ხშირი ვირუსული დაავადებები;

🔻 თუ ჩამოთვლილი სიმპტომებიდან, ერთი მაინც თუ გაწუხებთ ეს ნიშნავს იმას, რომ აუცილებლად უნდა ჩააბაროთ სისხლის საერთო ანალიზი და დაადგინოთ მასში ჰემოგლობინის ზუსტი დონე. ჰემოგლობინის დონე იცვლება სქესის,ასაკისა და ჯანმრთელობის მდგომარეობის გათვალისწინებით.

♻️ ზოგადი ნორმები კი ასეთია:

🚹 მამაკაცებისათვის 130-140

🚺 ქალებისათვის 120-130

🔻 გარდა მედიკამენტებისა სისხლში ჰემოგლობინის დონის გაზრდა სხვდასხვასაკვები პროდუქტებითაც არის შესაძლებელი. თქვენი ყოველდღიური რაციონი,გამდიდრებული უნდა იყოს რკინის შემცველი პროდუქტებით. რკინას ყველაზე დიდი
რაოდენობით შეიცავს საქონლის ხორცი. ჰემოგობინის გაზრდას ხელს უწყობს,საქონლის მოხარშული ღვიძლი. ასევე საქონლს მოხარშული ენა, შეგიძლიათ
ყოველდღე 50გრ მიირთვათ. ანემიის მქონე პაციენტებისათვის რეკომენდირებულია
სუფთა ჰაერზე ყოფნა. რაციონში ჩართეთ ციტრუსები, სწორედ C ვიტამინი ეხმარება ორგანიზმს, რკინის სწრაფად შეთვისებაში.

🔹 ვიტამინ C-ს შეიცავენ ⬇️

🍋 ლიმონი
🍊 ფორთოხალი
🍈 გრეიფრუტი
🥝 კივი
🍓 მარწყვი

‼️ მიირთვით ახალი გამოწურული წვენები. ბროწეულის, სტაფილოს, შტოშის ან ჭარხლის წვენი. ხილისა და ბოსტნეულის გარეშე, ჩვენი ორგანიზმი მხოლოდ 5%რკინას ითვისებს. ანემიის დროს სასარგებლოა კენკრა: მარწყვი, მოცვი, ჟოლო,
შავი მოცხარი. მიირთვით ბოსტნეულის სალათები, დაუმატეთ მეტი კამა და ოხრახუში. წიწიბურა დიდი რაოდენობით რკინას შეიცავს. ანემიის დროს ყავისა
და ძლიერი ჩაის დალევა, არ არის რეკომენდირებული. ჰემოგლობინის სწრაფადგაზრდა შესაძლებელია, თუ რა თქმა უნდა, არ არსებობს ჯანმრთელობისსერიოზული პრობლემები. ანემიის დროს, კარგი იქნება თუ დროულად მიმართავთექიმს. მკურნალი თავად გირჩევთ, რომელი მედიკამენტი ან რომელი პროდუქტი
მიირთვათ. გახსოვდეთ, რომ ჯანსაღი კვება თქვენი ჯანმრთელობის საწინდარია;

❤️ გისურვებთ ჯანმრთელობას! ❤️
ℹ️ კითხვების შემთხვევაში, გთხოვთ მომწეროთ პირადში📥

🔰 მიოკარდიუმის ინფარქტი 💔

🔻 მიოკარდიუმის ინფარქტი (გულის შეტევა) – გულის იშემიური დაავადების მწვავე ფორმა, რომლის დროსაც ირღვევა სისიხლის მიმოქცევა და გულის კუნთამდე სისხლი ვერ მიდის. ამ სიტუაციის 15 წუთზე მეტხანს გაგრძელება იწვევს გულის კუნთის კვდომას. მკვდარი უჯრედების მქონე გულის კუნთის ნაწილს ეწოდება მიოკარდიუმის ინფარქტი.

🔻 ნეკროზული ზონა არის ფართე ან მცირე ზომის. ნეკროზული ზონის მდებარეობიდან გამომდინარე გამოიყოფა: წინა მიოკარდიუმის ინფარქტი, გვერდითი და პარკუჭთაშუა.

🔻 60 წლამდე ასაკის მამაკაცებს ხუთჯერ მეტად უდგინდებათ აღნიშნული დაავადება, ვიდრე ქალებს, რადგან მამაკაცებში ათეროსკლეროზი გაცილებით უფრო ადრეულ ასაკში ვითარდება, რაც შემდეგ იწვევს მწვავე მიოკარდიუმის ინფარქტს.



🔹 დაავადების გამომწვევი მიზეზებია: 🔸

1️⃣ გულის იშემიური დაავადება; ✅

2️⃣ დიაბეტი და ჰიპერტენზია; ✅

3️⃣ გაცხიმოვნება; ✅

4️⃣ ძლიერი სტრესი; ✅

5️⃣ მოწევა და ალკოჰოლი. ✅



🔸 სიმპტომები 🔹

✅ თავიდან კლასიკური სტენოკარდიის სიმპტომები;

✅ შემდეგ გულის ძლიერი ტკივილი, რომელიც ვრცელდება სხეულის მარცხენა მხარის სხვა ნაწილშიც;

✅ სიფერმკრთალე და ცივი ოფლი;

✅ არითმია;

ℹ️ წარმოქმნილი ნეკროზი იწვევს წნევის დაცემას, ციებ-ცხელებას, შეშუპებას.



🩺 დაავადების დიაგნოსტირება ხდება:

1️⃣ სისხლის ანალიზით 🩸
2️⃣ კორონოგრაფიით
3️⃣ ელექტროკარდიოგრამით



💊 მკურნალობა 💉

🔹 მიოკარდიუმის ინფარქტზე ეჭვის გაჩენისთანავე ხდება პაციენტის ჰოსპიტალიზაცია და კომპლექსური რეანიმაციული ზომების მიღება. აუცილებელ პირობას წარმოადგენს პაციენტის ფსიქო-ემოციონალური სიმშვიდის უზრუნველყოფა.

🔸 ტკივილების მოხსნა ხდება ნარკოტიკული ანალგეტიკებით. საჭიროა გამოირიციხოს გულის არითმია და უკმარისობა, ასევე სიკვდილის გამომწვევი კარდიოგენური შოკი.

🔹 თუ პაციენტის მდგომარეობა იძლევა ამის საშუალებას, პირველი მწვავე ფაზის გავლიდან 24 საათის შემდეგ კეთდება კორონარული ანგიოპლასტიკა (არტერიის გაზრდა). რეაბილიტაციის პერიოდი და პროგრამა დამოკიდებულია დაავადების ხარისხზე. ამ დროს ხდება აღდგენითი თერაპიის ჩატარება, მსუბუქი კვება, ფიზიკური დატვირთვები ექიმის მეთვალყურეობის ქვეშ.



🔺‼️ საშიშროება ‼️🔻

1️⃣ ფილტვების შეშუპება;

2️⃣ კარდიოგენური შოკი;

3️⃣ სიკვდილი (დაავადების დროს სიკვდილიანობის მაჩვენებელი შეადგენს 35%-ს)



🟡 პროფილაქტიკა 🟢
1️⃣ ქრონიკული სისტემური დაავადებების კონტროლი;

2️⃣ წონის სტაბილიზაცია;

3️⃣ ალკოჰოლისა და სიგარეტის გამორიცხვა;

4️⃣ დაძაბულობის მოხსნა (როგორც ფიზიკური, ისე ფსიქოლოგიური);

🔴 რისკის ჯგუფი 🟠

✅ დიაბეტიკები და ჰიპერტონიკები;

✅ გულის იშემიური დაავადებისა და სტენოკარდიის მქონე პირები;

✅ ჭარბწონიანები;

✅ ალკოჰოლიკები და მწეველები;

❤️ გისურვებთ ჯანმრთელობას! ❤️
ℹ️ კითხვების შემთხვევაში, გთხოვთ მომწეროთ პირადში📥

🔰 უეცარი კარდიული სიკვდილი 💔
⁉️ რა უნდა ვიცოდეთ მის შესახებ? ⁉️
🔹 უეცარი კარდიული სიკვდილი გულ-სისხლძარღვთა სისტემის დაავადებათა ლეტალური გამოსავალია, რომელიც დგება მწვავე სიმპტომების განვითარებიდან ერთი საათის განმავლობაში.
🔻უეცარი კარდიული სიკვდილი – ეტიოლოგია
🔹 უეცარი კარდიული სიკვდილის მიზეზი დაახლოებით 85-90%-ში, გულის იშემიური დაავადება, მათ შორის უსიმპტომო მიმდინარეობა, როდესაც სიკვდილი არის დაავადების პირველი და უკანასკნელი კლინიკური გამოვლინება.
🔻 გარდა ამისა უეცარი კარდიული სიკვდილის მიზეზი შეიძლება იყოს:
1️⃣ გულის ნებისმიერი დაავადება, რომელსაც თან ახლავს მიოკარდიუმის გამოხატული ჰიპერტროფია (მაგალითად, ჰიპერტროფიული კარდიომიოპათია, აორტის შესართავის სტენოზი და სხვა)
2️⃣ ნებისმიერი გენეზის გულის შეგუბებითი უკმარისობა
3️⃣ ნებისმიერი გენეზის კარდიოგენური შოკი
4️⃣ ნებისმიერი გენეზის გულის ტამპონადა
5️⃣ ფილტვის არტერიის თრომბოემბოლია
6️⃣ პირველადი ელექტროფიზიოლოგიური დარღვევები, როგორიცაა: Q-T გახანგრძლივების სინდრომი, სინუსური კვანძის სისუსტის სინდრომი, ბრუგადის სინდრომი, კატექოლამინერგული პოლიმორფული პარკუჭოვანი ტაქიკარდია
7️⃣ კორონარული არტერიების არაათეროსკლეროზული დაზიანება
8️⃣ ანთებითი, ინფილტრაციული, ნეოპლასტური და დეგენერაციული პროცესები
🔟 თანდაყოლილი დაავადებები
1️⃣1️⃣ რიტმის დარღვევები ნეიროჰუმორული ზემოქმედების ან ცენტრალური ნერვული სისტემის დარღვევების შედეგად (მაგ. გულის ვეგეტატური რეგულაციის დარღვევა სიმპათიკური აქტივობის მატებით)
1️⃣2️⃣ გულის ტრავმული დაზიანება
1️⃣3️⃣ აორტის განშრევება
1️⃣4️⃣ ინტოქსიკაცია ან მეტაბოლური დარღვევები
🔻უეცარი კარდიული სიკვდილის რისკ-ფაქტორებს მიეკუთვნება :
✅ არტერიული ჰიპერტენზია
✅ თამბაქოს მოწევა
✅ ცხიმოვანი და ცილოვანი ცვლის დარღვევა და სხვა.

🔻 უეცარი კარდიული სიკვდილის პათოგენეზი -
🔹 გულის იშემიური დაავადებით განპირობებული უეცარი სიკვდილის დროს, უსიმპტომო მიმდინარეობის დროსაც კი აუტოფსიით კორონარული არტერიების მნიშვნელოვანი ათეროსკლეროზული ცვლილებები ვლინდება: სისხლძარღვების შევიწროება, ათეროსკლეროზული ბალთები, რომლებიც ძირითადად კორონარული კალაპოტის პროქსიმალურ ნაწილში გვხვდება, ასევე აღინიშნება ენდოთელიუმის დაზიანება და კედლისმიერი ან სანათურის სრულად დამხშობი თრომბებით. აღნიშნული ცვლილებები მიოკარდიუმის ჟანგბადზე მოთხოვნილების გაზრდასთან ერთად ხდება მიოკარდიუმის მწვავე იშემიური კერის განვითარებისა და უეცარი სიკვდილის მიზეზი.
‼️ უეცარი კარდიული სიკვდილის უშუალო მიზეზი პარკუჭების ფიბრილაცია ან ასისტოლიაა. ფიბრილაცია მიოკარდიუმის ცალკეული კუნთოვანი ბოჭკოების არარეგულარული, უწესრიგო, შეკუმშვებია, რომელთა სიხშირე წუთში 200-500-ია. კარდიომიოციტების ქაოსური აქტივაცია შეუძლებელს ხდის გულის ერთმომენტიან სინქრონულ შეკუმშვებს, დგება ასისტოლია, (გულის მოქმედების სრული შეწყვეტა, გაჩერება) და წყდება სისხლის მიმოქცევა. თუმცა ზოგ შემთხვევაში ასისტოლია წინ უსწრებს ფიბრილაციასა და თრთოლვას ‼️

🔹 უეცარი კარდიული სიკვდილის კლინიკური მიმდინარეობა :
🔻 უეცარი კარდიული სიკვდილი შეიძლება განვითარდეს როგორც ფიზიკური და ნერვულ-ფსიქიკური გადატვირთვისას, ისე მოსვენებულ მდგომარეობაში. ავადმყოფთა დაახლოებით ნახევარში აღინიშნება ძლიერი ანგინოზური ტკივილი, რასაც ხშირად თან ახლავს სიკვდილის შიში, შემთხვევათა მეოთხედში უეცარი კარდიული სიკვდილი ელვისებურად ვითარდება ყოველგვარი წინასწარი ნიშნების გამოვლენის გარეშე. დანარჩენ პაციენტებში 1-2 კვირით ადრე აღინიშნება განსხვავებული ხშირ შემთხვევაში არასპეციფიური პროდრომული ნიშნები, რაც დაავადების გამწვავებაზე მიუთითებს: გულის არეში ტკივილების გახშირება (ზოგჯერ ატიპიური ლოკალიზაციის), ქოშინი, ზოგადი სისუსტე, შრომისუნარიანობის დაქვეითება. უშუალოდ ფიბრილაციის ან ასისტოლიის დროს ვლინდება მკვეთრი სისუსტე, თავბრუსხვევა, რამდენიმე წუთის შემდეგ კი თავის ტვინის სისხლის მიმოქცევის სრული შეწყვეტის შედეგად ავადმყოფი კარგავს გონებას, ვითარდება ჩონჩხის კუნთების ტონური შეკუმშვები, ხმაურიანი სუნთქვა.

🔻 გარეგანი დათვალიერებისას კანის საფარველი ფერმკრთალია, მონაცრისფრო ელფერით, შეხებით ცივი. სწრაფად ფართოვდება გუგები, პულსი საძილე არტერიაზე არ ისაზღვრება, გულის ტონები არ ისმინება. აღინიშნება გუგისა და რქოვანას რეფლექსის გაქრობა, სუნთქვა ხშირდება, ხდება აგონიური. ვლინდება ცალკეული კრუნჩხვითი სუნთქვითი მოძრაობები, 2.5-3 წუთის შემდეგ კი სუნთქვა ჩერდება. ფიბრილაციიდან ან ასისტოლიის განვითარებიდან 3 წუთის შემდეგ თავის ტვინის ქერქში შეუქცევადი ცვლილებები ვითარდება.

🔹 უეცარი კარდიული სიკვდილის მკურნალობა 💊
🔻უეცარი კარდიული სიკვდილის ნიშნების გამოვლენისას დაუყონებლივ ტარდება გულ-ფილტვის რეანიმაცია, რომელიც მოიცავს სასუნთქი გზების გაამვლობის აღდგენას, ფილტვების ხელოვნური ვენტილაციას, გულის არაპირდაპირ მასაჟს, ელექტრულ დეფიბრილაცია და მედიკამენტოზურ მკურნალობას.

❤️ გისურვებთ ჯანმრთელობას! ❤️
ℹ️ კითხვების შემთხვევაში, გთხოვთ მომწეროთ პირადში📥

🔰 10 მიზეზი თუ რატომ არ უნდა დალიოთ ყავა ‼️

🔻 ყოველ ჩვენგანს ალბათ სმენია, რომ ყავა არც თუ ისე სასარგებლო სასმელია, თუმცა კონკრეტულად რა გავლენას ახდენს ადამიანის ორგანიზმზე მისი ჭარბი მოხმარება ბევრი ჩვენგანი ვერც კი ხვდება. ამ სტატიაში წარმოგიდგენთ ათ მიზეზს, თუ რატომ უნდა დაანებოთ თავი ყავის სმას ❌☕️

1️⃣ ყავამ შეიძლება გამოიწვიოს განაყოფიერების პრობლემები

🔻 თუ თქვენ გსურთ ბავშვების ყოლა, სჯობს კოფეინი გამორიცხოთ თქვენი რაციონიდან — ეს კარგად ცნობილი ფაქტია. იცით რატომ? იმიტომ, რომ საქმე ეხება ჰორმონებს. ყავის მოხმარება ახდენს თირკმლისზედა ჯირკვლების მიერ კორტიზოლის ჭარბი დოზით გამოყოფას, რომელიც წარმოადგენს სტრესის ჰორმონს. მისი დოზის მომატება შეიძლება გახდეს ჰორმონალური დისბალანსის მიზეზი, რომლის შედეგადაც წარმოიშობა საკვერცხეების ყვითელი სხეულის ძირითადი ჰორმონის - პროგესტერონის უკმარისობა, რომელიც თავის მხრივ ხელს უწყობს ფეხმძიმობის დადგომას და მის შემდგომ განვითარებას. თუ ფეხმძიმე ქალი დღეში მინიმუმ ოთხ ფინჯან ყავას მიირთმევს - ფეხმძიმობის შეწყვეტის რისკი შეადგენს 33%-ს. ყავის სმა განსაკუთრებით მავნებელია ფეხმძიმობის მე-20 კვირიდან ‼️

2️⃣ ვიტამინებისა და მინერალების ცუდი შეთვისება
🔻კოფეინი (დღეში მინიმუმ სამი ფინჯანი ყავის მიღება ან კოფეინის შემცველი აბების მუდმივი მიღება) «კლავს» ვიტამინებს В, РР, ადაბლებს ორგანიზმში რკინის, კალიუმის, თუთიის, კალიციუმის შემცველობას. 150 მლ ფინჯანი ყავის დალევა სამი საათით აფერხებს კალციუმის შეთვისებას ორგანიზმის მიერ, გარდა ამისა, კოფეინი გამორეცხავს სხეულიდან კალციუმს და ყავის ჭარბი გამოყენება ძვლებს ასუსტებს.

3️⃣ კოფეინი იწვევს სიმსუქნეს

🔻ჩვენ უკვე ვახსენეთ, რომ კოფეინი აძლიერებს კორტიზოლის გამოყოფას და მოქმედებს თირკმელზედა ჯირკვლების მუშაობაზე. შესაძლოა ბევრმა არც კი იცის, რომ თირკმელზედა ჯირკვლები სინქრონში მუშაობენ ფარისებრ ჯირკვალთან, რომელიც ზრუნავს ნივთიერებათა ცვლაზე. ამიტომ, ფარისებრი ჯირკვლის არასწორი ფუნქციონირება აფერხებს ნივთიერებათა ცვლის პროცესს, რის შედეგადაც შეიძლება ჭარბმა წონამ შეგაწუხოთ. თუ რამოდენიმე კილოგრამის დაკლება გსურთ ან სხეულის ფორმის შენარჩუნება და არ გამოგდით, იქნებ დაფიქრებულიყავით და დაგენებებინათ ყავის სმისთვის თავი?

4️⃣ უძილობა

🔻 ბევრი კოფეინს იმისათვის იყენებს, რომ ღამით არ დაიძინოს, მაგრამ თუ დაძინების პრობლემები დაგეწყოთ, ნამდვილად არ ღირს ყავის სმის გაგრძელება, უმჯობესია საერთოდ ამოიღოთ რაციონიდან. ძილის პრობლემების სიმწვავის არსებობა-არარსებობის მიუხედავად, გაითვალისწინეთ, რომ დღის მანძილზე სამ ფინჯანზე მეტი ყავის დალევა ნამდვილად არ ღირს, რადგან ვერ გამოიძინებთ - კოფეინი მოქმედებს ჩვენს ორგანიზმზე ძილშიც და მთელ ნერვულ სისტემას აღგზნებულ მდგომარეობაში ამყოფებს.

5️⃣ იმუნიტეტის პრობლემები

🔻 კოფეინი — ჩვენი იმუნური სისტემის საუკეთესო მეგრობად ნამდვილად ვერ ჩაითვლება, ისევ და ისევ ფარისებრი ჯირკვლის გამო, რომლის შეზღუდულად ფუნქციონირების პირობებში ხდება იმუნიტეტის დასუსტება, რაც დაავადებების მიზეზი ხდება. თუ თქვენ რაიმე სახის დაავადებებისკენ მიდრეკილი ხართ, სჯობს ყავის სმისგან საერთოდ შეიკაოთ თავი, მინიმუმ მანამდე მაინც, სანამ უკეთესად არ გახდებით.

6️⃣ პრობლემები ნეირომედიატორებთან, ბიოლოგიურად აქტიურ ქიმიურ ნივთიერებებთან, რომელთა დახმარებით ხდება ნერვული უჯრედიდან ელექტო იმპულსების გადაცემა

🔻 ყავის სმისთვის თავის დანებების ერთ-ერთი ყველაზე დამაჯერებელი მიზეზი მდგომარეობს იმ ფაქტში, რომ ის ნეგატიურად მოქმედებს ორგანიზმში არსებულ ნეირომედიატორებზე, რომლებიც თავის მხრივ აუცილებელია ბედნიერების ჰორმონის გამოსამუშავებლად, რომელიც ცნობილია სეროტონინის სახელწოდებით. თუმცა, ბევრი თვლის, რომ ყავა ადამიანს აბედნიერებს, სინამდვილეში კი პირიქით არის, ამიტომ, თუ დეპრესიაში ხართ ან მუდმივად შფოთავთ, სჯობს ყავის სმას შეეშვათ.

7️⃣ კოფეინი ცუდად მოქმედებს ენერგიის საერთო დონეზე

🔻 ყავის მოყვარულებს ეს სასმელი ბოლოს აღარ ეხმარება. ის უბრალოდ «არ მუშაობს». ეს ძალიან ცუდი ნიშანია, რადგან ფარისებრი ჯირკვალი აღარ რეაგირებს მასზე იმის გამო, რომ ყავა მუდმივად ახდენს ზეწოლას და «ანგრევს» მას. ყავა სხეულს აიძულებს გამოიმუშაოს ადრენალინი და თუ თქვენ მუდმივად სვამთ ყავას, ყოველ ჯერზე უფრო მეტი კოფეინი გჭირდებათ, რათა ორგანიზმმა იგივე ეფექტურობით უპასუხოს ამ ნივთიერებას.

8️⃣ კოფეინი ვნებს ღვიძლს

🔻 ყავის შეთვისება არც თუ ისე კარგი გზით ხდება. თქვენი ღვიძლი ზრუნავს ენზიმების გამომუშავებისთვის, რომლებიც შლიან ყავას და ახდენენ მის მეტაბოლიზაციას. ამიტომ, როცა ენზიმები აუცილებელია სხვა მავნე ქიმიკატების დასაშლელად, აღმოჩნდება, რომ ისინი მოდუნებული ან არასაკმარისია კოფეინის დაშლაზე მუშაობის გამო. ბევრ ადამიანს, რომლებიც ხშირად მიირთმევენ ყავას, «ზარმაცი» ღვიძლი აქვთ.

9️⃣ ყავაში ბევრი პესტიციდია

🔻 მცენარეს, რომელიც ყავის მარცვალს იძლევა უხვად რწყავენ პესტიციდებით. საეჭვოა, რომ რომელიმე სუპერმარკეტის თაროზე ორგანული, ქიმიური დამატების გარეშე მოყვანილი ყავა ნახოთ. კვლევების შედეგად აღმოჩნდა, რომ ყავაში ათასამდე ქიმიკატია, ამიტომ, თუ ეს არგუმენტიც არ არის თქვენთვის საკმარისი ყავის სმაზე უარის სათქმელად, ესეიგი საუბარი ზედმეტია.

🔟 ყავის გარეშე სექს-დრაივი იზრდება

🔻 და ისევ ფარისებრი ჯიკვალი - როგორც უკვე აღვნიშნეთ, ორგანიზმის ეს ნაწილი პასუხისმგებელია ჰორმონებზე, რომლებიც მართავენ ლიბიდოს, მაგალითად ტესტოსტერონს. ამიტომ, როგორც კი შეწყვეტთ ფარისებრ ჯირკვალზე კოფეინით ზეწოლას, დაინახავთ სექსუალურ ცხოვრებაში უკეთესობას!

❤️ გისურვებთ ჯანმრთელობას! ❤️
ℹ️ კითხვების შემთხვევაში, გთხოვთ მომწეროთ პირადში📥

* წყარო წამალი ჯი

ყოველთვის მზად ვარ უსასყიდლოდ გემსახუროთ და დაგეხმაროთ იმით, რითაც შევძლებ! 💖
❤️ გისურვებთ ჯანმრთელობას! ❤️
ℹ️ კითხვების შემთხვევაში, გთხოვთ მომწეროთ პირადში📥

🔰 Ალკოჰოლის უარყოფითი გავლენა გულზე 💔
🔹ალკოჰოლი საწამლავია - არის ფართოდ გავრცელებული ფრაზა, მაგრამ ეს თითქმის არასდროს და არავის არ უშლის ხელს მოიხმაროს ალკოჰოლი ნებისმიერი მიზეზით და არც დაფიქრდეს მისი მავნე ზემოქმედების შესახებ.
🔸 უმრავლესობის აზრით, ადამიანი თუ ზომიერად მოიხმარს ალკოჰოლს ეს უვნებელია, მაგრამ ცოტამ თუ იცის, რომ რეგულარული მიღების შემთხვევაში ალკოჰოლის უვნებელი დოზა თითქმის არ არსებობს.

‼️ ალკოჰოლის ზეგავლენა გულ-სისხლძარღვთა სისტემაზე ძალიან უარყოფითი და საშიშია ‼️
🔹 როგორც მოგეხსენებათ გული ორგანიზმის მთავარი ორგანოა, რომლის საშუალებითაც ხორციელდება სისხლის მიმოქცევა ჩვენს ორგანიზმში და სისხლში ალკოჰოლის მოხვედრის შედეგად გამოწვეული უარყოფითი მოვლენების პირველი დარტყმაც მასზე მოდის.
🔸 სტატისტიკის თანახმად გულ-სისხლძარღვთა სისტემის დაავადებებით გამოწვეული სიკვდილობის მესამედი სწორედ ალკოჰოლის ავთვისებიანი მოხმარებითაა განპირობებული.
🔹 სპირტიანი სასმელების ზემოქმედება გულზე სამი სხვადასხვა გზით ხორციელდება :
1️⃣ ეთილის სპირტისა და მისი მეტაბოლიზმის პროდუქტების, როგორც ტოქსინების პირდაპირი ზემოქმედება მიოკარდიუმზე და სისხლძარღვოვან სისტემაზე
2️⃣ B2 ვიტამინის (თიამინის) უკმარისობის განვითარება
3️⃣ ალკოჰოლური სასმელების შემადგენლობაში მყოფი ეგრეთწოდებული დანამატების უარყოფითი ზეგავლენა (მაგ.: კობალტი, რომელიც შედიოდა გარკვეული სახეობის ლუდის შემადგენლობაში)
🔸 ყოველივე აღნიშნულის შედეგად გულის კუნთში და სისხლის მიმოქცევის სისტემაში აღმოცენდება დისტროფიული ცვლილებები, რაც ხშირად ორგანიზმში შეუქცევადი პათოლოგიური პროცესების დასაბამს უდებს საფუძველს.
🔹 ალკოჰოლით სისხლის გაჯერებისთანავე გული იწყებს მუშაობას გაძლიერებულ რეჟიმში, აქედან გამომდინარე მისი დატვირთვა იზრდება რამოდენიმეჯერ. სწორედ ამიტომ, ადამიანს ალკოჰოლური ზემოქმედების ქვეშ აქვს აჩქარებული გული (ტაქიკარდია), რისი გავლენითაც ირღვევა ნორმალური სისხლის მიმოქცევა და იზრდება არტერიული წნევა. ამ უკანასკნელით განპირობებული ნეგატიური მოვლენების კასკადი კი ყველასთვის ცნობილია.
🔸 არტერიული ჰიპერტენზიის გარდა ალკოჰოლის მოხმარება მნიშვნელოვნად ზრდის არითმიების განვითარების რისკს. კერძოდ, სპირტიანი სასმელების ტოქსიური ზეგავლენით ირღვევა იონთა ცვლა (ძირითადად Na და K), რომელსაც აქვს არსებითი მნიშვნელობა გულის სწორი მუშაობისთვის.
‼️ თუ იონური ბალანსი არასწორია იქმნება საფუძველი არითმიის -განვითარების - ერთ-ერთ ხშირ გართულებად ითვლება წინაგულების ფიბრილაცია (მოციმციმე არითმია), რომლის პაროქსიზმის აღმოცენების ყოველი მეორე-მესამე შემთხვევა სწორედ ალკოჰოლის მიღებას უკავშირდება, გარდა ამისა უკვე დიდი ხანია დასტურებულია პირდაპირი კავშირი ალკოჰოლის მოხმარებასა და უეცარ კარდიულ სიკვდილს შორის, რაც პარკუჭოვან ციბრილაციასა და/ან მიოკარდიუმის ინფარქტთან ასოცირდება ‼️
🔹 გარდა ზემოთ ხსენებული სპირტიანი სასმელების მოხმარება იწვევს ასევე ისეთი დაავადებების განვითარებას, როგორიცაა კარდიომიოპათია, რომლის ლიტერატურაში - ალკოჰოლური გულის - დასახელებითაა ცნობილი.
🚻 მსოფლიო სტატისტიკური მონეცემების თანახმად ზემოთ აღნიშნული დაავადებების განვითარების რისკის ქვეშ იმყოფება ალკოჰოლის მომხმარებელთა 54%, უკვე საკმაოდ ახალგაზრდა (35-40 წელი) ასაკიდან. ეს რა თქმა უნდა არ არის 100 % (როგორც მაგალითად ღვიძლის შემთხვევაში), მაგრამ არ იძლევა ოპტიმიზმის საფუძველს.
დღესდღეობით კვლავ აქტუალურია და გრძელდება დისკუსია ალკოჰოლის არა მავნე დოზების დადგენაზე.
🚹 ჯანდაცვის მსოფლიო ორგანიზაციის ექსპერტები მიიჩნევენ, რომ საშუალოდ ჯანმრთელი მამაკაცისთვის დასაშვებია :
• არაყი - 80 მლ
• ნატურალური ღვინო - 300 მლ
• ლუდი - 750 მლ
🚺 ჯანმრთელი ქალისთვის :
• არაყი - 40 მლ
• ნატურალური ღვინო - 150 მლ
• ლუდი - 350 მლ
აქვე გასათვალისწინებელია ინდივიდუალური მიდგომა კონსტიტუციური ტიპის გათვალისწინებით, რამაც შესაძლოა დიზირება 2-3 -ჯერ შეცვალოს.
და კიდევ ერთხელ - ალკოჰოლის აღნიშნული რაოდენობა დასაშვებია მხოლოდ ჯანმრთელი ადამიანისთვის,
‼️ ქრონიკული დაავადებების არსებობის შემთხვევაში, ალკოჰოლის მცირე რაოდენობით მოხმარებაც კი კატეგორიულად დაუშვებელია ‼️
❤️ გისურვებთ ჯანმრთელობას! ❤️
ℹ️ კითხვების შემთხვევაში, გთხოვთ მომწეროთ პირადში📥

🔰 გულის ფრიალი 💓
⁉️ რა არის გულის ფრიალი და რა იწვევს მას? ⁉️
🔻 გულის ფრიალი გახშირებული ან გაძლიერებული გულისცემაა, რომელიც შესაძლოა გამოწვეული იყოს სტრესით, ვარჯიშით, მედიკამენტით ან იშვიათად, სხვადასხვა დაავადების გამო.

მას თან ახლავს უსიამოვნო შეგრძნება, რომელიც უმეტესად უვნებელია, თუმცა რიგ შემთხვევებში ის არის არითმიის სიმპტომიც, რაც სათანადოდ მკურნალობას საჭიროებს!

🔻 სიმპტომები
გულის ფრიალის დროს პაციენტს აქვს შეგრძნება რომ:
1️⃣ პულსაცია სათანადო არ არის;
2️⃣ გული სწრაფად და ძლიერად იკუმშება.
3️⃣ შეიძლება გულის ფრიალს გრძნობდეთ ყელის, კისრის ან გულმკერდის არეში. ამ უსიამოვნო შეგრძნებას შეიძლება უჩიოდეთ როგორც აქტიურ, ისე მოსვენებულ მდგომარეობაში.

⁉️ როდის მივმართოთ ექიმს?
🔻თუ ანამნეზში აღნიშნულია გულის დაავადება ან ხშირი გულის ფრიალი, სასურველია მდგომარეობა ექიმმა შეაფასოს - მსგავს კლინიკურ შემთხვევებში შესაბამისი დიაგნოსტირების შემდეგ დგინდება არის თუ არა აჩქარებული გულისცემა რომელიმე დაავადების სიმპტომი.

‼ გამოიძახეთ გადაუდებელი სასწრაფო დახმარება თუ გულის ფრიალს თან ახლავს შემდეგი ნიშნები:

1️⃣ დისკომფორტი ან ტკივილი გულმკერდის არეში;
2️⃣ მწვავე სუნთქვის უკმარისობა;
3️⃣ ძლიერი თავბრუსხვევა;
4️⃣ გულის წასვლის შეგრძნება.

ℹ️ აჩქარებული გულისცემა თუ იშვიათად ვლინდება და ისიც მხოლოდ რამდენიმე წამით, საშიში არაა.

⁉️ რომელი მიზეზებია გულის ფრიალის განვითარების წინა პირობა?

1️⃣ სტრესი, შფოთვა, პანიკური შეტევა;
2️⃣ დეპრესია;
3️⃣ ძლიერი ფიზიკური დატვირთვა/ვარჯიში;
სხვადასხვა სტიმულანტი;
4️⃣ სიცხე;
5️⃣ მენსტრუაციით, ორსულობითა თუ მენოპაუზით გამოწვეული ჰორმონული ცვლილებები;
6️⃣ ფარისებრი ჯირკვლის მომატებული ან შემცირებული რაოდენობა.

‼ როგორ ვმართოთ გულის ფრიალი სახლის პირობებში ⁉️

🔻 სახლის პირობებში გულის ფრიალის ყველაზე ადეკვატური მკურნალობის მეთოდია ის, რომ მაქსიმალურად მოერიდოთ სიმპტომების გამომწვევ გამღიზიანებლებს.

გირჩევთ:

✅ შეამცირეთ სტრესი.
✅ თქვენი გულის ჯანმრთელობის სასარგებლოდ გამოიყენეთ ნებისმიერი საშუალება, რომელიც რელაქსაციაში, მოდუნებაში დაგეხმარებათ;
❌მოერიდეთ კოფეინს, ენერგეტიკულ სასმელს;
❌უარი უნდა თქვათ თამბაქოზე; 🚭
✅ ისეირნეთ ბუნებაში, სუფთა ჰაერზე;
✅ მიირთვით გულისთვის სასარგებლო პროდუქტები: კარტოფილი, ბანანი, ავოკადო, რძის პროდუქტები, მწვანე ფოთლოვანი ბოსტნეული, თევზი;
✅ ხშირად დალიეთ წყალი (გაუწყლოების დროს გული მეტი დატვირთვით მუშაობს და გულის ფრიალის რისკი იზრდება);
❌ მოერიდეთ ალკოჰოლს; 🍷
✅ სასარგებლოა რეგულარული ვარჯიში (სეირნობა, სირბილი, ველოსიპედით სეირნობა, ცურვა). გთხოვთ, გაითვალისწინეთ ყველა ორგანიზმი ინდივიდუალურია და ზოგიერთ ადამიანში გულის ფრიალს ვარჯიში იწვევს. ფიზიკური დატვირთვის საკითხზე გაიარეთ ექიმის კონსულტაცია;

წყარო:
https://www.mayoclinic.org/diseases-conditions/heart-palpitations/symptoms-causes/syc-20373196

❤️ გისურვებთ ჯანმრთელობას! ❤️
ℹ️ კითხვების შემთხვევაში, გთხოვთ მომწეროთ პირადში📥

🔰 არტერიული ჰიპერტენზია 💓
⁉️ რა არის და როგორ ვებრძოლოთ ⁉️
🔻 არტერიულ ჰიპერტენზიას ჩუმ მკვლელს უწოდებენ, რადგან ბევრი ისე ატარებს მაღალ წნევას, რომ არც კი იცის ამის შესახებ. სიმპტომები მანამდე არ იჩენს თავს, სანამ ორგანიზმს შესამჩნევი ზიანი არ მიადგება. საწყის ეტაპზე (კლინიკური ნიშნების გამოვლენამდე), ჰიპერტენზიის აღმოჩენის ერთადერთი საშუალება წნევის გაზომვაა. სწორედ ამიტომ მოგიწოდებთ, განსაზღვრული პერიოდულობით იკონტროლოთ წნევა, განურჩევლად იმისა, გვაწუხებს თუ არა რამე.
🔻 არტერიული ჰიპერტენზია არის რამდენიმეჯერ დაფიქსირებული არტერიული წნევის მატება (≥140/90 mmHg). ერთჯერადად დაფიქსირებული არტერიული წნევის მომატება, ფიზიკური ან ემოციური დატვირთვის ფონზე, ჯერ კიდევ არ ნიშნავს არტერიული ჰიპერტენზიის არსებობას.
‼️ არტერიული ჰიპერტენზია ქრონიკული დაავადებაა და საჭიროებს რეგულარულ სამედიცინო მეთვალყურეობასა და სისტემატურ მკურნალობას, რომელიც ექიმმა უნდა დანიშნოს.
🔻 მაღალი არტერიული წნევა უარყოფითად მოქმედებს გულზე, თავის ტვინზე, თირკმელებზე და სხვა ორგანოებზე. არტერიული ჰიპერტენზია არის ერთ-ერთი მთავარი რისკის-ფაქტორი მიოკარდიუმის ინფარქტის, ინსულტის, გულისა და თირკმელების უკმარისობის განვითარებაში!
‼️ არტერიული ჰიპერტენზიის თავიდან აცილება შესაძლებელია ჯანსაღი ცხოვრების წესით:
✅ წონის კონტროლი; ⚖️
✅ რეგულარული ფიზიკური აქტივობები (სიარული, სირბილი 30-40 წუთის განმავლობაში); 🏋️
❌ თამბაქოს მოხმარების შეზღუდვა; 🚭
❌ ალკოჰოლის მოხმარების შეზღუდვა; 🍷
❌ სუფრის მარილის მოხმარების შეზღუდვა; 🧂
✅ თუ წნევის მატების ეპიზოდი დაფიქსირდა - აუცილებელია სისტემატიური კონტროლი - 2-ჯერ დღეში მაინც.
🔻 დაავადების პირველ ეტაპზე პროფილაქტიკური ღონისძიებები დაგეხმარებათ არტერიული ჰიპერტენზიის მკურნალობაში. თუ აღნიშნული ფაქტორების დაცვა და განხორციელება უშედეგოა, არტერიული წნევის მაჩვენებლის დასარეგულირებლად საჭიროა დაიწყოს მედიკამენტოზური მკურნალობა; 💊
⁉️ რა ძირითადი სიმპტომები ახასიათებს მაღალ არტერიულ წნევას?
🔻 არტერიული ჰიპერტენზია საწყის ეტაპზე და ხანგრძლივი დროის მანძილზე, შესაძლოა ჩივილების გარეშე მიმდინარეობდეს. თავდაპირველად პაციენტი სპეციფიკურ სიმპტომს არ უჩივის და როგორც წესი, წნევის შემთხვევით გასინჯვისას შენიშნავს. იშვიათ შემთხვევაში, მაგრამ მაინც, შეიძლება გამოიხატოს თავის ტკივილით, თავბრუსხვევით, ადვილად დაღლით, ქოშინით, ჰაერის უკმარისობით, გულის ფრიალით ფიზიკური დატვირთვის დროს. ასევე სავსებით შესაძლებელია, რომ იგრძნოთ ტკივილი გულის არეში, პულსაცია კეფის მიდამოში. ახასიათებს ცხვირიდან სისხლდენა და კანის სიწითლე.
♻️ არტერიული წნევის კლასიფიკაცია 18 წელს გადაცილებულთათვის
1️⃣ ნორმალური

🔰 ტკივილი გულმკერდის არეში 💔
⁉️ რა არის გულმკერდის არეში ტკივილის მიზეზი, როგორია დიაგნოსტიკა და მკურნალობა.
🔻 ტკივილი მკერდის არეში გულისხმობს სხვადასხვა ხასიათისა და ინტენსივობის დისკომფორტს. მართალია, ამგვარი სიმპტომები ბევრ სხვა პრობლემასაც ახლავს თან, მაგრამ გულმკერდში ტკივილი ხშირად სიცოცხლისათვის საშიში დაავადების გამოვლინებაა და დაუყოვნებელ რეაგირებას მოითხოვს. სიცოცხლისათვის საშიში დაავადებებით გამოწვეული ტკივილის შემთხვევაში ადრეული ჩარევა მნიშვნელოვნად აუმჯობესებს პროგნოზს.

🔻 გულ-სისხლძარღვთა დაავადებებით გამოწვეული ტკივილი განსაკუთრებულ ყურადღებას მოითხოვს, რადგან საფრთხეს უქმნის ადამიანის სიცოცხლეს.

🔻 სტატისტიკურად გულმკერდის არეში ტკივილის მიზეზი არის:

· გულის იშემიური დაავადება - 31%
· პერიკარდიტი (გულის პერანგის ანთება) - 4%
· აორტის დაავადება - 2%,
· კუჭ-ნაწლავის დაავადება - 42%,
· გულმკერდის კედლის სინდრომი (გადატანილი გულმკერდის ტრამვა, მიალგია, მიოზიტი, სტრესით გამოწვეული ) - 28%,
· პნევმონიტი - 2%,
· ფილტვის კიბო - 1,5%
· ჰერპეს ზოსტერი - 1%.

🔻 გულმკერდის არეში უეცრად დაწყებული ტკივილი ან ქოშინი შეიძლება იყოს კარდიული (სტენოკარდია, მიოკარდიუმის ინფარქტი, პერიკარდიტი, მიოკარდიტი, სხვადასხვა პათოლოგიით ან ფილტვის არტერიის თრომბოემბოლიით გამოწვეული), რაც აუცილებლად მოითხოვს კარდიოლოგის დაუყოვნებელ კონსულტაციას, რათა თავიდან იქნას აცილებული სიცოცხლისათვის საშიში გართულებები.
რაც შეეხება არაკარდიალურ ტკივილს, მისი მიზეზია გულმკერდის ღრუში არსებული სხვა ორგანოების ან ძვალ-სახსროვანი და კუნთოვანი სისტემის პრობლემით გამოწვეული დისკომფორტი, რაც არ არის დაკავშირებული ფიზიკურ აქტივობასთან. მსგავსი ხასიათის ტკივილი ძლიერდება ხელით ზეწოლისას, ღრმა ჩასუნთქვისას, სხეულის პოზიციის ცვლილებისას, ხველის დროს. მასაც აქვს დამახასიათებელი ლოკალიზაცია, იმის და მიხედვით თუ რომელი ორგანოს პრობლემა იძლევა ტკივილს გულმკერდში.

⁉️ – რა სიმპტომებით ვლინდება?
კარდიული იშემიური ტკივილისათვის დამახასიათებელია:

· მწვავე დასაწყისი;
· ტკივილი დიფუზურია, ხშირია ირადიაცია ხელში (ჩვეულებრივ, მარცხენა ხელში), ზურგში, კისერში და ქვედა ყბაში;
· პაციენტების გადმოცემით ტკივილი ძლიერი, მოჭერითი ხასიათისაა, რომელიც შეიძლება აღმოცენდეს მცირე ფიზიკური დატვირთვისას ან მოსვენებულ მდგომარეობაში. ტკივილი სუნთქვის ფაზებთან და პოზის შეცვლასთან დაკავშირებული არ არის;
· აღმოცენდება უეცრად, სწრაფი სიარულის, კიბეზე ასვლის, სიცივეში გამოსვლის დროს ან თუნდაც მოსვენებულ მდგომარეობაში;
· შეტევითი ხასიათისაა, უმეტესად ლოკალიზდება მკერდის ძვლის უკან (შეიძლება ტკივილი გადაეცემოდეს მარცხენა ხელში, კისერში, ქვედა ყბაში, ბეჭში), აქვს წვის, ზეწოლის, მოჭერის ხასიათი.

🩺 თანამედროვე კარდიოლოგიას საკმარისად ბევრი და ეფექტური სადიაგნოსტიკო საშუალება გააჩნია დაავადების ადრეულ ეტაპზე გამოსავლენად. სწორი დიფერენცირებისათვის საჭიროა დამატებითი ლაბორატორიული და ინსტრუმენტალური გამოკვლევები, როგორებიცაა: ელექტროკარდიოგრაფიული და ულტრაბგერითი კვლევა, ფიზიკური დატვირთვის ტესტი, საჭიროების შემთხვევაში გულის სისხლძარღვების ანგიოგრაფია (კორონაროგრაფია) და სხვა. თუმცა, აღსანიშნავია, რომ დაავადების საწყის ეტაპზე, შესაძლოა ელექტროკარდიოგრაფიული და ექოკარდიოგრაფიული მონაცემებით მნიშვნელოვანი ცვლილებები არ დაფიქსირდეს, ამ დროს მნიშვნელოვანია პაციენტის სუბიექტური მონაცემები.

პაციენტებისთვის, რომლებსაც დიაგნოსტირებული აქვთ გულის იშემიური დაავადება, მკურნალობასთან ერთად მნიშვნელოვანია პრევენციული ღონისძიებები და ჯანმრთელი ცხოვრების წესი.

‼️ გულმკერდში ნებისმიერი ხასიათის ტკივილის შემთხვევაში აუცილებელია ექიმის კონსულტაცია. ტკივილის ზუსტი მიზეზის დასადგენად და შესაფერისი მკურნალობისთვის მიმართეთ ოჯახის ექიმს, რომელიც დაგეხმარებათ შემდგომი გამოკვლევებისა და, საჭიროების შემთხვევაში, სპეციალისტებთან ვიზიტების ორგანიზებაში.
‼️ საშიშროება
· მიოკარდის ინფარქტი;

· გულის გაჩერება და სიკვდილი (გადაუდებელი რეანიმაციის არ არსებობის შემთხვევაში).



🔻 პროფილაქტიკა ❌
· მოწევის გამორიცხვა; 🚭

· ქოლესტერინის შესამცირებელი დიეტა;

· ყოველდღიური ფიზიკური აქტივობა;

· სტრესისგან თავის დაცვა;

🔻 რისკის ჯგუფი
· ქრონიკული მწეველები;

· შეუსვენებლად მომუშავეები, რომელბიც განიცდიან დიდი სტრესს;

· ჰიპერტონიკები და დიაბეტიკები.

🔻 იშემიის მკურნალობა
· მკურნალობის სტრატეგიას ექიმი გასინჯვისა და დიაგნოზის საფუძველზე განსაზღვრავს, დაავადების ფორმისა და სტადიის გათვალისწინებით.

· ცხოვრების წესისა და კვების კორექტირება

· ფიზიკური აქტივობის შემცირება რეაბილიტაციის დროს
დიეტა, რომელიც შეამცირებს გულის კუნთის დატვირთვას, წყლისა და მარილის შეზღუდვა
უცხიმო დიეტა ათეროსკლეროზის პროგრესირების შესაჩერებლად
💊 მედიკამენტოზური მკურნალობა 💉

· იშემიური დააბადების სტადიის, თანმდევი დაავადებებისა და სხვა ბევრი ფაქტორის გათვალისწინებით, სამკურნალო მედიკამენტებს ექიმი კარდიოლოგი ნიშნავს. როდესაც მედიკამენტოზური მკურნალობა შედეგს არ იძლევა, პაციენტმა კონსულტაცია კარდიოქირურგთან უნდა გაიაროს, ქირურგიული მკურნალობის დასაგეგმად.

· კორონარული შუნტირება

კორონარული შუნტირება კეთდება იშემიის ადგილზე სისხლის მიწოდების აღსადგენად. მეთოდი გამოიყენება დაზიანებული სისხლძარღვების გვერდის ავლით ახალი სისხლძარღვების შექმნისათვის. ამრიგად, ჩნდება ახალი გზა, რომლის მეშვეობითაც სისხლი მიეწოდება გულის პრობლემურ არეს. ოპერაციის ჩატარება შესაძლებელია, როგორც სისხლის მიმოქცევის ხელოვნური აპარატის მეშვეობით, ისევე მომუშავე გულზე.

· კორონარული ანგიოპლასტიკა (სტენტირება)

კორონარული ანგიოპლასტიკა (სტენტირება) გულისხმობს მინიმალურ ინვაზიურ ჩარევას, რომლის დროსაც ხდება ქსოვილის მინიმალური დაზიანება. ამ მანიპულაციის დროს ხორციელდება დაზიანებული სისხლძარღვის გაფართოება, რის შემდეგაც ხდებ სტენტის დამონტაჟება, რომელიც ინარჩუნებს სისხლის ნაკადისთვის საკმარის ადგილს სისხლძარღვში.

სტენტი არის თხელი, ლითონის, მოქნილი ჩარჩო, რომელიც შედის არტერიის სანათურში შეკუმშულ მდგომარეობაში, შემდეგ კი ზამბარას მსგავსად იშლება.

❤️ გისურვებთ ჯანმრთელობას! ❤️
*წყარო aladashvili.ge