【 #心鎖媽法寶袋：5-4-3-2-1 感官練習💡】
#心鎖爸 同我講咗嗰日佢喺商場情緒失控、大鬧 #心鎖妹 嘅事～於是我同佢分享咗「5-4-3-2-1感官練習」呢個實用方法，教佢幫自己創造一個「緩衝空間」，等佢可以喺壓力爆煲前快速平靜落嚟💡！
👀5️⃣ ——望吓四周，觀察並講出 5 樣你見到嘅物件
例如：天花板嘅燈、𨋢、前面個廣告牌、某個人嘅衣著同地下嘅磚
做法：仔細觀察唔同物品嘅形狀同顏色，專注喺眼前嘅事物
✋4️⃣ ——感受身體嘅觸碰，講出 4 種你摸到嘅物件
例如：濕紙巾、手袋、衫同頭髮
做法：感受唔同物品嘅質感、材料同溫度
👂3️⃣ ——留心聽吓，辨認並講出 3 種你聽到嘅聲音
例如：冷氣聲、街外車聲同自己嘅呼吸聲
做法：專心發掘身邊嘅微小聲音，聽吓佢哋嚟自邊度
👃2️⃣ ——深呼吸，聞吓並講出 2 種你聞到嘅氣味
例如：咖啡味、香水味或者紙巾嘅氣味
做法：先深呼吸，再分辨呢啲氣味係濃定淡，諗吓佢哋係唔係你熟悉嘅氣味
👅1️⃣——慢慢品嚐，感受並講出 1 種你試到嘅味道
例如：啱啱買嘅飲品
做法：慢慢咁品嚐食物或者飲品嘅味道
「5-4-3-2-1感官練習」可以將你嘅情緒拉返嚟當下嘅現實世界，令呼吸同心跳慢返落嚟！大人都會有情緒，呢個練習唔係用嚟逃避，而係畀自己幾十秒，由「反應」轉做「回應」🔄。小朋友喊嘅時候，如果連自己都企唔穩，我哋又點撐得住佢哋❤️？
了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/
#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族
心房子 Heart and Hut
Share
「心房子」與你每天一起踏出一小步，打開心房子，在日常生活中提醒自己，用心聆聽，用愛接觸，感受家人的每一點愛。
每個人的「心房子」也不盡相同，有的是寬敞明亮，願意讓身邊的人進入；有的慣常把房門鎖上，把自己關在房子裡，甚至拒人於門外。無論「心房子」是打開或是鎖上，我們明白各人都有不同原因和難處。但是，每個人也可以選擇打開心裡的鎖。
一百個人，有一百個不同的「心房子」。面對最親密的家人，讓我們用心聆聽和接觸，感受家人一切說話/作為的善意，才會聽懂/看懂家人的愛。當聽懂/看懂家人的愛，心房子打開了，就好好珍惜和回應家人的愛吧!
如有需要，可向我們或專業人士求助。
免責聲明：
此平台開放，可自由發表意見，但不會逐一回覆。任何惡意/人身攻擊、粗言穢語、誹謗、淫褻、侵犯知識產權、侵犯個人私隱或作商業推廣等留言將會被刪除。
25/05/2026
【 #心鎖爸心事台：不知不覺將傷害傳畀下一代🧘♂️？】
嗰日望住喺商場度又喊又叫嘅 #心鎖妹 😭，我除咗想鬧到佢聽話為止，腦入面仲閃過「打到佢收聲💥」嘅念頭，連我自己都嚇咗一跳！😨仔細諗吓，呢個諗法竟然同我父母當年嘅育兒方式如出一轍⋯⋯
我呢代人真係畀父母打大㗎！做錯要捱鬧，嚴重起上嚟就捱打！我細個嗰陣學到嘅唔係點樣做得更好，而係點樣先唔會受罰🤐。就算大個之後已經唔會再被人打，已經唔記得當時嘅傷有幾痛，但怕做錯事嘅恐懼，一直都喺度。而且哈佛大學研究團隊喺2021年發表嘅研究顯示，就算只係「輕微程度」嘅體罰，都有機會影響小朋友嘅大腦發展🧠⚠️！
小朋友「扭計」，好多時唔係曳，而係「自我調節能力」未發展好。小朋友要學識正確嘅行為，好大程度係靠「鏡像神經元」去觀察同模仿，呢個過程係唔可以用打罵取代㗎。小朋友面對困擾時要依賴家長進行共同調節（co-regulation），透過眼神回應 👀、情感互動 💞 同安撫 🤗等交流模式，幫助小朋友理解、表達同調節思想、情感同行為。當我哋處於暴怒或者高壓狀態，小朋友嘅神經系統反而會被「傳染」，變得更加緊張；我哋要先穩定自己嘅情緒，用平靜嘅語氣同佢哋交流，小朋友先可以慢慢冷靜落嚟，再調節自己嘅情感同行為 🍃。
原來問題從來唔係「佢聽唔聽話」，而係「我用咩方式教」！我點樣對小朋友，都會影響佢將來面對呢個世界嘅反應🌍！🥰唔好畀打罵一代一代咁傳落去，我哋可以停一停，學習用另一種方法教養自己嘅小朋友。
📚參考資料：
Cuartas, J., Weissman, D. G., Sheridan, M. A., Lengua, L., & McLaughlin, K. A. (2021). Corporal punishment and elevated neural response to threat in children. Child development, 92(3), 821-832.
衞生署 家庭健康服務. (2023). 貼心照顧有助孩子發展自我調節能力. 擷取自 衞生署 家庭健康服務: https://www.fhs.gov.hk/tc_chi/health_professional/OMP_eNewsletter/enews_20230816.html
了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/
#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族
20/05/2026
【 #心鎖仔二揀一 ：小朋友「扭計」，家長應該「轉換環境」定「轉移視線」？🤔】
今日 #心鎖妹 坐喺商場地下「扭計」話要買玩具，仲越喊越大聲😭，周圍嘅人都開始望住佢，氣氛變得緊張又尷尬⋯⋯ #心鎖爸 原本都有努力保持冷靜，但喺眾目睽睽之下，佢嘅壓力越嚟越大，個人變得又急又燥🥴。心鎖爸唔想縱容心鎖妹，但又怕場面更失控，分分鐘令全家變成網上熱話嘅主角⋯⋯
👇🏻如果你係心鎖爸，你會點樣做呢？喺小朋友扭計嘅時候，家長應該⋯⋯？
🅰️將佢帶離現場，去到商場角落再處理情緒
🅱️分散佢嘅注意力，冷靜之後再溝通
留言講低你會點揀，心鎖仔PM分析畀你知！
⬇️
⬇️
⬇️
⬇️
⬇️
⬇️
⬇️
了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/
#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族
15/05/2026
【 ：Abuse】
📖意思：
虐待（Abuse）兒童係指對十八歲以下人士作出或者無作出某啲行為，以致兒童嘅身心健康發展受危害或者損害，包括身體虐待、性侵犯、心理傷害同埋疏忽照顧。就算你以為呢啲傷害只係好輕微，都有機會影響小朋友嘅身心發展！一啲衝口而出嘅負面說話，都會刻入小朋友個心度，令佢覺得「我唔值得被愛」😢。
了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/
#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族
社會福利署自2008年起推展鄰里支援幼兒照顧計劃（計劃），旨在支援在職家庭育兒，等家長可以安心工作，釋放家庭勞動力，從而改善家庭經濟。計劃亦提供一個安全網，當家長需要外出處理事務或遇上突發情況嘅時候，為幼兒提供安全處所，以減低兒童被獨留不顧嘅風險。服務內容包括家居照顧服務同中心託管小組，配合唔同年齡同成長需要嘅兒童。計劃至今已經服務咗約17萬名兒童。
#社區保姆 #鄰里支援幼兒照顧計劃
Youtube 傳送門： https://youtu.be/mhlEUhS4EN0?si=mspJxJhVhaYahXxU
10/05/2026
【🕯 #心鎖媽明燈一句：母愛💐】
「母愛是燃料，讓平凡的人也能成就不可能的事。」— 瑪莉恩C·加雷蒂
Mother love is the fuel that enables a normal human being to do the impossible. - Marion C. Garretty
媽媽唔係天生就係強者，但佢可以用最溫柔嘅愛，撐起成個世界；佢唔係超人，但為咗仔女可以變成萬能；佢唔識魔法，但可以撫慰你嘅委屈同不安。媽媽永遠係無條件咁錫你、信你同撐你嘅人，令你覺得自己係被珍惜同被愛護嘅❤️。
💗今日係母親節，祝所有媽媽母親節快樂！愛係唔需要等㗎，大家記得多啲攬吓媽媽，同媽媽分享心底話🤗，同埋主動向媽媽表達你哋嘅愛意！🎊
了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/
#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族 #強制舉報 #強制舉報虐兒守護孩子童年 #強制舉報虐待兒童條例
《好嘢港多啲》 - 社區保姆 支援在職家庭
由社會福利署推展嘅鄰里支援幼兒照顧計劃（計劃），旨在支援在職家庭育兒，釋放家庭勞動力。計劃亦為幼兒提供安全處所，以減低兒童被獨留不顧嘅風險。
今集TVB兩分鐘迷你劇《好嘢港多啲》講述陳先生（阮浩棕飾）同老婆同為雙職家長，既要照顧年幼嘅女女（梓瑜飾），又要兼顧工作，加上冇其他屋企人幫手照顧女女，兩夫婦可謂分身不暇。好彩有社工王姑娘（黃頌明飾）介紹計劃，並為女女配對合適嘅社區保姆萍姨（黃梓瑋飾），陳先生同老婆終於可以安心返工，女女亦喺萍姨屋企得到適切嘅照顧。我哋立即去片了解下計劃點樣幫助在職家庭嘅幼兒照顧需要。
#社區保姆 #鄰里支援幼兒照顧計劃
Youtube傳送門： https://youtu.be/tlpt9BQlo18?si=CGND8pJ93UHd0D5r
01/05/2026
【🌟 #心鎖爸活動推介：5月份☀️】
嚟到五月，立夏陽光輕輕灑落，初夏氣息撲面而來～🌱今個月 #心鎖爸 精選咗一系列暖心又好玩嘅活動，同大家一齊迎接充滿活力嘅夏天！
🌱 心靈療癒，遇見更好嘅自己
想滋養心靈、提升表達技巧？「心靈畫話室」透過園藝同藝術體驗，帶你學習接納自己同尊重他人，喺創作中打開心扉，令溝通變得更柔和；「調出好心情」、「『革』外精彩皮革製作」同「綠豆糕美點」用手工藝同美食幫你釋放壓力，提升幸福感💕；母親節限定嘅「愛・在色彩中🌈」同埋「親親媽咪工房」最適合家長帶埋仔女一齊參加！小朋友可以通過粉彩創作同製作小手工，將對媽媽嘅愛融入作品中，讓親子間嘅溫暖交流喺創作途中悄然綻放❤️
👨👩👧👦 親子放電，歡樂滿滿
想同小朋友盡情玩樂、釋放活力？咁就唔好錯過「快樂家庭嘉年華」喇！豐富攤位遊戲任你玩，家長同小朋友可以攜手闖關，享受親子時光💛；今個月仲可以參加「親子非洲鼓工作坊」，大人細路一齊跟住節拍敲擊，喺遊戲中感受非洲音樂嘅熱情奔放，全家一齊享受音樂帶來的歡樂～😆
🔒 心鎖爸特別推介 🌟
我 #心鎖爸 唔單止係心鎖仔同心鎖妹嘅爸爸，亦都係心鎖媽嘅另一半～再忙都要留返啲時間同伴侶好好相處！夫妻之間有良好溝通，先可以為孩子建立一個安穩又溫暖嘅家~所以我準備同心鎖媽一齊參加「『細水長流』夫婦站」，呢個活動專為夫婦而設，透過創作流體畫，讓參加者更了解另一半嘅個性，學習彼此欣賞，重拾拍拖嘅甜蜜感覺，令兩個人嘅相處喺細水長流中，變得更親密、更自在✨
今個五月，跟住 #心鎖爸 一齊玩、一齊笑、一齊放鬆，令成個初夏都充滿溫暖同快樂啦～☀️
了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/
#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族 #中西南及離島區 #東區及灣仔區 #觀塘區 #黃大仙及西貢區 #九龍城及油尖旺區 #深水埗區 #沙田區 #大埔及北區 #元朗區 #荃灣及葵青區 #屯門區 #強制舉報 #強制舉報虐兒守護孩子童年 #強制舉報虐待兒童條例
05/04/2026
【🌟 #心鎖全家福：復活節快樂 】
復活節快樂 ！大家諗住點樣慶祝復活節呢個代表「希望」同「重生」嘅節日呢 ？
心鎖爸同心鎖媽特別為心鎖仔同心鎖妹設計咗一個期間限定嘅復活節尋蛋遊戲，玩法簡單之餘，又可以增加親子互動，大家都可以試吓㗎！
復活節尋蛋遊戲玩法：
1. 爸爸媽媽可以準備啲色彩繽紛嘅熟雞蛋、朱古力蛋或者玩具彩蛋（彩蛋越多越好玩）🥚
2. 趁小朋友唔為意，靜雞雞將彩蛋收埋喺屋企嘅秘密角落🤭🤫
3. 按小朋友嘅年齡同能力，設計唔同嘅尋蛋挑戰 ，例如：
- 搵出指定顏色或者圖案嘅彩蛋
- 喺限時內完成任務
- 用筷子、匙羹或者食物夾等工具收集彩蛋
🌟爸爸媽媽可以適度增加遊戲嘅難度同趣味性 ，鼓勵小朋友嘗試同挑戰新事物！
4. 任務完成後，記得好好讚賞小朋友嘅努力同投入！一份小獎品或者一個大大嘅擁抱，可以畀小朋友感受到滿滿嘅愛，令佢哋覺得自己係彩蛋獵人中嘅小英雄！🏅
只要用心陪伴小朋友，每一刻都可以係溫馨動人嘅家庭時光！快啲同小朋友一齊展開呢場復活節尋蛋大冒險啦！✨
了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/
#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族 #強制舉報 #強制舉報虐兒守護孩子童年 #強制舉報虐待兒童條例
01/04/2026
【🌟 #心鎖爸活動推介：4月份🌟】
踏入四月，相信大家都測晒驗、考完試喇，係時候好好放鬆吓~今個月我 #心鎖爸 為大家帶嚟咗各式各樣嘅活動，無論你想一家大細齊齊玩，定係畀自己唞唞氣、尋找內心寧靜，總有一個選擇啱你心水☀️！
想同小朋友盡情放電嘅話，可以參加「家宴媽媽」同「Smart Kids 2026」，一齊暢玩親子遊戲🧸，喺笑聲中促進親子關係❤️；如果鍾意靜靜哋chill 吓，記得參加「愛回家工藝坊」、「花滿壓枝低」同「療癒減壓點點畫」，無論係繪畫、手工藝定乾花製作🎨，都可以畀你放低煩惱，用藝術治癒心靈；各位爸爸媽媽仲可以參加「父母唔易做之互助小組」同「『雨後放晴』家長心靈充電小組」，同其他家長一齊分享育兒嘅喜怒哀樂同心得，擴闊支援網絡之餘，又可以幫自己叉吓電！想尋找快樂？「七彩心光 - 快樂七式小組」會同你一齊探索七種快樂之道，發掘屬於自己嘅「好心情配方」💕 ~
🔒 心鎖爸特別推介 🌟
如果想同小朋友享受一次與別不同嘅親子staycation ✨，就要留意住今個月嘅「星閃親子營」喇！👨👩👧👧一家人可以遠離煩囂，一齊觀星同參加營地活動，喺大自然嘅懷抱中共享親子時光🌳，留低專屬你哋嘅星空回憶！📸💕有興趣嘅爸爸媽媽記得報名參加喇！
了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/
#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族 #中西南及離島區 #東區及灣仔區 #觀塘區 #黃大仙及西貢區 #九龍城及油尖旺區 #深水埗區 #沙田區 #大埔及北區 #元朗區 #荃灣及葵青區 #屯門區 #強制舉報 #強制舉報虐兒守護孩子童年 #強制舉報虐待兒童條例
【👀 #心鎖全家福：「童你講」短片比賽 得獎者一覽🎬】
多謝曬有份參加比賽嘅家庭同創作者！由構思、拍攝到剪接，你哋用短片講出小朋友嘅心聲❤️，同時將「保護兒童」嘅信息帶到更多人面前💛。我哋已經將得獎作品剪輯成「得獎短片精華片段」，一次過畀大家睇吓呢啲精彩作品。恭喜曬以下得獎者🏆！
🎁得獎名單
🏆 最佳短片獎（1名）Tusyu Kphy
立即觀看: https://youtu.be/RkJhngSwPRs
📚 最具專業保護兒童知識獎（1名）Benny Choi
立即觀看: https://youtu.be/subK3uqq1pI
💡 最具感染力/創意獎（1名）
立即觀看: https://youtu.be/QLLZ0JwYIOU
✨ 最具心思獎（10名）, Klss Klss, Gigi Lee, Ricky Lam, , Louisa Keung, 李致堅, , .7530459,
立即觀看: https://www.youtube.com/playlist?list=PLUTmry8pQiHazZpTIFWLxr2RHne_KQYZI
🎉 參加鼓勵獎（請查閱留言區）
⏰ 早鳥加碼獎（請查閱留言區）
📩領獎提示
請所有得獎者喺👉🏻2026年4月7號23:59前👈🏻 inbox聯絡「心房子@heartandhut」了解領獎詳情，逾時未聯絡嘅得獎者將未能安排領獎。再次恭喜所有得獎者，並感謝所有參加者嘅支持，期待下次活動再見～
了解更多「心房子」嘅活動同資訊
📚心房子 Heart and Hut
🏠instagram.com/heartandhut
📺youtube.com/
#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族 #強制舉報 #強制舉報虐兒守護孩子童年 #強制舉報虐待兒童條例 #童你講 #童你講短片比賽
Click here to claim your Sponsored Listing.