數碼無障礙運動

【「數碼無障礙嘉許計劃」接受報名喇！！！】

新一屆「數碼無障礙嘉許計劃」已經開始接受報名喇🙂！除咗網頁之外，計劃亦包括流動應用程式，名稱亦由「無障礙網頁嘉許計劃」改做更貼切嘅「數碼無障礙嘉許計劃」。今次仲特別增設「長者友善奬」👨🏻👵🏻，鼓勵機構多啲照顧老友記嘅需要，加入簡化版面、用唔同顔色區分唔同嘅内容、放大字體同點擊範圍等設計元素。

「數碼無障礙嘉許計劃」繼續由香港互聯網註冊管理有限公司主辦，並由資科辦擔任協辦機構及平等機會委員會擔任獨立顧問。參加計劃嘅機構可以獲得免費無障礙網頁評估、培訓同諮詢服務。想知道多啲？快啲去睇下👀啦！
👉🏻 https://www.digital-accessibility.hk

#數碼無障礙嘉許計劃 #無障礙設計 #無障礙網頁運動 #香港互聯網註冊管理有限公司 #政府資訊科技總監辦公室 #資科辦 #平等機會委員會

【2022-23年度無障礙網頁嘉許計劃頒獎禮】

由香港互聯網註冊管理有限公司 (HKIRC) 主辦、政府資訊科技總監辦公室擔任協辦機構，及平等機會委員會擔任獨立顧問嘅「無障礙網頁嘉許計劃」已於4月24日喺香港會議展覽中心舉行頒獎禮喇！

我地一齊睇吓頒獎禮嘅照片同獲獎人士名單啦！😄

#無障礙網頁 #無障礙流動應用程式 #無障礙網頁嘉許計劃 #政府資訊科技總辦公室 #香港互聯網註冊管理有限公司

【快啲報名參加「無障礙網頁技術支援工作坊」啦📣】
香港互聯網註冊管理有限公司(HKIRC)將會喺6月20日下午3:00至5:00以Zoom形式舉辦行「無障礙網頁技術支援工作坊」。屆時平等機會委員會代表會同我哋分享無障礙網頁嘅重要性，仲有香港失明人協進會嘅講者示範視障朋友喺日常生活中點樣使用互聯網。另外，HKIRC亦會同大家講解「無障礙網頁嘉許計劃」唔同獎項嘅評審準則。大家快啲㩒入去報名參加工作坊啦！

#無障礙設計 #無障礙網頁嘉許計劃 #無障礙網頁運動 #香港互聯網註冊管理有限公司 #平等機會委員會 #政府資訊科技總監辦公室 #資科辦

無障礙網頁技術支援工作坊 為了更廣泛地介紹無障礙網頁，特別是無障礙網頁指南、代碼掃描工具和相關應用程序，HKIRC 將舉辦技術支援工作坊。將邀請平等機會委員會和香港失明人協進會的講者分享無障礙網頁的重要性以及在殘疾人日常生活中如何使用互聯網。完成工作坊將加強參與者對推廣無障礙網頁的認識，並提高他們設計和應用適當技術來開發網頁內容的能力。此外，參加者亦可了解 2022-2023 年無障礙網頁嘉許計劃的獎勵準則。
無障礙網頁技術支援工作坊
日期: 2022年6月20日
時間: 下午3點至5點
形式: Zoom
講者:
• 香港互聯網註冊管理有限公司
• 平等機會委員會
• 香港失明人協進會

【無障礙網頁。常見陷阱】（二）
為咗防止惡意程式嘗試入侵有密碼保護嘅網上戶口，一般網上服務都會加入驗證碼(CAPTCHA)功能，去分辨使用者係真人定係電腦程式。一般系統會要求使用者輸入CAPTCHA，例如扭曲變形的圖片上所顯示的英文字母同數字，再由系統分辨使用者係咪真人。

不過，如果冇提供替代方案令有唔同需要嘅人士都可以知道CAPTCHA嘅內容，又或者遇到唔能夠使用純鍵盤操作系統嘅使用者，視障朋友同肢障朋友，佢地就可能無辦法通過CAPTCHA測試喇！

製作無障礙CAPCHA嘅要求：
1. 可以以純鍵盤操作；及
2. 提供多於一個CAPTCHA方式俾有唔同需要嘅使用者，例如除咗圖像驗證碼外，亦設有聲軌讀出圖像驗證碼內容，令視障朋友都可以順利通過測試，又或者可提供客戶熱線取代CAPTCHA功能，方便有需要人士

大家設計無障礙網站時，記得要考慮以上無障礙要素呀！

參考資料-
1.1.1 － 非文字內容 (CAPTCHA的建議)
https://www.w3.org/WAI/WCAG21/Understanding/non-text-content.html

#驗證碼 #自動機械人檢測 #非文字內容 #無障礙網頁常見陷阱 #無障礙網頁 #政府資訊科技總監辦公室 #資科辦