漁農自然護理署 Agriculture, Fisheries and Conservation Department

#生態多面睇【六斑月瓢蟲 𝐶ℎ𝑒𝑖𝑙𝑜𝑚𝑒𝑛𝑒𝑠 𝑠𝑒𝑥𝑚𝑎𝑐𝑢𝑙𝑎𝑡𝑎】

近啲❗~再近啲‼️~🐞 🔍見唔見到呢隻細細粒、着住橙紅色外套嘅小昆蟲❓為你介紹——六斑月瓢蟲。

佢哋屬於瓢蟲科，體長只有4至6毫米。頭部黑色、額白色，黑色嘅前胸背板上有白色斑紋，紅色嘅鞘翅有黑色斑紋，夠晒剎食！

雖然佢哋叫「六斑」月瓢蟲，但又未必真係有6️個斑點㗎！佢哋鞘翅上面嘅斑紋🎲數量同圖案其實非常多變。

六斑月瓢蟲鍾意食蚜蟲👾，由於蚜蟲會吸食植物汁液，影響植物生長🌿，所以佢哋係農夫好幫手，用嚟控制蚜蟲嘅數量，為農作物減少威脅，維持生態平衡⚖️。

攝影：Beetle Working Group

#漁護署 #六斑月瓢蟲 #生物多樣性

#漁護快訊【2026世界海洋日暨全國海洋宣傳日】

6月8日「世界海洋日🌊」嘅訂立係為咗支持🌎全球可持續發展目標嘅落實，📢鼓勵公眾參與保護海洋同可持續管理海洋資源。

漁護署尋日（6月7日）聯同香港中文大學及香港大學嘅代表去深圳參加咗深圳市海洋發展局主辦嘅自然深圳SHOW．2026世界海洋日暨全國海洋宣傳日主題活動。同深圳市海洋發展促進中心一齊，透過🧑‍🏫講座向市民分享港深兩地海洋生態小知識，提高市民海洋文化意識以及推廣「生態親海」、「下水有禮」嘅信息。

近年我哋不斷深化同深圳相關部門喺海洋生態保護同公衆教育方面嘅合作🤝，呢次活動設有攤位展示港深合作嘅努力同成果，包括開展港深海洋保護義工交流及舉辦聯合海洋保護教育活動，又喺內地嘅社交媒體平台📱聯合發佈《親海禮儀守則》、《下水有禮—賞惜海洋生物》宣傳片🎬。我哋會繼續保持緊密合作，推動公眾廣泛參與海洋保護行動。

#漁護署 #世界海洋日 #親海禮儀 #下水有禮 #海洋保護

【🌟本地漁農產品新統一品牌「優鮮港品」🌟】

漁護署今日（6月6日）率先公布🎊本地漁農產品新統一品牌——「優鮮港品 Hong Kong Harvest」🐟 🥬！

漁護署署長黎堅明、認證機構香港品質保證局主席黃家和教授，同宣傳推廣機構海洋公園公司行政總裁黃嗣輝，一齊介紹「優鮮港品」嘅品牌理念、認證計劃🏅同推廣活動。

✨活動現場仲首次公開介紹品牌標誌🔖同兩位吉祥物🧸「為食仔」同「為食龍」，展現「優鮮港品」以全新形象連繫漁農業同市民生活，推動「由產地到餐桌」嘅飲食潮流😋。

💡「優鮮港品」係香港第一個統一嘅本地漁農產品品牌，透過新品牌嘅認證🏅、檢測🔬同溯源🔍制度，為市民提供「本地」、「優質」、「安全」、「減碳」嘅漁農產品，提高產品嘅市場競爭力📊、推動本地漁農業可持續發展、增加漁農民收入💰，達致多方共贏🤝！新品牌亦會積極聯繫餐飲🍽️、零售🛍️同酒店業界🏢，將更多優質本地漁農產品帶到市民日常餐桌同高端消費層，攜手支持本地漁農業可持續發展💪。

📢「優鮮港品」啓動禮🎊7月4日🗓️將會喺中環街市📍舉行，更多精彩內容🪄陸續有嚟，大家記得留意呀！

想知更多「優鮮港品」的最新消息，記得關注「優鮮港品」嘅Facebook啦 https://facebook.com/Hongkongharvestofficial
！

#漁護署 #優鮮港品 #本地 #優質 #安全 #減碳 #可持續飲食 #為食仔 #為食龍 #本地漁農業可持續發展

#漁護快訊【2026年「全國放魚日」- 增殖放流 · 生生不息🐟】

漁護署今日（6月6日）喺大埔魚類批發市場舉行「全國放魚日」增殖放流活動啓動典禮🎉，並喺啓動儀式之後聯同香港佛教聯合會、香港海洋公園及香港海洋公園保育基金代表，🚢分別前往印洲塘海岸公園同南大嶼海岸公園，投放約62 000條本地魚種幼魚🐟，包括黑鱲、黃腳鱲、沙鱲、鐵鱗同龍躉，等佢哋喺合適嘅環境生長同繁衍，幫助恢復同提升海洋資源🤲💙。

💡提提大家❗放生動物前必須謹慎考慮，以免影響生態環境，同令動物承受不必要嘅痛苦😣。市民可以考慮參與科學化嘅增殖放流或其他公益活動，代替不當放生行為。

想進一步了解科學化增殖放流，快啲睇吓我哋最新出版既增殖放流小冊子啦！
📘🔗 www.afcd.gov.hk/tc_chi/fisheries/fish_cap/fish_cap_con/files/Restocking.pdf

#漁護署 #全國放魚日 #增殖放流 #保育海洋資源 #印洲塘海岸公園 #南大嶼海岸公園

#署長在前線【視察大鵬灣魚類養殖區執法同科技應用】🐟🚤

漁護署署長黎堅明今日（6月5日）喺助理署長（漁業及海洋護理）朱振華博士嘅陪同下，前往大鵬灣魚類養殖區，並登上現代化海產養殖管理平台，了解👀前線同事喺養殖區嘅管理、執法工作同新魚類養殖區嘅實況，聽佢哋分享喺工作上遇到嘅挑戰💬💪🏻。

同事向署長示範咗 AIS 電子圍欄系統同無人機（SUA）嘅實際應用，展示點樣利用科技有效支援養殖區嘅監察巡邏🛸📸同執法工作。

大鵬灣魚類養殖區係《漁農業可持續發展藍圖》下漁業發展嘅重要一環📌，我哋一直積極應用現代化科技發展深海養殖🌊🚀，並透過先進養殖設備同智能監察系統，持續提升養殖品質同產量，推動本港海魚養殖業邁向可持續發展📈。

#漁護署 #署長在前線 #大鵬灣魚類養殖區 #深海養殖 #無人機應用 #漁農業可持續發展藍圖 #科技應用

#漁護快訊【第二屆「基於自然的解決方案暑期學校」🏫圓滿結束🎊】

一連十日嘅第二屆「基於自然的解決方案暑期學校」（NbS暑期學校）👨‍🏫尋日圓滿結束✨。其間漁護署署長黎堅明亦與一眾學員出席咗喺香港舉行嘅Hong Kong International Nature-based Solutions Action Week公眾論壇，與不同嘅持分者交流意見💬。

參與NbS暑期學校嘅導師同學員嚟自不同專業範疇，包括從事生態保育同埋城市建設嘅👨‍💼專業人士、👨‍🎓學者、以及嚟自多邊組織同國內外嘅相關政府代表👩‍💻。課程期間，學員到訪廣州同香港多個地點作實地考察🏙️🏞️，並從城市規劃、農業、金融、工程、科技等多元視角，深入了解基於自然的解決方案（Nature-based Solutions; NbS）嘅概念同應用範疇。本地學員唔單止獲得跨界別嘅知識📚，亦掌握咗具體嘅NbS實踐方向🧭，為未來喺香港《生物多樣性策略及行動計劃》下推動可持續發展同跨界合作打好基礎💪🏻。

#漁護署 #基於自然的解決方案

#公民教育【🌎世界環境日2026】

每年6月5日係「世界環境日」🌳，目的係為咗提高全球對環境保護嘅關注，📣呼籲大家一齊用行動嚟守護地球🫶。今年我哋響應國家生態環境部嘅號召，同環境及生態局和環境保護署攜手🤝，喺6月舉辦「美麗香港環境節」🎊，以加深市民對環境保護嘅認識。活動獲得市民熱烈嘅反應，踴躍報名！

只要我哋平時多啲關注自然保育、積極行動💪，將環保理念轉化為生活習慣，多啲💞親近大自然🏞️，咁日日都可以喺環境日啦🤗🗓️！

#漁護署 #世界環境日 #美麗香港環境節 #香港郊野公園 #香港地質公園 #香港濕地公園 #塱原自然生態公園