22/06/2026
ა(ა)იპ „ლენტეხის მუნიციპალიტეტის თემებში მოსახლეობასთან ურთიერთობის საკონსულტაციო ცენტრის“ ხელმძღვანელი რაია ქურასბედიანი და რცხმელურის ადმინისტრაციულ ერთეულში მერის წარმომადგენელი ნატო ლიპარტელიანი, თანამშრომლებთან ერთად, სოფელ რცხმელურისა და ყვედრეშის მრავალშვილიან ოჯახებს შეხვდნენ.
შეხვედრისას საკონსულტაციო ცენტრის თანამშრომლები გაეცნენ ოჯახების საჭიროებებს და შეხვედრის დასასრულს მათ მცირედი საჩუქრები გადასცეს.
მოსახლეობასთან მჭიდრო კომუნიკაციისა და მხარდაჭერის მიზნით, ა(ა)იპ ლენტეხის თემებში მოსახლეობასთან ურთიერთობის საკონსულტაციო ცენტრი მრავალშვილიან ოჯახებთან შეხვედრებს ეტაპობრივად, მუნიციპალიტეტის სხვა სოფლებშიც გააგრძელებს.