ლანჩხუთის მუნიციპალიტეტის კულტურის დაწესებულებათა გაერთიანება

ლანჩხუთის კულტურის ცენტრში გაიმართა ქორეოგრაფიული ანსამბლ „მხედრების“ სოლო კონცერტი.
ღონისძიება ქართული კულტურისა და ფოლკლორის გამორჩეული საღამო იყო.

კონცერტში მონაწილეობდნენ ქალთა ფოლკლორული ანსამბლი „აცაურა“, ბენდი „გურია“ და ფოლკლორული ანსამბლი „მხედრები“.
მაყურებლის წინაშე წარმოდგენილი იყო ქართული ხალხური ცეკვისა და მუსიკის მრავალფეროვანი ნომრები, რომლებმაც განსაკუთრებული მოწონება დაიმსახურა.

ანსამბლ „მხედრების“ შესრულებულმა ქორეოგრაფიულმა ნომრებმა კიდევ ერთხელ წარმოაჩინა ქართული ქორეოგრაფიის სილამაზე, ხასიათი და ტრადიციული კულტურის მნიშვნელობა.
ჩვენი მუნიციპალიტეტისთვის ღონისძიება მნიშვნელოვანი იყო როგორც კულტურული ცხოვრების, ისე ქართული ფოლკლორის პოპულარიზაციისთვის.

ლანჩხუთის მუნიციპალიტეტის კულტურის დაწესებულებათა გაერთიანების კოლექტივს გამოაკლდა შემოქმედებითი ნიჭით დაჯილდოვებული კეთილშობილი ადამიანი გია ორაგველიძე.

მისი დაკარგვა დიდი დანაკლისია არა მხოლოდ ჩვენი გუნდისთვის, არამედ ყველასთვის, ვინც მას იცნობდა.
ის იყო პროფესიონალი და პასუხისმგებლიანი თანამშრომელი,
საიმედო მეგობარი და კოლეგა…

მისი ღიმილი, სითბო და დატოვებული კეთილი კვალი სამუდამოდ დარჩება ჩვენს გულებში…

ვიზიარებთ მეუღლის, ოჯახის, ახლობლებისა და მეგობრების მწუხარებას.

კულტურის დაწესებულებათა გაერთიანება.

ლანჩხუთის მუნიციპალიტეტის კულტურის დაწესებულებათა გაერთიანების ორგანიზებით აღინიშნა 14 აპრილი - დედა ენის დღე.

ღონისძიება ღია ცის ქვეშ გაიმართა და მისი ერთ-ერთი გამორჩეული ნაწილი იყო „ვეფხისტყაოსნის“ გადაწერის პროცესი — ჩვენი ლიტერატურული მემკვიდრეობისადმი პატივისცემის გამოხატულება.

მნიშვნელოვანია, რომ ღონისძიებაში აქტიურად იყო ჩართული მოსწავლეები, პედაგოგები და კულტურის სფეროს წარმომადგენლები — რითაც კიდევ ერთხელ გამოიკვეთა ქართული ენისა და კულტურის განდაკუთრებული მნიშვნელობა.

ლანჩხუთის კულტურის ცენტრში გაიმართა გამოფენა, რომელიც ეძღვნებოდა საქართველოს ისტორიის ერთ-ერთ უმნიშვნელოვანეს თარიღს — 9 აპრილს!

გამოფენაზე წარმოდგენილი იყო სამხატვრო სკოლის მოსწავლეებისა და მასწავლებლების ნამუშევრები, სადაც ასახული იყო როგორც ქვეყნის დამოუკიდებლობისთვის ბრძოლა, ისე თავისუფლების იდეა და ეროვნული სულისკვეთება.

9 აპრილი თითოეული ქართველისათვის სიმბოლოა თავისუფლების, ერთიანობისა და თავგანწირვის.

მადლობა თავისუფლებისთვის!🇬🇪

12 აპრილს, აღდგომის ბრწინვალე დღესასწაულთან დაკავშირებით, სოფელ შუხუთის მოსახლეობის ინიციატივით, საქართველოს კათოლიკოს-პატრიარქის, ილია II-ის, გარდაცვალებისა და მისი ხსოვნის პატივსაცემად ტრადიციული ლელობურთი არ გაიმართება.

გამომდინარე აქედან, მუნიციპალიტეტის მერიის მხრიდან ვეღარ მოხდება დაგეგმილი კულტურული და სპორტული ღონისძიებების უზრუნველყოფა. თუმცა მოსახლეობის ჩართულობით ტრადიციულად შეიკერება ბურთი, შემდეგ კი ლანჩხუთის მუნიციპალიტეტის სამღვდელოება აღავლენს საქართველოს კათოლიკოს-პატრიარქის სულის მოსახსენებელ პანაშვიდს.

მობრძანდით, ერთად გავაგრძელოთ ტრადიცია და ასევე პატივი მივაგოთ ჩვენს უწმინდესს და უნეტარესს, ჩვენი ერთობლივი ლოცვით!

🕓 16:00 საათი - ლელობურთის შეკერვა
🕔 17:00 საათი - საქართველოს კათოლიკოს-პატრიარქის სულის მოსახსენებელი პანაშვიდი.

📣 საქართველოს საგუნდო საზოგადოებისა და მასწავლებელთა პროფესიული განვითარების ეროვნული ცენტრის ორგანიზებით საქართველოს ბავშვთა და ახალგაზრდული საგუნდო კოლექტივების X ეროვნული კონკურსის ფარგლებში კულტურის დაწესებულებათა გაერთიანების ბავშვთა გაერთიანებულ გუნდს ( ნანა მგელაძის ხელმძღვანელობით) ჩაუტარდა მასტერკლასი ლანჩხუთის მ. ორაგველიძის სახელობის სამუსიკო სკოლში.

ℹ️ მასტერკლასი ჩაატარა საქართველოს საგუნდო საზოგადოების თამჯდომარემ, თბილისის სახელმწიფო კონსერვატორიის აკადემიური გუნდის დირიჟორობის მიმართულების ხელმძღვანელმა პროფესორმა ლიანა ჭონიშვილმა.

ℹ️ შეხვედრაში მონაწილეობდნენ: საქართველოს ფოლკლორის სახელმწიფო ცენტრის არქივის მიმართულების მთავარი კოორდინატორი, ეთნომუსიკოლოგი, პედაგოგი, მგალობელ-მომღერალი - ნუნუკა შველიძე;

თბილისის სახელმწიფო კონსერვატორიის სტუდენტური გუნდის წევრი, სტუდია "ლუმიერის" აკადემიური გუნდის ხელმძღვანელი - გიგა პაპავა;

მასწავლებელთა პროფესიული განვითარების ეროვნული ცენტრის მუსიკის ექსპერტ-კონსულტანტი რუსუდან თაყაიშვილი.

ლანჩხუთის კულტურის ცენტრში იხსნება გიტარის შემსწავლელი წრე.

პედაგოგი: პავლე კვიტაიშვილი

მეცადინეობები ჩატარდება:
🗓 ორშაბათსა და ოთხშაბათს
⏰ 14:30 საათიდან
📍 ლანჩხუთის კულტურის ცენტრში

წრე განკუთვნილია გიტარით დაინტერესებული მსმენელებისთვის.

📞 დეტალური ინფორმაციისთვის დაგვიკავშირდით მითითებულ საკონტაქტო ნომერზე (599 382-322)
ან მობრძანდით ლანჩხუთის კულტურის ცენტრში (მისამართი: ლანჩხუთი, ჟორდანიას ქუჩა 99).

ლანჩხუთში ტრადიციული გურული კალანდა საზეიმო კონცერტით აღინიშნა. ღონისძიებაში მონაწილეობდნენ სერგი როსტომაშვილი, კვარტეტი ,,მაიდანი” და კვარტეტი ,,რანინა”.

ტრადიციული გურული კალანდა მრავალსაუკუნოვანი ტრადიციაა რომელიც თაობებს აერთიანებს, ხაზს უსვამს გურულ ხასიათს და ჩვენი კუთხის მდიდარ კულტურულ მემკვიდრეობას.

გურული კალანდა სრულიად საქართველოს მუნიციაპლიტეტის პირველმა პირებმა მიულოცეს.

დღეს ლანჩხუთის კულტურის ცენტრში გაიმართა შემაჯამებელი კონცერტი.

მაყურებლის წინაშე წარსდგნენ კულტურის ცენტრთან არსებული შემოქმედებითი ჯგუფები, ქორეოგრაფიული და საესტრადო ანსამბლები, რომლებიც მთელი წლის განმავლობაში ეწეოდნენ შემოქმედებით საქმიანობას.

შემაჯამებელმა ღონისძიებამ კიდევ ერთხელ წარმოაჩინა მონაწილეთა ნიჭი, შრომა და მაღალი პროფესიონალიზმი.

მადლობა თითოეულ მონაწილეს, პედაგოგს, ორგანიზატორებსა და ქართული კულტურის ერთგულ ადამიანებს- პატივისცემით: გოდერძი ქურიძე, კულტურის დაწესებულებათა გაერთიანების დირექტორი.

ლანჩხუთის ცენტრალურ მოედანზე საახალწლო კონცერტი გაიმართა.

მაყურებლის წინაშე ადგილობრივი შემსრულებლები წარსდგნენ, კულტურის დაწესებულებათა გაერთიანებასთან არსებული ანსამბლები და შემოქმედებითი ჯგუფები.

ახალი 2026 წლის შემობრძანება მოქალაქეებს მიულოცა მუნიციპალიტეტის მერმა ალექსანდრე სარიშვილმა, მათ ბედნიერი და წარმატებული წელი უსურვა.

საახალწლო კონცერტი ფოიერვერკით დასრულდა.