友智識 - 樂齡IT

【🎉「友智識」新網上自學課程「網上精明購物」登場！🥳】
各位老友記，想安坐家中都可以輕鬆買嘢、唔洗自已拎咁辛苦又慳時間？💡由新界西長者學苑聯網（「友智識」長者進階數碼培訓計劃推行機構之一）製作嘅網上自學課程——「網上精明購物」，已經登陸「友智識」樂齡IT易學站喇！🎉

呢個課程透過簡短易明嘅教學短片，畀老友記👵👴認識網上購物💰嘅基本概念，課程仲會簡介幾個常見網購平台嘅基本用法💡，例如開設帳戶同埋選購步驟嘅小貼士，咁老友記就可以買得方便又安心啦！

「網上精明購物」嘅內容💡包括：
✅介紹網購前嘅準備同小貼士
✅示範點樣喺網購平台註冊帳戶，搜尋及查詢商品存貨，選擇收貨方式同埋付款等等
✅示範點樣喺外賣平台註冊帳戶同埋落單買外賣
✅提醒老友記各種網購陷阱同埋應對方法

老友記想知多啲有關網上購物嘅知識，快啲去「『友智識』樂齡IT易學站」睇睇呢個網上自學課程，同埋將呢個課程介紹畀其他老友記～
👉「『友智識』樂齡IT易學站」網上自學課程——「網上精明購物」：
🌐https://www.it2.gov.hk/tc/onlinecourse/course_catalog.php?id=80

#友智識長者進階數碼培訓計劃 #數碼共融 #數字辦 #新界西長者學苑聯網 #長者數碼科技網上自學課程

【🎉「友智識」新網上自學課程「社交媒體互連繫」登場！🥳】

好消息！由樂善蓮社創新長者學苑（「友智識」長者進階數碼培訓計劃推行機構之一）製作嘅網上自學課程——「社交媒體互連繫」，已經登陸「友智識」樂齡IT易學站喇！🎉

呢個課程用簡單易明嘅方式教老友記👵👴認識社交媒體💰嘅基本概念，仲會介紹三個常見嘅社交平台各自嘅基本功能💡，鼓勵老友記喺生活中嘗試使用社交媒體，幫佢哋同家人、朋友保持聯繫，參與社群互動！

「社交媒體互連繫」嘅內容💡包括：
✅認識社交媒體同埋介紹常見嘅社交平台同功能
✅建立社交平台帳戶同埋Facebook 同 Instagram嘅基本功能
✅點樣用YouTube 睇片同搵資訊
✅溫馨提示老友記需要留意社交平台上嘅資訊真偽，避免輸入個人資料

老友記想知多啲有關社交媒體嘅知識，快啲去「『友智識』樂齡IT易學站」睇睇呢個網上自學課程，同埋將呢個課程介紹畀其他老友記～
👉「『友智識』樂齡IT易學站」網上自學課程——「社交媒體互連繫」：
🌐https://www.it2.gov.hk/tc/onlinecourse/course_catalog.php?id=71

#友智識長者進階數碼培訓計劃 #數碼共融 #數字辦 #樂善蓮社創新長者學苑 #長者數碼科技網上自學課程

【數字辦「友智識」地區推廣 👍✨ — 元朗區議會】

話咁快數字辦已經走訪18區，向各區區議會推廣「友智識」長者數碼共融計劃，最後嚟到元朗區議會！

我哋4月16號聯同新家園協會—新界西服務處代表（「友智識」長者數碼共融計劃推行機構之一），喺元朗區議會社會福利及勞工委員會會議上，向委員分享「友智識」長者數碼共融計劃喺元朗區嘅推行情況同最新動向📢：

👉保持老友記嘅學習熱情同動力，鼓勵終身學習：喺培訓老友記掌握基本數碼知識之後，機構仲會為老友記提供實踐機會如手機攝影比賽📸、社區遊蹤同埋數碼檢測等，鼓勵老友記學以致用。

👉跨越現實，體驗無限：利用VR科技🕶️為老友記提供運動環境，鼓勵老友記安全地進行適量伸展運動。同時喺使用VR嘅過程當中，協助老友記減輕焦慮同壓力，促進心理健康💚。

👉外展及社區參與：透過組織不同形式嘅戶外活動，將計劃向區內居民宣傳，令到更多市民認識「友智識」。同時積極鼓勵老友記回饋社區🤝，培訓佢哋成為義工並進行家訪活動，將學到嘅知識同技能分享畀其他老友記，達到教學相長嘅效果。

👉凝聚各方力量，全方位支援長者：例如為老友記提供手機月費優惠計劃📱，同埋與機構義工隊協作，為區內老友記提供更多實用同便利嘅數碼科技支援🛠️。

數字辦代表喺會上感謝各委員嘅寶貴意見同地區上嘅支持，同時呼籲委員繼續發揮地區影響力💥，繼續接觸老友記👥，宣傳「友智識」計劃，協助更多老友記跨越數碼鴻溝🌉，提升佢哋嘅生活幸福感😊同數碼獲得感🎁。

數字辦會繼續利用唔同渠道向社會各界推廣計劃，想知道最新動向？記得追蹤我哋嘅Facebook專頁喇！

#友智識長者數碼共融計劃 #數碼共融 #數字政策辦公室 #數字辦 #元朗區議會 #新家園協會新界西服務處

【新一輪「友智識」長者進階數碼培訓計劃開始接受報名📣】

老友記👨👵注意！數字辦嘅新一輪「友智識」進階數碼培訓計劃開始接受報名喇！

進階數碼培訓課程由三間大學轄下嘅長者學苑負責設計同教授，課程內容包括多個切合老友記需要同熱門嘅科技主題💡，例如：人工智能同智能助理、區塊鏈同電子支付、機械人同自動駕駛汽車、低空經濟中嘅資訊科技、網絡安全🔒同埋簡易編程等。負責機構分別係 #香港都會大學長者學苑、 #香港中文大學賽馬會老年學研究所 同埋 #香港理工大學樂齡與家庭研究中心。進階數碼培訓課程歡迎60歲或以上、具備基本數碼科技知識嘅老友記報讀，費用全免！即睇課程資訊：

👉「友智識」樂齡IT易學站：https://www.it2.gov.hk/enriched_training/

👉新聞公報：https://www.info.gov.hk/gia/general/202604/20/P2026042000261.htm

📣老友記快啲去報名喇！

「友智識」仲提供社區數碼技術支援同基礎數碼培訓課程畀老友記參加😍，想知多啲？快啲去「友智識」樂齡IT易學站（www.it2.gov.hk）睇睇啦🥳！

#友智識長者進階數碼培訓計劃 #友智識 #數碼共融 #數字政策辦公室 #數字辦

【🎉「友智識」新網上自學課程「掌握電子錢包」登場！🥳】

好消息！由港島區長者學苑聯網（「友智識」長者進階數碼培訓計劃推行機構之一）製作嘅網上自學課程——「掌握電子錢包」，已經登陸「友智識」樂齡IT易學站喇！🎉

呢個課程用簡單易明嘅方式教老友記👵👴認識電子錢包💰嘅基本概念同埋應用場景💡，鼓勵老友記喺生活中使用多啲使用電子錢包，便利生活！

「掌握電子錢包」嘅內容💡包括：
✅電子錢包嘅類型、特點同安全使用貼士
✅電子錢包嘅應用場景
✅電子支付嘅發展趨勢

老友記想知多啲有關電子錢包嘅知識，快啲去「『友智識』樂齡IT易學站」睇睇呢個網上自學課程，同埋將呢個課程介紹畀其他老友記～
👉「『友智識』樂齡IT易學站」網上自學課程——「掌握電子錢包」：
🌐https://www.it2.gov.hk/tc/onlinecourse/course_catalog.php?id=66

#友智識長者進階數碼培訓計劃 #數碼共融 #數字辦 #港島區長者學苑聯網 #長者數碼科技網上自學課程

【數字辦「友智識」地區推廣 👍✨ — 深水埗區議會】

踏入4月，數字辦繼續聯同「友智識」推行機構到區議會宣傳計劃！

我哋4月2號聯同九龍樂善堂代表（「友智識」長者數碼共融計劃推行機構之一）出席深水埗區議會社區參與及文化康樂委員會會議，向委員分享「友智識」長者數碼共融計劃喺深水埗區嘅推行情況同最新動向📢：

👉鼓勵長幼及種族共融：邀請少數族裔、青年同埋較年輕嘅老友記擔任數碼共融推廣大使，支援老友記👨👵（包括少數族裔老友記）學習數碼科技，仲會按情況喺宣傳品同教材中照顧少數族裔嘅需要🗣️，方便更多老友記使用👀。

👉外展活動吸引更多老友記參與計劃：設立「長者數碼共融外展隊」🚐，到唔同地區同埋人流較多嘅舊區／公屋／餐廳同商場等🏬，向老友記推廣計劃📢。又會同其他地區服務機構合作🤝，識別有需要嘅老友記以提供支援❤️。

👉利用學校網絡，接觸更多老友記：同學校協作，並邀請學生擔任義工，定期喺學校門口設立長者數碼共融支援站🧑‍🏫，協助宣傳同吸引更多老友記參與計劃📢。

👉由用家角度親身演繹，分享數碼應用：邀請參與計劃嘅老友記，拍攝短片介紹「友智識」計劃同埋分享使用數碼科技嘅心得。

數字辦代表喺會上感謝各委員嘅寶貴意見同支持，同時呼籲委員繼續發揮地區影響力💥，喺日常接觸老友記👥時，宣傳「友智識」計劃，協助更多老友記跨越數碼鴻溝🌉，提升佢哋嘅生活幸福感😊同數碼獲得感🎁。

想緊貼最新動向？記得追蹤我哋嘅Facebook專頁喇！

#友智識長者數碼共融計劃 #數碼共融 #數字政策辦公室 #數字辦 #深水埗區議會 #九龍樂善堂

【數字辦「友智識」地區推廣 👍✨ — 南區區議會】

數字辦向區議會推廣「友智識」長者數碼共融計劃又邁進咗一步！3月24號，我哋聯同坊眾社會服務中心代表（「友智識」長者數碼共融計劃推行機構之一），一齊出席南區區議會社區參與及文化康樂委員會會議，向委員分享「友智識」長者數碼共融計劃喺南區嘅推行情況同最新動向📢：

👉鼓勵家庭一齊學習：舉辦數碼培訓班，畀老友記👨👵同佢哋嘅屋企人一齊上堂，提升學習興趣之餘，又可以幫到家庭關係更融洽。
👉靈活又具支援性🛠️嘅學習環境🏫：老友記可以自選上堂時間，或者安排專人一對一指導；機構仲設有支援熱線📞、安排老友記助教幫助新學員，仲會定期進行家訪，全方位照顧老友記學習同使用數碼科技嘅需要。
👉善用地區團體合作網絡🌐，接觸更多長者：推行機構聯同香港南區各界聯會同埋其他地區組織合作🤝，同時舉辦多元化地區活動，擴大「友智識」計劃嘅覆蓋面，令更多老友記受惠。
👉與時並進，切合需要：持續收集老友記意見，並按佢哋嘅興趣設計課程，例如北上消費、電子支付，仲有近排好熱門嘅人工智能APP（例如「港話通」）

會上各委員十分支持計劃，仲提供咗好多寶貴意見同建議。數字辦代表感謝各位委員嘅支持同分享，同時呼籲大家繼續發揮地區影響力💥，善用社區網絡🌐同日常接觸老友記嘅機會👥，一齊幫手宣傳「友智識」計劃，協助更多老友記跨越數碼鴻溝🌉，提升佢哋嘅生活幸福感😊同數碼獲得感🎁。

想緊貼最新動向？記得追蹤我哋嘅Facebook專頁喇！

#友智識長者數碼共融計劃 #數碼共融 #數字政策辦公室 #數字辦 #南區區議會 #坊眾社會服務中心

【「友智識」聯乘「港話通」推出網上自學課程🤝 💡】

好消息！「友智識」聯同港話通全維服務有限公司再有新協作，推出網上自學課程，教老友記👨👵點樣安裝同使用「港話通」📲！老友記可以通過呢個網上課程自學點樣用「港話通」呢個香港研發嘅智能助理應用程式，例如係查天氣🌤️、睇巴士到站時間🚌、搵餐廳🍽️、問政府服務資料🏛️等等！老友記不妨睇睇呢個網上自學課程，一齊體驗人工智能應用帶嚟嘅方便，提升幸福感💖同獲得感啦！

即到「『友智識』樂齡IT易學站」網上自學課程——「港話通」
👉 https://www.it2.gov.hk/hkchat/

#友智識 #數碼共融 #數字政策辦公室 #數字辦 #港話通 #香港生成式人工智能研發中心 #港話通全維服務有限公司

【 #友智識數碼詞典】「掃毒」保持智能手機、電腦「健康」！✋

顧名思義，「掃毒」係指利用防毒工具去掃描智能手機📱同埋電腦💻等裝置，部分操作系統仲內置安全檢測工具，方便用戶使用呢啲工具定期去睇睇裝置有咩安全威脅🛡️。防毒工具一般都可以自動運作去「掃毒」，而用戶就要確保防毒工具嘅定義檔案版本係最新就可以喇！

常言道「預防勝於治療」，老友記👨👵喺用智能手機同埋電腦裝置嘅時候應時刻留意，唔好🚫隨意撳手機訊息或者電郵提供嘅可疑連結，亦唔好瀏覽可疑嘅網頁，做好網絡安全嘅每一步，智能手機同埋電腦就可以時刻保持「健康」，陪伴老友記一齊暢遊數碼世界啦😉！

需要網絡安全嘅技術支援？快啲去「友智識」社區支援點同埋流動數碼服務站搵義工傾傾啦！即睇服務時間同地點📍：
🔗 https://www.it2.gov.hk/tc/training_and_support/community_digital_support_stations.php

#友智識長者數碼共融計劃 #數碼共融 #數字政策辦公室 #數字辦 #友智識 #友智識數碼詞典 #掃毒

【「友智識」再聯乘「港話通」🤝 提升老友記應用AI基本技能💡】

數字辦「友智識」嘅培訓課程一直致力為老友記提供豐富同埋與時並進嘅數碼科技知識，當然唔少得提升老友記應用AI嘅基本技能同埋自發學習啦！📚📱

繼早前舉辦嘅兩場「港話通」客席講座，數字辦再促成嶺南衡怡紀念中學長者學苑（「友智識」長者進階數碼培訓計劃推行機構之一）聯同港話通全維服務有限公司喺2月13號舉辦咗新一場講座，教老友記點樣用「港話通」呢個香港研發嘅智能助理應用程式，除咗「港話通」嘅實用功能，例如係查天氣🌤️、睇巴士到站時間🚌、搵餐廳🍽️、問政府服務🏛️之外，仲教咗老友記點樣用「港話通」趁新年應吓節「求籤」🧧同埋影吓啲應節食材📸，然後再由「港話通」建議食譜🍲。老友記即場試用後大讚「港話通」夠晒貼地同窩心💖，又支援廣東話語音輸入🗣️，反應夠快⚡，好開心喺日常生活能夠隨時隨地有位「AI助手」🤖，又話會介紹畀其他老友記👫，齊齊發掘更多「港話通」嘅應用場景！🌟

記得留意數字辦嘅Facebook專頁知多啲有關「友智識」嘅消息喇！📲👍

#友智識 #長者進階數碼培訓計劃 #數碼共融 #數字政策辦公室 #數字辦
#嶺南衡怡紀念中學長者學苑 #港話通 #香港生成式人工智能研發中心 #港話通全維服務有限公司