和富鄰里芯 Wofoo Neighbour Hub

【和富鄰里芯 - 手工藝活動回顧】

#和富鄰里芯 嘅院舍及長者中心探訪服務已推行近一年❤️。一路走來，全賴一眾義工嘅熱心付出，以及各院舍及長者中心嘅信任，先能夠將歡笑同關懷送到長者身邊。

喺恆常探訪中，手工藝製作一直係深受長者喜愛嘅活動😊。我哋嘅義工用心揀適合長者能力嘅手作項目，包括：
🎨 青草地水彩畫
🧸 毛巾公仔
🌿 如意香草福袋
☕ 咖啡渣畫
🌸 和諧粉彩畫
🎀 香囊包
🍊 扭扭吉祥桔

長者透過親手製作，不但享受當中嘅樂趣，更能喺過程中鍛鍊手部精細動作與手眼協調能力、獲得感官刺激、放鬆心情、逐步建立自信同埋減少孤單與無聊感。

每一件小手作，都係身心健康嘅累積。💪

未來， #和富鄰里芯 會繼續將服務帶到更多區域，期望凝聚更多社區上嘅有心人，一同支援有需要嘅長者，令關懷不斷延續。🥰

#和富鄰里芯 #社區 #關心社區 #長者探訪 #義工活動 #關愛 #黃大仙 #社區關懷 #荃灣 #深水埗

【和富鄰里芯義剪隊 - 📊小小統計 · 大大感動】

由2025年1月開始，我哋和富鄰里芯嘅義剪隊聯同一班合作夥伴（包括老人院舍及長者地區中心），已經舉辦咗多場義剪活動，服務咗接近 1000 人次 💇‍♀️

每一個數字嘅背後，都係義工們用雙手加愛心，一點一滴累積出嚟嘅成果 💪同時，亦好多謝一班合作夥伴嘅信任同陪伴，讓我哋走得更遠 💕

衷心感謝每一位義工嘅熱心參與同鼎力支持！因為有你哋，我哋先可以不斷成長，為更多長者帶嚟笑容同關懷 ✨

#和富鄰里芯 #義剪傳愛 #社區 #義工活動 #關愛 #黃大仙 #荃灣 #深水埗

【和富鄰里芯 - 新春帶暖意活動回顧】

#和富鄰里芯 聯同各界合作伙伴，於2月4日及2月7日走訪咗「 #香港互勵會曹舒菊英老人中心」、「 #圓玄安老院」、「 #保良局癸未年樂頤居暨耆安長者日間護理中心」同「 #耆康會荃灣長者地區中心」，合共舉辦5場新春關懷活動，將節日暖意傳遞俾區內長者😊。

5場活動內容豐富多元，義工們同長者一齊玩「推波波」遊戲、寫揮春，重拾節日歡樂；為長者理髮💇，等佢哋以清爽形象迎接新歲；一齊整🍊「吉」祥如意小手工🎋，寓意新一年大吉大利，更送贈新春福袋，為長者送上節日祝福；義工上門探訪，送上誠摯問候同小禮物；義工上門協助長者進行新春「大掃除」🧹，等佢哋喺潔淨舒適嘅環境中過年。❤️

「和富鄰里芯」好高興能夠聯同一班熱心人士，包括碩士生同專業人士，一齊投入服務。活動當日，大家都懷住熱忱，盡心盡力同長者互動交流，讓愛與關懷流動喺每一個角落。

我哋期望未來有更多來自各界嘅朋友加入💪，一齊同行，將溫暖送到更多有需要嘅長者身邊，令鄰里間嘅芯火相傳，越燃越亮。🥰

🧧人和家富 馬躍新程🧧
福臨萬家喜氣盈門🎉祝願大家新一年身心康泰、事事順利，同心關愛社群，共建更美好香港！

#和富鄰里芯 #社區 #關心社區 #長者探訪 #義工活動 #關愛 #黃大仙 #荃灣 #深水埗

【和富鄰里芯 x Chill Sweet 俏甜 — 派飯關懷長者活動回顧】

#和富鄰里芯 好榮幸同 攜手合作，先後喺2025年12月20日、2026年1月19日喺青衣，同2026年1月3日、2026年2月2日喺觀塘舉辦派飯關懷長者活動😊。四次活動合共派出450個愛心飯盒，將社區嘅溫暖親手送到長者手中。❤️

「Chill Sweet 俏甜」團隊長期自發派飯關顧長者，同「和富鄰里芯」服務社區嘅理念不謀而合。我哋好高興能夠支持呢項善舉🫶，並透過資源協作，擴大行動嘅影響力，讓更多長者受惠。

活動入面，義工們唔單止協助派發飯盒，更同長者親切交流、送上誠摯祝福，希望讓每位長者感受到被記得、被陪伴嘅溫暖同埋嚟自社區嘅真摯關懷。🥰

未來，「和富鄰里芯」與「Chill Sweet 俏甜」將會持續合作🤝，定期每月初一喺青衣、每月十五喺觀塘舉辦派飯活動。我哋亦期待逐步增加更多派飯點，將呢份溫暖延伸至其他社區，讓更多長者感受到鄰里之間嘅陪伴與暖意。💪

#和富鄰里芯 #社區 #關心社區 #長者探訪 #義工活動 #關愛 #青衣 #觀塘

【和富鄰里芯 - 牙科保健教學探訪活動回顧】

#和富鄰里芯 聯同合作伙伴 #香港諾保科，於12月17日喺「香港互勵會曹舒菊英老人中心」舉辦咗「牙科保健教學探訪活動」😊。今次活動由「香港諾保科」派出專業牙科團隊擔任義工🦷，透過輕鬆有趣嘅講座同互動遊戲，向長者生動講解正確刷牙方法、日常口腔清潔要點，以及定期檢查嘅重要性，同時送上真摯嘅問候同祝福。❤️

活動當日，牙科團隊用佢哋專業知識，幫助長者掌握實用護齒技巧，鼓勵佢哋將口腔清潔融入日常生活，持續保持牙齒健康。😁

「和富鄰里芯」期望以此為起點，牽動社會各界齊心同行💪，將健康同溫暖傳遞俾每位有需要嘅長者。🥰

這個聖誕，大埔火災的餘煙雖散，心中的傷痛卻仍隱隱作痛。許多家庭正努力學習在缺失中，找尋繼續前行的步履。願我們能以一份「和而富足」的溫柔彼此支持：在家庭中多一點體諒，在社區間多一份關懷。讓這份純粹的關愛，成為香港癒合的微光。

願我們秉承「獅子山精神」，彼此關懷，活出不熄的希望。祝你與所愛的人平安，滿載恩典與盼望。

#和富鄰里芯 #社區 #關心社區 #長者探訪 #義工活動 #關愛 #黃大仙

【和富鄰里芯 - 義工運動教學探訪活動回顧】

#和富鄰里芯 聯同合作伙伴 #香港互勵會曹舒菊英老人中心，於10月22日首次為長者舉辦咗「義工運動教學探訪活動」😁。今次活動由和富社企男子足球隊派出教練同球員擔任義工⚽️，親身指導長者進行簡單嘅手腳協調及伸展運動，同時送上真摯嘅關懷及祝福。❤️

活動當日，教練同球員用佢哋專業嘅運動經驗，😎設計咗一套適合長者嘅輕量帶氧運動，希望提升長者嘅心肺功能及身體活力，同時鼓勵佢哋將簡易鍛鍊融入日常生活，😊持續保持身心健康。

教練同球員都表示，今次活動意義深遠，長者嘅積極投入同充沛活力，反過嚟為佢哋注滿正能量🔥。即使嚟自外地嘅球員唔識講廣東話，仍透過身體語言同長者互動無阻，🤝展現咗跨越言語嘅溫暖連結。活動唔單只令教練同球員感受到付出嘅滿足，仲深化咗對社區共融嘅體會。🫶

「和富鄰里芯」期望以此為起點，牽動社會各界齊心同行💪，將愛同關懷傳遞俾每位有需要嘅人。🥰

#和富鄰里芯 #和富社企足球隊 #社區 #關心社區 #長者探訪 #義工活動 #關愛 #黃大仙

【和富鄰里芯 - 義工探訪院舍服務 & 和諧粉彩畫活動回顧】

我哋嘅義工團隊早前首次嘗試帶住 #紫雲間雋逸護養院暨長者日間護理單位 嘅老友記，😁一齊創作和諧粉彩畫。和諧粉彩主要以手指作畫，方法簡單易學，能夠讓人心境平靜，療癒心靈。 🥰

🙏衷心多謝「和富鄰里芯 - 樂耕園」嘅義工當日耐心講解，一步步教老友記做手指練習同完成粉彩畫😚，雖然好多老友記都係第一次嘗試，但個個都好投入、好享受過程！❤️

唔單止老友記玩得開心，我哋嘅義工見到大家咁積極同最後完成嘅作品，都覺得非常滿足。🤩每一幅畫都獨一無二，色彩柔和，睇落舒服又溫暖。🫶

#和富鄰里芯 #樂耕園 #社區 #關心社區 #長者探訪 #義工活動 #關愛 #荃灣

【和富鄰里芯 - 義工探訪長者服務活動回顧】

好開心「和富香港十優公民大使」喺8月參與咗我哋「和富鄰里芯-樂耕園」嘅探訪長者義工活動🥰！各位大使真係又熱情又投入，仲好幫得手👍，連老友記都大讚佢哋😆！

另外，真係要多謝「和富鄰里芯-樂耕園」嘅義工團隊，用心教導班十優公民大使，等成個探訪過程更加順利同溫暖☺️。

希望將來有更多十優公民大使一齊嚟參與服務，同老友記多啲互動交流，將更多快樂帶俾佢哋！❤️

#和富鄰里芯 #樂耕園 #和富香港十優公民大使 #社區 #義工培訓 #關心社區 #長者探訪 #義工活動 #關愛 #深水埗 #黃大仙

【「誌慶樂群社會服務處 25 周年活動 區瑞強那天再重聚音樂會」活動回顧】

☺️和富有幸參與樂群社會服務處主辦嘅「誌慶樂群社會服務處 25 周年活動 區瑞強那天再重聚音樂會」，✨作為樂群社會服務處25周年嘅重頭戲，今次真係好開心可以同咁多位樂群之友、共創明Teen計劃第三期嘅學員、友師同家長一齊分享呢個咁有意義嘅時刻！🫶

音樂會當晚，Albert Au 用佢把溫暖又治癒嘅靚聲，唱咗好多經典金曲，全場氣氛好正！🤩

今次活動唔單止係慶祝樂群社會服務處成立25周年，更加係一個讓社區朋友聚埋一齊嘅好機會。🥰見到大家咁投入，真係覺得樂群社會服務處多年來嘅努力同付出好值得。❤️

😍期待未來繼續同樂群社會服務處合作，一齊為社區帶來更多溫暖同歡樂！

#和富社會企業 #和富鄰里芯 #樂群社會服務處 #區瑞強 #音樂會 #社區共融

【和富鄰里芯 - 義工探訪長者服務活動回顧】

好開心 #和富鄰里芯 同 #耆康會荃灣長者地區中心 😊於7月初合辦嘅荃灣區義工探訪長者服務，有 #和富社企足球隊 ⚽️包括男子隊、女子隊及教練，聯同 #和富鄰里芯 嘅義工一齊參與🤩

🙏感謝我哋嘅義工們喺當日炎熱嘅天氣底下，為長者送上關懷及小心意🫶我哋亦好高興聽到義工們分享探訪後嘅個人感受🥰。我哋除咗希望可以幫到長者同有需要嘅人，同時亦好重視義工嘅感受同得著。❤️

和富鄰里芯期望未來舉辦更多有意義嘅活動，為社區服務，鼓勵更多有心人加入我哋嘅義工隊🤝

如果你都希望成為我哋 #和富鄰里芯 嘅一份子，歡迎填寫以下嘅表格💨⭐
✍🏻立即報名：https://forms.gle/yZoSp4spa42Ri2NQ7

▸IG@ wofooneighbourhub
▸FB@ 和富鄰里芯
#義工招募 #和富鄰里芯
#社區 #義工培訓 #關心社區
#長者 #長者戶 #老人家
#探訪 #長者探訪 #上門探訪
#義工活動 #關懷 #關愛 #荃灣